ATV

Tag: Dritan Abazoviq

  • Abazoviq takon Kurtin në Strugë: Mali i Zi i gatshëm të mirëpresë raundin e radhës të dialogut Kosovë-Serbi

    Abazoviq takon Kurtin në Strugë: Mali i Zi i gatshëm të mirëpresë raundin e radhës të dialogut Kosovë-Serbi

    Kryeministri në largim i Malit të Zi, Dritan Abazoviq, ka njoftuar se është takuar në Strugë me kryeministrin e Kosovës, Albin Kurti.

    Abazoviq ka thënë se Mali i Zi si një vend mik i Serbisë dhe Kosovës por edhe i gjithë të tjerëve në rajon, është i gatshëm që të mirëpres raundin e radhës të dialogut mes Kosovës dhe Serbisë, me përfshirjen zyrtarëve evropianë dhe amerikanë.

  • Abazoviq: Unë i kam thënë ambasadores të votojë për Kosovën në KiE

    Abazoviq: Unë i kam thënë ambasadores të votojë për Kosovën në KiE

    “Unë i kam thënë ambasadores të Malit të Zi në Këshillin e Evropës që të votojë për pranimin e Kosovës në atë organizatë”, tha kryeministri në detyrë i Malit të Zi, Dritan Abazoviq në seancën e thirrur nga Komisioni Parlamentar për Marrëdhënie ndërkombëtare dhe diasporë.

    Ai tha se në politikën e jashtme të Malit të Zi nuk ka ndryshuar asgjë dhe se shteti ka ndjekur një politikë të përgjegjshme dhe konsekuente.

    “Mali i Zi votoi së bashku me 33 vende të tjera”, tha më tej Abazoviq.

    Të hënën e 24 prillit, kërkesa e Kosovës për anëtarësim në KiE, shkoi në fazën e dytë.

    Në Komiteti e Ministrave të Këshillit të Evropës, vendi siguroi 33 vota pro nga 46 sa votuan.

  • Abazoviq: Marrëveshja ime me Kishën Ortodokse Serbe, model për Kosovën

    Abazoviq: Marrëveshja ime me Kishën Ortodokse Serbe, model për Kosovën

    Kryeministri në detyrë i Malit të Zi, Dritan Abazoviq, ka mohuar se marrëveshjen e arritur mes tij dhe Kishës Ortodokse Serbe e rrëzoi atë nga posti i kryeministrit.

    Abazoviq tha se absolutisht i qëndron papa marrëveshjes më Kishën Ortodokse Serbe.

    “Ka shkuar Gjukanoviqi e jo unë”, tha ai.

    “Nuk mund të lëvizini gjërat pa dashur të lëvizni nga zona e rehatisë”, tha Abazoviq në intervistën për RTK.

    Ai tha se ka ardhur në postin e kryeministrit për të marr vendime të vështira dhe se është krenar për aq sa ka bërë.

    “Edhe ju do ta keni më të lehtë të ecët përpara sepse të drejtën që e kërkoni për vete, duhet dhënë edhe të tjerëve”, tha ai. “Kështu e shoh politikën”.

    Abazoviq u shpreh se kjo marrëveshje e tij me Kishën Ortodokse Serbe, është model të cilin edhe Kosova mund ta zbatojë pa asnjë telashe.

    “Kur të relaksohet populli, vetëm përfitohet”.

    Abazoviq tha se me atë marrëveshje i është hequr problemi pasardhësit të tij në këtë post.

    “Nuk them në mënyrë të njëjtë, por si model mund ta ketë edhe Kosova atë marrëveshje me Kishën Ortodokse”.

    Sa i përket zgjedhjeve të ardhshme në Mal të Zi ai tha se nuk duhet tepruar me ambicie politike.

    “Ajo që ishte në platformën tonë është realizuar. Partia ime nuk ka marrë shumë vende në parlament, por tani mbi 90% të partive në Mal të Zi e kanë marrë agjendën e partisë së URA-s”.

    Abazoviq foli për projektet për ndërtimin e rrugëve Kosovë-Mal i Zi, si ajo Plavë-Deçan.

    Sa për turizëm, tha se Ulqini është i gatshëm të presë kosovarët dhe se tanimë shumë gjëra janë rregulluar, ndonëse e pranoi se tashmë qyteti bregdetar nuk është më destinacion i lirë pushimesh.

    Ai tha se ndërtimi i urës që do të lidhë Ulqinin me Velipojën në Shqipëri, do të ndihmojë e lehtësojë edhe më shumë qarkullimin.

  • Abazoviq: Krenarë me ushtarët malazezë që shërbejnë në KFOR

    Abazoviq: Krenarë me ushtarët malazezë që shërbejnë në KFOR

    Kryeministri në detyrë i Malit të Zi, Dritan Abazoviq, në ditën e tretë të qëndrimit në Kosovë ka takuar Komandantin e KFOR-it, gjeneralmajor Angelo Ristuccia.

    Abazoviq me këtë rast tha se është krenarë për ushtarët malazez që shërbejnë në KFOR.

    “Mali i Zi është i përkushtuar për stabilitetin rajonal dhe paqen në Ballkanin Perëndimor. Jemi krenarë për ushtarët tanë që janë në një mision serioz dhe që përfaqësojnë denjësisht Maqedoninë e Veriut. Ishte kënaqësi të bisedoja me komandantin e sapozgjedhur të KFOR-it, gjeneralin Angelo Ristuccia”, ka shkruar Abazoviq në Twitter.

  • ​Osmani priti kryeministrin Abazoviq, diskutime për zhvillimet e fundit

    ​Osmani priti kryeministrin Abazoviq, diskutime për zhvillimet e fundit

    Presidentja Vjosa Osmani ka pritur në takim kryeministrin në detyrë të Malit të Zi, Dritan Abazoviq. Marrëdhëniet ndërmjet të dy shteteve janë vlerësuar të shkëlqyeshme, teksa të dy bashkëbiseduesit shprehën gatishmërinë për thellimin e tyre.

    Në këtë kontekst, Osmani ka përshëndetur marrëveshjen për shërbime ajrore të Kosovës dhe Malit të Zi, të nënshkruar dje.

    Sipas komunikatës së lëshuar nga Presidenca, Osmani ka theksuar se Kosova me Malin e Zi ndajnë pikëpamjet e njëjta mbi rëndësinë e integrimit euroatlantik të shteteve të rajonit si garanci për paqe e prosperitet në rajon.

    Sipas presidentes Osmani, Mali i Zi është shtet mik dhe partner i Kosovës, ndaj ka shfaqur besimin se do ta mbështesë Kosovën edhe më tej në përpjekjen për forcimin e subjektivitetit ndërkombëtar duke përfshirë anëtarësimin në organizatat ndërkombëtare, për të cilën gjë ka marrë mbështetjen e kryeministrit Abazoviq.

    Në takim u tha se është diskutuar edhe për zhvillimet e fundit në vend dhe rajon dhe dialogun me Serbinë.

    Presidentja Osmani ka potencuar se Marrëveshja e Brukselit, e trajton Kosovën dhe Serbinë si palë të barabarta në kontekstin e raporteve ndërshtetërore, megjithëse ka theksuar se Serbia po vazhdon me obstruksione sa i përket zbatimit të marrëveshjes së arritur.

    Pavarësisht kësaj, presidentja Osmani theksoi se Kosova do të vazhdojë të koordinohet me aleatët ndërkombëtarë rreth zbatimit të marrëveshjes dhe se është e përkushtuar për paqe, siguri dhe stabilitet të qëndrueshëm.

    Ndër të tjera, në takim, nga të dy palët u tha se komuniteti shqiptar në Mal të Zi dhe ai malazez në Kosovë janë urë e fuqishme lidhëse ndërmjet të dy shteteve.

    Presidentja Osmani dhe kryeministri Abazoviq diskutuan edhe për zgjerimin e bashkëpunimit në fushën e shkëmbimit ekonomik, tregtar, turizëm, arsim dhe fusha të tjera të interesit të dyanshëm.

  • Presidentja Osmani pret në takim kryeministrin e Malit të Zi, Dritan Abazoviq

    Presidentja Osmani pret në takim kryeministrin e Malit të Zi, Dritan Abazoviq

    Presidentja e Kosovës, Vjosa Osmani, ka pritur të shtunën në takim kryeministrin në detyrë të Malit të Zi, Dritan Abazoviq, raporton Ekonomia Online.

    Takimi ndërmjet Osmanit dhe Abazoviqit është duke u zhvilluar në presidencë.

    Kryeministri Abazoviq dje ka zhvilluar takim edhe me kryeministrin Albin Kurti, ku kanë nënshkruar edhe marrëveshjen bilaterale për korridorin e qiellit të hapur, me të cilin parashihet lejimi i shfrytëzimit të hapësirës ajrore të Malit të Zi nga aeroplanët që fluturojnë nga Aeroporti i Prishtinës, shkruan EO.

    Kryeministri i Malit të Zi, dje gjatë ditës ka pasur takime edhe me zyrtarë të ndryshëm shtetëror, biznese si dhe ka takuar edhe liderët e partive politike.

    Abazoviq gjatë vizitës së punës në Kosovë sot do ta vizitojë edhe komunën e Pejes, ku do të takohet me kryetarin e komunës, Gazmend Muhaxheri dhe do ta shoh nga afër zbatimin e projekti të IPA-s, i cili po realizohet ndërmjet Malit të Zi dhe Republikës së Kosovës.

    Abazoviq për vizitë zyrtare ka mbërritur në Kosovë gjatë së enjtes.

  • Presidetja Osmani pret sot Abavoviqin, kryeministri malazez e mbyll vizitën në Pejë

    Presidetja Osmani pret sot Abavoviqin, kryeministri malazez e mbyll vizitën në Pejë

    Presidentja e vendit, Vjosa Osmani sot (e shtunë) do të presë në takim kryeministrin në detyrë të Malit të Zi, Dritan Abazoviq.

    Sipas njoftimit të presidencës, takimi pritet të nisë në ora 10:00.

    Mediat fillimisht mund të marrin pamje nga pritja para ndërtesës së Kuvendit, dhe më pas pamje do të ketë edhe në fillim të takimit.

    Abazoviq është duke qëndruar për vizitë në Kosovë ndërsa sot pritet ta mbyllë të njëjtën në qytetin e Pejës.

    Kryetari i komunës së Pejës, Gazmend Muhaxheri do të presë në takim Abazoviqin në ora 15:40.

    Pas takimit në zyrë së bashku do të vizitojnë projektin IPA ndërmjet Malit të Zi dhe Republikës së Kosovës, si dhe në ora 16:15 do të vizitojnë Muzeun e Pejës.

    Gjatë së premtes, Abazoviq pati takim me kryeministrin Albin Kurti ku u nënshkrua edhe një marrëveshje për shërbime ajrore mes dy vendeve.

    Gjithashtu Abazoviq pati takime me krerët e partive opozitare si dhe vizitoi disa universitete e shoqata biznesesh private.

  • Kurti sot e pret Abazoviqin, do të nënshkruajnë një marrëveshje me rëndësi

    Kurti sot e pret Abazoviqin, do të nënshkruajnë një marrëveshje me rëndësi

    Kryeministri i Kosovës, Albin Kurti, do të pres sot në takim kryeministrin në detyrë të Malit të Zi, Dritan Abazoviq, ku do të nënshkruajnë marrëveshjen për Shërbime Ajrore në mes të Qeverisë së Republikës së Kosovës dhe Qeverisë së Malit të Zi.

    Kështu bëhet e ditur prej një komunikate për media të zyrës së kryeministrit.

    Takimi do të bëhet në ndërtesen e Qeverisë duke filluar nga ora 09:00, kurse mediat mund të marrin pjesë në fillim të takimit.

  • Abazoviq në Prishtinë: Kënaqësi e madhe që jam këtu

    Abazoviq në Prishtinë: Kënaqësi e madhe që jam këtu

    Kryeministri në detyrë i Malit të Zi, Dritan Abazoviq ka arritur në Prishtinë.

    Këtë vizitë, Abazoviq e zhvillon me ftesë të ftesë të kryetarit të Aleancës Kosovare e Bizneseve (AKB), Agim Shahini.

    Gazetari Venhar Isufi ka publikuar një video të Abazoviqit nga momentet e tij të para në Prishtinë.

    Ai është pyetur se si po ndjehet në Kosovë.

    “Gëzohem shumë. Kënaqësi e madhe. Faleminderit të gjithëve”, ka thënë Abazoviq në ambientet e njërit prej hoteleve në kryeqytet.

  • “Askush nuk më jep vajzë” , Abazoviq shkakton bujë në rrjet me deklaratën për martesë

    “Askush nuk më jep vajzë” , Abazoviq shkakton bujë në rrjet me deklaratën për martesë

    Kryeministri i Malit të Zi, Dritan Abazoviq shkaktoi një ortek komentesh pasi u pyet për martesë në emisionin “Mirëmengjesi Mali i Zi”.

    Në një video që është shfaqur në Twitter, Abazoviq i është përgjigjur drejtuesit të programit se nuk është martuar ende, sepse “askush nuk i jep vajzë”.