ATV

Tag: Vjosa Osmani

  • Nis takimi inaugurues i Bordit të Paqes, të pranishëm Osmani dhe Rama

    Nis takimi inaugurues i Bordit të Paqes, të pranishëm Osmani dhe Rama

    Sapo ka nisur takimi inaugurues i Bordit të Paqes në Uashington.

    Ngjarja filloi me një foto familjare, ku të pranishëm ishin presidentja e Kosovës, Vjosa Osmani, dhe kryeministri i Shqipërisë, Edi Rama.

    Osmani e vlerësoi përfshirjen e Kosovës në Bordin e Paqes, si vend anëtar dhe bashkëthemelues, si një nga zhvillimet më të rëndësishme të politikës së jashtme të vendit në vitet e fundit, duke theksuar se ky hap fuqizon drejtpërdrejt subjektivitetin ndërkombëtar të Kosovës.

    “Republika e Kosovës mbetet e përkushtuar të punojë ngushtë me aleatin tonë kryesor, SHBA-të, dhe me Bordin e Paqes për të sjellë rezultate konkrete, për të mbështetur paqen dhe stabilitetin në rajonet e prekura nga konfliktet dhe për të promovuar një të ardhme të bazuar në bashkëpunim, siguri dhe prosperitet të përbashkët”, ka theksuar ajo.

  • Presidentja Osmani: Lufta e UÇK-së ishte e drejtë dhe nuk mund të njolloset

    Presidentja Osmani: Lufta e UÇK-së ishte e drejtë dhe nuk mund të njolloset

    Presidentja e Kosovës, Vjosa Osmani, ka reaguar ashpër ndaj kërkesës së Prokurorisë Speciale për dënime maksimale ndaj ish-krerëve të Ushtrisë Çlirimtare të Kosovës, duke e cilësuar këtë qasje si të padrejtë dhe të dëmshme për paqen dhe drejtësinë afatgjatë.

    Osmani ka theksuar se pavarësia e Kosovës është rezultat i drejtpërdrejtë i vullnetit të popullit të saj dhe i një sakrifice shekullore, për të cilën mijëra dëshmorë dhe civilë të pafajshëm dhanë jetën. Sipas saj, UÇK-ja zhvilloi një luftë çlirimtare të drejtë dhe të pastër, në mbrojtje të popullit të Kosovës nga një regjim që kishte për qëllim shfarosjen e shqiptarëve.

    Presidentja rikujtoi se Serbia ka kryer gjenocid, krime kundër njerëzimit dhe krime lufte ndaj popullit të Kosovës ndër shekuj, e veçanërisht gjatë luftës së fundit, kur u vranë dhe u masakruan mijëra fëmijë, gra e të moshuar, u dhunuan mijëra civilë, u shkatërruan qindra mijëra shtëpi dhe mbi 80 për qind e qytetarëve u dëbuan nga shtëpitë e tyre.

    “Çdo përpjekje për të barazuar luftën çlirimtare të UÇK-së me krimet e agresorit gjenocidal serb minon besimin në drejtësi dhe dëmton rëndë paqen afatgjatë,” ka theksuar Osmani, duke shtuar se qytetarët e Kosovës kërkojnë drejtësi, jo rishkrim të historisë.

    Ajo nënvizoi se e vërteta për luftën e UÇK-së nuk mund të ndryshohet nga tentimet për ta njollosur dhe zhvleftësuar betejën e popullit të Kosovës për liri dhe pavarësi.

  • Presidentja Osmani vazhdon vizitën në Emirate: Partneriteti Kosovë–EBA po thellohet

    Presidentja Osmani vazhdon vizitën në Emirate: Partneriteti Kosovë–EBA po thellohet

    Presidentja e Republikës së Kosovës, Vjosa Osmani, ka vlerësuar lart marrëdhëniet ndërmjet Kosovës dhe Emirateve të Bashkuara Arabe, duke theksuar se partneriteti mes dy vendeve po thellohet dhe po shndërrohet në një aleancë vizioni.

    Gjatë vizitës së saj zyrtare në Emiratet e Bashkuara Arabe, Osmani u shpreh se ky partneritet ka lindur në kohë sfidash dhe është ndërtuar mbi besim të qëndrueshëm dhe angazhim të ndërsjellë.

    “Një partneritet që lindi në kohë sfidash dhe sot po thellohet si aleancë vizioni, duke dëshmuar se miqësia e vërtetë ndërtohet me besim të qëndrueshëm dhe angazhim të ndërsjellë”, ka deklaruar Osmani në një video që ka shpërndarë nga kjo vizitë.

    Presidentja Osmani ka theksuar se Emiratet e Bashkuara Arabe mbeten një partner i rëndësishëm strategjik për Kosovën, ndërsa vizita e saj synon forcimin e bashkëpunimit bilateral në fusha me interes të përbashkët.

  • Osmani në Budapest: Mbështetja ndaj Kosovës do të vazhdojë edhe me administratën Trump

    Osmani në Budapest: Mbështetja ndaj Kosovës do të vazhdojë edhe me administratën Trump

    “Nuk ka arsye që Kosova të mos e ketë mbështetjen e administratës së re të presidentit Donald Trump”. Kështu ka thënë presidentja, Vjosa Osmani, para mediave derisa është duke marrë pjesë në takimin e Komunitetit Politik Evropian në Budapest.

    Osmani ka thënë se Kosova ka pasur përkrahjen të secilës administratë amerikane.

    “Zgjedhja e presidentit Trump do të vazhdojë të forcojë këtë raport transatlantik dhe të gjithë duhet të japim kontributin tonë për këtë çështje. Kosova ka pasur përkrahjen bipartisane të secilës administratë amerikane. Që nga vitet e 90-ta kemi qenë të bekuar me një përkrahje të tillë dhe për këtë arsye kemi çdo arsye për të besuar që kjo përkrahje do të vazhdojë, gjithashtu me administratën e presidentit Trump”, ka thënë presidentja Vjosa Osmani në Budapest.

    Tutje, Osmani ka thënë se nuk e sheh zgjedhjen e Trump president si kërcënim derisa ka shtuar se Kosova kishte fituar pavarësinë kur republikanët kishin qenë në pushtet.

    “Nuk e shoh si kërcenim. Kosova ka përfituar për dekada nga një përkrahje dypalëshe nga SHBA. U bëmë të pavarur kur republikanët ishin në pushtet, u çliruam kur demokratët ishin në pushtet. Kemi punuar ngushtë më secilën administratë, dhe fuqishëm besoj që do të vazhdojë kështu”.

  • Bebe Rexha e lumtur në Prishtinë, takohet me Presidenten

    Bebe Rexha e lumtur në Prishtinë, takohet me Presidenten

    Bebe Rexha duket se po e shijon qëndrimin e saj në Kosovë, konkretisht në Prishtinë.

    Këngëtarja ka ndarë foto të varëseve që përshkruajnë historinë e të mbijetuarve të dhunës seksuale nga forcat serbe gjatë luftës në Kosovë. Pas kësaj, Presidentja Vjosa Osmani ka publikuar një foto me këngëtaren, me mbishkrimin: “Mirë se vjen në Kosovë, Bebe Rexha!”

    ”Kosova është gjithmonë krenare për sukseset e çdo shqiptari, kudo në botë, të cilët shërbejnë si frymëzim për gjeneratat e reja. Suksesi i Bebe Rexhës është një shembull i shkëlqyer i asaj që mund të arrihet me punë dhe përkushtim.

    Nga data 25 deri më 28 korrik, Prishtina do të presë yjet më të suksesshëm botërorë në Sunny Hill Festival, përfshirë edhe @beberexha, e cila po vjen për herë të parë në Kosovë”.

    Bebe Rexha ndau edhe foto me stilistin Valdrin Sahiti gjatë ditës së djeshme.

  • Këto janë mëditjet e krerëve dhe ministrave, në udhëtimet jashtë vendit

    Këto janë mëditjet e krerëve dhe ministrave, në udhëtimet jashtë vendit

    PËRGATITI: KRENARE MULLIQI   

    Përveç pagesave për udhëtime zyrtare që krerët e institucioneve i bëjnë e që buxhetit të shtetit I kushtojnë mijëra euro, shuma të vogla nuk janë as mëditjet që ata i marrin.

    Mbi 8 mijë euro është shuma që Presidentja Vjosa Osmani mori para të gatshme si mëditje për udhëtimezyrtare jashtë vendit për vitin 2023.

    Në deklarimin e saj vjetor në Agjencinë për Parandalimin e Korrupsionit, kjo shumë është me e madhe se e një viti paraprak, kur e para e shtetit mori mbi 7 mijë e 600 euro.

    Më shumë shpenzime gjatë viti 2023 kishte edhe kryetari i Kuvendit Glauk Konjufca i cili si mëditje mori afro 3 mijë e 600 apo gjashtëfishin e shumës tënjë viti më parë.

    Ndërkaq, për kryeministrin Albin Kurti nuk ka asnjë tëdhënë sa i përket mëditjeve. Nga APK, thonë se mungesa e informacionit të Kurtit për mëditje ndodh nëdy raste, kur ai nuk ka pranuar të marr mëditje për udhëtime jashtë vendit, ose i njëjti ka shpenzuar nën 3 mijë euro gjë e cila nuk e penalizon atë, edhe nëse nuk e deklaron.

    Në anën tjetër, Ministri i Infrastrukturës Liburn Aliu, mëditje për udhëtime jashtë vendi mori afro 5 mijëeuro shumë kjo pothuajse e njëjtë më një vit paraprak.

    Buxhetit të shtetit mëditjet e Ministrit të Mbrojtjes Ejup Maqedonci i kushtuan mbi 3 mijë euro.

    Shumë gati të njëjtë mori edhe Ministri i BujqësisëFaton Peci mbi 2 mijë e 500 euro.

    Ndërkaq Ministri i Punëve të Brendshëm Xhelal Sveçla, gjatë viti 2023, shpenzoi mbi 2 mijë e 200euro, shumë kjo më e vogël se në vitin 2022 ku i mori afro 3 mijë e 600 euro.

    E shefi i kuletës, Hekuran Murati u tregua mëkursimtar. Ai mori mëditje mbi 1 mijë euro shumë kjo e njëjtë më një vit paraprak.

    Shumë përafërsisht të njëjtë mori edhe Ministrja e Drejtësisë Albulena Haxhiu si dhe Ministrja e Ekonomisë Artane Rizvanolli.

    Për më klikoni në linkun e mëposhtëm:

    https://www.youtube.com/watch?v=b_FI0BXg5_c

     

     

  • Osmani: Rruga e Kosovës drejt institucioneve euroatlantike është e palëkundur

    Osmani: Rruga e Kosovës drejt institucioneve euroatlantike është e palëkundur

    Presidentja e Kosovës, Vjosa Osmani, ka takuar përfaqësues të vendeve partnere pas takimit Këshillit të Sigurimit të Kombeve të Bashkuara për Kosovën.

    Osmani përmes një postimi në X ka thënë se kjo ishte një mundësi e mirë për të diskutuar për rrugën e Kosovës drejt anëtarësimit në institucionet euroatlantike.

    Presidentja ka marrë pjesë të hënën në seancën e Këshillit të Sigurimit të Kombeve të Bashkuara për Kosovën.

    Ajo në përballje me presidentin serb Vuçiq, ka akuzuar Serbinë për provokime me ushtrimet ushtarake të kryera në kufij me Kosovën.

  • Osmani: Urime dhe me fat Fitër Bajramin, lutjet dhe sakrifica juaj përgjatë muajit të Ramazanit u pranofshin

    Osmani: Urime dhe me fat Fitër Bajramin, lutjet dhe sakrifica juaj përgjatë muajit të Ramazanit u pranofshin

    Presidentja e Kosovës, Vjosa Osmani, me rastin e Fitër Bajramit, ka uruar besimtarët që e festojnë këtë ditë.

    Osmani mes tjerash theksoi se festa e Fitër Bajramit është përkushtim ndaj besimit, sakrificës dhe vetëmohimit.

    “Solidariteti ndërnjerëzor, i cili e shoqëron muajin e bekuar të Ramazanit është trashëgimi e jona e çmuar”, ka thënë Osmani.

    “Lutjet dhe sakrifica juaj përgjatë muajit të Ramazanit u pranofshin. Ju përcjelltë shëndeti, mbarësia dhe begatia në familjet tuaja!”.

    “Në këtë ditë feste, të gjithë duhet ta hapin zemrën, ta shtrijnë dorën e mirësisë dhe bujarisë për ata që kanë nevojë. Qoftë kjo ditë e mbushur me gëzim të pakufishëm, paqe, tolerancë dhe respekt të ndërsjellë! Urime dhe me fat Fitër Bajramin!”.

  • Osmani: Asociacioni për anëtarësim në KiE nuk është kusht në këtë fazë

    Osmani: Asociacioni për anëtarësim në KiE nuk është kusht në këtë fazë

    Presidentja Vjosa Osmani në një prononcim për media ka thënë se raporti i Dora Bakojanis, raportuese për Kosovën në Këshill të Evropës, është pozitiv dhe se përmbajtja e raportit rekomandon që Kosova të bëhet anëtare e plotë e KiE, raporton Ekonomia Online.

    Sot do të mblidhet Komiteti për Politikë dhe Demokraci të Këshillit të Evropës, ku pritet të votohet raporti i Dora Bakojanis.

    Osmani ka thënë se ajo që pritet që të ndodh sot është procedurë dhe se nuk mund të paragjykojnë rezultatin.

    Ajo ka theksuar se vendi ka ndërmarr të gjitha hapat e nevojshëm në mënyrë që shtetet ta përkrahin këtë anëtarësim.

    “Raporti tashmë është pozitiv, përmbajtja e raportit rekomandon që Kosova të bëhet anëtare e plotë e Këshillit të Evropës me të drejta të barabarta sikurse të gjithë anëtaret tjerë të KiE. Ajo çfarë do të ndodh sot është procedurë, kjo është një mbledhje e jashtëzakonshme e Komitetit e cila është ftuar në mënyrë që ky raport të miratohet dhe pastaj të procedohet për Asamblenë Parlamentare të KiE. Ne nuk mundemi të paragjykojmë rezultatin, kjo është në vullnetin e deputetëve individualë të shteteve që marrin pjesë sot në Komitet. Mirëpo çfarë mund të them është se Kosova ka bërë çfarë do që është pritur nga ajo dhe ka ndërmarrë të gjitha hapat e nevojshme në mënyrë që shtetet ta përkrahin këtë anëtarësim dhe deputetët e këtyre shteteve ta përkrahin këtë anëtarësim. Në qoftë se sot gjithçka kalon me sukses atëherë në mes të prillit do të jetë mbledhja e gjithë Asamblesë Parlamentare të KiE ku edhe në qoftë se i marrim votat e nevojshme aty rekomandohet anëtarwsimi dhe ky rekomandim kalon prapë në Komitetin e Ministrave për muajin maj të këtij viti dhe aty vendoset për anëtarësimin përfundimtar. Janë disa hapa që kanë mbetur por ajo që mund të them është se të gjitha nivelet e institucioneve janë angazhuar me deputetët e Asamblesë Parlamentare por edhe jemi duke biseduar me shtet veq e veq si presidente në veçanti jam e angazhuar me liderët e shteteve. Presim sot rezultatin shpresë që do të mbështetë kjo kauzë e qytetarëve të Kosovës, të cilët mbesin të vetmit evropianë pa çasje në Gjykatën Evropiane për të Drejtat e Njeriut. Kushdo që është pro të drejtave të njeriut, pro sundimit të ligjit dhe pro demokracisë si tri shtylla kryesore të Evropës i thotë po anëtarësimit të Kosovës në këtë organizatë”, ka thënë ajo.

    Osmani ka thënë se Asociacioni i Komunave me shumicë Serbe është kusht për anëtarwsim por jo në këtë fazë në KiE dhe se në raportin e Bakojanis, sipas Osmanit, për asociacionin  flitet si një prej detyrimeve pos anëtarësimit.

    “Interpretimet që i jep zonja Bakojanis apo interpretimet që i japin deputetë individualë janë interpretimet e tyre. Mirëpo në qoftë se lexoni letrën e saj në veçanti paragrafi 11-të i raportit e qartëson që kur flitet për asociacionin  flitet si një prej detyrimeve pos anëtarësimit, pra nuk flitet për këtë fazë për themelim të Asociacionit. Mos të harrojmë që për themelimin e Asociacionit është dhënë përkushtimi i plotë në vitin 2013 nëpërmjet ratifikimit por ky është përsëritur në marrëveshjen e fundit, marrëveshjen bazike të 27 shkurtit 2023. Pra ky nuk është përkushtim i marsit 2024, është përkushtim i marrëveshjes bazike të viti 2023. Ajo çka është më rëndësi që ka qenë edhe kërkesë e imja në letrën që e kemi dërguar e ka përfshirë një pjesë ku kërkohet që çdo detyrim i Kosovës të zbatohet në përputhje me të drejtën Kushtetuese, ligjet e Kosovës me Kushtetutën e Kosovës dhe aktgjykimet e Gjykatës Kushtetuese kjo është korniza jonë dhe nuk dalim kurrsesi jashtë saj”, ka thënë ajo.

  • Presidentja Osmani takohet sot me zyrtarin e lartë amerikan Todd Robinson

    Presidentja Osmani takohet sot me zyrtarin e lartë amerikan Todd Robinson

    Presidentja e Republikës së Kosovës, Vjosa Osmani sot pret në takim Ndihmës Sekretarin për Byronë Ndërkombëtare për Narkotikë dhe Sundim të Ligjit të SHBA-ve, Todd D. Robinson.

    Ndryshe siç njofton Departamenti Amerikan i Shtetit, Robinson do të takohet me presidenten si dhe partnerët e INL-së në sektorin e zbatimit të ligjit dhe drejtësisë.

    Robinson, dje ka arritur për një vizitë në Kosovë. Sipas njoftimit të Ambasadës amerikane, Robinson me të arritur është ndalur në pikën kufitare të Vërmicës për të diskutuar rolin e bashkëpunimit kufitar në luftimin e krimit të organizuar dhe trafikimit ndërkombëtar.

    “Mirë se erdhe në Kosovë Ndihmës Sekretar Robinson!. Rrugës për në Kosovë, Ndihmës Sekretari i Byrosë Ndërkombëtare të Narkotikëve dhe Zbatimit të Ligjit (INL) i Departamentit amerikan të Shtetit, Todd Robinson, u ndal në pikën kufitare të Vërmicës për të diskutuar rolin jetik të bashkëpunimit kufitar në luftimin e krimit të organizuar dhe trafikimit transnacional”, thuhet në njoftimin e Ambasadës së ShBA-së.