ATV

Tag: Ukraina

  • Ukraina nis eksportin e armëve, Zelensky: Të testuara në luftë dhe të sigurta

    Ukraina nis eksportin e armëve, Zelensky: Të testuara në luftë dhe të sigurta

    Presidenti Volodymyr Zelensky njoftoi nga Asambleja e Përgjithshme e OKB-së në Nju Jork, se vendi i tij do të fillojë eksportimin e armëve të prodhuara në Ukrainë.

    Ky vendimi do të transformojë industrinë mbrojtëse të Ukrainës dhe do t’u lejojë partnerëve të Kievit të kenë qasje në llojin më të rrallë të armëve.

    “Ne vendosëm të hapim eksportet tona të armëve. Këto janë sisteme të fuqishme, të testuara në luftë të vërtetë,” tha Zelensky.

    Udhëheqësi ukrainas shtoi se vendi i tij dëshiron t’u tregojë partnerëve globalë se armët janë “të besueshme dhe moderne.”

    “Nuk keni pse të filloni nga e para, ne jemi gati të ndajmë atë që tashmë është provuar efektive në mbrojtjen në botën reale,” theksoi ai.

    Eksporti i armëve nga Ukraina ka qenë shumë i kufizuar që nga fillimi i pushtimit rus, si rezultat i shpalljes së ligjit ushtarak në vitin 2022, me gjithçka që dilte nga linjat e prodhimit të orientuar drejt përpjekjeve të luftës.

    Prodhuesit e armëve i kanë kërkuar Zelensky-t prej muajsh që të heqë kufizimet për shitjen e pajisjeve ushtarake të prodhuara në vend, veçanërisht të dronëve, si një mënyrë për të gjeneruar më shumë të ardhura.

  • Rusia nis valën më të madhe të sulmeve ndaj Ukrainës prej javësh

    Rusia nis valën më të madhe të sulmeve ndaj Ukrainës prej javësh

    Rusia ka lëshuar 574 dronë dhe 40 raketa në Ukrainë në një nga bombardimet më të rënda në javë, thonë zyrtarët ukrainas.

    Një person u vra në një sulm me dron dhe raketa në qytetin perëndimor të Lvivit, dhe 15 persona u raportuan të plagosur në një sulm në rajonin jugperëndimor të Transkarpatisë, raporton BBC, transmeton KosovaPress.

    Sulmet erdhën ndërsa Presidenti i SHBA-së Donald Trump udhëhoqi lëvizjet diplomatike për të ndaluar luftën, dhe Ministri i Jashtëm ukrainas Andrii Sybiha tha se sulmet nxorën në pah pse përpjekjet për ta përfunduar atë ishin “kaq kritike”.

    Presidenti ukrainas, Volodymyr Zelensky ka thënë se Ukraina është gati të takohet me Vladimir Putinin e Rusisë “në Evropën neutrale” – në Zvicër ose Austri – dhe ai nuk është as kundër Stambollit.

     

  • Osmani: Kosova qëndron krah Ukrainës, sepse e di sa i lartë është çmimi për lirinë

    Osmani: Kosova qëndron krah Ukrainës, sepse e di sa i lartë është çmimi për lirinë

    Presidentja e Kosovës, Vjosa Osmani në dyvjetorin e pushtimit të Ukrainës nga Rusia ka thënë se Kosova qëndron krah Ukrainës kundër agresionit rus sepse e di se sa i lartë është çmimi për lirinë, duke e përmendur luftën e fundit në Kosovë.

    Në rrjetin social “X” e para e vendit, Osmani ka thënë se liria fitoi dhe do të mbizotërojë përsëri.

    “Ne qëndrojmë me Ukrainën sepse e dimë se si është të paguash çmimin më të lartë për lirinë. Ne e dimë dhimbjen e humbjes së fëmijëve të pafajshëm; të dhunës seksuale gjatë luftës; e varreve masive me eshtrat e njerëzve tanë të dashur. Por liria fitoi dhe do të mbizotërojë përsëri! Slava Ukraina!”, ka shkruar Osmani.

  • Dy vjet nga pushtimi rus i Ukrainës, katër liderë perëndimorë bëhen bashkë në Kiev

    Dy vjet nga pushtimi rus i Ukrainës, katër liderë perëndimorë bëhen bashkë në Kiev

    Lufta në Ukrainë prej dy vitesh ende nuk është ndaluar duke sjellë një numër të lartë viktima dhe shkatërrime të mëdha për vendin.

    Numrat zyrtar i civilëve të vrarë që nga fillimi i pushtimit rus në shkurt 2022 janë shumë larg së vërtetës, sepse deri tani nuk është publikuar asnjë një raport me të dhëna të sakta.

    Gjatë pushtimit rus të Ukrainës, autoritetet thonë së që nga qershori 2023, kanë qenë në gjendje të numërojnë 10,368 civilë, trupat e të cilëve janë gjetur.

    “Ne vlerësojmë se numri ka të ngjarë të jetë pesë herë më i lartë. Prandaj dyshojmë se mund të kemi rreth 50,000” viktima, deklaronte në atë kohë Oleg Gavris, këshilltari kryesor i shefit të kabinetit të presidentit Volodymyr Zelensky.

    Edhe OKB gjithashtu se numri i viktimave të jetë më i lartë se shifrat zyrtare të publikuara.

    Autoritetet ukrainase vlerësojnë se vetëm rrethimi i Mariupolit (nga shkurti deri në maj 2022), një qytet port i madh në Ukrainën jugore aktualisht nën kontrollin rus, kushtoi jetën e të paktën 25,000 njerëzve, të cilët u varrosën në varre masive.

    Ndërkohë sot në Kiev pritet të mbërrijnë katër liderë perëndimore, përfshirë Presidenten e Komisionit Europian.

    Presidentja e Komisionit Ursula von der Leyen, kryeministrja italiane Giorgia Meloni, kryeministri kanadez Justin Trudeau dhe kryeministri belg Alexandre De Croix udhëtuan së bashku në kryeqytetin ukrainas gjatë natës me tren nga Polonia, thuhet në një deklaratë të qeverisë italiane.

    Meloni pritet të mbajë një konferencë sot nga Kievi me liderët e G7, dhe presidenti ukrainas Volodymyr Zelensky është ftuar gjithashtu të bashkohet me diskutimin.

  • Borrell: BE-ja duhet të bëjë më shumë për të mbështetur Ukrainën

    Borrell: BE-ja duhet të bëjë më shumë për të mbështetur Ukrainën

    Shefi i politikës së jashtme Josep Borrell, tha se ministrat e Jashtëm të Bashkimit Evropian, gjatë takimit në Bruksel më 22 janar, u pajtuan se tani nuk është koha për të reduktuar ndihmën për Ukrainën.

    “Përkundrazi, ne duhet të bëjmë më shumë dhe më shpejt sa i përket burimeve financiare, pajisjeve ushtarake, trajnimeve ushtarake dhe gjithë mbrojtjen që i duhet Ukrainës. Ne do të vazhdojmë të punojmë që të projektojmë këtë ndihmë”, tha Borrell gjatë konferencës për media pas takimit.

    Ai po ashtu njoftoi se planifikon të vizitojë Ukrainën në javën e dytë të shkurtit, por nuk dha një datë specifike për vizitën e tij, apo se me kë planifikon të takohet.

    Në agjendën e takimit të parë të këtij vitit të ministrave të Jashtëm të BE-së u përfshin luftërat në Ukrainë dhe Lindjen e Mesme.

    Mbrojtja e Ukrainës kundër pushtimit të nisur nga Rusia vazhdon të jetë prioritet për BE-në, tha Borrell para takimit në Bruksel, duke shtuar se konfliktet në Lindjen e Mesme nuk do të shpërqendrojnë bllokun.

    Ukraina “është pika e parë në agjendë”, tha Borrell para takimit.

    “Fakti që ne jemi të përfshirë për të kërkuar një zgjidhje për Lindjen e Mesme nuk nënkupton që ne nuk do të vazhdojmë të mbështesim Ukrainën”, tha ai.

    Ndërkaq, ministri i Jashtëm ukrainas, Dmytro Kuleba, tha se shteti i tij po mbështetet në hapa të shpejtë gjatë çerekut të parë të këtij viti sa i përket hapjes së negociatave për anëtarësim në BE. Ai po ashtu i bëri thirrje bllokut që të rrisë furnizimet me armë dhe të miratojë programin për mbështetje afatgjate për Kievin.

  • Scholz u bën thirrje vendeve të BE-së ta rrisin furnizimin me armë për Ukrainën

    Scholz u bën thirrje vendeve të BE-së ta rrisin furnizimin me armë për Ukrainën

    Kancelari i Gjermanisë, Olaf Scholz, u ka bërë thirrje vendeve anëtare të Bashkimit Evropian (BE) t’i japim më shumë mbështetje ushtarake Ukrainës gjatë këtij viti, e cila është duke e luftuar pushtimin rus.

    Scholz i bëri këto thirrje gjatë një konference për shtyp me kryeministrin e Luksemburgut, Luc Friedman, më 8 janar në Berlin.

    “Dërgesat e armëve për Ukrainën, të planifikuara nga shumica e vendeve anëtare të BE-së tani, janë shumë të vogla… unë u bëj thirrje aleatëve tanë në Bashkimin Evropian që gjithashtu t’i rrisin përpjekjet e tyre për Ukrainën”, tha Scholz.

    Gjermania është mbështetësja e dytë më e madh ushtarake e Ukrainës, pas Shteteve të Bashkuara.

    Ukraina ka paralajmëruar që lufta dhe financat e saj publike do të jenë në rrezik të madh, nëse do të ndalen ndihmat prej Perëndimit.

    Ukraina ka regjistruar ndryshim të vogël të linjës së kontrollit, pas nisjes së kundërofensivës pranverore, dhe tani po përballet me një rënie graduale të ndihmave prej aletëve në Uashington dhe Evropë.

    Ndërkohë, Rusia është duke i vazhduar sulmet mbi Ukrainë.

    Më 8 janar, ushtria ruse i sulmoi rajonet e Ukrainës me një breshëri raketash, duke i vrarë së paku katër persona, plagosur mbi 40 të tjerë, si dhe duke shkaktuar dëme në infrastrukturën civile dhe objektet ekonomike, thanë zyrtarët ukrainas.

    Ushtria ukrainase tha se në shumicën e vendit, përfshirë në kryeqytet Kiev, u lëshuan sirena për sulme ajrore më 8 janar./REL/

  • Zelensky thotë se është gati të organizojë zgjedhje, pavarësisht luftës së vazhdueshme

    Zelensky thotë se është gati të organizojë zgjedhje, pavarësisht luftës së vazhdueshme

    Presidenti ukrainas Volodymyr Zelensky tha të premten se Kievi është “gati” të organizojë zgjedhje pavarësisht luftës së vazhdueshme, transmeton atvlive.tv.

    “Jam gati për zgjedhjet. Dua të them, ne jemi gati nëse është e nevojshme,” tha Zelensky, duke shtuar se është në favor të lejimit të vëzhguesve ndërkombëtarë në zgjedhjet e mundshme.

    “Për ne, gjëja kryesore nuk është të mbajmë zgjedhje, por që ato të njihen”, tha Zelensky. /atvlive.tv

  • Hovenier: Solidariteti i Kosovës me Ukrainën ka rëndësi dhe ka pasur ndikim

    Hovenier: Solidariteti i Kosovës me Ukrainën ka rëndësi dhe ka pasur ndikim

    Ambasadori i ShBA-së në Kosovë, Jeffrey Hovenier e ka uruar Ukrainën në Ditën e saj të Pavarësisë.

    Sipas tij, ShBA-ja e përsërit angazhimin e saj për ta mbrojtur pavarësinë, integritetin territorial dhe sovranitetin e Ukrainës.

    “Ndërsa urojmë Ukrainën për këtë ditë historike, ne përsërisim angazhimin tonë të palëkundur për të mbrojtur pavarësinë, integritetin territorial dhe sovranitetin e saj”, shkroi Hovenier në Twitter.

    Ai ka publikuar një fotografi të një banderole të madhe të vendosur në objektin e ambasadës amerikane në Prishtinë me mesashin “Të bashkuar me Ukrainën.

    “Siç tha Presidenti Biden muajin e kaluar, ‘Angazhimi ynë ndaj Ukrainës nuk do të dobësohet. Ne do të qëndrojmë për lirinë dhe lirinë sot, nesër dhe për aq kohë sa të duhet’. E thënë me fjalë të thjeshta: pushtimi brutal dhe në shkallë të plotë i Presidentit Putin në Ukrainë është një veprim që kërcënon paqen dhe sigurinë jo vetëm të një vendi, por të gjithë Europës dhe më gjerë”, thuhet në deklaratën e Hovenier, të cilën e ka shpërndarë në një postim në Twitter.

    Po ashtu, diplomati amerikan theksoi se “solidariteti i Kosovës ka rëndësi dhe ka pasur ndikim”, transmeton Paparaci.

    “Solidariteti i Kosovës ka rëndësi dhe ka pasur ndikim. Siç e kam thënë edhe më parë: ajo që ju, Kosovë, qëndroni dhe me kë qëndroni, ka rëndësi. Populli i Kosovës është pjesë përbërëse e kësaj përpjekjeje globale për ta refuzuar sfidën brutale të Putinit ndaj një kombi të pavarur dhe sovran. Shtetet e Bashkuara, Kosova dhe partnerët tanë do të vazhdojnë të qëndrojnë të bashkuar me Ukrainën sot, ndërsa ne e kremtojmë së bashku ditën kombëtare të Ukrainës dhe çdo ditë në mbështetjen tonë për vlerat demokratike dhe sigurinë evropiane”, thuhet në deklaratën e tij.

  • Zelensky lavdëron ukrainasit për “luftën për liri” në Ditën e Pavarësisë

    Zelensky lavdëron ukrainasit për “luftën për liri” në Ditën e Pavarësisë

    Presidenti i Ukrainës, Volodymyr Zelensky, e lavdëroi popullin ukrainas për luftën për “liri” në një fjalim të mbajtur më 24 gusht për ta shënuar Ditën e Pavarësisë së vendit, që për herë të dytë po festohet përderisa në disa zona të Ukrainës vazhdojnë luftime të ashpra kundër pushtimit rus.

    “Sot ne festojmë 32 vjetorin e pavarësisë sonë – pavarësinë e Ukrainës. Një festë e njerëzve të lirë”, tha Zelensky, në një deklaratë të publikuar në rrjete sociale.

    Liria “është një vlerë për secilin prej nesh dhe ne po luftojmë për të”, tha Zelensky, në një kohë kur lufta në Ukrainë po hyn në muajin e saj të 19-të.

    Shefi i inteligjencës ushtarake të vendit, Kyrylo Budanov, tha në platformën Telegram se lufta për pavarësi “vazhdon edhe sot e kësaj dite – tani me agresorin perandorak”, duke iu referuar Rusisë.

    Shefi i shërbimit të sigurisë së Kievit, Vasyl Maliuk, tha gjithashtu në Telegram se festa ka marrë tani “kuptime të reja” shkaku i luftës me Rusinë.

    “Ajo u bë jo vetëm personifikimi i së drejtës sonë për jetë dhe liri, por edhe një simbol i heroizmit dhe trimërisë”, tha Maliuk.

    Një seri ngjarjesh janë planifikuar në të gjithë Ukrainën për ta shënuar këtë ditë. Në Kosovë, Ministria e Punëve të Jashtme dhe Diasporës organizoi pritje zyrtare për gazetarët ukrainas që janë zhvendosur në Kosovë pas fillimit të luftës në Ukrainës, përmes programit “Journalists in Residence – Kosovo” – të iniciuar nga dy organizata evropiane të gazetarëve dhe të mbështetur financiarisht nga Qeveria e Kosovës.

    Në Bruksel, ndërtesat e qeverisë së BE-së u ndriçuan me ngjyrat e flamurit të Ukrainës gjatë natës dhe flamujt ukrainas u ngritën përkrah atyre të BE-së.

    Shefja e Komisionit të BE-së, Ursula von der Leyen, përgëzoi ukrainasit për “guximin, forcën dhe shpresën e tyre të qëndrueshme në një të ardhme paqeje dhe prosperiteti në një Evropë të bashkuar”.

    “Ata janë një frymëzim për të gjithë evropianët”, tha ajo në rrjete sociale./rel

  • Kurti në Athinë përshëndetet me presidentin ukrainas Zelenskyy

    Kurti në Athinë përshëndetet me presidentin ukrainas Zelenskyy

    Kryeministri i Kosovës, Albin Kurti, gjatë qëndrimit në Athinë është përshëndetur me presidentin e Ukrainës, Volodymyr Zelenskyy.

    Kurti e ka publikuar një video të shkurtër në storie të rrjetit social Facebook.

    “Në prag të darkës së shtruar nga kryeministri grek Kyriakos Mitsotakis me pjesëmarrje të presidentit ukriainas, Volodymyr Zelenskyy”, ka shkruar Kurti.

    Kryeministri grek ka mbledhur përfaqësues të Bashkimit Evropian e Ballkanit Perëndimor, si dhe presidentin ukrainës Zelenseky.Aty po diskutohet edhe për paqen dhe stabilitetin në Ballkanin Perëndimor dhe përtej.

    https://www.facebook.com/stories/165828618244207/UzpfSVNDOjMxMzMzNzExNDM2MzE1NDQ=/?view_single=1&source=shared_permalink&mibextid=W9rl1R