ATV

Tag: Kaçanik

  • AVONET kërkon rehabilitimin ekologjik të një hapësire publike në fshatin Begracë të Kaçanikut

    AVONET kërkon rehabilitimin ekologjik të një hapësire publike në fshatin Begracë të Kaçanikut

    AVONET i është drejtuar Kryetarit të Komunës së Kaçanikut, Sabedin Vishi, me një kërkesë për largimin e mbeturinave dhe rehabilitimin ekologjik të hapësirës publike në rrugën “Ilmi Shehu dhe Veteranët e UÇK-së” në fshatin Begracë, si dhe për krijimin e një hapësire të gjelbër.

    Në kërkesën e tij, AVONET ka theksuar nevojën për largimin e menjëhershëm të mbeturinave nga zona, pastrimin e saj dhe ndërmarrjen e masave për mbjelljen e drunjve dekorativë dhe gjelbërimin e hapësirës. Qëllimi i këtij nisme është përmirësimi i mjedisit dhe krijimi i një hapësire më të shëndetshme dhe më të rehatshme për banorët e fshatit.

    Në dokumentacionin e bashkëngjitur me kërkesën, AVONET ka përfshirë edhe fotografi që tregojnë gjendjen aktuale të hapësirës dhe nevojën urgjente për ndërhyrje.

    Komuna e Kaçanikut pritet të shqyrtojë kërkesën dhe të ndërmarrë hapat e nevojshëm për përmirësimin e mjedisit dhe rehabilitimin e zonës publike.

    avont

  • Zjarrvënia në gjykatën e Kaçanikut, ndalohen tre të mitur

    Zjarrvënia në gjykatën e Kaçanikut, ndalohen tre të mitur

    Prokuroria Themelore në Ferizaj, njoftoi përmes një komunikate për media se janë ndaluar tre të mitur, lidhur me shkaktimin e zjarrit në objektin e Gjykatës Themelore në Ferizaj-Dega, në Kaçanik.

    Sipas Prokurorisë, ekziston dyshimi se tre (3) të miturit, kanë kryer veprën penale “Zjarrvënia” nga neni 322 i Kodit Penal të Republikës së Kosovës (KPRK).

    “Prokuroria Themelore në Ferizaj, ndaj të njëjtëve, brenda afatit ligjor, do të paraqesë kërkesë për caktimin e masës së paraburgimit në Gjykatën kompetente në Ferizaj’, thuhet tutje në komunikatë.

    Kujtojmë se nga ky zjarr ishin djegur dy zyre në katin e dytë të këtij objekti, e që të njëjtat i përkisnin gjykatësve derisa në to kishte dosje të ndryshme.

    Çkado që është djegur nga dokumentet, sipas zyrtarëve të Gjykatës, do të rikthehet meqë janë të ruajtura edhe në mënyrë elektronike. Dëmet, sipas zyrtarëve të gjykatës, ishin vetëm materiale./atvlive.tv/

     

  • Arrestohet i dyshuari që dyshohet se dhunoi dhe e mbylli në banesë të miturën në Kaçanik

    Arrestohet i dyshuari që dyshohet se dhunoi dhe e mbylli në banesë të miturën në Kaçanik

    Policia e Kosovës njoftoi se është arrestuar një person në Kaçanik, pasi dyshohet se dhunoi dhe e mbylli në banesë të miturën.

    Në raportin 24-orësh të Policisë, thuhet se rasti ka ndodhur të martën dhe është iniciuar si “Dhunim” dhe “Privim i kundërligjshëm i lirisë”.

    “Viktima femër kosovare (e mitur) ka raportuar se është mbyllur brenda në banesë. Në vendin e ngjarjes kanë dalë njësitet përkatëse policore ku kanë thyer derën e objektit dhe kanë liruar viktimën. Lidhur me rastin është arrestuar i dyshuari kosovar që dyshohet se pasi kishte kryer marrëdhënie seksuale me viktimën e kishte mbyllur në banesë dhe i njëjti pas intervistimit me vendim të prokurorit është dërguar në mbajtje”, thuhet në njoftim.

  • “Nuk po kam çka me bo, po duhet me dal me shitë shampona” – Edhe pse në karrocë qytetari nga Kaçaniku nuk heqë dorë nga puna

    “Nuk po kam çka me bo, po duhet me dal me shitë shampona” – Edhe pse në karrocë qytetari nga Kaçaniku nuk heqë dorë nga puna

    Njihet si një nga qytetarët më të respektuar të qytetit të Kacanikut, Luta Shehu 30-vjeçar çdo ditë del në qendër të qytetit dhe shet detergjent të duarve, vetëm të bëjë një punë pasi që lëvizjet e tij janë të kufizuara.

    “Prej 08:00 të mëngjesit e filloj punën por varet edhe qysh më thërrasin shoqëria, është dashtë me dalë me shitë se nuk kam çka me bo edhe po duhet me dal me shitë shampona, nuk kam shitje edhe aq shumë, shkaku I dyqaneve që janë hapur edhe tani njerëzit edhe s’kanë nevojë shumë me ble prej meje…Nuk kam asnjë vërejtje për qytetarët e Kaçanikut, më presin mirë dhe më dojnë shumë, pasi nuk jam agresiv ndaj dikujt, nuk e pres dikon me fjalë të këqij apo diçka edhe për këtë më dojnë njërzit shumë”, tha ai.

    Tutje, ai shtoi se ka vështirësi për qarkullimin e tij me karrocë nëpër qytet.

    Për më shumë ndiqni videon e mëposhtme:

  • Në Kaçanik, iftari pritet me tupana – Kjo është arsyeja

    Në Kaçanik, iftari pritet me tupana – Kjo është arsyeja

    Ramazani ka rëndësi të veçantë për besimtarët e fesë myslimane. Ky muaj konsiderohet muaj i bekuar dhe i tillë është edhe për Naim Sopin, tavanxhiun nga Kaçaniku, i cili i informon qytetarët për kohën e iftarit.

    “Kjo është tradita e jonë që na kënaqë zemrat, këtë iftar inshalla Allahu ua bën kabull të gjithëve”, thotë për ATV-në, tavanxhiu kaçanikas.

    Ai thotë se i bie tupanit për Ramazan për t’i njoftuar qytetarët për kohën e iftarit tash e 20 vite.

    “Kjo është një traditë dhe unë nuk kam dashur me e lanë këtë traditë. Para lufte ka pasur edhe tavanxhinj të tjerë. Tash jam unë këtu në Kaçanik që i bie tupanit, katër pika i kam ku e bëjë këtë”, thotë Sopi. /atvlive.tv