ATV

Tag: UEFA

  • ​Edhe një tjetër kompeticion i UEFA-s i besohet FSHF-s

    ​Edhe një tjetër kompeticion i UEFA-s i besohet FSHF-s

    UEFA, qeveria evropiane e futbollit i beson organizmin e një tjetër turneu të rëndësishëm Federatës Shqiptare të Futbollit! Në muajin tetor, FSHF do të organizojë sfidat kualifikuese të grupit A7, të vlefshme për Kampionatin Europian U-19 për vajza, e ku marrin pjesë përfaqësueset e Serbisë, Bjellorusisë, Skocisë e Islandës.

    Ndeshjet do të luhen në stadiumet ‘Air Albania’ dhe ‘Elbasan Arena’ në datat 24, 27 dhe 30 tetor të këtij viti. UEFA ka vendosur që këto ndeshje të luhen në Shqipëri, duke ia besuar FSHF-së organizimin e këtij raundi të parë të kualifikueseve të kampionatit evropian për këtë grupmosh.

    Të gjitha skuadrat do të akomodohen në Durrës dhe do të stërviten në vendin tonë përgjatë periudhës së përcaktuar nga UEFA.

    Ky është turneu i 7-të që organizohet në Shqipëri nga FSHF në bashkëpunim me UEFA-n, ndërsa duhet theksuar se institucioni i futbollit shqiptar ka organizuar edhe shumë ndeshje miqësore të grupmoshave të ndryshme përgjatë këtij viti futbollistik.

  • UEFA del me njoftim për ndeshjen Kosovë-Izrael

    UEFA del me njoftim për ndeshjen Kosovë-Izrael

    UEFA ka vendosur të shtyjë të gjitha ndeshjet e planifikuara në Izrael gjatë dy javëve të ardhshme me data të reja që do të konfirmohen më vonë.

    Izraeli shpalli luftë të dielën, pas një sulmi nga militantët e Hamasit që vrau qindra persona.

    Ndeshja kualifikuese për Evropianin mes Izraelit në Zvicër më 10 tetor është ndër ndeshjet që janë shtyrë.

    Pas Zvicrës, Izraeli do të ballafaqohej, sipas planifikimeve, me Kosovën në kuadër të kualifikimeve për në Kampionatin Evropina të vitit të ardhshëm, por edhe kjo ndeshje mund të shtyhet dhe se UEFA është duke u marrë me kërtë situatë.

    Në njoftimin e UEFA-s thuhet se do të pritet edhe disa ditë për të vlerësuar nëse ndeshja ndërmjet Kosovës dhe Izraelit mund të luhet në datën e planifikuar më 15 tetor apo do të duhet të shtyhet, përcjellë KosovaPress.

    UEFA shtoi se do të vazhdojë të monitorojë nga afër situatën dhe do të qëndrojë në kontakt me të gjitha ekipet e përfshira përpara se të marrë vendime për datat e reja dhe për ndryshimet e mundshme në ndeshjet e tjera të ardhshme.

  • ​Armand Duka zgjidhet zëvendës-presidentit të UEFA-s

    ​Armand Duka zgjidhet zëvendës-presidentit të UEFA-s

    Presidenti i FSHF-së, Armand Duka nga sot do të jetë edhe në postin e Zv.Presidentit të UEFA-s, duke u bërë i pari shqiptar që arrin në një pozicion kaq të lartë në hierarkinë e futbollit europian.

    Vendimi u mor sot në mbledhjen e radhës së Komitetit Ekzekutiv të UEFA-s, që zgjodhi pikërisht Presidentin Duka me votim unanim në postin e numrit dy të qeverisë së futbollit europian. Një vendim që vjen natyrshëm duke parë kontributin e madh ndër vite të Presidentit të FSHF-së dhe eksperiencën e tij të vyer në menaxhimin e futbollit tashmë edhe në Europë.

    Një tjetër votëbesim i rëndësishëm për numrin 1 të futbollit shqiptar, që pak muaj më parë u zgjodh për herë të dytë anëtar i Komitetit Ekzekutiv të UEFA-s në Kongresin e 47-të të UEFA-s që u zhvillua në Lisbonë, Portugali.

    Në këto zgjedhje Presidenti Duka arriti një rekord teksa u rendit në vendin e parë në bazë të votave, si më i votuari, duke u zgjedhur me 45 vota në total nga 55 të tilla dhe duke marrë kështu për herë të dytë besimin e delegatëve të shumë federatave të mëdha europiane.

    Lajmi i sotëm është pa diskutim një arritje e madhe jo vetëm për futbollin shqiptar, por për të gjithë Shqipërinë.

  • Zyrtare: UEFA merr vendim për gjyqtarin e finales së Ligës së Kampionëve

    Zyrtare: UEFA merr vendim për gjyqtarin e finales së Ligës së Kampionëve

    UEFA përmes një komunikate në faqen zyrtare ka njoftuar për vendimin e marrë sa i përket gjyqtarit Szymon Marciniak, i cili është paraparë që të ndajë drejtësinë në finalen e Ligës së Kampionëve.

    UEFA ka thënë se ka pranuar një komunikatë nga Marciniak, i cili ka shprehur keqardhjen e tij të thellë dhe ka dhënë një sqarim sa i përket përfshirjes së tij në një ngjarje në Poloni, raporton KosovaPress.

    “UEFA ka hetuar akuzat rreth pjesëmarrjes së Szymon Marciniak në një ngjarje të organizuar në Katovicë më 29 maj 2023. Këto akuza janë marrë me seriozitetin maksimal nga UEFA dhe i gjithë komuniteti i futbollit pasi ne refuzojmë pa mëdyshje vlerat e promovuara nga një grup i lidhur me këtë konferencë. Dje u angazhuam për mbledhjen e të gjitha informacioneve relevante dhe kërkuam sqarime urgjente për këtë çështje. Pas një shqyrtimi të plotë, ne kemi marrë një deklaratë nga z. Marciniak, ku shprehte ndjesën më të thellë dhe jepte një sqarim në lidhje me përfshirjen e tij në ngjarje”, shkruhej në komunikatën e UEFA-s.

    “Bazuar në informacionin e dhënë, UEFA konfirmon se Marciniak do të përmbushë rolin e tij si gjyqtari për finalen e UEFA Ligës së Kampionëve 2023”, ishte vendimi i UEFA-s.

    Marciniak do ndajë drejtësinë në finalen e Ligës së Kampionëve më 10 qershor mes Manchester Cityt dhe Interit.

  • ​UEFA dënon Serbinë për thirrjet raciste ndaj Kosovës

    ​UEFA dënon Serbinë për thirrjet raciste ndaj Kosovës

    Shtëpia më e madhe e futbollit në Evropë, UEFA ka dënuar kombëtaren e Serbisë për thirrjet raciste të tifozëve në ndeshjen ndaj Malit të Zi.

    Serbia arriti fitore 0 me 2 në Podgoricë, por tifozët vazhduan me avazin e vjetër duke kënduar këngë dhe fyerje kundër Kosovës.

    Për këtë arsye, UEFA e ka dënuar Federatën e Serbisë me 50 mijë euro dhe ndeshjen e radhës në shtëpi pa praninë e tifozëve, ku do të përballet me kombëtaren e Hungarisë në ndeshjen e vlefshme për kualifikim në “Euro 2024”.

    Përveç Serbisë, UEFA ka dënuar edhe Malin e Zi me 20 mijë euro gjobë dhe do të luaj pa tifoz në ndeshjen ndaj Bullgarisë.

  • ​UEFA organizon në Kosovë punëtorinë kundër manipulimit të ndeshjeve

    ​UEFA organizon në Kosovë punëtorinë kundër manipulimit të ndeshjeve

    Për dy ditë me radhë në Kosovë do të mbahet punëtoria e UEFA-s kundër manipulimit të ndeshjeve, një problematikë kjo që po e përcjellë futbollin gjithandej nëpër botë.

    Në këtë punëtori do të marrin pjesë ekspertë të UEFA-s, përfaqësueseve të Interpolit, të Këshillit të Evropës, të agjencisë Sportradar, si dhe prokurorëve dhe zyrtarëve të integritetit të garave nga shtete si; Austria, Bullgaria, Kroacia, Mali i Zi, Maqedonia e Veriut, Sllovenia, Shqipëria dhe Kosova.

    Kryetari i Federatës së Futbollit të osovës, Agim Ademi, ka thënë se organizimi i një ngjarjeje të tillë në Kosovë është një nder që UEFA ia ka bërë Federatës së Futbollit të Kosovës, por edhe tregues i angazhimit dhe përkushtimit për të ndërmarrë veprime konkrete në luftën kundër dukurive negative në futboll.

    Ai ka shtuar se shpreson që ky ëorkshop do të jetë vetëm fillimi i bashkëpunimit në luftën kundër manipulimit të ndeshjeve dhe promovimit të lojës së pastër të futbollit.

  • FFK-ja njofton për vizitën e zyrtarëve të UEFA-s dhe të FIFA-s, u fol veç për licencim

    FFK-ja njofton për vizitën e zyrtarëve të UEFA-s dhe të FIFA-s, u fol veç për licencim

    Federata e Futbollit të Kosovës ka njoftuar sot për vizitën që ia bënë asaj delegacioni i UEFA-s dhe ai i FIFA-s.

    Servet Yardimci, anëtar i Komitetit Ekzekutiv të UEFA-s dhe kryetar i Komitetit të UEFA-s për Federatat Kombëtare dhe Luca Nicola, kryesues i Qeverisjes Kombëtare dhe Institucioneve Globale të UEFA-s, si dhe Sofia Malizia, menaxhere e qeverisjes së federatave anëtare të FIFA-s, po qëndrojnë sot në Kosovë, për t’u njoftuar nga afër me zhvillimet e fundit rreth FFK-së, procesin e licencimit nga MKRS-ja dhe vështirësitë me të cilat po ballafaqohen klubet e futbollit.

    Siç njofton FFK-ja, delegacioni, që ka ardhur për një “vizitë të jashtëzakonshme”, fillimisht u takua me nënkryetarin Bakir Burri dhe me sekretarin e përgjithshëm, Taulant Hodaj, derisa më pas e zhvilluan një takim të përbashkët edhe me përfaqësuesit e disa prej klubeve, për t’i diskutuar shqetësimet e këtyre të fundit në lidhje me procesin e licencimit dhe vështirësitë që po i hasin gjatë këtij procesi.

    “Përfaqësuesit e UEFA-s dhe FIFA-s i dëgjuan me vëmendje të gjitha shqetësimet e ngritura nga përfaqësuesit e klubeve, premtuan se do t’i adresojnë ato në organet kompetente dhe me angazhimin e përbashkët të të gjitha palëve shumë shpejt mund të ketë rezultate pozitive në këtë drejtim. Më pas delegacioni i UEFA-s dhe FIFA-s i vazhdoi takimet me akterët tjerë të sportit në Kosovë, po ashtu, në frymën e bashkëpunimit dhe konstruktivitetit”, njofton shtëpia e futbollit kosovar.

    Pra, në këto takime u fol vetëm për çështjen e licencimit, por jo edhe për dërgimin në arrest shtëpiak për një muaj të kryetarit të FFK-së, Agim Ademi, i cili dyshohet për veprat “Keqpërdorim i besimit” dhe “Shmangie nga takimi”.