ATV

Tag: Gazmend Hoxha

  • Hoxha: Luftrat nuk i fitojnë ata që kanë më shumë armatim, por ata që luftojnë për kauzë të drejtë

    Hoxha: Luftrat nuk i fitojnë ata që kanë më shumë armatim, por ata që luftojnë për kauzë të drejtë

    Sot bëhet një muaj nga sulmi terrorist serb ndaj Policisë së Kosovës në Banjskë të Zveçanit, ku humbi jetën heroi i Kosovës, rreshteri Afrim Bunjaku.

    Radio Televizioni ATV ka realizuar një dokumentar ekskluziv të titulluar “Dritëhijet e 24 shtatorit”, përmes të cilit ka vënë në dritë detaje të padëgjuara deri më tani lidhur me këtë ngjarje.

    Drejtori i Përgjithshëm i Policisë së Kosovës, Gazmend Hoxha, në këtë dokumentar flet për vazhdimin e betejës deri në largimin e sulmuesve, për çka thotë se i gjithë operacioni ishte i koordinuar me KFOR-in dhe EULX-in.

    Ai tutje se Policia e Kosovës lufton për një kauzë të drejtë.

    “Të gjitha informacionet ua kemi përcjellë KFOR-it pashtu edhe shefit të misionit EULEX, gjeneralit Barbano (Giovanni Pietro Barbano) Ka qenë koordinim i mirë. Gjithë operacioni është kry nga planifikimi, ekzekutimi nga Policia e Kosovës. Luftat dhe betejat nuk i fitojnë ata që kanë më shumë armatim. Por, ata të cilët luftojnë për kauzë të drejtë dhe njëkohësisht kanë zemër gjatë luftimeve”, u shpreh Hoxha./atvlive.tv/

    Për më shumë detaje se çfarë ndodhi në orët e hershme të 24 shtatorit, ndiqni dokumentarin e plotë në videon e mëposhtme:

  • “Jemi të gatshëm për t’u ballafaqu me çfarëdo sulmi, Kosovës do t’i garantojmë siguri qoftë edhe me jetën tonë”

    “Jemi të gatshëm për t’u ballafaqu me çfarëdo sulmi, Kosovës do t’i garantojmë siguri qoftë edhe me jetën tonë”

    Drejtori i Përgjithshëm i Policisë së Kosovës, Gazmend Hoxha, në dokumentarin “Dritëhijet e 24 shtatorit” në ATV, derisa ka vlerësuar lartë aktin heroik të rreshterit Afrim Bunjaku në sulmin terrorist në Banjskë, thotë se janë të përgatitur që t’i përgjigjen çfarëdo lloj sulmi.

    “Ne jemi të gatshëm për t’u ballafaqu me çfarëdo sulmi, si të kësaj natyre, por edhe tjera. A mund të ketë pasoja, edhe mund të ketë. Por ne jemi të përkushtum si Polici e Kosovës që t’i garantojmë Kosovës siguri, qoftë edhe me jetën tone”, thotë ai. /atvlive.tv

    Për më shumë detaje se çfarë ndodhi në orët e hershme të 24 shtatorit, ndiqni dokumentarin e plotë në videon e mëposhtme:

  • Hoxha: Akti heroik i Afrim Bunjakut ishte pikë kthese për Kosovën si shtet

    Hoxha: Akti heroik i Afrim Bunjakut ishte pikë kthese për Kosovën si shtet

    Radio Televizioni ATV ka realizuar një dokumentar ekskluziv të titulluar “Dritëhijet e 24 shtatorit”, përmes të cilit ka vënë në dritë detaje të padëgjuara deri më tani për sulmin terrorist të 24 shtatorit në Banjskë të Zveçanit, ku u vra heroi Afrim Bunjaku.

    Drejtori i Përgjithshëm i Policisë së Kosovës, Gazmend Hoxha, në këtë dokumentar, ka vlerësuar lartë aktin heroik të rreshterit Afrim Bunjaku, si dhe të kolegëve të tij që i rezistuan ballafaqimit me terroristët.

    “Akti heroik që e ka ba heroi Afrim Bunjaku, është pikë kthese në të tashmen dhe të ardhmen e Kosovës si shtet. Ky veprim i tij dhe i policëve tjerë, kanë bë kthesë epokale që është parandalu një plan famëkeq ogurzi për Kosovën dhe të ardhmen e saj”, tha Hoxha. /atvlive.tv

    Për më shumë detaje se çfarë ndodhi në orët e hershme të 24 shtatorit, ndiqni dokumentarin e plotë në videon e mëposhtme:

  • Policia e Kosovës pranoi 7 dronë nga SHBA-ja

    Policia e Kosovës pranoi 7 dronë nga SHBA-ja

    Përgatiti: Krenare Mulliqi

    Këto pamje që dëshmuan pjesëmarrjen e Milan Radojiqiqit në sulmin në Banjskë të Zveçanit, u xhiruan me dronë të Policisë së Kosovës.

    Por ai dhe një tjetër që u përdor në aksionin e 24 shtatorit në veri të vendit, u shkatërruan nga grupi terrorist i udhëhequr nga Radojiciq.

    Mirëpo, nga kjo e mërkurë institucioni i Policisë së Kosovës do t’i ketë edhe 7 pajisje të tilla fluturuese, të cilat i pranoi nga Shtetet e Bashkuara të Amerikës.

    “7 dronë që i dhurojmë Policisë dhe IPK-së, do të ndihmojnë në luftimin e dukurive negative. Ne do të vazhdojmë të punojmë me Policinë e Kosovës për të çuar përpara përkushtimin tonë të përbashkët, për të ofruar shërbime transparente e të përgjegjshme të zbatimit të ligjit, nga të cilat përfitojnë të gjithë qytetarët e Kosovës”, tha ambasadori i SHBA-së në Kosovë, Jeffrey Hovenier.

    Falënderimet për këtë donacion nuk munguan, derisa Drejtori i Përgjithshëm i Policisë tha se dronët do të ndihmojë në ngritjen e kapaciteteve.

    Dronët do të ndihmojnë edhe në mbështetje të operacioneve të kërkim-shpëtimit, në menaxhimin e fatkeqësive, si dhe në monitorimin e turmave dhe të trafikut.

    Vetëm në pesë vitet e fundit, sipas ambasadorit Hovenier, ShBA-ja ka ofruar mbi 20 milionë dollarë mbështetje në forma të ndryshme për organizatat e policisë.

  • Amerika i dhuron Policisë shtatë dronë, Hovenier: Përkrahja nuk do të mungojnë asnjëherë

    Amerika i dhuron Policisë shtatë dronë, Hovenier: Përkrahja nuk do të mungojnë asnjëherë

    Policia e Kosovës dhe Inspektorati Policor, kanë përfituar donacion shtatë dronë nga Ambasada e Shteteve të Bashkuara të Amerikës, përmes projektit ndërmjet INL-DOS dhe ICITAP-DOJ, raporton EO.

    Ambasadori i Shteteve të Bashkuara të Amerikës në Kosovë Jeffrey Hovenier, tha se shteti i tij është i përkushtuar që ta ndihmojë Policinë. Ai madje tha se përkrahja nuk do të mungojnë asnjëherë.

    “7 dronë që i dhurojmë Policisë dhe IPK-së, do të ndihmojnë në luftimin e dukurive negative. Do të jenë burim jetik për të luftuar krimet e organizuara dhe luftimin e kontrabandës. Marrja e informatave të mira do të ndihmojë edhe marrjen e veprimeve me kohë”.

    “Mbështetja për IPK, ne i japim mbështetje transparencës dhe llogaridhënies, prandaj do të punojmë me Policinë drejt quarjes përpara veprimet që janë në të mirë të qytetarëve. Dua të them se gjatë pesë viteve të fundit, ShBA-ja ka ofruar mbi 20 milionë dollarë mbështetje në forma të ndryshme për organizatat e policisë”, tha tutje Hovenier.

    Drejtori i Përgjithshëm i Policisë së Kosovës kolonel Gazmend Hoxha, falënderoi Amerikën për ndihmën e vazhdueshme në përkrahje të Policisë në shtimin e kapaciteteve e modernizimin e pajisjeve.

    “Është gjithmonë kënaqësi ta kemi ambasadorin për mbështetjen e Policisë por edhe të shtetit, andaj e çmojnë mbështetjen ndër vite për shtetin tonë e sidomos për ditët e fundit kur e humbëm rreshterin Afrim Bunjaku. Në lidhje me donacionin është i nevojshëm dhe i çmueshëm për Policinë dhe do të ndihmojë në ngritjen kapaciteteve tona por edhe në aspektin e protestave dhe të manifestimeve të ndryshme. Janë dronë që janë selektuar nga ekspertët tanë”, tha Hoxha.

    “Kjo ka bërë që edhe operacioni i 24 shtatorit të jetë i suksseshëm dhe është incizuar nga dronët që i kemi aktualisht”, tha tutje Hoxha.

    Drejtori i Inspektoratit Policor të Kosovës, Taulant Hodaj, tha se pajisje të tilla do t’i ndihmojë që ta mbajmë lartë profesionalizmin dhe ta monitorojmë punën e Policisë, raporton EO.

    “Si IPK po mundohemi që të jemi të përkushtuar që ta mbajmë nivelin e profesionalizmit të Policisë së Kosovës. Mbështetja me këshilla e me pajisje, ka bërë që të ngritet profesionalizmi për Policinë e Kosovës. Pajisje të tilla siç janë këta dronë, do na ndihmojë që ta mbajmë lartë profesionalizmin dhe ta monitorojmë punën e Policisë”, tha ai.

  • Drejtori i Policisë: Operacioni në veri, më i suksesshmi që nga paslufta

    Drejtori i Policisë: Operacioni në veri, më i suksesshmi që nga paslufta

    Drejtori i Policisë së Kosovës, Gazmend Hoxha, ka thënë se operacioni i djeshëm i Policisë në veri ka qenë më i suksesshmi që nga paslufta, raporton Ekonomia Online.

    Ai ka treguar edhe për rrjedhën e sulmit terrorist, ku mbeti i vrarë polici Afrim Bunjaku, u plagos një polic dhe u lëndua një tjetër.

    Hoxha ka thënë se Policia është koordinuar me EULEX-in dhe KFOR-in, e se vazhdimisht kanë kërkuar dorëzimin e sulmuesve. Hoxha, ka thënë se në mesin e të dyshuarve ka qenë edhe Milan Radojçiqi.

    “Unë do t’i jap disa prej të dhënave që ndërlidhen me operacionin e djeshëm, operacioni më i madh dhe i suksesshëm që nga paslufta deri më tash. Dje me datë 24.9.2023 një ekip i policisë me të arritur te ura e fshatit të njohur Banjsëk, ka hasur në një bllokim të rrugës nga dy kamion pa traga të braktisur. Ekipi i policisë deri sa po raportonte për bllokim të rrugës të njejtit janë sulmuar nga persona të pa identifikuar me arme të zjarrit dhe mjete shpërthyese. Të dyshuarit janë larguar në drejtim të fshatit Banjskë…”.

    “Menjëherë pas sulmit terrorist, ekipet e policisë në koordinim të vazhdueshëm me EULEX-in dhe KFOR-in kanë ndërmarr të gjitha veprimet për lokalizimin e përgjegjësve për sulm terrorist”.

    “Gjatë monitorimit të pamjeve brenda manastirit janë vërejtur edhe disa persona civil të cilët nuk janë lejuar që të largohen nga personat e armatosur, duke ngritur dyshimin e bazuar që personat civil do të përdoren nga grupi i armatosur si pengje”.

    “Policia në mënyrë të vazhdueshme ju ka bërë thirrje të dyshuarve të armatosur që të dorëzohen, të njëjtit në vazhdimësi kanë shtënë me armë zjarri të kalibrave të ndryshëm edhe me raket-hedhës në drejtim të policisë”, ka thënë Hoxha, pas prezantimit të armatimit që u gjet në Manastirin e Banjskës.

    “Në një nga automjete Mercedes G-klas me targa BG-1107YY është gjetur një dokument i aplikimit të lejes së armës së personit Milan Rajdoqiq. Njëherit nënkryetar i Listës Serbe i dyshuar për përfshirje në shumë raste kriminale në Kosovë, dokumenti është i lëshuar nga autoritete serbe, dhe kjo ngrit dyshimet që në mesin e personave të armatosur dhe të uniformuar ka qenë edhe vete Milan Rajdoçiq”.

  • Themelohet Drejtoria e Policisë së Prishtinës

    Themelohet Drejtoria e Policisë së Prishtinës

    Drejtori i Përgjithshëm i Policisë, Gazmend Hoxha, ka pritur në takim kryetarin e Komunës së Prishtinës. Përparim Rama.

    Hoxha në këtë takim e ka njoftuar Ramën për themelimin e Drejtorisë së Policisë së kryeqytetit.

    “Drejtori z. Hoxha, njoftoi kryetarin z. Rama, se me qëllim të avancimit të bashkëpunimit dhe shërbimit ndaj nevojave të qytetarëve dhe vetë kryeqytetit, Policia e Kosovës, në kuadër të strukturës së re organizative, ka themeluar edhe Drejtorinë e Policisë së Kryeqytetit, e cila është në kuadër të Drejtorisë Rajonale të Prishtinës”, thuhet në njoftimin e PK-së.

    Siç njofton komunikata, krijimi i kësaj drejtorie “do të ndihmojë dhe do të avancojë bashkëpunimin e mëtejmë ndërinstitucional dhe do të jetë në shërbim ndaj nevojave të qytetarëve të kryeqytetit”.

    “Ndër të tjera u diskutua edhe rreth sigurisë së përgjithshme, vendosjes së kamerave në kryeqytet, sigurisë së trafikut rrugor, të gjitha këto në interes të ofrimit të shërbimeve më të mira dhe më efikase ndaj banorëve të kryeqytetit”, thuhet në njoftim.