Qeveria e Kosovës ka emëruar sot Bordin e ri Drejtues të Ndërmarrjes Publike “TrainKos”, raporton Ekonomia Online.
Në mbledhjen e sotme të Qeverisë së Kosovës, kabineti miratoi propozimin për emërimin e gjashtë anëtarëve të rinj të Bordit të “TrainKos”.
Kryeministri Albin Kurti tha se mbi 90 persona kanë aplikuar për gjashtë pozitat brenda bordit.
Bazuar në vendimin e qeverisë, Bordi i ri i “TrainKos” do të përbëhet nga: Jetmir Nuka, kryesues dhe anëtarë: Vjollca Salihu, Luljeta Lutfiu, Ruzhdi Zeqiri, Kimete Fazliu, Afrim Bulluti.