ATV

Tag: Klinë

  • Konfirmohet viktima e dytë në aksidentin tragjik në Zajm të Klinës

    Konfirmohet viktima e dytë në aksidentin tragjik në Zajm të Klinës

    Është konfirmuar viktima e dytë e aksidentit tragjik që ndodhi në mëngjesin e sotëm në fshatin Zajm të Klinës. Bëhet fjalë për Përparim Dushkollin, banor i Korroticës së Epërme të Drenasit, i cili fatkeqësisht humbi jetën si pasojë e plagëve të rënda të marra në këtë ngjarje.

    Lajmin e trishtë e kanë bërë të ditur familjarët, të cilët shprehin dhimbjen e madhe për humbjen e të dashurit të tyre.

    “Me dhimbje të thellë mora lajmin për ndarjen nga jeta të shokut tonë. Ngushëllimet më të sinqerta familjes dhe të afërmve. Kujtimi i tij të jetë i paharruar, dhe shpirti i tij qoftë në paqe!”, thuhet në një nga reagimet prekëse të të afërmve.

    Policia ka bërë të ditur se hetimet për zbardhjen e shkaqeve të këtij aksidenti të rëndë vazhdojnë, ndërsa ngjarja tashmë ka marrë dy jetë njerëzish.

  • Fshati i Klinës ku të gjithë banorët kanë një gjak e mbiemër

    Fshati i Klinës ku të gjithë banorët kanë një gjak e mbiemër

    Fshati Volljak, fshati qe nuk i ngjan asnjë fshati tjetër. Një vend ku çdo rrugicë flet për një fis të vetëm: Berishët.
    Këtu çdo shtëpi, çdo rrugicë tregon histori besnikërie, guximi dhe lidhjesh që nuk thyhen. Traditat nuk janë thjesht kujtime, por pjesë e çdo dite, mikpritja nuk është fjalë, por mënyrë jetese.
    Volljaka nuk është vetëm vend është zemra e një komuniteti që e mban gjallë shpirtin shqiptar.
    Edhe ky fshat po përballet me sfidën e të rinjve që çdo ditë e më shumë largohen, duke lënë pas vetëm kujtimet dhe traditat e tij.
    Kronikën e plot të përgatitur nga ATV, mund ta klikoni në linkun më poshtë:

  • Plagoset një polic në Klinë

    Plagoset një polic në Klinë

    Një zyrtar policor është plagosur sot në fshatin Zllakuqan të Klinës, gjatë një aksioni për të kapur hajnat që kishin hyrë për të vjedhur në shtëpinë e një prifti të këtij fshati.

    Rasti ka ndodhur në orët e para të mëngjesit, teksa polici që mori lëndime nga arma e zjarrit është jashtë rrezikut për jetë.

    Rastin e ka konfirmuar për media zëdhënësi i Policisë për Rajonin e Pejës, Fadil Gashi.

    “Sot në orët e mëngjesit, rreth orës 03:56 stacioni policor në Klinë është njoftuar se në fshatin Zllakuqan në shtëpinë e banimit të priftit kanë hy disa persona. Policia menjëherë ka dalë në vend të ngjarjes dhe me të arritur aty, afër objektit kanë hasur në rezistencë me çrast një zyrtar policor është lënduar nga arma e zjarrit. Zyrtari i lënduar është dërguar në Emergjencën e Spitalit Rajonal në Pejë dhe sipas mjekut kujdestar ai është jashtë rrezikut për jetë”, tha Gashi.

  • Arrestohet një burrë në Klinë, dyshohet se nën ndikimin e alkoolit sulmoi fizikisht bashkëshorten e tij

    Arrestohet një burrë në Klinë, dyshohet se nën ndikimin e alkoolit sulmoi fizikisht bashkëshorten e tij

    Një person është arrestuar dje në Klinë, pasi dyshohet se nën ndikimin e alkoolit ka sulmuar fizikisht bashkëshorten.

    “Klinë 12.04.2023-00:10. Është arrestuar i dyshuari mashkull kosovar pasi që i njëjti nën ndikim të alkoolit ka sulmuar fizikisht bashkëshorten e tij viktimën femër kosovare”, thuhet në raportin 24-orësh të Policisë.

    Tutje, bëhet e ditur se viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje./atvlive.tv./

    LEXONI EDHE:

    Gjendet pa shenja jete një burrë në Komunën e Prishtinës