Pas tre sezoneve në radhët e Interit, aventura e mesfushorit shqiptar Kristjan Asllani pritet të përfundojë. Klubi zikaltër i ka bërë të ditur lojtarit se nuk bën më pjesë në planet e skuadrës për sezonin e ri.
Asllani është i vendosur të qëndrojë në Serie A, dhe në këtë drejtim, Bologna është ekipi që po tregon interes konkret për shërbimet e tij. Interi synon ta shesë për një shumë rreth 16 milionë euro dhe të ruajë një përqindje nga fitimi i mundshëm në një shitje të ardhshme.
Java në vijim pritet të jetë vendimtare për të ardhmen e 22-vjeçarit, ndërsa Bologna po përpiqet ta mbyllë sa më parë marrëveshjen, përpara startit të kampionatit.
Leave a Reply