Kim Kardashian dhe Lewis Hamilton po përfliten për një romancë në fazat e para, pas disa daljeve të përbashkëta në Britaninë e Madhe dhe Francë. Burime pranë dyshes raportojnë se ata kanë kaluar një fundjavë private në rezidencën luksoze “Estelle Manor” në Cotswolds, ku Kardashian udhëtoi me avionin e saj privat posaçërisht për t’u takuar me kampionin e Formula 1
Gjatë kësaj jave, të dy janë parë në Paris, ku Kardashian ndodhet për angazhime profesionale dhe janë akomoduar në të njëjtin hotel, duke shmangur vëmendjen e tepërt mediatike
Kjo është lidhja e parë e përfolur për Kardashian pas ndarjes nga ylli i futbollit amerikan, Odell Beckham Jr., në vitin 2024. Që nga divorci i saj i bujshëm me reperin Kanye West në vitin 2021, Kim ka pasur romanca që kanë marrë vëmendje të madhe, duke përfshirë lidhjen 9-mujore me komedianin Pete Davidson
Së fundmi, raportohet se Kanye West ka vendosur një “rregull” për ish-bashkëshorten e tij, me të cilën ka katër fëmijë. Ai i ka kërkuar asaj të mos shoqërohet me reperë të tjerë, për të shmangur tensionet publike.
Leave a Reply