ATV

Tag: STUDIO A

  • “Jam e zhgënjyer prej Eurovisionit, atje më së paku vlerësohet paraqitja skenike”, Sidorela Kelmendi rrëfen prapaskena e pjesëmarrjes në “Eurovision 2023”

    “Jam e zhgënjyer prej Eurovisionit, atje më së paku vlerësohet paraqitja skenike”, Sidorela Kelmendi rrëfen prapaskena e pjesëmarrjes në “Eurovision 2023”

    Këngëtarja Sidorela Kelmendi në emisionin STUDIO A në ATV, ka folur për prapaskenat e pjesëmarrjes në festivalin “Eurovision 2023”, ku Familja Kelmendi përfaqësoi Shqipërinë me këngën “Duje”.

    Ajo tha se është e zhgënjyer prej Eurovisionit për shkak se sipas saj, në këtë festival, më së paku kanë pasur rëndësi vlerat e artistit.

    “Për neve ka qenë shumë e rëndësishme për me shku, me e marrë votën e publikut për me shku deri në Eurovision, sepse atje pastaj dihet si shkojnë gjërat. Ndoshta një grimë jam zhgënjy prej Eurovisionit si emër, sepse kam mëndu që kanë rëndësi shumë vlerat muzikore, paraqitja skenike, këngëtari, talenti gjithçka që ka të bëjë rreth muzikës, por më së paku kanë pasur rëndësi këto gjëra. Kështu që fatkeqësisht për një artist që duhet me i kalu rrugën nëpër të cilën ne e kemi kalu, që e di që ka me e kalu edhe artisti që ka me shku këtë vit”, tha Sidorela.

    Sipas saj, në këtë fëtival, më shumë rëndësi kanë lidhjet se si i krijojnë shtetet se sa paraqitja e pjesëmarrësve në skenë.

    “Gjithçka tjetër, lidhjet shtetërore për të cilat shteti i Shqipërisë as që është lodhur me punu. Ne e kemi bërë të pamundurën edhe për organizim edhe për gjithçka. Fatmirësisht e kemi pasë një ekip shumë të mirë që e ka Albina që na ka ndejtë gati, janë mundu me e kry punën që është dashtë edhe shteti i Shqipërisë për me i kry e që s’i kanë kry e që i kemi kry na. Dmth aty ka më shumë rëndësi se si krijohen lidhjet mes shteteve se sa paraqitja e jote në skenë, sepse paraqitja e jonë në skenë u tregua në gjysmëfinale, kemi pasë më së shumti vota për me shku, prej publikut për me shku në finale. Në finale nuk ka qenë publiku”, u shpreh Sidorela.

    Ajo thotë se me pjesëmarrjen e tyre në këtë festiva, fillimisht kanë pasur komente të mira nga të gjithë, mirëpo kur ka ardhur çështja e votimit, secili e ka shikuar interesin e vendit të vet.

    “Absolutisht jo, disa gjëra më së paku janë në dorën e artistit dhe artisti krejt çka duhet me e ba është që ta japë maksimumin e tij sa i përket këndimit e skenës, e çka i takon atij, pjesa tjetër, e votimeve të jurisë, janë politika të ndryshme të cilat ne nuk mundemi ndoshta me i kuptu e as nuk e dimë se qysh kanë me shku. Ne kemi pasë fjalë tepër te mira prej krejtve që kanë qenë aty. Kanë qenë shumë të befasume, me organizimin tonë, me përpikërinë tonë, për gjithçka, për këngën, për paraqitjen skenike, janë befasu të gjithë, por që në fund secili e kqyr interesin e shtetit të vet dhe ne jemi një shtet i vogël, edhe Kosova edhe Shqipëria, nuk është që luajmë shumë rol në botë. Ajo dihet, unë nuk jam as e para as e fundit që po ethëm që dihet se votat e jurisë si shkojnë e tek shkojnë”, tha Sidorela. /atvlive.tv

    Intervistën e plotë të saj në STUDIO A e gjeni ën videon më poshtë:

  • “Gëzim i madh në sytë e mërgimtarit” – Shikuesit e emisionit “n’Frekuencë” mbledhin mbi 20.000€ për t’ia siguruar protezën e dorës Vjollca Deliut

    “Gëzim i madh në sytë e mërgimtarit” – Shikuesit e emisionit “n’Frekuencë” mbledhin mbi 20.000€ për t’ia siguruar protezën e dorës Vjollca Deliut

    Javën e kaluar, drejtuesi i emisionit ‘n’Frekuencë me Robin’, Robert Bojaj, me dëgjuesit ka filluar iniciativën për Vjollca Deliun , për t’i mbledhur 20 mijë euro që t’ia sigurojnë protezën e dorës.

    Vjollca Deliu nga Ferizaj, ishte e ftuar ftuar dy javë me parë në emisionin STUDIO A, ku bëri një rrëfim tejet prekës për jetën e vështirë me dy prindërit e saj të sëmurë në njërën anë, si dhe paragjykimet e bulimin e njerëzve për shkak se ajo nuk e ka njërën dorë.

    Pas iniciativës së moderatorit Robert Bojaj, dëgjuesi i rregullt i emisionit ‘n’Frekuencë me Robin’, mërgimtari Driton Kastrati, i vetëm ka nisur t’i mbledhë këto 20 mijë euro, qëllimin e së cilës e ka arritur për një javë.

    “Kur e kam dëgjuar së pari rastin, si rast ka qenë shumë i prekshëm i Vjollca Deliut edhe për atë punë kam thënë se duhet me bat ë gjithë nga pak për me ia arritë qëllimin. Kam thënë deri për vit të ri, ishalla e kryj e mbërrij një shumë të caktuar që e mbrrij shumën 20 mijë euro, nuk e kam paramendu kaq shpejt. Por që kryhet për një javë dhe secili donator, familjar që kam shku me kërku, nuk kanë hezitu vetëm e kanë dhënë shumën e duhur aq sa kanë pasë mundësi. Falë donatorëve, shoqërisë edhe disa frekuencerave që më kanë shkru kanë dhënë para dhe ia kemi arritë qëllimit, dmth shuma prej 20 mijë euro është arritur”, thotë Dritoni në një lidhje të drejtpërdrejt në emisionin ‘n’Frekuencë me Robin’ në ATV.

    Ai tregon se shumë e fundit prej më shumë se 2000 euro e kanë dhënë dy miq të tij, të cilët janë vëllezër, për ta kompletuar në 20 mijë.

    “Në bazë të shënimeve që i kemi nëpër fleta, nëpër donacionet që kam shku nëpër shtëpi dhe i kam mbledhë, për me e arritë qëllimin janë mbledhë 17746 franga që shumën tjetër prej 2254 franga kanë shprehë dëshirën dy shokët e mi që janë dy vëllezër për me e dhanë këtë shumë, me e ba 20 mijë për Vjollca Deliun”, tregoi Dritoni.

    Në emision ‘n’Frekuencë me Robin’ u publikuan edhe lista e plotë e donatorëve, të cilët dhuruan para për të siguruar shumën prej 20 mijë euro për Vjollca Deliun.

    Vjollca Deliu, me datën 13 nëntor të këtij viti ishte e ftuar në emisionin STUDIO A te Blerona Zeqiri, ku bëri një rrëfim shumë prekës për jetën e saj tejet të vështirë për shkak të gjendjes së saj me aftësi të kufizuara.

    Ajo tregoi se është fëmija i vetëm i prindërve dhe se i duhet të përkujdeset për ta, pasi nënën e ka në dializë, ndërsa edhe babain e ka të sëmurë për shkak se është invalid i luftës.

    “Mami është pak e sëmurë kurse babi, edhe për të mund të them të njëjtën gjë sepse ai është invalid i luftës, kurse mami në dializë, veshkat nuk i funksionojnë fare, por në përgjithësi po ia dalim. Besomë që nuk e di as vet, besoj që është forca ajo që më jep Zoti sepse besoj shumë në Zot, por po ia dalim me gjithë këto vështirësi. Jam e vetme nuk kam pasur ndihmë nga ndokush që të kujdesët për neve”, rrëfen Vjollca në STUDIO A.

    Ajo tregon se këtë problem e ka që nga lindja dhe falë mbështetjes së familjes, mësuesve e profesorëve, i ka tejkaluar bullizimin e paragjykimet ndaj saj.

    “Periudha kur kam qenë në shkollë, ka pasur raste kur ka pasur bullizëm, por e kam pasur fatin që i kam pasur prindërit shumë të mirë. Edhe mësuesit, profesorët më kanë mbështetë shumë edhe e kam tejkalu bullizmin, paragjykimet edhe nënçmimet që më janë bërë për shkak se nuk e kam pasur dorën. Këtë e kam kuptu shumë herët, por pjesa kur kam fillu me e pasë kompleks ka qenë prej moshës 26 vjeçare, sepse çdo lloj bullizmi që është bërë ose paragjykim prej personave tjerë që i kam pasur të përkohshëm në jetën tem, i kam taku e kanë lëshu një llaf a një fjalë a diçka, është kalu. Por, kur të vjen prej personave që ti i ke shumë përzemër, ti i do shumë edhe në vend që ti e pret mbështetjen e tyre, ata mundohen me të paragjyku, me të nënçmu në mënyrën më të keqe të mundshme, mandej edhe bullizmin… mandej kjo ka fillu me u ba kompleks, pastaj një kohë të gjatë për tri vjet dhe kam fillu me ra në depresion”, rrëfen mes lotësh Vjollca.

    Ajo tregon se është e punësuar, por pjesa e dorës për të është një zbrazëti, të cilën dëshiron me çdo kusht që ta plotësojë.

    Me rrogën që e ka, Vjollca thotë se sigurimi i një proteze për dorën e saj është e pa arritshme, pasi që kjo shumë përafërsisht është 20 mijë euro.

    Kujtojmë se sot, Vjollca Deliu ka marrë lajmin e gëzueshëm, pasi që pas iniciativës së moderatorit Robert Bojaj, dëgjuesi i rregullt i emisionit ‘n’frekuencë me Robin’ në ATV, mërgimtari Driton Kastrati, i vetëm ka arritur që ti mbledh 20 mijë euro e nevojshme për të siguruar protezën e dorës për Vjollcën. /atvlive.tv

  • “I kom krejt por ata që m’u ka dashtë nuk e kom”, emocionohet i riu që mbeti në karrocë për shkak të mjekut

    “I kom krejt por ata që m’u ka dashtë nuk e kom”, emocionohet i riu që mbeti në karrocë për shkak të mjekut

    Endrit Januzaj, në emisionin “Studio A” në ATV ka ndarë historinë e tij se si pas një ndërhyrje nga mjekët kroat, ka mbetur në karrocë.

    Por, pavarësisht sfidave që kaloi, ai nuk u dorëzua kurrë, duke bërë kështu të ballafaqohet me çfarë do, vetëm e vetëm për t’i arritur synimet e tij.

    “Nuk jam dorëzua, krejt kom arritë me i bo. E kom familjen e shëndoshë, fëmijët e shëndoshë, krejt I kom por ata që m’u ka dashtë nuk e kom. Bashkëshortja m’ka ndihmu shumë në këto periudhë të jetës m’ka bo me u ndje më i fortë”, tha ai.

    Tutje ai tregoi se drejton një fondacion humanitar, ku ndihmon shumë familje me nevojë, si dhe është aktivist i personave me aftësi të kufizuar.

    “Kam hapur një fondacion për t’i ndihmuar personat me aftësi të kufizuar dhe ato familje që kanë nevojë, janë diku rreth 5 mijë familje që i kam ndihmu me pako ushqimore gjatë pandemisë, karroca kam dhuruar shumë, motorë elektrikë janë diku rreth 500-600, të gjitha në mënyrë vullnetare”, shtoi tutje./atvlive.tv/

    Për më shumë ndiqni videon e mëposhtme:

  • Lugati përlotet në Studio A, flet për dy operacionet që duhet të ju nënshtrohet

    Lugati përlotet në Studio A, flet për dy operacionet që duhet të ju nënshtrohet

    Në emisionin STUDIO A në ATV ishte i ftuar këngëtari Gjon Karrica, i njohur me emrin artistik si ‘Lugati’.

    Ai në këtë emision rrëfeu shumë nga jeta e tij private, familjen si dhe karrierën artistike.

    Gjoni ndau historinë e tij në Big Brother Kosova, ku foli edhe për sëmundjen, për shkak të së cilës u detyrua ta ndërpresë garën.

    Ai madje është përlotur në emision derisa ka treguar për problemet e tij shëndetësore. Gjoni ka folur edhe për dy operacionet që duhet të ju nënshtrohet.

    Bisedën e tij të plotë në STUDIO A e gjeni në videon më poshtë:

  • Nga sulmi epileptik që e la në koma një javë e deri tek dedikimi më i bukur që i kushtoi gruas

    Nga sulmi epileptik që e la në koma një javë e deri tek dedikimi më i bukur që i kushtoi gruas

    Në emisionin STUDIO A në ATV ishte i ftuar këngëtari Gjon Karrica, i njohur me emrin artistik si ‘Lugati’.

    Ai në këtë emision rrëfeu shumë nga jeta e tij private, familjen si dhe karrierën artistike.

    Gjoni ndau historinë e tij në Big Brother Kosova, ku foli edhe për sëmundjen, për shkak të së cilës u detyrua ta ndërpresë garën.

    Bisedën e tij të plotë në STUDIO A e gjeni në videon më poshtë:

  • Mbajti dy shtatzani sa ishte me kancer, rrëfimi i gruas së hekurt që arriti ta fitojë betejën

    Mbajti dy shtatzani sa ishte me kancer, rrëfimi i gruas së hekurt që arriti ta fitojë betejën

    Numri i rasteve të reja të kancerit në gji në Kosovë ka shënuar rritje. Në bazë të statistikave nga Klinika e Onkologjisë në Qendrën Klinike Universitare, në nëntë muajt e fundit 332 paciente janë diagnostikuar me kancer të gjirit.

    Të dielën ka nisur edhe fushata për ndërgjegjësimin kundër kancerit të gjirit, ndërsa gjatë ditës së djeshme, në lansimin e fushatës “Zbulimi i hershëm, shpëton jetë”, morën pjesë edhe kryeministri Kurti dhe ministri i Shëndetësisë Arben Vitia.

    Beteja e kancerit vazhdon te jetë një luftë e vazhdueshme për shumë gra.

    Ndër to, është edhe Hajrije Morina, e cila tash e 15 vite ka qenë një luftë e vazhdueshme me këtë sëmundje.

    Ajo sot është inspirim për të gjitha gratë, ani pse çdo ditë për të është një sfidë e radhës, megjithatë mbetet si një grua shembull duke mos e lenë asgjë që ta mposht atë.

    E ftuar në emisionin STUDIO A në ATV, Hajrije Morina bëri një rrëfim frymëzues për të gjitha gratë që përballen me sfida të ngjashme.

    Rrëfimin e saj e gjeni në videon më poshtë:

  • “Pa i mshu kresë djalit jem sen si bon”, historia qesharake kur gjyshja e këshilloi kampionin e botës në “Muay Thai”

    “Pa i mshu kresë djalit jem sen si bon”, historia qesharake kur gjyshja e këshilloi kampionin e botës në “Muay Thai”

    Kampioni i botës në sportin luftarak “Muay Thai”, Luan Rudaj, ishte i ftuar në emisionin STUDIO A në ATV. Ai në këtë emision rrëfeu shumë nga jeta e tij private, por edhe sporti me të cilin tashmë ka arritur majat e suksesit.

    Luani, në këtë emision ka treguar një histori qesharake, kur gjyshja e tij e kishte këshilluar se si të luftojnë në ring.

    Ajo e kishte pyetur se çfarë i kishte thënë trajneri gjatë ushtrimeve të fundit. Ky ia kishte kthyer se e kishte këshilluar që ta godasë kundërshtarin në barkë.

    “Pa i mshu kresë djalit jem sen si bon”, ia kishte kthy gjyshja e tij.

  • “Kam një ndjenjë të mirë djali i jem, ke me fitu”, mërgimtari kampion bote në “Muay Thai” rrëfen si e motivon nëna para çdo meçi kur hyn në ring

    “Kam një ndjenjë të mirë djali i jem, ke me fitu”, mërgimtari kampion bote në “Muay Thai” rrëfen si e motivon nëna para çdo meçi kur hyn në ring

    Kampioni i botës në sportin luftarak “Muay Thai”, Luan Rudaj, ishte i ftuar në emisionin STUDIO A në ATV. Ai në këtë emision rrëfeu shumë nga jeta e tij private, por edhe sporti me të cilin tashmë ka arritur majat e suksesit.

    Ai thotë se është i lidhur shumë me nënën e tij, pasi që edhe në momentet më të rënda për të, sidomos kur është në ring, dertin ia bënë vetëm ajo.

    “I kam raportet shumë të mira me nanën time. E kam edhe një traditë, çdo herë para meçit jam aq i fokusuar që nuk foli me kërkon, përveç me nënen time. Pak para se me hy në meç, e thirri nënën tem, edhe i them ‘mam, jam gati me hy në ring’ dhe ajo përgjigjet dhe thotë ‘po e ndiej një ndjenjë të mirë djali i im, ke me fitu, mos ta ndinë’. Atëherë për mua çdo send është si me kanë e kryer, veç hy në ring e bëj shoun tim dhe hy me kënaqësi”, rrëfen Luan. /atvlive.tv

  • Rrëfimi drithërues i burrit nga Kosova, tregon si i vdiq gruaja nga pakujdesia e mjekëve në Shqipëri

    Rrëfimi drithërues i burrit nga Kosova, tregon si i vdiq gruaja nga pakujdesia e mjekëve në Shqipëri

    39-vjeçari nga Kosova, Fisnik Habibi, në emisionin STUDIO A në ATV, ka rrëfyer tragjedinë e të rëndë që i ka ndodhur në jetën e tij.

    Ai aktualisht gjendet në Milano derisa shkuarja e tij atje ishte prej zorit. Gruaja e tij, e cila po sillte në jetë fëmijën e tretë, u operua nga mjekët në Berat të Shqipërisë.

    Operim i cili kaloi me vështirësi dhe mundime, derisa gjendja e gruas pas lindjes vetëm sa shkonte keqësohej. Kështu ata u detyruan të nisen për në Itali, me shpresë që Miljeta Sadushi do të gjente shërim, por për fat të keq ajo nuk arriti të mbijetojë. Miljeta vdiq duke lënë pas bashkëshortin me tre fëmijë të vegjël në shtëpi.

    Fisniku, në një lidhje të drejtpërdrejt në STUDIO A, ka rrëfyer se doktorët nuk ishin transparent dhe se çdo gjë dukej disi e fshehur në raport me shëndetin e bashkëshortes së tij, tashmë të ndjerë.

    “Po na duhet të jemi të fortë për këta tre fëmijë që më la, po për mua, mundimi më i madh është se e çova tamam me shëndetin e mirë, çdo vizitë e ka ba mirë deri në ditën që i erdhi koha e lindjes. Pas lindjes nuk ishte mirë në asnjë minutë me dhimbje, me gjëra. Doktorët filluan që ‘jo se është operim, edhe disa kalojnë dhimbje, jo sot, jo nesër’. U bënë dhjetë ditë, erdhi puna që iu keqësua gjendja, pastaj më thotë doktoresha që duhet operuar edhe një herë. Pastaj nga gjinekologët, filloi puna me ardhë te kirurgu. Në ato momente u operu për herën e dytë se unë premtuam që nuk ka naj diçka të madhe dhe do të rregullohet, edhe me besim të ta, ndërhynë me operimin e dytë. Pas operimit të dytë e pamë që nuk ka përmirësim. Doktoresha vajti me pushime në Amerikë, ma la gruan aty, me gjasë të kalojë te doktorët tjerë në përgjithësi”, tha Fisniku. /atvlive.tv

    Rrëfimin e tij të plotë e gjeni në videon më poshtë:

    Emisionin e plotë e gjeni në videon më poshtë:

  • Ngjashmëria me njëri tjetrin është e pabesueshme, kështu reagoi Sabri Fejzullahu kur e pa sozinë e tij

    Ngjashmëria me njëri tjetrin është e pabesueshme, kështu reagoi Sabri Fejzullahu kur e pa sozinë e tij

    Emisioni “STUDIO A” në ATV, këtë sezon e ka nisur me dy mysafirë shumë specialë. Pra, bëhet fjalë për këngëtarin e njohur Sabri Fejzullahun, së bashku me sozinë e tij, Arlind Beqirin.

    Gjatë emisionit, në ekranin në studio e lëshuan interpretimit e këngës “Hije e flokut tënd”, duke e interpretuar Arlindi.

    Ai shihet duke e interpretuar këtë këngë ashtu siç e interpreton edhe vetë Sabri Fejzullau, pra me ngjyrëne zërit, intonacionin, lëvizjet skenike etj.

    Sabri Fejzullahu me të parë këtë interpretim, u impresionua, duke thënë se Arlindi e interpretoi edhe më mirë se ai vetë.

    “Unë nuk e kam parë, kjo është hera e parë që po e shoh. Sot po më duket, më mirë se unë e ka këndua, edhe i lumtë. Edhe në intonacion, sepse kur nuk është një këngë e jotja që nuk kompozohet për ty, atëherë është e vështirë, por ky e këndoi decidivisht dhe më mirë se unë”, thotë Fejzullahu pasi e dëgjoi Arlindin duke e interpretuar këngën e tij. /atvlive.tv

    Bisedën e plotë të Sabri Fejzullahut dhe Arlind Beqirit në STUDIO A e gjeni në videon më poshtë: