Mbrëmë në emisionin “n’mal A n’det”, nuk munguan momentet komike, të cilat shkaktuan të qeshura në studio.
Deri sa po zhvillohej loja “qëllo titullin e këngës përmes refrenit”, bëhej fjalë për këngën “Thërret Prizreni”. Me të dëgjuar refrenin, një mysafire e qëlloi këngën, ndërsa moderatori i emisionin Robet Bojaj me një turqishte të shqiptarizuar, shkaktoi të qeshura në studio.
Shikoni videon e më poshtme për ta parë moderatorin duke folur turqisht.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
Emisioni veror i ATV-së, “n’mal An’det”, që nisi transmetimin vetëm tre ditë më parë, vazhdon të sjellë për shikuesit argëtim, intervista dhe eksplorim kulturor.
Në këtë emision, pos rubrikave të shumta argëtuese, çdo ditë do të ketë edhe tregime popullore. Mbrëmë, në ciklin e tregimeve popullore, u rrëfye një histori e një pleqnari, fjalët e të cilit i kishin mbetur në mendje djaloshit që prindi. Pleqnari i kishte treguar këtij djaloshi kuptimin e plotë fjalës “jetim”.
Tregimin e plotë mund ta shikoni në videon më poshtë.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë që u transmetua të mërkurën mbrëma:
Është 14 herë kampion i botës në kikboks. Azem Maksutaj, këtë sukses e kishte ëndërruar qysh si fëmijë.
Rrugëtimi i tij ishte plotë sfida të cilat nisën qysh në moshën 14-vjeçare kur ai vendosi të largohej nga Kosova drejt Zvicrës.
Në një bisedë për ATV-në, Maksutaj tregoi rrugën e tij të vështirë drejt përmbushjes së ëndrrës së tij për t’u bërë kampion bote.
“Kam qenë si 14-vjeçar. Ka qenë si ëndërr për mua. Kam ëndërruar qysh si fëmijë me u ba kampion bote. I kam parë këta filmat e Rokit dhe kam thënë, një herë të jesh kampion bote dhe të bëhesh shumë i pasur edhe ta mbrosh shtetin tënd, të rrahesh kundër një rusi apo një serbi, këto kanë qenë mendimet e mia si fëmijë. Në Kosovë kam lind në vitin 1975. Si fëmijë, babai ka dalë në Zvicër, pastaj kur kam qenë në moshën 8-vjeçare, ka dalë edhe nëna. Jam rritë disa vite pa nënë, pa baba, ka qenë shumë vështirë, por prapë se prapë ka qenë një kohë e mirë sepse kemi qenë shumë fëmijë, jam rritur me gjyshen, por po të mungojke nëna dhe baba”, rrëfen kikbokseri Maksutaj.
Largimi nga vendlindja për kampionin e shumëfishtë, nuk ishte i lehtë.
“Të mësohesh, të rritesh në Kosovë dëri ën fitin 1991, ka qenë shumë vështirë sepse s’ke pasë shumë shokë atje, nuk e ke ditë gjuhën, ka qenë ushqimi shumë i ndryshëm, nuk kishte për shembull, pite, fli e gjëra të tilla, por ka qenë krejt i ndryshëm dhe unë s’e kam dashtë, kam dashtë me u kthy në Kosovë. U ktheva, por prapë se prapë u dasht me u shpërngul se i pash gjasat e mija gjatë treningut dhe thash se këtu kam me u ba kampion bote, pikërisht në Zvicër”, tregoi Maksutaj. /atvlive.tv
Bisedën e tij të plotë për ATV-në e gjeni në videon më poshtë:
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Si edhe është paralajmëruar, theks i veçantë në këtë emision do të jenë diaspora.
Rexhë Kabashi, një mërgimtar nga Austria, i ftuar në këtë emision tregoi se si i shfrytëzojnë pushimet kur vijnë në Kosovë.
“Unë kam ardhur pardje. Momentalisht e kam në plan veç dy javë, familja rrin katër javë, unë e kam disa vizita mjekësore atje edhe plani i im është dy javë me qendru njëherë, pastaj prapë me u kthy. Veç dje e këna pasë një kanagjegj te miqtë edhe.. jemi të angazhuar shumë me dasma. “Na (pushimin) e shfrytëzojmë në maksimum sa kemi mundësi, bile më mirë pak se sa hiq me shku, një orë-një orë, mjafton me e panjeriu të vetin, kështu që dëshira është me qendru në Ksoovë tana herë”, tregoi mërgimtari Rexhë Kabashi. /atvlive.tv
Emisionin e plotë “n’mal A n’det” e gjeni në videon më poshtë:
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në këtë emision, pos rubrikave të shumta argëtuese, çdo ditë do të ketë edhe tregime popullore.
Mbrëmë, në ciklin e tregimeve popullore, u rrëfye një histori e një burri, që ishte mashtruar në tregun e kafshëve.
Një mashtrues me dhëmb të arit i kishte blerë lopën, por i njëjti i kishte thënë se paratë do t’ia sillte pas një jave, të cilat do t’ia linte në një vend të caktuar.
Por kaluan javët, “blerësi” u zhduk dhe burri i pashtruar kishte filluar ta kërkonte nëpër fshatra.
Për të mësuar se çfarë ndodh më pas, shikoni tregimin e plotë, të cilin e gjeni në videon më poshtë. /atvlive.tv
Emisionin e plotë “n’mal A n’det” e gjeni në videon më poshtë:
Fermerët në Kosovë përballen me probleme të ndryshme. Një nga problematikat kryesore në bujqësi është edhe rreziku nga kushtet atmosferike. Megjithëse, asnjë nga problemet nuk i ndalë (disa) fermerë kosovarë që të punojnë me shumë dashuri për këtë punë.
“…Na me lopë merremi familjarisht, thonë se nuk ka punë dhe s’ka llogari me punu me lopë e me dhi… Pa punu s’ka kurrgjë, tash na punojmë dhe i marrim 20-25 mijë euro në vit. Ma mirë i marrë 20 deri në 20 mijë euro këtu në Kosovë se jashtë vendit, edhe nëse më ofrohet një vizë, nuk shkoj”, potencoi fermeri nga Jezerci.
Vlen të theksohet se para 5 muajve Ministria e Bujqësisë, Pylltarisë dhe Zhvillimit Rural (MBPZHR) ka hapur aplikimet për subvencione për disa kultura dhe aktivitete bujqësore.
Për ta shikuar emisionin veror të ATV-së “n’malAn’det”, ju ftojmë që të klikoni në linkun e mëposhtëm:
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta, jepet çdo ditë nga e hëna deri të premten prej orës 21:10.
Një ndër rubrikat që do ta përcjellin këtë emision është edhe rubrika “Ku me shku n’mal”, në të cilën do të shfaqen reportazhe nga vende të ndryshme malore në Kosovë.
Dje në emisioni veror “n’mal A n’det” u shfaq një reportazh nga fshati Jezerc të komunës së Ferizajt, një vend malor, i cili tashmë është kthyer në një ndër fshatrat turistik në Kosovë.
Më pak se 20 kilometra larg qytetit të Ferizajt, me lartësi mbidetare 1200, ndodhet fshati Jezerc, i cili ka një pamje përrallore. Për shkak të pozitës dhe pamjeve të tij të bukura, është një ndër fshatrat më turistike në të gjitha stinët e vitit.
Fshati Jezerc, ku sytë u pushojnë nga qetësia dhe bukuria, një pejsazh që ka bërë për vete edhe turistë të shumtë, sidomos gjatë fundjavave dhe festave të ndryshme. Kjo e ka bërë që edhe vendasit t’i kushtojnë rëndësi zhvillimit të turizmit. Këtë e thotë edhe kryetari i fshatit, Nezim Baliu.
“Jezerci ka qenë ndryshe, sot është ndryshe. Në Jezerc është jetu, kanë banu njerëzit. Vetëm në 98-shin në fillim të luftës kanë qenë 122 shtëpi. Ka pasur nxënës shumë, blegtoria është zhvilluar më shumë, jeta është bërë ndoshta në kushte shumë më të vështira, por ka qenë një kënaqësi. Kurse sot ka ndryshuar 360 shkallë, do të thotë ka kalu në turizëm. Por, bukuritë e këtyre pjesëve, këto e kanë bërë për me e zhvillu turizmin. Mirëpo, për me qenë edhe më mirë edhe me u zhvillu turizmi, është në pyetje infrastruktura. Në Jezerc është bërë pak, por duhet edhe shumë më shumë për me u ba taman qysh duhet. Kjo neve na ndihmon vetëm për me i shit pronat, iu ka hipë vlera e tokës këtu, se për gjëra tjera jo. Pak shtëpi që kemi mbetë, këtu jeta është në krahasim me të kaluarën shumë më e mirë, mirëpo numri i banorëve ka rënë, shkolla është në mbyllje e sipër, do me thanë nuk ka mbetë me jetu as për neve”, tha Baliu. /atvlive.tv
Emisionin e plotë “n’mal A n’det” e gjeni në videon më poshtë:
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Një ndër rubrikat që do ta përcjellin këtë emision është edhe rubrika “Shqipnisht”, përmes së cilës do të keni mundësinë të mësoni fjalë dhe shprehje të ndryshme që përdoren në regjione të ndryshme në Kosovë.
Pyetja për qytetarët gjatë ditës së djeshme ishte se si e kuptojnë qytetarët shprehjen “kili-mili”, e cila ka një përdorim të gjerë në pothuajse tërë territorin e Kosovës.
Të gjithë qytetarët e intervistuar thanë se e kanë dëgjuar këtë shprehje, mirëpo kuptimi i saj nuk ishte i njëjtë për të gjithë. /atvlive.tv
Në videon më poshtë mund t’i shikoni përgjigjet e qytetarëve se si e kuptojnë shprehjen “kili-mili”.
Nga 17 korriku, në ekranin e ATV-së vjen emisioni veror “n’mal A n’det”, i cili do të transmetohet çdo ditë, nga e hëna deri të premten, duke filluar nga ora 21:10 dhe do të zgjasë deri në ora 23:00.
Ky emision, i cili vjen në një format më ndryshe, do të drejtohet nga yjet e ATV-së, Roberti, Emira dhe Jeta.
Producenti i emisionit, Zija Rexhepi, në emisionin ALARM në ATV, tha se bëhet fjalë për një platformë në të cilën do të mund të shprehen të gjithë ata që kanë konsumuar pak përmbajtje televizive shqip.
Ai tha se një theks i veçantë në këtë emision do të jenë diaspora.
“Pse emri “n’mal A n’det”, është ajo pyetja më e zakonshme kur ne takohemi mes veti, a ke vendos, ku do të shkosh në pushime, ku po shkon, n’mal a n’det, është një nga ato fjalët kyçe që ne në përditshmëri e kemi gjithmonë. Është një nga titujt që mbahet në mend lehtësisht edhe besoj se njerëzit do të përcaktohen. Kjo nuk është e vetmja arsye, sepse brenda programit, brenda skemës, përmbajtjes që do të ketë, do të jenë tri sete të skenografisë, do të jetë pjesa e malit, pjesa e detit, sigurisht edhe studio televizive. Do të ketë dy ekipe të njerëzve të cilët do të përcaktohen për malin ose për detin dhe ata do të zhvillojnë lojëra të ndryshme përmes “Trivia Games” që janë të njohura për televizionin, do të ketë pastaj të ftuar, do të ketë, do të ketë intervista, e gjëra të tjera”, tregoi Rexhepi.
Ai tregoi se e veçantë e këtij emisioni do të jenë edhe tregimet popullore.
“Mendoj që kjo do të jetë ajo që ndryshon në programin tonë të verës, sepse kryesisht do të ofrojë përmbajtje që prodhohet jashtë, nuk do të jemi të fokusuar brenda në studio televizive dhe biseda, nga të cilat njerëzit janë lodhur. Sigurisht, do të kemi çdo natë një të ftuar special, i cili qoftë artist apo person nga jeta publike që do të flasë për jetën, për pushimet, etj, në një format pak më ndryshe të intervistave, por do të fokusohemi te njerëzit të cilët nuk kanë qenë shumë prezent në televizion. Ajo që e bën të veçantë programin e verës këtë vit në ATV është se jemi fokusuar kryesisht tek tregimet popullore. Kemi prodhuar diku mbi 60 tregime popullore me një nga aktorët tanë më të mirë të cilat janë realizuar jashtë, përmes të cilave do të përpiqemi të sjellim dhe të rikthejmë nostalgjinë te mërgimtarët tanë, të cilët mezi i presin këto prodhime televizive”, tha Rexhepi.
Ai po ashtu tregoi se, një rubrikë tjetër e veçantë e emisionit “n’mal A n’det” është se do të ketë lojëra të ndryshme, përmes të cilave do të sjellin edhe mësime nga historia e trojeve shqiptare.
“Përveç kësaj do të jetë edhe një rubrikë tjetër e veçantë, sepse fokusi kryesor ose qëllimi kryesor i emisionit të verës do të jetë që përmes kësaj platforme, ne të përpiqemi t’i ofrojmë diasporën dhe fëmijët tanë të diasporës më afër gjuhës shqipe, më afër historisë dhe trojeve tona. Andaj, përmes pjesës së lojërave ku do të jenë pjesëmarrësit, do të përpiqemi që përmes lojërave argëtuese të mësojmë diçka edhe nga historia e trojeve shqiptare. Një rubrikë tjetër e veçantë do të jetë rubrika “Shqipnisht”. Ne do të përpiqemi që përmes qytetarëve të mësojmë fjalë të ndryshme se si quhen në regjine të ndryshme”, tregoi producenti Zija Rexhepi. /atvlive.tv
Më shumë detaje për emisionin “n’mal A n’det” mund të mësoni në intervistën e plotë të producentit Zija Rexhepi në ALARM, të cilën e gjeni në videon më poshtë:
Nga 17 korriku, emisioni “n’mal A n’det” vjen në ekranet e ATV-së, çdo ditë, nga e hëna deri të premten me Robin, Jetën dhe Emirën, duke filluar nga ora 21:00.
Ky emision pritet të ketë materiale interesante të përgatitura nga gazetarët e ATV-së, mysafirë në studio, muzikë, rrëfime personale dhe jo vetëm.
Ky program rekomandohet për të gjitha moshat, derisa për të gjithë ata që nuk kanë mundësi ta ndjekin në orarin e rregullt do të vijë reprizë gjatë ditës, në YouTube dhe në rrjetet e tjera sociale./atvlive.tv/
