ATV

Tag: ICE

  • “Super Bowl” shpërthen! Protestë kundër ICE në rrugët pranë stadiumit, kaos, thirrje dhe tension!

    “Super Bowl” shpërthen! Protestë kundër ICE në rrugët pranë stadiumit, kaos, thirrje dhe tension!

    Ajo që duhej të ishte dita më e madhe e futbollit amerikan u kthye në një vatër tensioni politik jashtë stadiumit, teksa qindra protestues dolën në rrugë kundër ICE, pikërisht gjatë festimeve të Super Bowl-it!

    Vetëm disa orë para nisjes së ndeshjes, aktivistët kishin filluar të shpërndanin mijëra peshqirë me mesazhin “ICE OUT” pranë stadiumit, si pjesë e një fushate për të kundërshtuar politikat e emigracionit dhe veprimet e Agjencisë Amerikane të Emigracionit (ICE).

    Por situata nuk mbeti vetëm te mesazhet simbolike. Qindra persona marshuan në rrugët kryesore, vetëm pak kilometra larg stadiumit, duke valëvitur pankarta dhe duke brohoritur slogane si: “Jo ICE, jo KKK, jo SHBA raciste!”

    Policia ishte e pranishme, përfshirë njësi mbi kuaj, ndërsa protestuesit deklaruan se ishin aty për të treguar se ICE “nuk është i mirëpritur” gjatë një eventi që shihet si simbol i bashkimit kombëtar.

    Zyrtarët federalë dhe përfaqësues të NFL kishin theksuar se nuk kishte operacione të planifikuara të ICE gjatë Super Bowl-it, por kjo nuk i ndaloi protestuesit të ngrinin zërin.

    Ndërsa brenda stadiumit fansat shijonin spektaklin dhe performancat e gjysmës së lojës, jashtë po zhvillohej një betejë tjetër, ajo mes sportit dhe politikës.

    Pra këtë vit, në “Super Bowl”, nuk u luajt vetëm futboll…

  • Nicki Minaj – Dikur emigrante ilegale, sot anon nga politikat e Trump-it…

    Nicki Minaj – Dikur emigrante ilegale, sot anon nga politikat e Trump-it…

    Një kujtim nga e kaluara e ka vendosur sërish Nicki Minaj-n në qendër të një debati të ndezur politik dhe këtë herë, historia është reale.

    Postime të vjetra nga rrjetet sociale të Nicki-t janë rishfaqur online, duke rikujtuar një moment nga viti 2018 kur reperja ndau një histori personale mbi përvojën e saj me emigracionin apo ICE. Në atë postim, ajo shkroi se erdhi në Shtetet e Bashkuara si “emigrante e paligjshme” në moshën pesëvjeçare, duke përshkruar frikën e ndarjes së familjes në kufi. Mesazhi ishte pjesë e kritikave të saj ndaj politikave të emigracionit në SHBA në atë kohë.

    Tani, ai postim i vjetër po qarkullon sërish, ndërsa Nicki ka qenë më e dukshme në hapësira politike me prirje konservatore, përfshirë komente publike që mbështesin qëndrime të caktuara të lidhura me administratën Trump, veçanërisht deklarata mbi lirinë fetare dhe persekutimin e të krishterëve në Nigeri.

    Ky kontrast ka ndezur diskutime të forta në rrjet. Disa komentues theksojnë se përshkrimi i saj i vitit 2018 për ardhjen në SHBA si fëmijë emigrant bie ndesh me deklaratat e saj më të fundit politike. Të tjerë theksojnë se postimi i vjetër lidhej specifikisht me përvojën e saj personale dhe kundërshtimin e ndarjes së familjeve në kufi, jo me një debat ligjor mbi statusin e saj.

    Nicki nuk e ka mohuar origjinalitetin e postimit të vitit 2018, dhe rikthimi i tij ka sjellë reagime të përziera, nga mbështetje e fortë deri te kritika të ashpra në rrjetet sociale. Ndërkohë, mediat kanë vënë në dukje se komentet e saj politike, përfshirë pjesmarrjen në diskutime mbi çështje ndërkombëtare dhe fetare, kanë rikthyer vëmendjen mbi qëndrimet e saj të mëparshme.

    Kjo nuk është hera e parë që deklaratat politike të Nicki Minaj shkaktojnë reagime të forta. Ajo ka qenë më parë në përplasje publike me figura mediatike për çështje politike dhe sociale, duke nxitur debate të gjera online.

    Pavarësisht nëse fansat bien dakord apo jo me qëndrimet e saj, një gjë është e qartë, se rikthimi i këtij postimi të vjetër e ka shndërruar Nicki Minaj sërish në një pikë ndezjeje për diskutime mbi politikën, identitetin dhe ndikimin e të famshmëve.

    Po ashtu qarkullojnë spekulime nga gazetari Don Lemon, se Nicki Minaj, pasi që në 2024 tha se nuk është shtetase e ShBA-ve, ajo mund ta mbajë këtë kahje politike nga frika për deportim, kërkesa për pardon presidencial për të burrin e saj Kenneth Petty or her brother Jelani Maraj, ku që të dy janë të akuzuar për sulme seksuale.

  • Vetëm një javë pas vrasjes së Renee Good, një agjent federal qëllon një emigrant, dy persona në pranga

    Vetëm një javë pas vrasjes së Renee Good, një agjent federal qëllon një emigrant, dy persona në pranga

    Minneapolis po tronditet sërish nga dhuna, pasi për herë të dytë brenda një jave qyteti është përfshirë në skena të rënda që kanë ringjallur frikë dhe zemërim.

    Vetëm pak ditë pasi një person tjetër u vra në një incident të ndarë, kaosi u rikthye kur një agjent federal hapi zjarr, duke plagosur një emigrant, emri i të cilit mbetet ende anonim, duke shkaktuar një reagim masiv të forcave të rendit.

    Sipas raportimeve të para, incidenti i fundit ndodhi gjatë një operacioni federal të tensionuar, kur një përballje doli jashtë kontrollit. Momente më pas, të shtëna armësh u dëgjuan në zonë. Një emigranti u godit, ekipet e emergjencës mbërritën me shpejtësi, sirenat dhe dritat blu e të kuqe pushtuan rrugët, ndërsa banorët e tronditur përpiqeshin të kuptonin çfarë po ndodhte.

    Autoritetet vepruan menjëherë. Dy persona u ndaluan, ndërsa forcat federale dhe ato lokale rrethuan zonën, duke e kthyer një bllok qyteti në një skenë të blinduar krimi. Zyrtarët kanë dhënë pak informacion, duke shtuar ankthin dhe spekulimet publike.

    Dëshmitarët përshkruajnë panik dhe konfuzion. “Njerëzit po vraponin, po bërtisnin, po fshiheshin,” tha një banor për mediat amerikane, “Pas asaj që ndodhi javën e kaluar, të gjithë e menduan më të keqen…”

    Incidentet e njëpasnjëshme kanë hedhur benzinë mbi zjarrin e debatit për sigurinë publike, taktikat e zbatimit federal dhe trajtimin e emigrantëve, me kritikë që kërkojnë transparencë dhe llogaridhënie, ndërsa autoritetet këmbëngulin se agjenti veproi nën presion.

    Ndërsa hetimet shtohen dhe tensionet rriten, Minneapolis gjendet sërish në prag shpërthimi.

  • 475 mijë dollarë të mbledhur në GoFundME për agjentin e ICE, Jonathan Ross 

    475 mijë dollarë të mbledhur në GoFundME për agjentin e ICE, Jonathan Ross 

    Amerika u nda në dy pjesë, ata që e justifikojnë vrasjen e Renee Nicole Good dhe ata që e dënojnë dhe e cilësojnë si vrasje kriminale.

    Pavarësisht se kush është kundër, në lidhje me këtë rast ka filluar fushata GoFundMe, e hapur për agjentin e ICE Jonathan Ross, zyrtari federal në qendër të një incidenti shumë të diskutueshëm me armë zjarri në Minneapolis, ka kaluar shifrën marramendëse prej 475,000 dollarësh në donacione, duke shkaktuar zemërim, debate të ashpra dhe reagime të forta online.

    Fushata e nisur nga një burrë nga Michigani, i cili pretendon se Ross ishte “1000% i justifikuar”, u përhap me shpejtësi në internet, ndërsa donacionet nisën të vërshonin nga mbështetës të zakonshëm, madje edhe nga miliarderi Bill Ackman, i cili dhuroi 10,000 dollarë, duke mbrojtur veprimin e tij me parimin “i pafajshëm derisa të provohet fajësia”.

    Por kjo stuhi parash nuk ka ardhur pa reagime të ashpra…

    Kritikët po e quajnë fushatën moralisht skandaloze, duke thënë se paratë duhet të shkonin për familjen e viktimës, sidomos kur një GoFundMe i veçantë për familjen e saj ka mbledhur mbi 1.5 milionë dollarë.

    Disa madje po akuzojnë fushatën se shkel rregullat e vetë GoFundMe, të cilat ndalojnë mbledhjen e fondeve për mbrojtje ligjore të lidhur me akte të dhunshme duke ngritur pikëpyetje serioze nëse faqja duhet të lejohet të qëndrojë aktive.

    Ndërkohë, seksioni i komenteve ka shpërthyer në luftë virtuale, me kritikë që sulmojnë përmbajtjen dhe qëllimin e fushatës, dhe mbështetës që e paraqesin atë si një qëndrim në mbrojtje të forcave të rendit.


    Fushata thotë se donacionet do të ndihmojnë agjentin e ICE, edhe pse rregullat federale të etikës kufizojnë sasinë e parave që punonjësit shtetërorë mund të pranojnë.
    Kundërshtarët këmbëngulin se paratë duhet të shkonin për familjen e gruas që humbi jetën.
    Disa postime online pretendojnë se përshkrimi i fushatës është ndryshuar për t’iu shmangur rregullave të platformës.

    Kjo stuhi online tregon se urrejtja, heroizmi dhe polemikat që tërheqin vëmendje mund ta kthejnë një faqe bamirësie në një nga historitë më të përfolura dhe më përçarëse të momentit.

  • Yjet e “Golden Globe” protestojnë fuqishëm kundër politikave të “ICE” për imigracionit 

    Yjet e “Golden Globe” protestojnë fuqishëm kundër politikave të “ICE” për imigracionit 

    “Golden Globes 2026” e cila u mbajt në Los Angeles, nuk ishte vetëm ngjarja më e madhe e filmave por edhe një protestë e fuqishme politike në tapetin e kuq!  Yje të famshëm u shfaqën duke veshur butona me mbishkrime si “BE GOOD”  dhe “ICE OUT” për të dërguar një mesazh të fortë kundër agjencisë imigracionit “ICE” dhe bota u ndez! 

    Emra të mëdhenj si Mark Ruffalo, Wanda Sykes, Jean Smart, Natasha Lyonne, Ariana Grande e të tjerë u panë duke mbajtur butona proteste që nderonin Renée Good, një nënë që u vra nga një agjent i “ICE” në Minneapolis këtë javë dhe tjerë viktima të dhunës së agjencisë.

    Në vend që të mungonin vetëm në pista mode, këta aktorë përdorën skenën më të shikuar të mbrëmjes për të bërë zërin e tyre të dëgjohej, duke përzier glamurin me aktivizmin në një mënyrë që askush nuk e priste në “Golden Globes”!

    Ndërsa vetëm pak çmime u shpërndanë, mesazhet politike nuk ishin aspak të heshtura dhe diskutimet mbi politikat e imigracionit morën vëmendjen kryesore të medieve një ditë pas.

    E gjithë skena u shndërrua nga nje show thjesht hollywood-ian në një moment proteste dhe reflektimi social dhe interneti vazhdon të shpërthejë me komente, debate dhe meme rreth kësaj nisme!