ATV

Tag: Rozeta Hajdari

  • Ministrja Hajdari raporton para deputetëve për nivelin e zbatimit të Ligjit për tregti me jashtë

    Ministrja Hajdari raporton para deputetëve për nivelin e zbatimit të Ligjit për tregti me jashtë

    Ministrja e Industrisë, Ndërmarrësisë dhe Tregtisë, Rozeta Hajdari raporton sot në Komisionin për Ekonomi, Industri, Ndërmarrësi dhe Tregti për nivelin e zbatimit të Ligjit për tregti me jashtë.

    Përveç kësaj, komisioni do të shqyrtojë edhe raportin me rekomandime për lexim të dytë për Projektligjin për ndryshimin dhe plotësimin e ligjit për metrologji, Projektligjin për regjistrin e pronarëve përfitues dhe Projekt-rezolutës për Raportin vjetor të ZRRE-së për vitin 2022.

    Mbledhja e këtij komisioni nis në ora 11:00.

  • Përfundon seanca gjyqësore ndaj ministres Hajdari: Nuk ka vendim sot

    Përfundon seanca gjyqësore ndaj ministres Hajdari: Nuk ka vendim sot

    Ka përfunduar seanca gjyqësore ndaj ministres së Industrisë, Ndërmarrësisë dhe Tregtisë, Rozeta Hajdari për aksidentin ku kishte goditur me veturë një fëmijë.

    Pas seancës, ministrja Hajdari ka thënë për KosovaPress se nuk ka ndonjë vendim nga seanca e sotme gjyqësore.

    “Nuk ka vendim sot. Punë të mbarë juve”, theksoi ajo shkurt për KosovaPress.

    Me kërkesë të avokatit të ministres, Shemdi Bunjaku, seanca është mbajtur e mbyllur për media, pasi sipas tij kjo seancë ka të bëjë me rastin e aksidentit me të mitur.

    Ndonëse me këtë kërkesë nuk u pajtua avokati i palës së dëmtuar, Florim Shefqeti. Teksa shtoi se kjo lëndë është zvarritur për shqyrtim.

    Më 10 prill të vitit 2022 një aksident kishte ndodhur në lagjen “Arbëria” në Prishtinë ku ishte aksidentuar një fëmijë, në këtë aksident ishte e përfshirë Ministrja e Industrisë, Ndërmarrsisë dhe Tregtisë, Hajdari. Aksidentin në fjalë e kishte konfirmuar edhe policia.

  • Mediet bojkotojnë konferencën e ministres Hajdari

    Mediet bojkotojnë konferencën e ministres Hajdari

    Gazetarët kanë bojkotuar konferencën e ministres së Industrisë, Ndërmarrësisë dhe Tregtisë, Rozeta Hajdari, pas revokimit të certifikatës biznesore të Klan Kosovës, raporton EO.

    Më 14 qershor MINT ngriti kallëzimi penal ndaj Shoqërisë Tregtare, Klan Kosova. Kallëzimi penal u ngrit me “pretendimin se në certifikatën e biznesit, te ndërrimi i pronarëve, figuron Pejë – Serbia dhe Gjakovë – Serbia”.

    Pas kësaj, Agjencia Kosovare për Regjistrimin e Bizneseve (ARBK), anuloi certifikatën e biznesit të Klan Kosovës por më 21 qershor, ajo e shfuqizoi vendimin. Megjithatë, një ditë më vonë, ARBK-ja anuloi vendimin e 21 qershorit.

    Pas ankesës së Klan Kosovës, Komisioni për Shqyrtimin e Ankesave për Regjistrimin e Bizneseve vendosi më 28 korrik se ARBK-ja kishte “vepruar në përputhje me ligjin kur e pezulloi certifikatën e biznesit të Klan Kosovës”.

    Ambasadat e Francës, Gjermanisë, Italisë, Britanisë së Madhe, Shteteve të Bashkuara dhe Bashkimi Evropian në Kosovë, kanë shprehur shqetësim, siç kanë thënë, të thellë, me vendimin e Ministris së Industrisë, Ndërmarrësisë dhe Tregtisë (MINT) për pezullimin e licencës së biznesit të televizionit Klan Kosova.

  • Vendimi i MINT për mbylljen e Klan Kosovës, reagon ministrja Hajdari

    Vendimi i MINT për mbylljen e Klan Kosovës, reagon ministrja Hajdari

    Ministrja e Industrisë, Ndërmarrësisë dhe Tregtisë në një postim në Facebook i ka qëndruar mbrapa vendimit të dikasterit që udhëheq që sot mori vendim për të mbyllur Klan Kosovën. Ajo ka thënë se fakti që Klan Kosova është media nuk amnistohet nga shkeljet që pretendohen.

    Postimi i plotë:

    Çdo biznes me veprimtari në Republikën e Kosovës, e ka për obligim që të respektojë Kushtetutën dhe ligjet e vendit tonë.

    Ndërsa, Ministria e Industrisë, Ndërmarrësisë dhe Tregtisë është e vendosur për të mbrojtur rendin dhe ligjin në çdo rast brenda fushëveprimit të saj, pa përjashtim e pa diskriminim.

    Fakti që një biznes sh.p.k., mes shumë veprimtarive të tjera, merret edhe me media, nuk e amniston aspak prej llogaridhënies për shkeljet ligjore që i kryen, sado i fuqishëm që të jetë ekonomikisht apo politikisht.

    Për sa i përket vendimmarrjes në kuadër të MINT, procedimi i rastit Klan Kosova sh.p.k. ka përfunduar.

    I ftoj Policinë e Kosovës dhe prokurorët kompetentë, që të ndërmarrin hapat e nevojshëm ligjorë për të hetuar, deri në fund, shkeljet ligjore të kryera nga ana e këtij biznesi, si dhe nga ana e disa zyrtarëve të ARBK, për të cilat shkelje ligjore kjo Ministri ka parashtruar kallëzim penal para disa javësh.

  • Hajdari nuk është në dijeni që po hetohet si e dyshuar për keqpërdorim detyre

    Hajdari nuk është në dijeni që po hetohet si e dyshuar për keqpërdorim detyre

    Ministrja e Industrisë, Ndërmarrësisë dhe Tregtisë, Rozeta Hajdari, ka deklaruar se nuk është ftuar nga Prokuroria e Shtetit lidhur me dyshimet për keqpërdorimet me rezervat shtetërore.

    Sipas “Betimit për Drejtësi”, Hajdari dyshohet për keqpërdorim të rezervave shtetërore, lidhur me blerjen e miellit dhe vajit, që ka dëmtuar buxhetin shtetëror.

    “Unë nuk jam ftuar asnjëherë nga askush për asgjë. Nuk e di që jam nën hetime”, tha Hajdari.

    Donika Gërvalla, Hekuran Murati, Elbert Krasniqi dhe Hajrullah Çeku janë katër ministrat e tjerë të kabinetit qeveritar, ndaj të cilëve është filluar proces hetimor nga Task-forca antikorrupsion.

    Përpos pesë ministrave, Task-forca do të ketë punë edhe me zëvendësministrin Hysen Durmishi që dyshohet për dhënien e tenderit për tiketa, nga i cili pas nënshkrimit, ishte zmbrapsur. /atvlive.tv

    Edicionin Qendror të lajmeve në ATV e gjeni në videon më poshtë:

  • ​Hajdari: “Tregu i Përbashkët” i rëndësishëm për qasjen e bizneseve në tregjet e BE-së

    ​Hajdari: “Tregu i Përbashkët” i rëndësishëm për qasjen e bizneseve në tregjet e BE-së

    Ministrja e Industrisë, Ndërmarrësisë dhe Tregtisë, Rozeta Hajdari, ka thënë se përfshirja e Kosovës në programin e BE-së “Tregu i Përbashkët” është shumë e rëndësishëm për vendin.

    Ministrja Hajdari tha se ky treg është në vlerë 4.2 miliardë euro dhe do t’iu shërbejë bizneseve të Kosovës edhe qasje në tregje të Bashkimit Evropian (BE).

    “Përmes këtij programi, bizneset do të jenë përfituese të mjeteve vetanake dhe mund të ndërveprojnë me biznese të vendeve anëtare të Bashkimit Evropian”, tha ajo.

    Në anën tjetër, Hajdari tha se gjatë mandatit të saj ka pasur edhe rritje të investitorëve të huaj.

  • Opozita kërkon shkarkimin e ministres Hajdari, akuzon për mostransparencë

    Opozita kërkon shkarkimin e ministres Hajdari, akuzon për mostransparencë

    Arta Hoxha është zgjedhur anëtare joekzekutive e Bordit të Bankës Qendrore të Kosovës nga deputetët e Kuvendit të Kosovës.

    Hoxha për këtë pozitë mori 47 vota, ndërsa u zgjodh në rundin e dytë të votimit nga deputetët e Kuvendit, teksa ishte në garë me Valdrin Kasumaj, i cili në rundin e parë kishte 46 vota.
    Përveç kësaj, në seancë u diskutua edhe për raportin hetimor për krizën energjetike, parqet industriale, e investimet e qëndrueshme.

    Pasi sqaroi rëndësinë e këtyre projektligjeve, ministrja e Industrisë e Ndërmarrësisë, Rozeta Hajdari, mori kritika nga opozita për mostransparencë, madje u kërkua edhe shkarkimi i saj.

    As kjo seancë nuk kaloi pa përplasje.
    Si jo rrallë deputetët u kthyen nga pauza me vonesë, teksa më pas vazhduan diskutimin për ndërmarrjet publike ku ministrja Artane Rizvanolli tha se ato në vitin 2021 kanë operuar me fitim. /atvlive.tv

    Edicionin Qendror të lajmeve në ATV e gjeni në videon më poshtë:

  • Afro 8 mijë gra afariste kosovare kanë marrë 643 milionë euro kredi në bankat komerciale

    Afro 8 mijë gra afariste kosovare kanë marrë 643 milionë euro kredi në bankat komerciale

    Afro 8 mijë gra afariste kosovare kanë marrë 643 milionë euro kredi në bankat komerciale.

    Në krahasim me burrat kredimarrës, sipas të dhënave të Bankës Qendrore të Kosovës, kjo përfshin 25 për qind të totalit të kredive në vend.

    Me qëllim të rritjes së përkrahjes për gratë, në 7-vjetorin e themelimit të Fondin Kosovar për garanci Kreditore u lansuan edhe dy skema të reja garantuese,
    “Gratë në biznes” dhe “Startup”.

    “Një rol të rëndësishëm në plotësimin e kësaj hapësire e ka pikërisht Fondi Kosovar për Garanci Kreditore, i cili përmes mekanizmit të tij garantues, do të mundësojë rritjen e kreditimit dhe lehtësimin e kushteve të qasjes në kredi. Më lejoni t’i ndaj disa të dhëna nga sektori bankar me juve, numri i llogarive të bizneseve me pronar gra në sektorin bankar është 21 mijë e 247, krahasuar me 104 mijë e 461 me pronar burra, apo 17% e gjithsej llogarive, domethënë të bizneseve”, tha ushtruesi i detyres së guvernatorit të BQK-së, Bashkim Nurboja.

    Skemave të reja kreditore iu është gëzuar edhe Ministrja e Ndërmarrësisë dhe Industrisë, Rozeta Hajdari.

    “Gëzohem për dritaren dedikuar grave në biznes, sepse në Kosovë sikur se edhe në shumë vende të tjera të botës, gratë marrin kredi më pak se burrat. Gratë e kanë dëshmuar që janë po aq të zonjat, po aq menaxhere të mira e po aq vizionare në biznese e zhvillim, sa edhe burrat ose edhe më shumë”, tha Hajdari.

    Ndërsa, Arta Hoxha, ushtruese detyre e kryesueses së bordit në këtë Fond, tha se përmes këtyre skemave u lehtësohet qasja në financa bizneseve.

    “Qeveria e Kosovës përmes MINT-it dhe kredisë nga Banka Botërore, ka shtuar kapitalin prej mbi 24 milionë euro, si dhe Banka Gjermane për Zhvillim ka kontribuar me një kapital prej mbi 24 milionë eurove, brenda këtyre shtatë viteve. Fondi sot operon me një kapital prej afër 55 milionë eurove”, tha Hoxha.

    Sipas të dhënave të BQK-së, vlera e kredive deri në muajin shkurt ka arritur në 4.33 miliardë euro, duke shënuar rritje vjetore prej 15,1 për qind. /atvlive.tv

  • Hajdari: Mbi 720 milionë euro investime direkte gjatë 2022-ës, ulet bilanci tregtar

    Hajdari: Mbi 720 milionë euro investime direkte gjatë 2022-ës, ulet bilanci tregtar

    Ministrja e Industrisë, Ndërmarrësisë dhe Tregtisë, Rozeta Hajdari, ka thënë për Ekonomia Online se bilanci tregtar është zvogëluar fal rritjes së eksportit, ndërsa investimet e huaja direkte, gjatë vitit 2022, janë rritur në vlerë prej 772 milionë euro.

    Hajdari ka folur edhe për rritjen e eksportit të mallrave për vitin e kaluar, për të cilën thotë se është rritur për 22 për qind rritje krahasuar me vitin 2021.

    Teksa ka folur për bilancin tregtar, Hajdari tha se aktualisht Kosova e ka 1 me 6, ndërsa më herët i njëjti ishte 1 me 10. Kjo gjë sipas ministres po bëhet falë zëvendësimit të produkteve të importit me prodhimin vendor.

    “Bilanci tregtar fal rritjes së eksporteve, ne kemi pasur një bilanc tregtar 1 me 10, ndërsa tani duke iu falënderuar rritjes së prodhimit vendor, rritjes së eksportit kemi zvogëluar bilancin tregtar, dhe tani e kemi 1 me 6. Pra po eksportojmë 1 po marrim afër 6, dhe kjo është falë rritjes së kapacitetit të prodhimit vendor, por edhe zëvendësimit të produkteve të importit me prodhimin vendor”, u shpreh Hajdari për EO.

    Kosova qëndron mirë sipas Hajdarit edhe te eksporti i mallrave, ku shifra totale për vitin 2022 ka shkuar në 920 milionë euro.

    “Të eksporti i mallrave për vitin e kaluar kemi afër 920 milionë, që është 22 për qind rritje krahasuar me vitin 2021. 93 për qind krahasuar me vitin 2020. Po nëse shkojmë edhe te eksporti i shërbimeve, kemi edhe një rritje rekorde prej 2.5 miliardë euro për vitin 2022 e që është 32 për qind rritje krahasuar me vitin 2021 dhe 153 për qind rritje krahasuar me vitin 2020, pra po rritet sektori privat në Kosovë dhe po ndihmon në qëndrueshmëri të vendit, sepse përpos rritjes së mirëqenies së popullatës sonë përmes zhvillimit industrial dhe gjenerimit të vendeve të reja të punës, po krijon edhe një qëndrueshmëri të shtetit”, tha Hajdari.

    Ministrja Hajdari tha se ndihmë të madhe po u japin bizneseve prodhuese.

    “Për herë të parë në Kosovë tani pas pavarësisë kemi hartuar në bashkëpunim të afërt me bizneset tona politikën industriale deri në vitin 2030, me të cilën politikë synojmë përkrahjen drejtë prodhimit, sepse në të gjitha sektorët që janë analizuar, vlera e shtuar e sektorëve nga perspektiva e vlerës së shtuar është kuptuar se të rinjtë tanë kanë aftësinë e prodhimit për sektorë të ndryshëm të prodhimit dhe përpunimit, dhe nga kjo analizë paraprake për shtatë sektorët kryesor industrial, sjell konkludimin se Kosova ka mundësinë për të prodhuar më shumë, dhe deri më tani prodhimi nuk e ka sjell sa duhet kontributin që ka mundur ta sjellë për ta zbërthyer vendin tonë në një vend më të zhvilluar ekonomikisht, pra jemi vendi i varur nga importi”.

    E për investimet e huaja direkte, sipas Hajdarit, kanë shkuar në 772 milionë euro. Kjo shifër sipas saj është tregues se sektori privat po i zgjeron produktet.

    “Për investimet e huaja edhe këtu një vlerë e mirë, rekord krahasuar me vitet e kaluara, por ne ende presim edhe më shumë rritje të investimeve duke përkrahur sektorin privat, duke rritur prodhimin. Investimet e huaja direkte në vlerë rekord në vitin e kaluar ishin 772 milionë euro. Pra është një tregues i qartë që sektori privat po rrit prodhimtarinë, po zgjeron produktet”, u shpreh ajo.

  • Kryeministri Kurti nderon viktimat dhe të mbijetuarit e dhunës seksuale gjatë luftës

    Kryeministri Kurti nderon viktimat dhe të mbijetuarit e dhunës seksuale gjatë luftës

    Në Ditën Memoriale të të mbijetuarve të dhunës seksuale gjatë luftës së fundit në Kosovë, të shpallur këtë vit nga Qeveria, Kryeministri i Republikës së Kosovës, Albin Kurti, nderoi viktimat dhe të mbijetuarit e dhunës seksuale gjatë luftës në Kosovë.

    Me homazhe te memoriali Heroinat, Kryeministri Kurti përkujtoi viktimat e dhunës seksuale, të cilat nuk janë më në mesin tonë, si dhe nderoi të mbijetuarat e të mbijetuarit për forcën e tyre të pashembullt.

    Kryeministri Kurti, së bashku me Ministren e Drejtësisë, Albulena Haxhiu, vendosi lule para memorialit, i cili përkujton mijëra gra dhe vajza, burra dhe djem, viktima e të mbijetuar të dhunës seksuale, që është përdorur si armë lufte nga forcat e okupatorit serb në luftën e fundit në Kosovë.

    Në homazhe morën pjesë edhe Ministri i Punëve të Brendshme, Xhelal Sveçla, Ministrja e Ekonomisë, Artane Rizvanolli, Ministrja e Industrisë, Ndërmarrësisë dhe Tregtisë, Rozeta Hajdari, Ministri i Mjedisit, Planifikimit Hapësinor dhe Infrastrukturës, Liburn Aliu, Ministri i Bujqësisë, Faton Peci drejtuesja e grupit parlamentar të Lëvizjes VETËVENDOSJE!, Mimoza Kusari Lila, Kryeshefja Ekzekutive e Agjencisë për Barazi Gjinore në Zyrën e Kryeministrit, Edi Gusia, kryetarja e Komisionit Qeveritar për Njohjen dhe Verifikimin e Statusit të personave të dhunuar gjatë Luftës në Kosovë, Leonora Selmani, si dhe përfaqësues të tjerë të institucioneve.

    Në mbledhjen e 138-të, të mbajtur më 12 prill 2023, Qeveria e Republikës së Kosovës në bashkërendim me Presidenten e Republikës së Kosovës, ka shpallur datën 14 prill si Ditë Memoriale e të mbijetuarve të dhunës seksuale gjatë luftës së fundit në Kosovë.