Nga dita e djeshme Minatorët e Minierës me Flotacion, janë futur në grevë brenda në minierë dhe kanë disa kërkesa të cilat duhet përmbushur (1) Realizimi pagës mujore me kohë ,(2) Shkarkimi i menaxhmentit (kryeshefit) dhe (3) Sigurimi shëndetësor dhe kushtet e punës.
Kryetari i Sindikatës së Minatorëve, Ibrahim Jonuzi në një intervistë në emisionin “A LIVE” tha se ata do të vazhdojnë grevën deri në realizimin e kërkesave të tyre.
“Ne kemi pasur mungesë të komunikimit me kryeshefin pra, ne kemi shkuar vetëm drejt humbjes. Ne e shohim si fajtor një keqmenaxhim dhe dikush është përgjegjës për këtë, andaj edhe kemi kërkuan shkarkimin e kryeshefit ekzekutiv”, tha Jonuzi.
Tutje ai tha se gjatë ditës së sotme mbi 50 minatorë që janë në grevë urie nuk e kanë gjendjen e mirë shëndetësore, madje kanë kërkuar edhe ndihmë mjekësore./atvlive.tv/
Për më shumë ndiqni videon e mëposhtme:
