ATV

Tag: Fatmir Limaj

  • Limaj kritikon opozitën: Demokracia në Kosovë është në rrezik, po krijohet hapësira për regjime autoritare

    Limaj kritikon opozitën: Demokracia në Kosovë është në rrezik, po krijohet hapësira për regjime autoritare

    Kryetari i NISMA-s, Fatmir Limaj, në emisionin CONTEXT në ATV, tha se nëse opozita në Kosovë vazhdon kështu si ka qenë, rrezikohet demokracia në vend dhe i jepet mundësi krijimit të hapësirës për regjime autoritare.

    “Nisjen e opinionit publik e shtyrë pak a shumë nga Qeveria dhe eksponentë opozitarë me u kthy si temë që kur të përmendet bashkëpunimi opozitar, 100 mijë pengesa e telashe me e i çitë e mos me i lanë me u ba bashkë. Unë e kuptoj që kjo i shërben shumicës, por jo opozitës. Një shumicë e cila ka njëfarë instikti autoritar, do me e pa ashtu. Dhe çka kam parë, kam parë rrezikun e demokracisë. Cila është? Nëse një opozitë qysh ka qenë këtu e vazhdon me u topitë, e me u ba copa copa e me nisë me u marrë opozita njëra me tjetrën e me gju temat që nuk bashkojnë, po temat ndajnë, vijmë në një situatë ku potenciali demokratik, reagues e alternativ i opozitës dobësohet deri në atë nivel sikur që e kemi në vendet në rajon dhe aty lëndohet demokracia dhe aty krijohet hapësira për regjime autoritare. Kqyrne sot Serbinë, gati e njëjta logjikë ka shku në 10 vitet e kaluara, e ka shkatërrua opozitën, opozita veten, nuk e ka ruajtur demokracinë. Ka vende demokratike rajoni, por ka demokraci pesë sekondëshe, këtu ku na rrethojnë neve.”, tha Limaj. /atvlive.tv

    Intervistën e plotë të Fatmir Limajt në CONTEXT në ATV, e gjeni në videon më poshtë:

  • Ky do të jetë fundi i Vuçiqit, sipas Limajt

    Ky do të jetë fundi i Vuçiqit, sipas Limajt

    Kryetari i Nisma’s Socialdemokrate, Fatmir Limaj, në emisionin CONTEXT në ATV, tha presidenti Vuçiq tani i ka ngarkesë ata që i ka dërguar në Kosovë.

    Sipas Limajt, fundi i Vuçiqit do të jetë, ose ky i fundit do ti likuidoi ata, ose ata do ta likuidojnë këtë.

    “Vazhdimisht ka politikë shantazhuese, prandaj Vuçiqi thotë unë nuk e njoh kurrë Kosovën, se karta e vetme që e mban në pushtet Vuçiqin është Kosova. Ekonominë e ka llom, politikën e ka llom, mediat i ka llom, demokracinë i ka llom, çdo send e ka llom në Serbi, kurrë Serbia nuk ka qenë më keq. Çka e mban Vuçiqin atje, vetëm karta nacionaliste, veç Kosova. Nuk përfundon ai punë me Kosovën sepse duhet me shku në shtëpi. Në fakt ata kurrë nuk përfundojnë në shtëpi, njerëzit e tillë, sepse nuk është duke e bërë punën dhe ka me pasë telashe me të vet. Sot i ka ngarkesë ata që i ka çun ë Kosovë, i ka ngarkesë. Ja ai ka me i likuidu ata, ja ata këto. Kështu përfundojnë këto situata, kur ju bëni martesë me krimin, ky është përfundimi i juaj, me nëntokën. S’ka qare pa përfundu kështu. /atvlive.tv

  • Limaj tregon çka i ka pëlqyer Albin Kurti pas ngjarjeve të fundit në veri

    Limaj tregon çka i ka pëlqyer Albin Kurti pas ngjarjeve të fundit në veri

    Kryetari i Nisma’s Socialdemokrate, Fatmir Limaj, në emisionin CONTEXT në ATV, tha se e vlerëson gjuhën e përdorur nga kryeministri ditën e diel, kur e ka bërë prezentimin e asaj çka po ndodh, por vazhdon ai, gjithçka tjetër pastaj, ka nisë ta shqetësojë.

    “Konferenca e kryeministrit më ka pëlqy, krejt çka ka folë ka qenë në vendin e duhur. Çkado mas andej, është e tepërt, është e panevojshme, është kundërproduktive, mundet me tu kthy”, tha Limaj.

    Ai tha se një prej arsyeve pse Kosova ka fituar, është sepse serbët e kanë nënçmuar këtë vend vazhdimisht.

    “Një nga arsyet pse ne kemi fituar sepse e kanë nënçmuar këtë vend, po vazhdojnë me e nënçmu dhe mirë që po vazhdojnë me na nënçmu. Na kanë nënçmu policinë, shikoni videot në vitin 2021, çfarë fyerje u bëjnë njësiteve tona të policisë atje ën barrikada, shikoni në Youtube dhe shikoni si i fyejnë, Majde thonë që këta nuk dinë me e shti as ‘okfirin’. Ata nuk e kanë ditur ose nuk kanë dashur me e ditë fatmirësisht, Beogradi e ka fy këtë njësi sepse ne i kemi përgatitjet si me thanë shkenca e fundit e teknikës është te policia e jonë. Ato çka duhet me i pasë, deri te droni. Ata janë befasuar kur i kanë pa fotografimet, kur i kanë pa xhirimet”, tha Limaj.

    Ai tha se beson që ka edhe xhirime të tjera.

    “Unë besoj që kemi ende xhirime. Nuk e di, por besoj që shumë xhirime ka atje, shumë prova ka atje, edhe të kufiri, edhe te hyrja edhe te dalja, plotë ka. Ky vend është i furnizuar me instrumente”, tha Limaj. /atvlive.tv

  • Limaj: Vuçiqi u tradhtua nga vetvetja, u tmerrua nga Policia e Kosovës

    Limaj: Vuçiqi u tradhtua nga vetvetja, u tmerrua nga Policia e Kosovës

    Kryetari i Nisma’s Socialdemokrate, Fatmir Limaj, në emisionin CONTEXT në ATV, tha se shpallja ditë zie nga Qeveria e Serbisë, si dhe konferenca e para dy nete, tregon qartë se presidenti Vuçiq qëndron mbrapa asaj që ka ndodh në veri.

    “Vetë faktin që Qeveria e Serbisë shpallë ditë zie, konferenca e shtypit të Vuçiqit neve na ka tregu që ai qëndron mbrapa këtij. Shqetësimi i Vuçiqit është mos realizimi me sukses i aksionit. Pesë-gjashtë vende e tradhton veten, tradhtohet nga qëndrimi atë natë. Një nga ato thotë, si është e mundur për një orë me u rrethu. Është i tmerruar për vrasjen e policit tonë, jo për shkak që është vra, por pse me ndodh ajo, sepse ka qenë plani tjetër. Flet këndej s’kam me e njoftë pavarësinë, do me thanë, asnjë rast atë natë nuk ka pasë distancim nga ajo që ka ndodhur veç ka pasë një gjë, ka hedhur zjarr”, tha Limaj.

    Ai tha se në vazhdimësi, politika e Serbisë i ka ‘gjuajtur’ serbët e shteteve të tjera.

    “Ka thënë ‘serbët e Kosovës’. I gjuajti sikur që i ka gju gjithmonë politika serbe, i ka gju gjithmonë serbët e Bosnjës, i ka futë në zjarr në Kroaci, i ka lënë pa shtëpi e pa tokë, pa atdhe, sot janë nëpër Serbi. I ka gju serbët e Bosnjës, të Malit të Zi, të Kosovës në vazhdimësi, dhe në fund, parmbrëmë tha ‘jo këta janë serbët e Kosovës’. Asnjë serb nga Serbia qendrore tha nuk është angazhuar”, tha Limaj. /atvlive.tv

  • Limaj: Me emër të Zotit do të jemi në Kuvend, s’mund të na ndalë askush

    Limaj: Me emër të Zotit do të jemi në Kuvend, s’mund të na ndalë askush

    Kryetari i NISMA’s Socialdemokrate, Fatmir Limaj, në emisionin CONTEXT në ATV, tha se në zgjedhjet e ardhshme, NISMA do të jetë në parlament dhe se për këtë është i sigurt.

    “Me masa e administrativit s’kanë me mujt me ndalë vullnetin e popullit. NISMA ko me kanë në parlament, me emër të zotit. A vetë, a me koalicion, ne kemi me qenë në parlament”, tha Limaj.

    Ai tha se në zgjedhjet e fundit, kanë qenë 25 mijë vota të cilat nuk janë të përfaqësuara në parlament për shkak të pragut prej 5%.

    “Ne edhe LDK, si dy partitë më të mëdha kemi qenë që pragu të jetë 3% për me ua mundësu partive më të vogla, por ka qenë një parti që ka mëndu se ka shumë, nuk e ka kalu pragun, ajo ka insistu që pragu të jetë 5%. Pse e kemi bërë ne këtë, sepse sot janë katër deputetë me votat të NISMA-s në parlament të Kosovës. Katër, tre i ka VV-ja e një e ka PDK-ja, votuesit tanë edhe tash 25 mijë njerëz që kanë votuar, janë të pa përfaqësuar në Parlament të Kosovës dhe nuk është në rregull se Kosova është e vogël. 25 mijë njerëz qato vota, katër deputetë athe ndoshta japin votën dhe i rrahin shuplakë kësaj çka është tu ndodh në veri, e janë votat tona”, tha Limaj, duke shtuar se është mirë që me 10 mijë vota e përpjetë, duhet të ketë përfaqësim në parlament. /atvlive.tv

    Emisionin e plotë e gjeni në videon më poshtë:

  • Limaj: Kurti mashtroi qytetarët, votuesit ia dhanë besimin për bashkimin kombëtar

    Limaj: Kurti mashtroi qytetarët, votuesit ia dhanë besimin për bashkimin kombëtar

    Kryetari i NISMA’s Socialdemokrate, Fatmir Limaj, në emisionin DIREKT në ATV, duke folur për zhvillimet e djeshme në Bruksel, tha se kjo Qeveri nuk e ka marrë besimin e votuesve për veprimet që është duke i bërë, por për bashkim kombëtar.

    “Qytetarët e këtij vendi kur ua kanë dhënë votën, u kanë dhënë për Shqipërinë e bashkuar. Qytetarët e këtij vendi kanë thënë se ky është një patriot i panjohur deri më tani në tokat tona, i cili nuk bisedon me Serbinë pa kërkuar falje, i cili nuk bënë kompromise për të pagjeturit, se nuk ka me ba kurrë “Zajednicë” as Asociacion”, tha Limaj.

    Ai tha se skandaloze po ndodhin sepse në krye te shtetit është një qeveri mashtruese.

    “Veprimet skandaloze po ndodhin sepse kemi në krye të shtetit një Qeveri mashtruese, një Qeveri që nuk ka lidhje me shtetin, e që në fakt kanë qenë anti-shtet, dhe janë duke e rrënuar atë që është krijuar”, tha Limaj. /atvlive.tv

    Emisionin e plotë e gjeni në videon më poshtë:

  • Limaj: Ajo që ndodhi mbrëmë në Bruksel është skandaloze

    Limaj: Ajo që ndodhi mbrëmë në Bruksel është skandaloze

    Kryetari i NISMA’s Socialdemokrate, Fatmir Limaj, në emisionin DIREKT në ATV, tha se ajo që ka ndodhur mbrëmë në Bruksel është skandaloze, pasi që sipas tij, Kurti ka treguar mos respekt ndaj vuajtjeve të plagëve për të pagjeturit, poshtu edhe mos njohuri se si mbrohem interesat shtetërore.

    “Së pari po flas për çështjen në parim të pagjeturit, një temë shumë e ndjeshme, barrë edhe plagë e hapur e lirisë së Kosovës që ne e gëzojmë sot. Mënyra se si iu ka qasur mbrëmë zotri Kurti tregon mos respekt ndaj krejt asaj vuajtje e dhimbje të asaj plage, tregon mos njohuri se si mbrohet shteti dhe interesat shtetërore, tregon mos vizion se në çka ngarkohet në të ardhmen vendi i tij”, tha Limaj.

    Ai tha se në miratimin e deklaratës së djeshme, Kurti ka amnistuar shtetin serb nga krejt ato çka ka bërë në Kosovë gjatë viteve 98-99.

    “Mbrëmë zotri Kurti, fatkeqësisht, në emër të Kosovës si kryeministër, ka amnistuar shtetin serb nga krejt ato çka ka bërë në Kosovë gjatë viteve 98-99, duke e bërë njëfarë barasvlere, fatkeqësisht të atyre krimeve që kanë ndodh individuale të mbas 99-tës me atë që ka bërë shteti serb. Kjo sepse obligimet që i ka marrë zotri Kurti nuk është dashur që në asnjë variant me i marrë Kosova. Tash e sa vite, Kosova nuk ka pranuar me i marrë ato obligime çfarë i ka marrë mbrëmë zotri Kurti. Pika 3 e thotë më së miri, kur marrëveshja i obligon të dyja vendet edhe i baraspeshon, i obligon në letra e dokumente, për të dhënë informacione të atyre njerëzve që janë të zhdukur. Të jemi të çartë, ne këtu nuk jemi duke folur për të ngritur viktimat e pjesës shqiptare mbi ato serbe, viktima është viktimë, por shumë më mirë me e pa shkakun si kanë ardhur këto viktima”, tha Limaj. /atvlive.tv

    Emisionin e plotë e gjeni në videon më poshtë:

  • Limaj: Kosova po korrë rezultate katastrofale nga ky proces i dialogut

    Limaj: Kosova po korrë rezultate katastrofale nga ky proces i dialogut

    Kryetari i NISMA’s Socialdemokrate, Fatmir Limaj, në emisionin DIREKT në ATV, duke folur për zhvillimet e djeshme në Bruksel, tha se Kosova po korrë rezultate katastrofale nga ky proces i dialogut me Serbinë.

    “Ajo që ka ndodhur dje dhe sot dëshmon që Kosova, fatkeqësisht, atë që e kemi thënë se është në dorën e njerëzve të cilët nuk kanë lidhje me funksionimin e shtetit, nuk kanë lidhje me mënyrën e sjelljes shtetërore qoftë brenda e sidomos atje jashtë. Krejt çka po vjen, zotri Kurti po e vjel produktin e sjelljes së tij delitanteske, të papërvojë, arrogante dhe këto janë frutat e kësaj politike të mbrapsht e cila tani e dy vjet, fatkeqësisht, sidomos në raport me dialogun sjellja e tyre, Kosova po korrë rezultate katastrofale nga ky proces i dialogut”, tha Limaj.

    Ai madje tha se nuk ka besuar që qeverisja do të shkojë në këtë nivel të joseriozitetit dhe veprimeve skandaloze.

    “Kam filluar kohëve të fundit me u befasua edhe më shumë për të keq. Nuk është se kam pritur asgjë nga kjo Qeveri. Në fakt, unë jam munduar me i bë publike qëndrimet e mendimet e mia rreth qeverisjes me kohë, por nuk kam besuar edhe vet që ka me shku deri në këtë nivel ku jemi të joseriozitetit të veprimeve skandalozë të kësaj Qeverie”, tha Limaj. /atvlive.tv

  • Limaj: Politika e Kurtit është me heq dorë nga veriu, do të ndodh ajo që pak kush e ka pritur

    Limaj: Politika e Kurtit është me heq dorë nga veriu, do të ndodh ajo që pak kush e ka pritur

    Kryetari i Nisma Socialdemokrate, Fatmir Limaj, ka thënë se kryeministri Albin Kurti me politikat e tij, po dëshiron që të heq dorë nga veriu i Kosovës.

    Sipas Limajt, rezultatet 2 vjeçare e kanë sjellë Kosovën në këtë gjendje, të cilën e quan të rëndë. Ai thotë se këtë po e bën në emër të patriotizmit.

    Kreu i Nismës ka folur edhe për mundësinë e marrëveshjes me Serbinë, të cilën e quan të dëmshme.

    Ai konsideron se me politikat e Kurtit do të ndodh ajo që pak kush e ka pritur.

    “Albin Kurti vazhdon me këtë politikë, po, sepse politika e zotëri Kurti me heq dorë nga pjesa veriore, nëse i shihni potezat e tij, ai qëllimshëm i ka shpëtuar procesit. Krejt kjo politike është me heq dorë nga pjesa veriore e Kosovës, dhe kjo kamuflohet në emër të patriotizmit. Mos pritni që dikush nga Prishtina që ne po shkojmë po i bëjmë këto politika sepse po dëshirojmë të heqim dorë nga veriu, ju duhet t’i shihni përmbajtjen dhe rezultatin e atyre politikave. Rezultatet që i ka bërë kjo Qeveri për 2 vjetet e fundit në drejtim të veriut, janë përshpejtim dhe objektiv për të hequr dorë nga veriu, dhe kjo fatkeqësisht me një ritëm të shpejtë po ndodh. Nëse vazhdon kështu me këtë politikë, shumë shpejt do të ndodh ajo që pak kush e ka pritur”, u shpreh Limaj.

    Ndërkaq për mundësinë e marrëveshjes me Serbinë, Limaj thotë se Kosova nuk ka pasur asnjëherë më të dëmshme.

    Ai kritikon ekzekutivin që nuk është në dijeni për ekipin që është duke e hartuar Asociacionin.

    “Kryeministri juaj dhe i vendit tim thotë publikisht se ‘askush nuk më ka pyetur’ për marrëveshje, pra në këtë nivel ka ardhë ky që thoshte se nuk di çka është presioni. Një njëri që mbi 50 për qind ia ka dhënë populli i Kosovës, për të bërë një politikë krejt ndryshe, të dinjitetshme e me integritet. Ai njëri në emër të cilëve ka marrë votën, ai del dhe thotë se ‘as që kam negociuar ma kanë dhënë merre leje’. Tash po thotë, që se di as ekipin që është duke e hartuar statutin”, thotë Limaj.

    Kjo fazë, sipas Limajt nuk ka ndodhur as në kohën kur Kosova ka funksionuar me institucione paralele. Thotë se atë kohë, nuk është vendosur për Kosovën, pa negociata.

    “Nëse ty marrëveshja të vjen pa negociuar, nëse nuk e di se kush po e bën statutin, çfarë kryeministri është. Në temën kryesore të vendit, në çështjen nacionale. Kështu që, asnjëherë nuk ka ndodhur në historinë e Kosovës, edhe atëherë kur nuk na ka njohur askush, kemi pas të drejtë, edhe në institucionet paralele asgjë nuk kanë pasur të drejtë me vendos për Kosovën pa u negociuar. Për herë të parë ndodh në Kosovë që kryeministri i vendit tonë që ka për detyrë me qeveris dhe me mbrojt kushtetutshmërinë”, thotë Limaj. /EO