ATV

Tag: Kosova

  • Nga SHBA në fermë? Salih Buzhala “MagicSal” përflitet si konkurrent në “Ferma VIP 3”

    Nga SHBA në fermë? Salih Buzhala “MagicSal” përflitet si konkurrent në “Ferma VIP 3”

    Magjistari shqiptar Salih Buzhala, i njohur me emrin artistik MagicSal, është një nga emrat që po përfliten për t’iu bashkuar edicionit të tretë të reality show-t “Ferma VIP”, që pritet të nisë më 27 mars.

    MagicSal, i cili jeton dhe vepron në Shtetet e Bashkuara të Amerikës, ka fituar popullaritet përmes performancave të tij magjike dhe prezencës në rrjetet sociale. Ai ishte përfolur më herët edhe si një nga emrat potencialë për “Big Brother VIP Kosova 4”, megjithatë një gjë e tillë nuk u konfirmua.

    Reality show “Ferma VIP” rikthehet këtë pranverë me sezonin e tretë, nën moderimin e Arbana Osmanit. Formati, i cili ndërthur jetën në fermë me sfida fizike dhe dinamika mes personazheve të njohur, ka arritur të tërheqë vëmendje të madhe të publikut në dy edicionet e para.

    Në këtë spektakël, konkurrentët vendosen në një ambient rural, ku përballen me punët e përditshme të fermës dhe sfida të ndryshme. Kujtojmë se fitues i edicionit të parë u shpall Dijonis Biba, ndërsa në sezonin e dytë triumfoi këngëtari Big Basta.

    Edicioni i tretë pritet të sjellë risi, sfida të reja dhe situata të papritura, megjithatë lista zyrtare e konkurrentëve ende nuk është bërë publike.

    Përveç MagicSal, në media janë përfolur edhe disa emra të tjerë si Indri Shiroka, i njohur për rolin e tij në filmin “Pasaporta” të regjisorit Eduart Grishaj, si dhe Inida Gjata (Zhaku), e cila vitin e kaluar ishte pjesë e formatit në rolin e opinionistes. Po ashtu, përmendet edhe balerini Ilir Shaqiri, i cili mund të ketë një rol drejtues në fermë.

    Në prapaskenë, si pjesë e stafit të produksionit përmenden emra si Eraldo Rexho dhe Zefina Hasani, ndërsa raportohet se disa ish-pjesëtarë të ekipit të “Big Brother Albania” mund t’i bashkohen këtij projekti.

    Megjithatë, deri më tani nuk ka një konfirmim zyrtar nga produksioni për pjesëmarrjen e MagicSal apo të emrave të tjerë, duke lënë gjithçka në kuadër të spekulimeve që vijojnë të qarkullojnë në media dhe rrjete sociale.

  • Kurti: Dita e sotme është ditë përkujtimi për të gjithë ata që flijuan shumëçka e gjithçka për Republikën e Kosovës

    Kurti: Dita e sotme është ditë përkujtimi për të gjithë ata që flijuan shumëçka e gjithçka për Republikën e Kosovës

    Krerët e Ushtrisë Çlirimtare të Kosovës dhe procesi gjyqësore në Hagë u përmendën si çështje qendrore në fjalimin e kryeministrit Albin Kurti, në seancën solemne të Kuvendit të Kosovës me rastin e 18-vjetorin e pavarësisë.

    Kryeministri Kurti theksoi rëndësinë e sakrificës së luftëtarëve dhe aktivistëve për krijimin e shtetit, duke e cilësuar Republikën si institucion të lirisë dhe sovranitetit, ndërsa foli edhe për akuzat ndaj ish-udhëheqësve të luftës.

    “Dita e sotme është ditë përkujtimi për të gjithë ata burra, gra e fëmijë që flijuan shumëçka e gjithçka për Republikën e Kosovës. Aktivistët e luftëtarët që u përpoqën për jetësimin e Republikës. Republika, në radhë të parë, është institucion i lirisë, shprehje e sovranitetit, mjet për zhvillim. Prandaj, kur bëhet fjalë për Republikën dhe sovranitetin, ne nuk mund të lëshojmë pe, sepse nuk bëjmë dot kompromis me lirinë dhe me zhvillimin. Ne i kujtojmë përfytyrimet dhe vizionet e parealizuara të aktivistëve edhe të luftëtarëve që e kanë dëshiruar Republikën, sepse pa sakrificën e tyre nuk do ta kishim shtetin tonë, dhe mu ato na frymëzojnë e na orientojnë për ta forcuar edhe më shumë atë”, tha ai.

    Kurti theksoi se akuzat e Zyrës së Prokurorit të Specializuar në Hagë nuk qëndrojnë, dhe se ish-drejtuesit e UÇK-së po akuzohen padrejtësisht, vetëm pse guxuan të marrin armët për liri.

    “Ne kujtojmë sot qëndresën paqësore të viteve të 90-ta dhe ne kujtojmë sot Ushtrinë Çlirimtare të Kosovës. Ne përkulemi me nderim para dëshmorëve edhe përpiqemi që ta ruajmë e ta lartësojmë Republikën tonë edhe në emrin e tyre. Ndërsa kujtojmë datën e shpalljes së Republikës, brengosemi që krerët e Ushtrisë Çlirimtare të Kosovës dhe të Republikës së Kosovës po akuzohen padrejtësisht, sepse ata guxuan të marrin armët për liri, kundër shtypjes njëshekullore dhe kundër një regjimi gjenocidal. Akuzat e Prokurorisë Speciale në Hagë për krime kundër njerëzimit nuk qëndrojnë. Ato nuk morën parasysh kontekstin historik e politik të luftës sonë çlirimtare, secilës ia detyrojmë lirinë e sotme. Krime kundër njerëzimit ndaj popullatës civile shqiptare ka kryer Serbia e Millosheviçit. Kërcënim për përsëritjen e tyre është sot Serbia e Vuçiqit. Barazimi mes krerëve të UÇK-së dhe një regjimi gjenocidal është i paqëndrueshëm dhe i papranueshëm për ne”, tha ai.

    Më tej i pari i ekzekutivit tha se brazimi mes krerëve të UÇK-së dhe një regjimi gjenocidal është i paqëndrueshëm.

    “Barazimi mes krerëve të UÇK-së dhe një regjimi gjenocidal është i paqëndrueshëm dhe i papranueshëm për ne. Republika nuk lëshon pe kur është çështja e sovranitetit shtetëror, integritetit territorial dhe demokracisë popullore. Demokracia është edhe burim, edhe shprehje e sovranitetit të Kosovës, ku përveç shqiptarëve, Kushtetuta jonë njeh serbët, turqit, boshnjakët, romët, ashkalinjtë, egjiptianët, goranët. Të gjithë janë pjesë e popullit të Kosovës dhe marrin pjesë në zgjedhje demokratike”, theksoi kryeministrit Kurti.

  • 8 shtetet që Zvicra u ka ndaluar blerjen e armëve, Kosova dhe Shqipëria mes tyre

    8 shtetet që Zvicra u ka ndaluar blerjen e armëve, Kosova dhe Shqipëria mes tyre

    Zvicra njihet gjerësisht për kulturën e saj të armëve, të formësuar nga shërbimi ushtarak dhe ligjet relativisht liberale për armëmbajtjen.

    Sipas ligjit federal, personat që kanë vetëm shtetësinë e Shqipërisë, Algjerisë, Bosnje dhe Hercegovinës, Kosovës, Maqedonisë së Veriut, Serbisë, Sri Lankës dhe Turqisë janë të ndaluar të blejnë armë dhe municion, përveç rasteve kur marrin një autorizim të veçantë nga autoritetet zvicerane. Leje të tilla jepen rrallë.

    Kjo politikë daton kryesisht nga vitet 1990, kur Zvicra forcoi ligjet për armët në përgjigje të shqetësimeve të lidhura me konfliktet e armatosura jashtë vendit, veçanërisht luftërat në ish-Jugosllavi. Ligjvënësit kishin frikë se armët e blera në Zvicër mund të nxisnin dhunë etnike ose politike brenda komuniteteve të diasporës, ose të kontrabandoheshin drejt zonave të konfliktit.

    Autoritetet zvicerane e kanë mbrojtur prej kohësh këtë rregull si një masë parandaluese për sigurinë publike, dhe jo si gjykim ndaj individëve. Megjithatë, ndalimi ka ngjallur kritika për faktin se bazohet në shtetësi dhe jo në sjelljen personale. Kritikët argumentojnë se lista pasqyron realitete gjeopolitike të vjetruara dhe bie ndesh me theksin më të gjerë të Zvicrës mbi përgjegjësinë individuale në posedimin e armëve.

    Pavarësisht debateve të herëpashershme, ndalimi i bazuar në shtetësi mbetet në fuqi edhe sot, duke përbërë një përjashtim të dukshëm në një kuadër përndryshe liberal të ligjeve për armët dhe një kujtesë se si konfliktet historike vazhdojnë të ndikojnë në ligjet moderne të sigurisë.

  • Macron: Normalizimi i marrëdhënieve mes Kosovës dhe Serbisë është i domosdoshëm për tërë rajonin

    Macron: Normalizimi i marrëdhënieve mes Kosovës dhe Serbisë është i domosdoshëm për tërë rajonin

    Presidenti i Francës, Emmanuel Macron, ka theksuar nevojën për normalizimin e marrëdhënieve ndërmjet Kosovës dhe Serbisë.

    Në një konferencë për shtyp të premten në Paris me Edi Ramën, kryeministrin e Shqipërisë, Macron tha se normalizimi i marrëdhënieve ndërmjet Kosovës dhe Serbisë është i domosdoshëm për të gjitha çështjet rajonale.

    “Dua të tregoj vendosmërinë e Francës për Ballkanin Perëndimor. Kjo ka të bëjë me bashkimin e Evropës për ta bërë atë më të fortë në sfondin e agresionit rus në Ukrainë. Shqipëria ka vazhduar rrugën evropiane me vendosmëri, besim në mbështetjen tonë. Ne jemi të impresionuar nga totaliteti të reformave dhe kapacitetit për të avancuar. Dua të mirëpres zërin e fuqishëm në rajonin e Shqipërisë në skenën ndërkombëtare. Në të gjitha çështjet rajonale, normalizimi i marrëdhënieve ndërmjet Serbisë dhe Kosovës është i nevojshëm”, tha Macron.

    Rama u prit me një ceremoni shtetërore nga Macron, ndërsa tha se nuk e kishte imagjinuar një mikpritje të tillë.

    Pas takimit me Vuçiqin, Macron kërkoi që Kosova dhe Serbia të zbatojnë Marrëveshjen për rrugën e normalizimit, të arritur vitin e kaluar, duke theksuar se Franca do të sigurohet që çdo hap i kësaj marrëveshjeje të përmbushet.

  • Ministri Maqedonci: Armatosja e Serbisë, kërcënim për rajonin – FSK-ja e gatshme për mbrojtje të vendit

    Ministri Maqedonci: Armatosja e Serbisë, kërcënim për rajonin – FSK-ja e gatshme për mbrojtje të vendit

    Ministri i Mbrojtjes i Republikës së Kosovës, Ejup Maqedonci, lidhur me vendosjen e shumë njësive ushtarake të Serbisë pranë kufirit me Kosovën, thotë se “ne jemi gjithmonë të gatshëm, Forca e Sigurisë së Kosovës (FSK) ka në gatishmëri njësitet e saja për çdo kërcënim dhe rrezik që paraqitet në vendin tonë”.

    Në një intervistë të dhënë për “Anadolu”, Maqedonci ka folur për tensionet e fundit me Serbinë, procesin e shndërrimit të FSK-së në ushtri, planet për t’u anëtarësuar në NATO, ndihmën e tyre ushtarake për Ukrainën dhe marrëdhëniet ushtarake Kosovë-Turqi.

    Maqedonci tha se vendosja e shumë njësive ushtarake të Serbisë afër kufirit me Kosovën paraqet rrezik, derisa theksoi se ushtria dhe xhandarmëria serbe kanë 48 baza operative në afërsi të kufirit me Kosovën.

    “Duke i shtuar kësaj militarizimin e ushtrisë dhe Serbisë në përgjithësi, ku vlen të theksohet blerja e sistemeve të ndryshme të armatimit nga Kina, Rusia, madje edhe Irani, e shohim këtë si një kërcënim të vazhdueshëm të sigurisë në Republikën e Kosovës por edhe në vendet e tjera përreth”, theksoi Maqedonci.

    Sipas ministrit kosovar, këto zhvillime bazohen në politikën hegjemoniste dhe agresive të qeverisë serbe ndaj Kosovës dhe fqinjëve të tjerë.

    “Kjo gjë thuhet haptas. Kemi pasur deklaratat e fundit të presidentit Vuçiq se Serbia pret një moment të favorshëm për të marrë veprime ushtarake kundër Kosovës, por kjo na jep të dimë se duhet t’i zhvillojmë kapacitetet tona dhe të ndërtojmë ushtrinë tonë jo vetëm për të përballuar këtë kërcënim, por edhe për t’u ballafaquar me kërcënime të tjera që cenojnë sigurinë dhe territorin e vendit tonë”, theksoi ai për agjencinë turke të lajmeve, Anadolu.

    Procesi i transformimit të FSK-së në ushtri dhe anëtarësimi i Kosovës në NATO

    Ministri Maqedonci tha se janë në fazën e dytë të realizimit të planit për transformimin e FSK-së në ushtri, me fokus në rritjen e kapaciteteve këmbësorike dhe luftarake për mbrojtjen e rajonit dhe se do të kalojnë në fazën e tretë dhe të fundit në vitin 2025 dhe në këtë kontekst, do të fokusohen në ndërtimin e kapaciteteve të artilerisë, mbrojtjes ajrore, si dhe kapaciteteve mbështetëse luftarake, deri në vitin 2028.

    Duke theksuar se aktualisht FSK-ja ka personel me rreth 4 mijë pjesëtarë, Maqedonci tha se në mesin e tyre janë 55 pjesëtarë turq të Kosovës.

    Ai tha se anëtarësimi në NATO është ndër synimet strategjike të sigurisë kombëtare të Kosovës, shtuar thënë se kanë krijuar kapacitete mbrojtëse në përputhje me doktrinën e NATO-s dhe se të gjitha pajisjet dhe sistemet e armatimit i kanë blerë sipas standardeve të NATO-s.

    “Blerjet e armatimit janë të drejtuara në vendet e NATO-s, ne nuk blejmë nga asnjë vend që nuk është pjesë e NATO-s. Kryesisht jemi fokusuar të bëjmë blerje nga vendet me të cilat kemi partneritet më të afërt, si SHBA, Turqia, Gjermania dhe vende të tjera”, theksoi ministri, duke nënvizuar se nga viti 2021 deri në vitin 2023 kanë ndarë mbi 200 milionë euro për blerjen e armëve dhe pajisjeve të ndryshme në kuadër të transformimit të FSK-së në ushtri.

    Kosova do të ofrojë ndihmë ushtarake për Ukrainën

    Ministri Maqedonci deklaroi se janë gjithmonë të gatshëm të mbështesin “luftën e drejtë për liri” të Ukrainës.

    Ai tha se ndihma, të cilën ai e quan modeste, është shumë e rëndësishme për Ukrainën në këtë fazë të vështirë të luftës së tyre për liri.

    “Qeveria e Kosovës ka vendosur të ofrojë dy pako mbështetëse për Ukrainën. Pakoja e parë do të dërgohet këtë javë për në Ukrainë dhe përbëhet nga kamionë taktikë, automjete taktike dhe autoblinda ushtarake. Kurse pakoja e dytë që përbëhet nga predha mortajash 120, 81 dhe 60-milimetërshe, do të dërgohet gjithashtu së shpejti në Ukrainë”, theksoi Maqedonci.

    Ne kemi “marrëdhënie të veçanta” me Turqinë në fushën ushtarake

    Maqedonci tha se ushtarët turq që shërbejnë në kuadër të KFOR-it që nga viti 1999 janë shumë të rëndësishëm për sigurinë dhe stabilitetin e vendit.

    Ai tha se Kosova me Turqinë kanë “marrëdhënie të veçanta” në fushën ushtarake, bazuar në lidhjet kulturore dhe historike.

    “Ne në vazhdimësi kemi njësi dhe individë që i trajnojmë në Republikën e Turqisë. Kemi shumë ekipe të ushtrisë turke të cilat në Kosovë zhvillojnë trajnime të ndryshme për njësitë e FSK-së. Kemi gjithashtu raporte të shkëlqyera në aspektin e industrisë ushtarake, pra, më saktësisht të blerjeve ushtarake. Në këtë aspekt, për të rritur më shumë këtë bashkëpunim, në fillim të këtij viti nënshkruam një marrëveshje kornizë ushtarake me Republikën e Turqisë në Ankara bashkë me ministrin (Jashar) Gyler. Gjithë kjo mbështetje që Turqia ofron për kapacitetet mbrojtëse të vendit tonë janë vërtet vitale që vendi ynë, më saktë Ministria jonë e Mbrojtjes dhe FSK, të kenë sot një nivel të lartë profesionalizmi dhe ndoshta të jetë ndër ushtritë më të zhvilluara në rajon në aspektin e gjithëmbarshëm”, theksoi ai.

    Duke folur për dronët “Bayraktar TB2”, që Kosova i bleu nga Turqia gjatë vitit të kaluar, Maqedonci theksoi se proceset e testimit dhe trajnimit me to janë duke vazhduar.

    “Njësitë e veçanta që merren me drejtimin e Bajraktarëve TB2, zhvillojnë aktivitete të ndryshme me ta dhe me të vërtetë ne i shohim si asetet kyçe të FSK-së”, theksoi ministri.

    Duke deklaruar se në inventarin e FSK-së kanë produkte turke si raketa kundërtank “Omtas” dhe automjete “Vuran” me sistem të integruar të armatimit të mortajave 120 milimetër, Maqedonci shtoi gjithashtu se do të blejnë nga SHBA-ja raketa kundërtank “Javelin”, për të cilat procesi ende po vazhdon.

    FSK-ja, e cila u themelua në vitin 2009 për të ofruar operacione për menaxhimin e krizave në Kosovë dhe përtej kufirit, për të shërbyer në operacionet e mbrojtjes civile në vend dhe në fatkeqësitë natyrore dhe emergjenca të tjera, filloi procesin e transformimit të saj në ushtri me ndryshime ligjore nga viti 2018. Procesi pritet të zgjasë 10 vjet.

  • Nënshkruhet sot marrëveshja Kosovë-Mali i Zi për IPA III

    Nënshkruhet sot marrëveshja Kosovë-Mali i Zi për IPA III

    Zëvendëskryeministri Besnik Bislimi dhe ministrja për Çështje Evropiane të Malit të Zi, Maida Gorçeviq, do të nënshkruajnë marrëveshjen Kosovë-Mali i Zi për Programin e Bashkëpunimit Ndërkufitar IPA III për vitet 2021-2027.

    Nënshkrimi pritet të bëhet në orën 13:30. Pas ceremonisë së nënshkrimit do të mbahet konferencë për media.

    Kurse, Ministria e Administrimit të Pushtetit Lokal do të mbajë konferencën përfundimtare të Programit të Bashkëpunimit Ndërkufitar IPA II për Malin e Zi-Kosovë 2014-2020. Do të marrin pjesë ministri i MAPL-së, Elbert Krasniqi, ministrja për Çështje Evropiane e Malit të Zi, Maida Gorçeviq.

  • Blinken për 16-vjetorin e Pavarësisë: Urime mikut, partnerit dhe aleatit tonë

    Blinken për 16-vjetorin e Pavarësisë: Urime mikut, partnerit dhe aleatit tonë

    Sekretari Amerikan i Shtetit, Antony Blinken, ka uruar Republikën e Kosovës në 16-vjetorin e shpalljes së Pavarësisë, duke thënë se e ardhmja e Kosovës është në Evropë dhe në institucionet euroatlantike.

    Ai ka theksuar se e ardhmja e Kosovës është në Evropë dhe në institucionet euroatlantike.

    “Shtetet e Bashkuara besojnë se e ardhmja e Kosovës është në Evropë dhe në institucionet euroatlantike. Ne mbështesim aspiratat e përcaktuara në deklaratën tuaj të pavarësisë dhe kushtetutës për të ‘kontribuuar në stabilitetin e rajonit dhe të gjithë Evropës duke krijuar marrëdhënie të fqinjësisë së mirë dhe bashkëpunimi’. Ne mirëpresim mbështetjen e palëkundur të Kosovës për Ukrainën kundër luftës brutale dhe të padrejtë të Rusisë dhe jemi mirënjohës për ndihmën bujare të Kosovës për gazetarët dhe të tjerët që kërkuan strehim në vendin tuaj. Mezi pres të thellojmë partneritetin tonë në forcimin e demokracisë dhe krijimin e kushteve që Kosova dhe të gjithë qytetarët e saj të lulëzojnë në një botë më të sigurt, më stabile dhe më të begatë”, ka thënë ai.

    Blinken ka shtuar se Shtetet e Bashkuara inkurajojnë Kosovën që të zbatojë zotimet e saj dhe të ecë përpara përmes dialogut të lehtësuar nga BE-ja për të arritur një marrëveshje gjithëpërfshirëse të normalizimit me Serbinë, në rrugën drejt njohjes së ndërsjellë eventuale.

    “Në emër të Shteteve të Bashkuara të Amerikës, përgëzoj popullin e Kosovës kur ju festoni përvjetorin e gjashtëmbëdhjetë si shtet sovran dhe i pavarur. Shtetet e Bashkuara vlerësojnë partneritetin tonë të qëndrueshëm, të rrënjosur në mirëkuptimin reciprok, vlerat e përbashkëta dhe miqësinë mes njerëzve tanë. Ndërsa vazhdoni të bëni përparim në forcimin e institucioneve demokratike dhe promovimin e sundimit të ligjit, ne do të vazhdojmë të mbështesim një Kosovë multietnike që avancon një rajon më të sigurt, më të sigurt dhe më të begatë. Shtetet e Bashkuara inkurajojnë Kosovën që të zbatojë zotimet e saj dhe të ecë përpara përmes dialogut të lehtësuar nga BE-ja për të arritur një marrëveshje gjithëpërfshirëse të normalizimit me Serbinë, në rrugën drejt njohjes së ndërsjellë eventuale”, thuhet në urimin e Blinken.

    Për fund, Bliken ka uruar Kosovën, me një vit të qetë dhe të begatë.

    “Urime sërish mikut, partnerit dhe aleatit tonë përvjetorin e Ditës së Pavarësisë së Kosovës. Paçi një vit të qetë dhe të begatë”.

  • Kosova feston sot 16-vjetorin e Pavarësisë

    Kosova feston sot 16-vjetorin e Pavarësisë

    Kosova feston sot 16-vjetorin e Pavarësisë. Më 17 shkurt 2008, ditë e diel, në Kuvendin e Kosovës u lexua Deklarata e Pavarësisë dhe Kosova u shpall shtet i pavarur e demokratik.

    Ky përvjetor do të përcillet me shumë aktivitete institucionale.

    Krerët e shtetit do të bëjnë ngritjen e flamurit shtetëror në mëngjes, do të bëjnë homazhe te varri i ish-presidentit Ibrahim Rugova e ai i veprimtarit Adem Demaçi dhe në Kompleksin “Adem Jashari” në Prekaz.

    Ndërkohë, Kuvendi do të mblidhet në seancë solemne. Më vonë, krerët e shtetit do të mbajnë edhe pritjen shtetërore.

    Deri tani, pavarësinë e Kosovës e kanë njohur 117 vende. Shteti i fundit që ka njohur është Izraeli.

    Programi i plotë i manifestimeve shtetërore për shënimin e 16-vjetorit të Pavarësisë:

    Në orën 08:00, Qeveria e Kosovës do të mbajë Mbledhje Festive. Në orën 08:20, do të bëhet ngritja e Flamurit të Republikës së Kosovës.

    Më pas do të bëhen nderime te Monumenti i të Pagjeturve, nga ora 08:30. Në 08:45, do të bëhen homazhe te varri i ish-Presidentit Dr.Ibrahim Rugova, e më pas te varri i veprimtarit Adem Demaçi.

    Në 09:50, do të bëhen homazhe në Kompleksin Memorial “Adem Jashari” në Prekaz.

    Do të bëhen edhe nderime te Monumenti “Heroinat”, te Monumenti i Policëve të rënë në detyrë, si dhe te pllaka e fëmijëve të vrarë gjatë luftës, që ndodhet në oborrin e Kuvendit.

    Ndërkohë, seanca solemne e Kuvendit do të mbahet me fillim nga ora 12:00. Nga ora 17:00, mbahet pritja shtetërore nga Presidentja Vjosa Osmani, Kryeparlamentari Glauk Konjufca dhe Kryeministri Albin Kurti.

    Dy aktivitetet e fundit të kësaj dite janë Koncerti i Pavarësisë që do të mbahet në orën 18:00 në shesh, si dhe Koncerti solem i Filharmonisë së Kosovës.

    Më pas do të bëhen nderime te Monumenti i të Pagjeturve, nga ora 08:30. Në 08:45, do të bëhen homazhe te varri i ish-Presidentit Dr.Ibrahim Rugova, e më pas te varri i veprimtarit Adem Demaçi.

    Në 09:50, do të bëhen homazhe në Kompleksin Memorial “Adem Jashari” në Prekaz.

    Do të bëhen edhe nderime te Monumenti “Heroinat”, te Monumenti i Policëve të rënë në detyrë, si dhe te pllaka e fëmijëve të vrarë gjatë luftës, që ndodhet në oborrin e Kuvendit.

    Ndërkohë, seanca solemne e Kuvendit do të mbahet me fillim nga ora 12:00. Nga ora 17:00, mbahet pritja shtetërore nga Presidentja Vjosa Osmani, Kryeparlamentari Glauk Konjufca dhe Kryeministri Albin Kurti.

    Dy aktivitetet e fundit të kësaj dite janë Koncerti i Pavarësisë që do të mbahet në orën 18:00 në shesh, si dhe Koncerti solem i Filharmonisë së Kosovës.

  • Legjenda holandeze Phillip Cocu në mesin e favoritëve për përzgjedhës te Kosovës

    Legjenda holandeze Phillip Cocu në mesin e favoritëve për përzgjedhës te Kosovës

    Legjenda e futbollit holandez dhe ish lojtari i Barcelonës Phillip Cocu, është emri i fundit i cili është kandidat për postin e përzgjedhësit të kombëtares së Kosovës në futboll.

    Sipas burimeve të ATV-së brenda federatës së futbollit të Kosovës, përfaqësuesit e trajnerit tashmë kanë shprehur interesim për këtë pozitë.

    Kur jemi te Cocu, 53 vjeçari aktualisht është duke e drejtuar skuadrën holandeze Vitesse, kurse me parë ka qenë pjesë edhe e gjigantit PSV, ku ka arritur të shpallet tri herë kampion i Holandës.

    Pëveç PSV dhe Vitesses, Cocu, ka drejtuar edhe Fenerbahçen, Derby Countin dhe ka qenë asistent për katër vite te kombëtarja e Holandës.

    Përndryshe përveç Cocu, deri me tani emrat që janë përmendur si kandidat për postin e slektorit të Kosova janë: Niko Kovac, Ilir Daja, Blaze Silskovic, Fatih Terim dhe Gianni De Biasi.

  • Gazetari Ejup Llumnica: Mos grumbullimi i disa futbollistëve për ndeshjen përballë Izraelit është vendim i vet lojtarëve

    Gazetari Ejup Llumnica: Mos grumbullimi i disa futbollistëve për ndeshjen përballë Izraelit është vendim i vet lojtarëve

    Redaktori i portalit Ballkan,info Ejup Llumnica ka qenë i ftuar në emisionin ‘A PLAY’ me Ylber Kelmendin në ATV.

    Llumnica në këtë emision ka deklaruar që mos grumbullimi i disa lojtarëve si Amir Rrahmani, Edon Zhegrova dhe të tjerëve për ndeshjen te cilën Kosova e zhvillon sot me Izraelin ka qenë vendim i vet lojtarëve pasi klubet nuk kanë drejt t’i ndalojnë.

    Për më shumë ndiqeni emisionin më poshtë./Atvlive.tv