ATV

Tag: Donika Gërvalla-Schwarz

  • Cameron në Kosovë, nis takimin me ministren Gërvalla

    Cameron në Kosovë, nis takimin me ministren Gërvalla

    Ministri i Punëve të Jashtme i Mbretërisë së Bashkuar, David Cameron po qëndron për vizitë në Kosovë, raporton Ekonomia Online.

    Në ditën e dytë të vizitës, Cameron ka zhvilluar takim me ministren e Punëve të Jashtme e Kosovës, Donika Gërvalla-Schwarz.

    Pas takimit, Gërvalla dhe Cameron do të deklarohen për media.

    Ministrin britanik të Punëve të Jashtme do të takojë edhe presidentja e vendit, Vjosa Osmani.

    Ndryshe, Cameron ka arritur mbrëmë në Prishtinë.

    Mbrëmë, Kryeministri i Kosovës, Albin Kurti në një darkë pune ka pritur Sekretarin e Punëve të Jashtme të Mbretërisë së Bashkuar, Lord David Cameron, i cili po e viziton Kosovën për herë të parë.

    Kurti, duke i uruar mirëseardhje Sekretarit Cameron, u shpreh i lumtur që vitin 2024 po e fillon me një takim të rëndësishëm dypalësh me miken, partneren dhe aleaten e afërt të Republikës së Kosovës, Mbretërinë e Bashkuar, teksa e uroi Sekretarin Cameron për detyrën e tij të re dhe Vitin e Ri 2024.

    Ky i fundit në një postim në Twitter shkruan se ishte kënaqësi të takojë ministrin e Punëve të Jashtme të Britanisë.

    “Kënaqësi të pres ministrin e Jashtëm të Britanisë së Madhe, David Cameron në Prishtinë në udhëtimin e tij të parë ndërkombëtar të këtij viti. Mbretëria e Bashkuar ka qenë një aleat i vendosur dhe besnik i Republikës së Kosovës, që para krijimit të shtetit tonë. Ne jemi mirënjohës për mbështetjen e qëndrueshme dhe marrëdhëniet e shkëlqyera që gëzojmë”, shkruan Kurti.

  • Edhe Donika Gërvalla po merr pjesë në Forumin e Paqes në Paris, pritet të takohet me kryetaren e Parisit

    Edhe Donika Gërvalla po merr pjesë në Forumin e Paqes në Paris, pritet të takohet me kryetaren e Parisit

    Me ftesë të Presidentit të Forumit, Zëvendëskryeministrja dhe Ministrja e Punëve të Jashtme dhe Diasporës, Donika Gërvalla po merr pjesë në Forumin e Paqes në Paris, ku pjesëmarrës janë liderë nga e gjithë bota.

    Forumi po trajton temën e mbrojtjes së planetit dhe njerëzve, ndaljen e kërcënimeve dhe luftërave, garantimin e besimit dhe sigurisë në botën digjitale, adresimin e pabarazisë, ndryshimet klimatike, biodiversitetin, pandemitë e ndryshme dhe ndërtimin e paqes dhe i një bote më të sigurtë për të gjithë.

    Në margjinat e këtij Forumi dyditor, Ministrja Gërvalla mori pjesë edhe në pritjen e organizuar nga Kryetarja e Komunës së Parisit, duke shfrytëzuar mundësinë e takimeve me personalitete të ndryshme të botës.

    Në këtë Samit po qëndron dhe kryeministri Albin Kurti.

  • Takohet grupi koordinues për anëtarësim në Këshill të Evropës, marrin pjesë Kurti dhe Gërvalla

    Takohet grupi koordinues për anëtarësim në Këshill të Evropës, marrin pjesë Kurti dhe Gërvalla

    Sot kryeministri Albin Kurti dhe Ministrja e Punëve të Jashtme, Donika Gërvalla, do të marrin pjesë në takimin e parë të Grupit Koordinues për anëtarësimin e Kosovës, në Këshillin e Evropës.

    Takimi do të mbahet në Qeverinë e Kosovës dhe do të nis në orën 09:30 të mëngjesit.

    Këtë e kanë konfirmaur përmes një komunikate për media nga Ministria e Punëve të Jashtme.

  • Kryediplomati i Kroacisë viziton Kosovën, sot takohet me Gërvallën e Kurtin

    Kryediplomati i Kroacisë viziton Kosovën, sot takohet me Gërvallën e Kurtin

    Sot, ministri i Jashtëm i Kroacisë, Gordan Grlic Radman, do të qëndrojë për vizitë zyrtare në Kosovë.

    Atë do ta presë në takim, Ministrja e Punëve të Jashtme dhe Diasporës, Donika Gërvalla. Pas takimit do të ketë konferencë për media.

    Pos Gërvallës, Radman do të takohet edhe me kryeministrin e vendit, Albin Kurti.

    Takimi do të zhvillohet në ndërtesën e Qeverisë së Kosovës, me fillim nga ora 16:15.

    Gordan Grliq Radman ka arritur në Kosovë mbrëmë.

    Ai është pritur në Aeroportin e Prishtinës nga ministrja Gërvalla-Schwarz dhe nga ambasadori i Kosovës në Kroaci, Martin Berishaj.

  • Delegacioni i Kosovës organizon një pritje për ndërkombëtaret: Falënderues pas liberalizimit të vizave

    Delegacioni i Kosovës organizon një pritje për ndërkombëtaret: Falënderues pas liberalizimit të vizave

    Një delegacion i Kosovës i udhëhequr nga ministrja e Punëve të Jashtme dhe Diasporës Donika Gërvalla-Schwarz, së bashku me zëvendësministrin e Punëve të Jashtme, Kreshnik Ahmeti, ambasadorët Agron Bajrami e Lulzim Hiseni dhe zyrtarët tjerë përcjellës, kanë qëndruar dje në Strasburg.

    Kjo pasi Parlamenti Evropian gjatë seancës së rregullt plenare miratoi me konsensus liberalizimin e vizave për shtetasit e Republikës së Kosovës.

    Sipas MPJD-së, me këtë hap përmbyllet procesi i liberalizimit të vizave i cili nënkupton se shtetasit me pasaporta biometrike kosovare mund të udhëtojnë dhe qëndrojnë në shtetet e Zonës Schengen më së largu nga 1 janari 2024.

    “Aty, ministrja shfrytëzoi rastin të takojë një numër eurodeputetësh të cilët i falënderoi shumë për kontributin e tyre në përmbylljen e këtij procesi”, thuhet në njoftimin e MPJD-së.

    “Pas miratimit, ministrja gjithashtu organizoi një pritje rasti për eurodeputetët, ku morën pjesë përfaqësues të të gjitha grupeve parlamentare prezente në Parlamentin Evropian”.