ATV

Tag: Prokuroria e Shtetit

  • Drejtori i AVONET ngre alarmin: Standarde të dyfishta dhe vendime kontradiktore në OSHP

    Drejtori i AVONET ngre alarmin: Standarde të dyfishta dhe vendime kontradiktore në OSHP

    Një analizë e bërë nga drejtori i OJQ-së AVONET, Kenan Gashi, nxjerr në pah një sërë vendimesh kontradiktore nga Organi Shqyrtues i Prokurimit (OSHP), duke ngritur shqetësime serioze për mënyrën e interpretimit dhe zbatimit të ligjit. Sipas tij, rastet me numra 0006/2025, 1012/2025 dhe 0093/2026 dëshmojnë për një praktikë të paqëndrueshme dhe trajtim selektiv, ku për raste të ngjashme merren vendime të ndryshme, pa një standard të qartë juridik.

    Gashi thekson se në një rast pranohet se ka pasur hapësirë për interpretim, por vendimi nuk korrigjohet, ndërsa në një tjetër rast, edhe pse mungojnë kriteret bazë, çështja kthehet në rivlerësim. Sipas tij, kjo tregon për një devijim të rrezikshëm nga parimet e barazisë dhe transparencës, duke dëmtuar besimin në sistemin e prokurimit publik dhe duke ngritur pikëpyetje për ndikime të mundshme në vendimmarrje.

    Ai bën thirrje që institucionet përgjegjëse, përfshirë Kuvendin e Kosovës, Qeverinë dhe Prokurorinë e Shtetit, të trajtojnë këtë çështje me prioritet, duke theksuar se heshtja përballë këtyre praktikave rrezikon të kthejë abuzimin në normë.

    Postimi i plotë:

  • ​Kurti: Në Prokurorinë e Shtetit ka disponim negativ ndaj qeverisjes sonë

    ​Kurti: Në Prokurorinë e Shtetit ka disponim negativ ndaj qeverisjes sonë

    Kryeministri Albin Kurti tha se në Prokurorinë e Shtetit ekziston një disponim negativ ndaj qeverisjes së tij.

    Në seancën e Kuvendit të Kosovës, Kurti tha se ka pasur gëzim opozitar për arrestimin e kryeshefit ekzekutivit të KEK-ut.

    “Unë nuk kam dyshim që në Prokurorinë e Shtetit, dhe atë sa më lartë aq më shumë, ekziston një disponim politik negativ ndaj qeverisjes sonë. Dhe jo vetëm ndaj meje si kryeministër, por ndaj qeverisjes sonë. Dhe jo vetëm ndaj qeverisjes sonë, por edhe ndaj pushtetit të ri të dalë nga 14 shkurti i vitit 2021 nga zgjedhjet e lira dhe demokratike, të cilat e sollën ndryshimin e madh në Republikën tonë”, tha ai, transmeton KP.

    Kurti tha se udhëheqja e re e bordit ka dërguar me dhjetëra dëshmi e fakte për keqpërdorimet që sipas tij kanë gjetur aty.

    “Kjo çështje ka fakte dhe ato ne urojmë dhe shpresojmë që të merren me profesionalizëm dhe me përpikëri. Në anën tjetër, është fakt se pati një gëzim opozitar për arrestimin e kryeshefit, Krasniqi. Por, ky është i opozitës, nuk është fakt i çështjes. Ne e dimë që ka pasur shumë kryeshefa ne KEK, në të kaluarën, ka pasur keqpërdorime marramendëse, mirëpo asnjëherë nuk janë trajtuar nga sistemi i drejtësisë, përkatësisht nga prokuroria. Prokuroria është shumë e zellshme në këtë rast kur fitimi i KEK-ut në vitin 2022 ka qenë 107 milionë euro. Natyrisht që udhëheqja e re e KEK-ut ka deponuar me dhjetëra fakte, dëshmi materiale për keqpërdorimet që i ka gjetur aty. Por zelli i prokurorisë për tu marrë me deponimet e fakteve, e dëshmive për keqpërdorimet e mëhershme ka qenë zero”, tha Kurti.