ATV

Tag: Rashit Qalaj

  • “Nuk është zgjedhur rastësisht Manastiri”, Qalaj zbulon planin e terroristëve për sulmin në Banjskë

    “Nuk është zgjedhur rastësisht Manastiri”, Qalaj zbulon planin e terroristëve për sulmin në Banjskë

    Ish-drejtori i Policisë së Kosovës, Rashit Qalaj, në dokumentarin “Dritëhijet e 24 shtatorit” në ATV, ka zbuluar se plani i terroristëve ishte vrasja e pelegrinëve, për të fajësuar pastaj institucionet e Kosovës.

    “Nuk është zgjedhur rastësisht Manastiri. Aty atë ditë ka pasur shumë pelegrinë që kanë ardhë në Kosovë.. Është teori e imja, që kanë pasur plan t’i vrasin një numër të pelegrinëve dhe punonjësve dhe pastaj ti fajësojnë institucionet e Kosovës. Dhe çka mund të presësh nga kriminelët – vetëm viktima”, tha ai.

    Ai thotë se nuk e beson asnjëherë që Serbia mund ta aneksojë Veriun.

    “Kosova ka institucionet e sigurisë. Mos të harrojmë partnerët EULEX-in dhe KFOR-in sidomos. Mirëpo mos të harrojmë që është edhe FSK-ja dhe mbi të gjitha – populli i Kosovës, dhe kurrë Policia nuk do të ishte vetëm”, vlerëson Qalaj. /atvlive.tv

    Për më shumë detaje se çfarë ndodhi në orët e hershme të 24 shtatorit, ndiqni dokumentarin e plotë në videon e mëposhtme:

  • Qalaj për operacionin e 24 shtatorit: Ka qenë meritë e Afrim Bunjakut dhe e policëve që u ballafaquan me terroristët

    Qalaj për operacionin e 24 shtatorit: Ka qenë meritë e Afrim Bunjakut dhe e policëve që u ballafaquan me terroristët

    Radio Televizioni ATV ka realizuar një dokumentar ekskluziv të titulluar “Dritëhijet e 24 shtatorit”, përmes të cilit ka vënë në dritë detaje të padëgjuara deri më tani për sulmin terrorist në Banjskë të Zveçanit.

    Ish-drejtori i Policisë së Kosovës, Rashit Qalaj, në këtë dokumentar vlerëson se operacioni i 24 shtatorit, ka qenë meritë e heroit Afrim Bunjaku dhe i policëve që u ballafaquan me terroristët për disa orë të tëra.

    “Puna më e madhe, më e guximshme, ajo që për mu ka qenë ngjarja kryesore, ka qenë konfrontimi i policëve të rendit me terroristët serbë, dhe pastaj mbështetja që u është bërë nga Njësiti i Reagimit të Shpejtë të Kufirit. Duhet me e ditë që ata për disa orë i kanë mbajtë luftimet”, thotë Qalaj.

    Ai përmend se ballafaqimi i policëve nuk ka qenë i lehtë, duke pasur parasysh se terroristët kanë qenë të stërvitur.

    “Zolla është armë ushtarake. Dhe në këtë rast grupet paramilitare terroristët të cilët jam I bindur se kanë qenë pjesë e strukturave zyrtare të Serbisë, kanë qenë të stërvitura edhe për përdorimin e këtyre raketave të dorës. Realisht ka qenë fat i madh që nuk janë qëlluar automjetet e Policisë së Kosovës”, tha Qalaj. /atvlive.tv

    Për më shumë detaje se çfarë ndodhi në orët e hershme të 24 shtatorit, ndiqni dokumentarin e plotë në videon e mëposhtme:

  • Qalaj-Qeverisë: Për shkak të politikave të gabuara, po ndodh ikja masive e të rinjve

    Qalaj-Qeverisë: Për shkak të politikave të gabuara, po ndodh ikja masive e të rinjve

    Deputeti i Partisë Demokratike të Kosovës (PDK), Rashit Qalaj, tha se me veprimet e fundit po duke se Qeveria po i bënë nder dikujt tjetër, raporton Ekonomia Online.

    Sipas tij, për shkak të politikave të gabuara të Qeverisë, po ndodh ikja masive e të rinjve dhe se bizneset po sjellin punëtorë nga jashtë.

    Ai shton se në këto kushte, veprimet e Qeverisë për t’i goditur komunat në të hyrat buxhetore është e papranueshme.

    “Sa është presioni psikologjik i situatës së sigurisë në vend nuk do shumë koment. Që nga paslufta e deri më sot qytetari nuk ndihet i sigurt që Qeveria me veprimet e saja ka rënë në kurth dhe siç duket po i bën nder dikujt tjetër”.

    “Përveç krizës globale, qytetari është ballafaquar me një mosplanifikim të mirë që nuk ka marrë diçka nga Qeveria. Kushtet atmosferike dhe dëmet që u janë shkaktuar nga vërshimet si në kulturat bujqësore por edhe në ato familjare, bujqit dhe qytetarët kanë nevojë për përkrahje”.

    “Kemi filluar për shkak të migrimit tash të importojnë edhe fuqi punëtore. Për ditë bizneset po sjellin punëtorë e të cilët qëndrojnë për një kohë të shkurtër, ata ikin nga Kosova dhe kjo po bëhet për shkak të ikjes masive të të rinjve. Në këto kushte, t’i godasësh komunat e Kosovës për të hyrat buxhetore është e papranueshëm”.