Gjilani pret Ballkanin në sfidën që mbyll javën e parë të Albi Mall Superligës
Ndeshja e fundit e javës së parë në Albi Mall Superligën e Kosovës do të zhvillohet sot (e hënë) në ora 16:30, ku Gjilani do të jetë nikoqir i Ballkanit, në një përballje që premton spektakël dhe rivalitet të fortë.
Kampionati filloi të dielën me katër duele interesante, të cilat sollën disa rezultate surprizë dhe krijuan menjëherë atmosferë të zjarrtë konkurrimi.
Sfida e sotme pritet të jetë e ashpër, pasi të dy skuadrat janë në kërkim të fitores së parë në këtë sezon të ri.
Gjilani, i përforcuar me disa afrime të reja gjatë merkatos, synon të shfrytëzojë përparësinë e terrenit vendas për të nisur kampionatin me tri pikë. Ndërkohë, Ballkani do të kërkojë të rikthehet te fitoret, pas zhgënjimit në garat evropiane.
Trajnerët Ardian Nuhiu (Gjilani) dhe Orges Shehi (Ballkani) kanë zgjedhur të startojnë me formacionet më të mira të mundshme.
Formacionet zyrtare:
Gjilani: Laroshi, Thaçi, Krivanjeva, Adili, Ibrahimi, Boshnjaku, Bilalli, Rrahmani, Prapashtica, Basa, Aganspahiq.
Ballkani: Iljazi, Smajli, Jashanica, Batarelo, Letaj, Deliu, Giovanni, Diene, Tolaj, Kryeziu, Serebë.
