ATV

Tag: Prishtinë

  • Sunny Hill Festival 2026 po vjen, biletat Believers tani janë në shitje!

    Sunny Hill Festival 2026 po vjen, biletat Believers tani janë në shitje!

    Sot nis zyrtarisht kapitulli i ri për Sunny Hill Festival 2026. Me daljen në shitje të biletave Believers, festivali hap fazën e parë për edicionin e vitit 2026, duke ftuar fansat më besnikë të bëhen të parët që sigurojnë vendin e tyre në një nga festivalet më të përfolura të Evropës për tre vjet rresht.

    Believers janë tradicionalisht grupi i parë i biletave dhe ofrojnë çmimin më të ulët për gjithë edicionin e festivalit me qasje në të gjitha skenat, duke shpërblyer ata që besojnë në përvojën e Sunny Hill përpara se të zbulohet lineup-i i artistëve. Programi i plotë i këtij edicioni do të publikohet pasi të përfundojë kjo fazë e biletave – një moment që çdo vit shndërrohet në një nga zbulimet më të shumëpritura të verës dhe festivaleve në gjithë Evropën Juglindore dhe përtej.

    Pas një edicioni rekord vitin e kaluar, Sunny Hill Festival hyn në vitin 2026 me plane edhe më të mëdha. Në vitin 2025 festivali mirëpriti pjesëmarrës nga mbi 60 vende të botës, duke gjeneruar rreth 22 milionë euro ndikim direkt ekonomik për Kosovën dhe duke çuar kapacitetet e akomodimit në vend në gati 99% të rezervuara gjatë ditëve të festivalit.

    Rritja e festivalit ka qenë e qëndrueshme çdo vit, me një zgjerim që në disa edicione ka arritur deri në 30%, duke e kthyer Sunny Hill në një nga ngjarjet kulturore dhe muzikore me ndikimin më të madh në rajon.

    Ky sukses është reflektuar edhe në vlerësimet ndërkombëtare: për tre vite radhazi, Sunny Hill Festival është renditur ndër Top 10 festivalet më të mira në Evropë (katëgorinë mid-size), sipas Shoqatës Evropiane të Festivaleve të Muzikës me seli në Holandë.

    Edicioni i vitit 2026 pritet të jetë edhe më i madh i Sunny Hill Festival. Organizatorët paralajmërojnë një festival më të madh se kurrë më parë, me më shumë artistë ndërkombëtarë, më shumë skena, një program edhe më të zgjeruar dhe një audiencë globale që vazhdon të rritet çdo vit.

    Për disa ditë çdo verë, Prishtina shndërrohet në destinacionin më interesant evropian të muzikës, kulturës dhe energjisë rinore. Qindra gazetarë dhe media prestigjioze ndërkombëtare – përfshirë The Neë York Times, BBC, The Guardian, Vogue, Elle dhe shumë të tjera – kanë raportuar ndër vite nga Sunny Hill, duke e prezantuar Kosovën para qindra miliona njerëzve në mbarë botën.

    Me nisjen e shitjes së biletave “Believers”, fillon zyrtarisht numërimi mbrapsht për një tjetër verë që pritet ta vendosë Prishtinën në qendër të hartës globale të festivaleve.

    Sunny Hill Festival 2026 po vjen – dhe fansat e parë që i marrin biletat e tyre shpejtë do të bëhen pjesë e përvojës së paharrueshme të këtij edicioni.

  • Të shtëna me armë zjarri në Prishtinë, vritet një person ndërsa plagoset një tjerë

    Të shtëna me armë zjarri në Prishtinë, vritet një person ndërsa plagoset një tjerë

    Një person ka humbur jetën, ndërsa një tjetër ka mbetur e plagosur si pasojë e të shtënave sonte në Prishtinë.

    Siç raporton gazeta Sinjali, viktima është E.H, rreth 30-vjeç.

    Raportohet se viktima E.H u nis me urgjencë për në spital, mirëpo i njëjti s’ka arritur që t’i përballojë plagët e marra dhe si pasojë ka ndërruar jetë.

    Në anën tjetër, e plagosura, kalimtare e rastit është dërguar në Emergjencë dhe sipas informacioneve të para, ndodhet në gjendje kritike.

  • “Sot ditë e rëndësishme për të ardhmen e qytetit”, Përparim Rama paralajmëron projekte të shumta për Prishtinën

    “Sot ditë e rëndësishme për të ardhmen e qytetit”, Përparim Rama paralajmëron projekte të shumta për Prishtinën

    Kryetari i Prishtinës, Përparim Rama ka deklaruar se sot është një ditë jashtëzakonisht e rëndësishme për të ardhmen e kryeqytetit. Ai ka njoftuar se gjatë gjithë ditës do të prezantojnë një sërë projektesh për Prishtinën.

    “Sot është një ditë jashtëzakonisht e rëndësishme për të ardhmen e qytetit tonë, sepse gjatë gjithë ditës do të prezantojmë një sërë projektesh për Prishtinën para qindra liderëve të biznesit nga vende të ndryshme të botës”, ka shkruar Rama në Facebook.

    Ai ka theksuar se këto projekte synojnë të ndryshojnë fytyrën e kryeqytetit, duke e bërë atë më të gjallë, më të qëndrueshëm dhe më të përshtatshëm për të gjithë.

  • Një 61-vjeçare sulmohet nga qentë endacak në Prishtinë

    Një 61-vjeçare sulmohet nga qentë endacak në Prishtinë

    Punët në qytet i kreu por gjatë rrugës për në shtëpi, Merita Mehmetit, i ndodhi e papritura. 61-vjeçarja sulmua nga një grumbull qensh endacak në rrugën “Bajram Kelmendi” në Prishtinë.

    Për shkak se 61-vjeçarja ishte në gjendje të rëndë emocionale, për sulmin foli biri i saj, Dren Rugova.

    “Nëna ka dalë t’i kryej disa obligime gjatë ditës edhe tu kthye në mesditë gjatë orës një e kanë kafshua qentë mbrapa te pjesa e gjurit, fatmirësisht ka pas njerëz e kanë fut në lokal për me qetësua se ka qenë e shqetësuar, dhe disa kalimtarë të vullnetit të mirë e kanë marrë e kanë dërgua te ambulanta lokale, e ka marrë një vaksinë dhe ia kanë trajtua plagën pastaj kemi shkuar në QKMF edhe aty ka marrë një vaksinë tjetër për me vazhdua me antibiotikun”, tha ai.

    Pikërisht në rrugën ku pësoi e moshuara, qentë vazhdojnë të jenë prezent.
    Andaj, që të evitohet ndonjë incident i radhës, Rugova kërkon përgjegjësi nga institucionet.

    “Viktimat po janë fëmijët, personat e moshuar, është shqetësuese se përveç viktimave askush nuk po reagon, dikush duhet me marr përgjegjësi për këto punë që po ndodhin, askush nuk po shqetësohet për sulmet nga qentë endacak përveç atyre që po pësojnë”.

    Njëjtë si nëna e Drenit, cak i qenve endacak ishte edhe një qytetar tjetër i kryeqytetit.

    Me një situatë të ngjashme u përball edhe një tjetër qytetar, porse ia doli më lehtë.

    “Mua më ka ndodh disa herë mirëpo fatmirësisht kam shpëtuar, shumicën e qenve në kryeqytet pi sjellin nga fshatrat përreth”, tha Agim Krasniqi.

    Njëkohësisht, të rrezikuar nga numri i madh i qenve endacak shprehen prindërit, të cilët çdo ditë detyrohen t’i përcjellin fëmijët e tyre për në shkollë.

    Ndryshe, çdo ditë 7 deri në 8 pacientë marrin trajtim mjekësor prej sulmeve nga qentë endacak në Qendrën Kryesore të Mjekësisë Familjare në Prishtinë.

    Komuna e Prishtinës me qëllim evitimin e tyre ka miratuar rregulloren ku çdo qytetar që adapton një qen endacak do të përfitojë 50 euro në muaj.

    Por, një muaj më parë ATV-ja ka raportuar se interesimi për adoptimin e tyre është shumë i ulët./atvlive.tv/

  • Arrestohet një burrë në Prishtinë, dyshohet se ushtroi dhunë fizike ndaj nënës

    Arrestohet një burrë në Prishtinë, dyshohet se ushtroi dhunë fizike ndaj nënës

    Një burrë është arrestuar dje në Prishtinë pasi dyshohet se ka ushtruar dhunë fizike ndaj nënës së tij.

    Policia njoftoi se viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje.

    “Prishtinë 06.11.2023 – 08:00. Është arrestuar i dyshuari mashkull kosovar, pasi që ka ushtruar dhunë fizike ndaj nënës së tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë.

  • Digjet një “Audi A7” në Prishtinë, vetura ishte në pronësi të shtetases së Shqipërisë

    Digjet një “Audi A7” në Prishtinë, vetura ishte në pronësi të shtetases së Shqipërisë

    Sot në orët e para të mëngjesit të sotëm, në rrugën “C” në kryeqytetet është djegur një veturë e tipit “Audi A7”.

    Në vendin e ngjarjes kanë dalë njësitet relevante të Policisë së Kosovës dhe të Zjarrfikësve, të cilët kanë lokalizuar zjarrin.

    Për këtë rast është deklaruar edhe zëdhënësja e Policisë, Flora Ahmeti, e cila tha se vetura e përfshirë nga zjarri, është djegur e tëra.

    “Sot rreth orës 04:30, është raportuar se në rrugën “C” në Prishtinë , një veturë është përfshirë nga zjarri, e cila është dëmtuar tërësisht. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar”, ka deklaruar Ahmeti.

    Tutje, Ahmeti shtoi se Policia ka nisur ndërmarrjen e veprimeve hetimore për sqarimin e plotë të rrethanave mbi rastin./ATVLIVE.TV/

    Më poshtë gjeni pamje nga vendi i ngjarjes:

  • Prishtinë: Një burrë raporton se ishte rrëmbyer nga tre persona, Policia fillon hetimet

    Prishtinë: Një burrë raporton se ishte rrëmbyer nga tre persona, Policia fillon hetimet

    Një burrë në Prishtinë ka raportuar në Polici se ishte rrëmbyer nga tre persona të panjohur.

    “RRËMBIM/Prishtinë 21.08.2023-18:00. Viktima mashkull kosovar ka raportuar se është rrëmbyer nga tre të dyshuar të panjohur”, thuhet në raportin 24-orësh të Policisë.

    Tutje, Policia njoftoi se viktima ka pranuar tretmanin mjekësor, ndërsa rasti po vazhdon të hetohet.

     

  • “Dhashë Zoti me u vetëdijesua pak, se pa lexim nuk ka jetë, një popull që nuk lexon dështon” – Sa po lexojnë libra qytetarët, flet shitësi i librave në Prishtinë

    “Dhashë Zoti me u vetëdijesua pak, se pa lexim nuk ka jetë, një popull që nuk lexon dështon” – Sa po lexojnë libra qytetarët, flet shitësi i librave në Prishtinë

    Ndonëse muajve të verës kemi më shumë kohë të lirë, gjatë kësaj zakonisht i japim rëndësi më shumë planeve jashtë në natyrë, sesa leximit.

    Sipas librashitësve kjo verë dallon nga vitet e kaluara.

    “Kjo verë është pak më e zymtë, sa i përket shitjes së librit, nuk e di pse dhe ku qëndron arsyeja, sepse verën e kaluar ka qenë mirë sidomos kur vishin mërgimtarët, interesimi ishte më i madh, e kësaj radhës diçka ka çaluar. Dhashë Zoti me u vetëdisu pak dhe me lexu ma shumë se pa lexim nuk ka jetë, një popull që nuk lexon dështon”, tha shitës i librave në Prishtinë.

    Tutje, ai tha se librat psikologjik dhe romancë janë zhanret që kërkohen më shumë gjatë sezones së verës pasi konsiderohen si më relaksues.

    Për më shumë ndiqni videon e mëposhtme:

  • Ngjarje e rëndë: Një grua i jep fund jetës së saj, bie nga një ndërtesë në Prishtinë

    Ngjarje e rëndë: Një grua i jep fund jetës së saj, bie nga një ndërtesë në Prishtinë

    Një ngjarje e rëndë ka ndodhur në orët e hershme të mëngjesit të sotëm në rrugën “Viktor Majer” në Prishtinë, ku një grua dyshohet se I ka dhënë fund jetës së saj.

    Lajmin për Gazetën Sinjali e ka konfirmuar zëdhënësi i Policisë së Kosovës për Rajonin e Prishtinës, Agron Borovci, i cili tha se viktima është e moshës rreth 70-vjeçare.

    Boroci deklaroi se rreth orës 05:00, është raportuar se në rrugën “Viktor Majer” në Prishtinë, një person ka rënë nga lartësia e një objekti.

    “Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, femër, rreth 70 vjeç, është pa shenja jete. Aktualisht policia ka nisur një hetim mbi vdekjen me qëllim zbardhjen e plotë të të gjitha rrethanave që karakterizojnë rastin”, tha Borovci.

  • Prishtinë: Vrau bashkëshorten me sëpatë, dënohet me 25 vjet burgim i akuzuari

    Prishtinë: Vrau bashkëshorten me sëpatë, dënohet me 25 vjet burgim i akuzuari

    Gjykata Themelore në Prishtinë, njoftoi se është dënuar me 25 vjet burgim I.G., i akuzuari për vrasjen e bashkëshortes së tij.

    I akuzuari kishte vrarë më sëpatë bashkëshorten e tij, derisa ajo ishte në gjumë.

    Gjykata Themelore në Prishtinë njofton se I.G ka pranuar fajësinë për vrasjen e bashkëshortes së tij, transmeton Telegrafi.

    “Gjykata Themelore në Prishtinë – Departamenti për Krime të Rënda ka shpallur aktgjykimin në çështjen penale kundër të akuzuarit I.G për veprën penale Vrasje e rëndë, nga neni 173 paragrafi 1 pikat 1.3 dhe 1.4 të Kodit Penal të Republikës së Kosovës. Më datë 30.05.2023 gjykata ka mbajtur shqyrtimin fillestar në këtë çështje penale, në të cilin i akuzuari I.G ka pranuar fajësinë, ndërsa me datë 31.05.2023 gjykata ka shpallur aktgjykimin në çështjen penale kundër akuzuarit I.G. i cili është shpallur fajtor dhe është dënuar me dënim me burg në kohëzgjatje prej 25 (njëzet e pesë) vite, të akuzuarit i është vazhduar masa e paraburgimit”, thuhet në njoftim.

    Gjykata bën të ditur se, i akuzuari I.G me datë 25.11.2022 rreth orës 04:00, në shtëpinë e tij në Prishtinë, në mënyrë mizore dhe dinake, kishte privuar nga jeta bashkëshorten e tij, tani të ndjerën S.G, në atë mënyrë që derisa e ndjera kishte qenë duke fjetur, i akuzuari e kishte goditur me sëpatë disa herë në pjesën e majtë të kokës dhe si pasojë e këtyre goditjeve, e ndjera S.G kishte ndërruar jetë.

    “Kjo gjendje faktike është vërtetuar pas pranimit të fajësisë nga i akuzuari dhe provat materiale që gjenden në shkresat e lëndës”.

    Kundër këtij aktgjykimi palët kanë të drejtë ankese në Gjykatën e Apelit të Kosovës, përmes Gjykatës Themelore në Prishtinë.

    Ndryshe, rasti tragjik kishte ndodhur në nëntor të vitit 2022, viktima kishte qenë mësimdhënëse. Për vrasjen e saj ka pasur reagime të shumta.