Prokuroria Themelore në Prizren, përkatësisht kryeprokurori Petrit Kryeziu, në bashkëpunim me Policinë e Kosovës, do të mbajë sot, më 23 janar 2026, një konferencë për media lidhur me një aksion të zhvilluar nga kjo prokurori.
“Ju njoftojmë se Prokuroria Themelore në Prizren, përkatësisht kryeprokurori z. Petrit Kryeziu së bashku me Policinë e Kosovës, do të mbajë sot (23 janar 2026) konferencë për media lidhur me aksionin e Prokurorisë Themelore në Prizren, mbi falsifikimin e rezultateve zgjedhore, gjatë numërimit brenda subjekteve politike për deputetë të Kuvendit të Republikës së Kosovës, në rajonin e Komunës së Prizrenit.
Konferenca do të mbahet në orën 15:00, në objektin e Prokurorisë Themelore në Prizren, kati tretë, salla e takimeve, thuhet në njoftimin e prokurorisë.
Leave a Reply