ATV

Tag: Donika Gërvalla

  • Gërvalla pas dështimit të kërkesës ruse në OKB: Rusia ngeli e vetme në përpjekje për ta shtrembëruar të vërtetën

    Gërvalla pas dështimit të kërkesës ruse në OKB: Rusia ngeli e vetme në përpjekje për ta shtrembëruar të vërtetën

    Ministrja e Punëve të Jashtme, Donika Gërvalla, ka thënë se Rusia ka ngelur e vetme në përpjekjen e saj për ta shtrembëruar të vërtetën, pasi i dështoi thirrja për seancë të jashtëzakonshme të Këshillit të Sigurimit të Organizatës së Kombeve të Bashkuara për Kosovën.

    Një ditë më parë, vetëm tre anëtarë votuan pro mbajtjes së seancës në lidhje me 25-vjetorin e bombardimeve të NATO-s ndaj caqeve serbe.

    Ministrja Gërvalla të hënën në mbrëmje ka thënë se Kosova ka qenë e gatshme për të paraqitur faktet rreth krimeve të Serbisë. Ajo ka falënderuar shtetet partnere të Kosovës.

    “Të gatshme për të paraqitur para anëtarëve të Këshillit të Sigurimit faktet rreth krimeve gjenocidale të Serbisë ndaj popullatës civile në Kosovë, përshëndetëm megjithatë unitetin e partnerëve, miqve dhe aleatëve tanë për moslejimin e mbajtjes së kësaj seance propagandistike. Rusia mbeti e vetme në përpjekjet e saj të rrezikshme për ta shfrytëzuar Këshillin e Sigurimit për të shtrembëruar të vërtetën. Me vetëm 3 vota pro (mes tyre Federata Ruse) dhe 13 abstenime, iniciativa e Rusisë nuk kaloi. Qindra masakra të tmerrshme që Serbia bëri në Kosovë, vrasja mizore e 1432 fëmijëve, përdhunimi i mijërave grave, vajzave, burrave dhe fëmijëve, zhdukja e viktimave të luftës dhe shkatërrimi i pasurisë së Kosovës ishin dhe mbeten fakt”, ka shkruar ajo në Facebook teksa ka njoftuar se në KS të OKB-së ka qenë me ish-deputeten dhe aktivisten, Vasfije Krasniqi-Goodman, si e dërguar e posaçme e Presidencës për çështje të të mbijetuarve të dhunës seksuale gjatë luftës.

    Gërvalla ka vazhduar tutje duke thënë se për 25 vjet të pasluftës Kosova ka avancuar në demokraci, sundim të ligjit e respektim të të drejtave të njeriut, ndërkohë që “Serbia dhe Rusia kanë mbetur në të kaluarën e tyre të errët, që fatkeqësisht po i përcjell edhe sot dhe që po i çon drejt izolimit”.

    Këshilli i Sigurimit hedh poshtë kërkesën e Rusisë për seancë të jashtëzakonshme kundër ndërhyrjes së NATO-s në Kosovë

  • ​Gërvalla: Drafti për Asociacionin nuk është shumë i mirë

    ​Gërvalla: Drafti për Asociacionin nuk është shumë i mirë

    Ministrja e Punëve të Jashtme dhe Diasporës, Donika Gërvalla, ka thënë se drafti i Asociacionit i propozuar nga diplomatët euro-amerikanë nuk ofron asnjë lloj autonomie për veriun e Kosovës, mirëpo theksoi se i njëjti nuk është shumë i mirë pasi ka shumë sfida të cilat duhet të adresohen. Megjithatë, kryediplomatja nuk tregoi nëse BE-ja ka inkorporuar komentet e qeverisë brenda këtij drafti.

    Gërvalla para mediave pas raportimit në Komisionin për punë të jashtme në Kuvend, tha se institucionet e Kosovës nuk do të pranojnë asnjë lloj drafti që është në dëm të vendit.

    “Drafti nuk ofron asnjë lloj autonomie për veriun e Kosovës dhe nuk është ferë pyetja pasi përgjigja nuk varet nga ne. Po të ishte për neve si qeveri ne menjëherë të nesërmen do të kishim publikuar. Kjo është kërkesë e atyre që fasilitojnë procesin e negociatave të cilët na kanë lutur (për mospublikim). Drafti është jo shumë i mirë ka shumë sfida, respekton shumë prej shqetësimeve tona prej të kaluarën dhe mendoj se është një bazë e mirë për të punuar me të. Mirëpo ne nuk jemi të tillë që në njërën anë i themi partnerëve tanë që respektojmë konfidencialitetin dhe në anën tjetër ju japim juve mediave drafte të caktuara. Ju lus të keni pak durim sa i përket draftit, pasi ju siguroj se nuk ka asnjë tentativë apo përpjekje dhe vullnet të kësaj qeverie dhe institucioneve për të pranuar drafte të cilat janë në dëm të Kosovës”, tha Gërvalla.

    Përkitazi me këtë, ministrja Gërvalla tha se takime trilaterale në Bruksel nuk mund të ketë, derisa s’ka sinjale të qarta nga BE-ja për të ndëshkuar Serbinë pas sulmit terrorist në Banjskë më 24 shtator.

    “Unë atë nuk mund t’iu them dhe nuk kam dëshirë t’iu them, përndryshe do të shkelja marrëveshjet që kemi me partnerë. Përndryshe ajo çka kemi thënë është se pas 24 shtatorit, aktit të agresionit ndaj Kosovës asgjë nuk është më sikur të kaluarën dhe gjithçka ka ndryshuar. Negociata me Serbinë pas 24 shtatorit, pa marrjen e sinjaleve të qarta nga BE-ja drejtuar Serbisë negociata të kohëve të vjetra nuk do të ketë më. Ne jemi konstruktiv në qasjen ndaj partnerëve tanë por Serbia nuk është e interesuar për dialog”, shtoi ajo.

    E pyetur për njohjet e reja, Gërvalla tha se nuk mund të thotë se kur mund të ketë të tilla, mirëpo po angazhohen çdo ditë për t’i siguruar ato.

    “Unë nuk mund të them se kur mund të ketë njohje të reja, pasi po ta dija kur do të vinte njohja e re atëherë do të kisha aftësi të jashtëzakonshme parashikuese. Unë mund t’iu them se asnjë ditë nuk kalon pa punuar intensivisht për njohjet e reja, në radhë të parë të pesë vendeve jo njohëse të BE-së dhe pastaj në kontinentet të tjera”, theksoi Gërvalla./kp/

  • Gërvalla merr pjesë në Këshillin e Ministrave të Jashtëm të BE-së, diskutohet për sigurinë në Evropë

    Gërvalla merr pjesë në Këshillin e Ministrave të Jashtëm të BE-së, diskutohet për sigurinë në Evropë

    Ministrja e Punëve të Jashtme dhe Diasporës, Donika Gërvalla, sot do ta përfaqësojë Kosovën në në Këshillin e Ministrave të Jashtëm të BE-së.

    Aty pritet të diskutohet për sigurinë dhe zhvillimet e fundit në Evropë.

    “Sot do të marr pjesë në Këshillin e Ministrave të Jashtëm të BE-së për të diskutuar zhvillimet e fundit dhe sigurinë në Evropë”, ka bërë të ditur Gërvalla.

    Gërvalla, e përmendi edhe sulmin terrorist në Banjskë të Zveçanit duke theksuar se pas atij sulmi ka ndryshuar gjithçka.

    “Për Kosovën dhe rajonin, sulmi paramilitar i Serbisë më 24 shtatori ndryshon gjithçka dhe dëshmon urgjencën e përballjes me kërcënimet e mëdha të sigurisë”, tha ajo.

    Sulmi terrorist i 24 shtatorit në Kosovë, la të vdekur rreshterin e Policisë së Kosovës Afrim Bunjaku.

    Përgjegjësinë e sulmit e ka marrë Milan Radoiçiq, i cili aktualisht gjendet në Serbi i lirë.

    Shteti i Kosovës, ka ofruar një mori provash që e vërtetojnë implikimin e shtetit të Serbisë në këtë sulm.

    Së fundmi, vetë Serbia e ka pranuar që një pjesë e armatimit që u përdor në sulm, ka origjinë apo prodhohet nga Serbia.

    Përkundër kësaj, Serbia ende nuk është sanksionuar nga vendet e Bashkimit Evropian, të cilat janë mjaftuar vetëm me deklarata duke e dënuar rastin.

  • Senatori Peters: Një marrëdhënie e fortë SHBA-Kosovë, thelbësore për sigurinë dhe stabilitetin në Ballkan

    Senatori Peters: Një marrëdhënie e fortë SHBA-Kosovë, thelbësore për sigurinë dhe stabilitetin në Ballkan

    Senatori amerikan nga Michigani, Gary Peters ka takuar ministren e Punëve të Jashtme të Republikës së Kosovës, Donika Gërvalla.

    Peters në një postim në X shkruan se një marrëdhënie e fortë ndërmjet SHBA-së dhe Kosovës është thelbësore për stabilitetin, paqen dhe sigurinë në rajon.

    “Më vjen mirë që u takova me ministren e Jashtme të Kosovës, Donika Gërvalla. Një marrëdhënie e fortë midis dy kombeve tona është thelbësore për stabilitetin, paqen dhe sigurinë në rajon”, shkruan ai.

    Ndryshe, disa javë më parë bashkëkryesuesit e Grupit për Çështje Shqiptare në Senatin e SHBA-ve, senatorja Joni Ernst (republikane nga Iowa) dhe senatori Gary Peters (demokrat nga Michigan) i kanë drejtuar letër Sekretarit të Shtetit të SHBA-ve, Antony Blinken, edhe për Luginën e Preshevës dhe kauzën e drejtë të shqiptarëve etnikë atje.

  • Gërvalla për mediumin publik gjerman: Do të ketë luftë nëse ndërkombëtarët e tolerojnë Serbinë

    Gërvalla për mediumin publik gjerman: Do të ketë luftë nëse ndërkombëtarët e tolerojnë Serbinë

    Ministrja e Punëve të Jashtme e Kosovës, Donika Gërvalla ka paralajmëruar luftë, në rast se, siç ka thënë ajo, komuniteti ndërkombëtar vazhdon qasjen e njëjtë ndaj Serbisë.

    Gërvalla i tha mediumit publik gjerman, Deutschlandfunk se Serbia dëshiron ta detyrojë Kosovën të negociojë për çështje territoriale në dialog.

    “Nëse komuniteti ndërkombëtar i toleron veprimet e Serbisë, do të ketë luftë”, tha aj. Serbia dëshiron të krijojë fakte për ta detyruar Kosovën të negociojë çështjet territoriale në Bruksel. Gërvalla thotë se BE-ja duhet të ngrijë statusin e Serbisë si vend kandidat.

    Deklaratat e Gërvallës vijnë një javë pas sulmit të armatosur në veri, ku mbeti i vrarë një polic i Kosovës dhe më pas Policia u desh t’i eliminojë tre terroristë. Tash, NATO do ta shtojë praninë në Kosovë.

    Presidentja e Kosovës Vjosa Osmani së fundmi tha se Serbia vazhdon të ketë pretendime territoriale ndaj Kosovës. Qeveria në Beograd po përpiqet të zbatojë një “model të Krimesë”, tha ajo, duke aluduar në aneksimin e vitit 2014 nga Rusia në Ukrainë.

  • Gërvalla në tryezë me Daçiqin në Panelin për Ballkanin Perëndimor në Bled, i pranishëm edhe Lajçak

    Gërvalla në tryezë me Daçiqin në Panelin për Ballkanin Perëndimor në Bled, i pranishëm edhe Lajçak

    Kryediplomatja kosovare, Donika Gërvalla do të marrë pjesë sot në Forumin Strategjik të Bledit në Slloveni.

    Në panelin “Ballkani Perëndimor: Gjithçka po ndryshon, por gjithçka mbetet e njëjtë?”, ku do të diskutohen perspektivat e rajonit në kuadër të procesit të anëtarësimit në Bashkimin Evropian do të jetë i pranishëm edhe shefi i diplomacisë serbe, Ivica Daçiq.

    Përpos Gërvallës e Daçiqit pjesë e kësaj tryeze që mbahet pasdite është edhe emisari i BE-së për dialogun Kosovë-Serbi, Miroslav Lajçak.

    Pjesëmarrës në të do të jenë edhe kryediplomatja sllovene, Tanja Fajon, anëtari i Këshillit të Shtetit të Francës, Alexandre Adam, zëvendësministrja për Evropën dhe Punët e Jashtme të Shqipërisë, Megi Fino, ministri i Punëve të Jashtme të Maqedonisë së Veriut, Bujar Osmani dhe ai i Bosnjë dhe Hercegovinës, Elmedin Konakoviq.

  • Ministrja Gervalla për ATV-në: Forumi Strategjik në Bled, një rast i mirë për lobim për njohje të reja dhe anëtarësimin e Kosovës në BE dhe Interpol

    Ministrja Gervalla për ATV-në: Forumi Strategjik në Bled, një rast i mirë për lobim për njohje të reja dhe anëtarësimin e Kosovës në BE dhe Interpol

    Në Forumit Strategjik në Bled të Sllovenisë, përveç kryeministrit të Qeverisë së Kosovës, po merr pjesë edhe shefja e diplomacisë kosovare, zonja Donika Gervalla.

    Nën temën “Solidaritet për Sigurinë Globale”, brenda së cilës po zhvillohet forumi këtë vit, gjatë ditës së sotme ,tema e debatit ishte edhe Kosova, si dhe bashkëpunimi rajonal, anëtarësimi i Ballkanit Perëndimor në Bashkimin Evropian dhe siguria.

    Kryediplomatja e Kosovës, zonja Donika Gervalla, në një intervistë për ATV-në dhe, ka thënë se “Delegacioni nga Kosova gjatë qëndrimit në Forumin Strategjik në Bled të Sllovenisë ka zhvilluar një aktivitet të dendur politik dhe diplomatik me përfaqësues të lartë të BE-së, ata nga Këshilli Evropian, si dhe kryetarët e shtetit slloven dhe disa vende ballkanike.”

    “Gjatë gjithë këtyre takimeve, sikur më parë, edhe sot këtu në Forumin Strategjik në Bled, kemi shfrytëzuar rastin të lobojmë jo vetëm për njohje të reja, por edhe për integrime evropiane dhe euroatlantike. Paralelisht me këto, kemi diskutuar për anëtarësimin e Kosovës në BE, Interpol, etj…” ka deklaruar më tej ministrja Gervalla. /atvlive.tv

  • Gërvalla shpjegon marrëveshjen me BE për shtensionimin e situatës

    Gërvalla shpjegon marrëveshjen me BE për shtensionimin e situatës

    Ministrja e Jashtme e Kosovës Donika Gërvalla në një intervistë për Euronews Albania tha se dakordimi mes Kosovës dhe Bashkimit Evropian për 4 çështjet nuk është tërheqje e Albin Kurtit dhe e qeverisë së Kosovës.

    Gërvalla u shpreh se kërkesat e mëhershme të BE ndaj Kosovës ishin të tepruara dhe të papranueshme në momentin kur janë artikuluar.

    Ajo përmendi kërkesën për tërheqjen e policisë nga komunat në Veri, që siç tha nuk mund të pranohej në kohën kur në këto komuna sundonte dhuna.

    “Që në ditën e parë ku Serbia ka nisur të reagojë dhunshëm përmes grupeve ekstremiste kemi thënë që prania e policisë nuk është qëllim në vetvete, por domosdoshmëri nisur nga situata. Marrëveshja është që menjëherë të largohet 25 për qind e policisë jo nga Veriu por ndërtesat dhe zonat rreth tyre. Nuk ka nevojë për polici nëse nuk nevojitet. Nuk është tërheqje e Kurtit, por maturi dhe mençuri në gjetjen e zgjidhjeve me partnerët. Kërkesat kanë qenë të tepruara dhe s’e kemi ndjerë veten komodë. P.sh, largimi në atë kohë i policëve kur aty ka pasur dhunë masive nuk ishte gjëja e duhur. Ka pasur shumë më tepër kërkesa ditën e parë, si tërheqja e menjëhershme e kryetarit të Leposaviçit”, tha Gërvalla.

  • Arifi: Deklaratat e Gërvallës për BE-në, horror i vërtetë

    Arifi: Deklaratat e Gërvallës për BE-në, horror i vërtetë

    Ish-ambasadori në Emiratet e Bashkuara Arabe, Avni Arifi, i cili ka shërbyer si këshilltar i ish-kryeministrit Ramush Haradinaj, ka reaguar pas deklaratave të zëvendëskryeministres Donika Gërvalla në Forumin e Dubrovnikut me moton “Manovrimi në riformësimin botëror”.

    Deklaratat e Gërvallës se “Bashkimi Evropian pa Shtetet e Bashkuara të Amerikës dhe pa NATO-n është i paaftë që të garantojë siguri”, Arifi i quan ‘horror të vërtetë”.

    “Kosovë a je ti? Horror i vërtetë dhe thjeshtë qëndrim i gërditshëm fyerja që Ministrja e Jashtme e Kosovës i bëri sot BE-së në Dubrovnik. Nëse fjala e popullit se ‘dikënd e vret buka e vet’ është e vërtetë atëherë se Evropën po e vret buka që i ka dhanë dhe vazhdon të i jep popullit dhe shtetit të Kosovës”, ka shkruar ai.

    Ish-ambasadori Arifi ka thënë po ashtu se nuk do që të jetë i përfaqësuar nga dikush që e fyen Evropën dhe vlerat e saj.

    “Unë si qytetar i Kosovës as sot as kurrë s’do të jem i përfaqësuar nga dikush dhe kushdo që në këtë nivel fyen Evropën dhe vlerat Evropiane. BE është aspiratë e vetme e popullit të Kosovës. Asnjëherë në histori populli i Kosovës nuk ka pasur aspiratë më të shëndosh dhe më premtuese për mirëqenien e Kosovës sesa anëtarësimi në këtë familje që historikisht aty edhe e ka vendin”, ka përfunduar ai.

  • Gërvalla e quan sërish BE-në tigër prej letre, sfidon ata që e kritikuan

    Gërvalla e quan sërish BE-në tigër prej letre, sfidon ata që e kritikuan

    Zëvendëskryeministrja dhe ministrja e Jashtme e Kosovës, Donika Gërvalla ka përsëritur deklaratën e saj se Bashkimi Evropian pa SHBA-në dhe NATO-n është tigër prej letre, duke shtuar se ky institucion nuk është në gjendje dhe s’ka kapacitet për të garantuar siguri.

    Gërvalla ka shkruar në Facebook mesnatën e së hënës se BE-ja e di këtë dhe prandaj “vazhdimisht lëshon pe, i ikën konfrontimit”.

    “I sfidoj publikisht ‘specialistët’, që para se të mësyjnë me sulme personale dhe etiketime nga më absurdet, të na tregojnë saktë se cila nga shkronjat e citatit të mësipërm është e pasaktë apo e pavërtetë. Unë jam zëvendëskryeministre dhe ministre e Republikës së Kosovës, nuk jam zëdhënëse as e BE-së dhe as një mekanizmi tjetër. Si çdo politikan i përgjegjshëm, me fanatizëm dhe zë të lartë mbroj të vërtetën dhe interesin e vendit tim, dhe vetëm të vendit tim, kudo që më krijohet mundësia të flas, ashtu si edhe të tjerët mbrojnë interesin e vendeve apo organizatave që përfaqësojnë”, ka deklaruar ministrja e Jashtme.

    Sipas Gërvallës, fatkeqësi e Kosovës është gjendja e mjerueshme e partive opozitare, pasi shtoi se opozita edhe gjatë qeverisjeve të kaluara, s’ka pasur plan, strategji, pa vizion e pa dinjitet.

    “Opozitë që përveç sulmeve personale, të bazuara në thashetheme dhe tituj bombastik dhe të pasaktë, asgjë nuk ofron”, shtoi ai.

    Ministrja e kabinetit të kryeministrit Albin Kurti është shprehur se Partia Demokratike e Kosovës (PDK), nuk është e para që dëshiron “ta shohin as fizikisht në Kosovë”.

    “E sa për PDK-në, e cila tenton të na frikësojë që, nëse ajo vjen në pushtet, ne nuk paskemi më vend në Kosovë, mundem vetëm t’iu përkujtoj që nuk janë të parët që nuk dëshirojnë të më shohin as fizikisht në vendin tim. I kam pasur vetëm 8 vjet kur më kanë përzënë për herë të parë nga vendi im. Por ata që për 19 vjet me radhë (1980-1999) më privuan nga e drejta për t’u kthyer në vendin tim, madje as edhe sa për të kthyer eshtrat e babait në tokën e tij, janë ata që nuk kanë më vend në Kosovën e lirë”, ka thënë ajo.

    Ndërsa, për ish-partinë e saj, Lidhjen Demokratike të Kosovës, Gërvalla ka thënë se nuk do të flasë këtë radhë.

    “E për LDK-në, nuk po flas sonte. Po flasin kaq shumë vet, po vajtojnë, shajnë, mallkojnë e gënjejnë, saqë çdo fjalë nga ime do të ishte e tepërt”.