ATV

Tag: Protesta

  • “Rryma nuk është luks”: Sot protestohet në Prishtinë kundër shtrenjtimit të energjisë elektrike

    “Rryma nuk është luks”: Sot protestohet në Prishtinë kundër shtrenjtimit të energjisë elektrike

    Në Prishtinë pritet të mbahet sot një protestë kundër paralajmërimeve për rritjen e çmimit të energjisë elektrike.

    Protesta është thirrur nga Kolektivi për Mendim dhe Veprim Feminist, në bashkëpunim me organizatën “Përpjekja”.

    Sipas njoftimit të organizatorëve, protesta do të nisë në ora 13:00 pranë ndërtesës së KEDS-it, ndërsa më pas pritet të vazhdojë me marshim drejt Qeverisë së Republikës së Kosovës, ku edhe do të përfundojë.

    Organizatorët kanë theksuar se përmes kësaj proteste synojnë të kundërshtojnë çdo vendim që do të çonte në rritjen e çmimit të energjisë elektrike, duke vlerësuar se një rritje e tillë do të kishte pasoja të rënda për qytetarët, veçanërisht për familjet me të ardhura të ulëta.

    Në njoftimin e tyre për media, organizatorët kritikojnë rritjet e vazhdueshme të faturave të energjisë elektrike që nga viti 2022, duke i cilësuar ato si të padrejta dhe të dëmshme për qytetarët.

    Sipas tyre, KEDS-i ka kërkuar rritje të vazhdueshme të çmimeve, të cilat janë aprovuar nga Zyra e Rregullatorit për Energji (ZRrE), në kurriz të mirëqenies së qytetarëve.

    “Qytetarët e Kosovës sot nuk paguajnë vetëm koston reale të rrymës, por edhe humbjet, keqmenaxhimin dhe gabimet e KEDS-it, vetëm për të garantuar fitime gjithnjë e më të mëdha për këtë kompani”, thuhet në deklaratë.

    Organizatat përmendin gjithashtu ndërprerjet e shpeshta të energjisë, mungesën e ngrohjes gjatë dimrit dhe rritjen e kostos së jetesës si pasoja direkte të shtrenjtimit të energjisë elektrike. Ato rikujtojnë rritjen prej 16.1% të miratuar vitin e kaluar dhe paralajmërimin për një tjetër rritje rreth 20% këtë vit, të cilën e konsiderojnë “zhvatje të hapur ndaj qytetarëve”.

  • Të hënën protestohet në Prishtinë: Siguria e grave të trajtohet si urgjencë kombëtare

    Të hënën protestohet në Prishtinë: Siguria e grave të trajtohet si urgjencë kombëtare

    Kolektivi Për Mendim dhe Veprim Feminist ka njoftuar se të hënën nga ora 17:30 do të organizojë protestë në sheshin “Zahir Pajaziti” në Prishtinë si përgjigje për vrasjen e gruas në Ferizaj. Kjo organizatë do të kërkojë që siguria e grave të trajtohet si urgjencë kombëtare.

    E.C., 21 vjeç, u vra sot nga ish-bashkëshorti V.A., 36 vjeç, në Qendrën për Punë Sociale në Ferizaj. I plagosur mbeti vëllai i viktimës 15 vjeç. Dyshohet se çifti kishin mosmarrëveshje për kujdestarinë e fëmijëve.

    Kolektivi Për Mendim dhe Veprim Feminist ka thënë se vrasja e fundit tregon se gratë në Kosovë nuk janë të sigurta askund.

    “Edhe një grua tjetër u vra në sytë e shtetit. Edhe një jetë e humbur që kumbon luftën që na është shpallur grave në Kosovë e që disa nga ne po i vret. Ky rast i femicidit është duke treguar që vajzat dhe gratë në Kosovë nuk janë askund të sigurta. Ato dhunohen e vriten në shtëpi, në strehat e shtetit, në rrugë e në spitale, pa mbrojtje e pa siguri nga shteti. Femicidi dhe lufta që iu është shpallur grave duhet të na revoltojë të gjitha/ë dhe të na ngrisë në këmbë shesheve dhe rrugëve në Prishtinë e kudo për të kërkuar që shteti me të gjitha strukturat e saj t’iu dalë në krah vajzave dhe grave dhe ta trajtojë femicidin si urgjencë kombëtare. Ne si shoqëri duhet të ngrihemi e ta luftojmë bashkë këtë patriarkalitet që nuk po lë strehë të sigurtë për gratë deri sa ua merr edhe frymën e fundit”, thuhet në reagimin e tyre.

    “Teksa vajzat e gratë janë duke luftuar me këtë sistem vdekatar me jetën e trupat e tyre, ne nuk mund të qëndrojmë të qeta/ë e të vazhdojmë jetën me ritme normale. Ne duhet të dalim nga shtëpitë, zyret, punishtet, klasët e mësimit e kafenetë dhe ta denoncojmë e sfidojmë rendin patriarkal që po ushqen dhunë të përditshme ndaj vajzave dhe grave dhe femicid. Ne thërrasim në revoltë dhe demonstratë gjithëpopullore, këtë të hënë në sheshin “Zahir Pajaziti” duke filluar nga ora 17:30. Të hënën e çdo ditë tjetër luftojmë për sigurinë tonë dhe të çdo vajze dhe gruaje në Kosovë. Luftojmë që asnjë grua të mos frikësohet, dhunohet a vritet”, vijon tutje reagimi.

  • Sërish protestojnë punëtorët e sigurimit fizik në KEK

    Sërish protestojnë punëtorët e sigurimit fizik në KEK

    Shoqata Sindikale e Sigurimit Fizik në KEK ka njoftuar se sot nga ora 10:00, do të mbajë protestë.

    Sipas njoftimit kjo protestë do të jetë paqësore dhe do të fillojë nga sheshi “Zahir Pajaziti”, dhe pastaj para zyrave të KEK-ut.

    Sipas kryetarit të Sindikatës së Re Korporata Energjetike e Kosovës, Nexhat Llumnica, protesta është organizuar në shenjë proteste kundër vazhdimit të tenderimit të paligjshëm të këtij departamenti, pagave të ulëta, dhe kushteve të rënda për punonjësit e sigurimit fizik në KEK.

  • Zjarrfikësit protestojnë përsëri nesër para Qeverisë

    Zjarrfikësit protestojnë përsëri nesër para Qeverisë

    Zjarrfikësit e Kosovës nesër do të protestojnë para Qeverisë, duke filluar nga ora 11:00.

    Kjo për shkak të mospërmbushjes, siç njoftojnë ata, të kërkesave të tyre rreth moskompensimit për rrezikshmëri në punë.

    “Ju njoftojmë se Kryesia e Sindikatës së Zjarrfikësve të Kosovës dhe këshilli protestues ka vendosur që në shenjë pakënaqësie me kushtet e punës dhe gjendjen në përgjithësi në shërbimin e zjarrfikjes dhe shpëtimit, mosplotësimi i kërkesave të parashtruara me kohë, kërkesa të drejta dhe legjitime, moskompensimi për rrezikshmëri në punë, mosgatishmëria që Qeveria të zgjidh drejt problemet e krijuara edhe pas takimeve që kishim, zjarrfikësit e Kosovës kanë vendosur që me datën 14.12.2023 të riaktivizojë protestën si formë e presionit sindikal. Protesta do të organizohet para ndërtesës së Qeverisë së Kosovës në ora 11:00 dhe do të vazhdojë deri sa të na informojnë për qëndrimin dhe të marrim një konfirmim dhe përgjigje nga Qeveria e Kosovës”, thuhet në njoftimin e tyre.

    Bëhet e ditur se protesta do të jetë paqësore.

    Ndryshe, Sindikata e Zjarrfikësve kishte protestuar edhe në muajin e kaluar.

    Fillon protesta zjarrfikësve para Qeverisë

  • NjSI-ja dhe Sindikata e Policisë protestojnë para qeverisë

    NjSI-ja dhe Sindikata e Policisë protestojnë para qeverisë

    Pjesëtarët e Njësisë Speciale Intervenuese dhe Sindikata e Policisë kanë protestuar të shtunën para qeverisë.

    NjSI-ja dhe Sindikata janë duke protestuar për shkak të pagave, shtesave të rrezikshmërisë, sigurimeve shëndetësore dhe kërkesave të tjera. Protesta e parë e NjSI është mbajtur më 1 nëntor para objektit të Qeverisë së Kosovës. Përndryshe në protestën e parë, policët elitarë kishin paralajmëruar se nuk do të zmbrapsen nga kërkesat e tyre.

    Më 27 tetor, Qeveria e Kosovës prezantoi shtesat për rrezikshmërinë për pjesëtarët e Policisë së Kosovës.

    Shtesat janë ndarë në shtatë kategori, varësisht prej pozitave të zyrtarëve policorë. Për njësitë elitare, përkatësisht për Njësinë Speciale Intervenuese, Njësinë për Ndërhyrje të Shpejtë dhe Njësinë për Mbrojtje të Afërt, shtesat do të jenë 150 euro mbi pagën bazë.

    Ndërkaq, për Njësinë për eksplozivët dhe deminim, Qeveria tha se shtesa do të jetë në vlerë prej 120 eurosh.

  • Njësiti Special Intervenues proteston sot para Qeverisë, i bashkohet edhe Sindikata e Policisë

    Njësiti Special Intervenues proteston sot para Qeverisë, i bashkohet edhe Sindikata e Policisë

    Njësiti Special Intervenues sot do të mbajnë protestë para objektit të Qeverisë, si shenjë pakënaqësie për vendimin për shtesat e rrezikshmërisë.

    Por, kësaj here protestës do t’i bashkohet edhe Këshilli drejtues i Sindikatës së Policisë.

    Lajmin e ka konfirmuar kryetari i kësaj Sindikate, Imer Zeqiri.

    “Po, do të jemi nga ora 12:00. Edhe Këshilli Drejtues i Sindikatës së Policisë i bashkohet protestës. Nesër i merrni vesh kërkesat tona”, tha shkurt ai.

    Rikujtojmë se protesta e tillë u mbajt edhe me 1 nëntor para objektit të Qeverisë.

    “Ftoj kryeministrin dhe Qeverinë e Kosovës të marrin hapa. Ju e dini rreziqet që bartin detyrat tona, mos luani me dinjitetin tonë, mos luani me ndjenjat e familjeve tona, ne e kemi dëshmuar vetën tonë. Propozimin e dhënë për shtesat e sigurisë ta rishikoni edhe njëherë“, kështu ishte deklaruar para mediave njëri pjesëtar i kësaj njësie.

  • Shtyhet protesta e paralajmëruar për sot nga punëtorët e KEK-ut

    Shtyhet protesta e paralajmëruar për sot nga punëtorët e KEK-ut

    Protesta e paralajmëruar për ditën e sotme nga punëtorët e KEK-ut është shtyrë.

    Kështu ka bërë të ditur Sindikata e KEK-ut me anë të një njoftimi, në të cilin thuhet se morën zotim se kërkesat e tyre do të realizohen.

    Sipas njoftimit, vendimi për shtyerjen e protestës është marrë kryesuesin e bordit drejtues dhe menaxhmentin e KEK-ut.

    “Duke ju njoftuar për zhvillimet e fundit në lidhje me negociatat tona për ngritjen e pagave dhe pagesën e fundjavës për punëtorët me ndërrime, kemi disa lajme të rëndësishme për të ndarë me ju. Sot, pas një takimi të gjatë me kryesuesin e bordit drejtues dhe menaxhmentin e KEK-ut, kemi arritur në një marrëveshje që na jep shpresë dhe besim se kërkesat tona do të realizohen. Kryesuesi i bordit drejtues dhe menaxhmenti i KEK-ut është zotuar për të kryer kërkesat tona dhe ka premtuar se do të vazhdojë dialogun me sindikatat për të adresuar çështjet e punëtorëve në mënyrë të drejtë”, thuhet tutje.

    Siç bën të ditur njoftimi, qëllimi i tyre është të hapet rrugë për dialog dhe zgjidhjen e kërkesave tona në një mënyrë të qetë dhe të drejtë

    “Me këtë mendim dhe duke iu besuar zotimit të KEK-ut për të ndërmarrë veprime konkrete, kemi vendosur të shtyjmë protestën tonë të planifikuar për nesër më datën 7 nëntor 2023. Qëllimi ynë është të hapim rrugën për dialog dhe zgjidhjen e kërkesave tona në një mënyrë të qetë dhe të drejtë”.

    Sindikata e KEK-ut ka paralajmëruar veprime sindikale nëse kërkesat e tyre nuk realizohen.

    “Megjithatë, është e rëndësishme që të kemi parasysh se këto janë premtime, dhe ne do të jemi të përgatitur për veprime sindikale nëse kërkesat tona të drejta dhe ligjore nuk realizohen në mënyrë të plotë. Do të vazhdojmë të jemi aktiv dhe do të ndërmarrim hapa të duhur për të mbrojtur të drejtat tona”, njofton Sinidikata.

    Protesta ishte paraparë të niste nga ora 11:00 para zyrave të KEK-ut në Prishtinë.

  • Dehari: Prokurorët janë të manipuluar, tentuan ta fshihnin vrasjen e Astritit

    Dehari: Prokurorët janë të manipuluar, tentuan ta fshihnin vrasjen e Astritit

    Sot janë bërë 7 vjet nga vrasja e Astrit Deharit, andaj sot nga ora 12:00 dhjetëra qytetarë protestuan përballë Prokurorisë Speciale në Prishtinë, për siç thanë ata, shkaku i neglizhencës së Prokurorisë, në hetimin e vrasjes së aktivistit të Lëvizjes Vetëvendosje. 

    I pranishëm në këtë protestë ishte edhe babai i Astritit, Avni Dehari, i cili fajësoi prokurorët e rastit, duke thënë se të njëjtit janë të manipuluar, derisa shtoi se arrestimi i Astritit asokohe ishte i inskenuar, për qëllime politike.

    “Po bahen 7 vite që ne si familje dhe e gjithë shoqëria po kërkojmë drejtësi për vrasjen e Astrit, në burgun e Prizrenit. Arrestimi i Astritit, ishte një arrestim i inskenuar i politikës së kohës së atëhershme, për qëllime politike dhe jo për veprën që ishte kryer, sepse të gjithë shokët e Astriti ishin shpallur të pafajshëm… Vet fakti që 7 vite nuk u zbardh rasti, flet shumë së është një drejtësi e manipuluar nga vet prokurorët, si prokurori Sylë Hoxha për 2 vite me radhë e keqtrajtoi këtë rast derisa poli në pension e po ashtu në ditët e para ende pa përfunduar analizat e duhura, u përpoq ta mbledhë vdekjen e Astriti si vetëvrasje dhe siç po duket edhe pasuesi i tij Afrim Shefkiu po vazhdon të manipuloj me këtë rast njëjtë”, tha ai.

    Tutje edhe avokati i familjes Dehari, Tomë Gashi tha se ende nuk dihen arsyet se pse nuk po jepen informata se çfarë po ndodh me këtë rast.

    “Deri më tani prokuroria nuk e ka përfunduar rasti ashtu siç kërkohet. I ka të gjitha provat që Dehari u ra mirëpo ne nuk i dimë arsyet por besojmë që nuk janë arsye ligjore se për çfarë arsye prokuroria deri më tani nuk ka nxjerrë së paku një aktvendim për zhvillimin e hetimeve në këtë rast, në zbulimin e emrave të vrasësve të Deharit, emrat e atyre që nxiten vrasjen e tij. Ne e dimë që një dëshmitar i cili ka qenë në dhomë me Astrit Dehari ka vdekur në rrethana të pasqaruara është vrarë. Nuk po e dimë se cila është arsyeja pse nuk po jepet informata se çfarë po ndodhë me këtë rast”, tha Gashi.

    Kujtojmë se Astrit Dehari ka vdekur më 5 nëntor 2016 teksa po mbahej në Qendrën e Paraburgimit në Prizren. Ai kishte qenë në paraburgim, si i dyshuar për sulmin ndaj ndërtesës së Kuvendit të datës 4 gusht 2016. Rrethanat e vdekjes së 26-vjeçarit ende mbetën të pasqaruara dhe nuk dihet se çfarë saktë kishte ndodhur në qelinë e tij në qendrën e paraburgimit./atvlive.tv/

    Për më shumë ndiqini videon e mëposhtme:

  • Grupi i specializantëve proteston edhe sot para Ministrisë së Shëndetësisë

    Grupi i specializantëve proteston edhe sot para Ministrisë së Shëndetësisë

    Grupi i specializantëve sot do ta vazhdojë protestën para Ministrisë së Shëndetësisë.

    Sipas specializantëve, kjo protestë po mbahet në lidhje me mospagesën e kujdestarive prej muajit shkurt dhe kundër detyrimit për të paguar vitin e shkollimit specialistik 500 euro për një vit.

    Protesta nis në orën 10:00.

    Ndryshe edhe dje specializantët e 37 klinikave të QKUK-së u mblodhën para Ministrisë së Shëndetësisë, duke shprehur pakënaqësinë e tyre lidhur me mospërmbushjen e kërkesave.

    “Po protestojmë sot, pasi specializantët detyrohen të paguajnë 500 euro për vit për shkollim specialistik, që për një shkollim specialistik 5-vjeçar, kjo i bie që një specializant paguan 2500 euro për një vit e që nuk ka qenë përpara. Specializantët nga muaji shkurt nuk e kanë marrë asnjë cent për kujdestaritë që i kanë mbajtë”, tha Arianit Zajmi, kryetar i specializantëve.

    Protesta të këtilla të stafit shëndetësor janë të vazhdueshme, derisa kërkohet ekzekutimi i pagesës për kujdestari. ATV-ja ndërkaq nuk ka marrë përgjigje nga Ministria e Shëndetësisë nëse do t’i ekzekutojë këto pagesa.

  • Punëtorët e sigurimit fizik në KEK protestojnë për të dytën herë me radhë gjatë këtij muaji

    Punëtorët e sigurimit fizik në KEK protestojnë për të dytën herë me radhë gjatë këtij muaji

    Punëtorët e sigurimit fizik në Korporatën Energjetike të Kosovës kanë protestuar të hënën para objektit të KEK-ut dhe Qeverisë së Kosovës.

    Protesta nisi në sheshin “Zahir Pajaziti”, duke vazhduar përpara zyrave të KEK-ut dhe objektit të Qeverisë, derisa në shenjë pakënaqësie ata hodhën edhe vezë para zyrave të KEK-ut.

    Kjo protestë, e dyta me radhë gjatë këtij muaji, po mbahet për shkak të mospërmbushjes së premtimit nga pushteti për kthimin e tyre në kuadër të KEK-ut./atvlive.tv/