ATV

Tag: Donald Trump

  • Kesha e quan Trump-in “Grabitqar kriminal”, pasi ky i fundit ia përdori këngën!

    Kesha e quan Trump-in “Grabitqar kriminal”, pasi ky i fundit ia përdori këngën!

    Mbretëresha rrebele e pop-it kundër Shtëpisë së Bardhë dhe këtë herë nuk po pëshpërit. Po bërtet e ofendon!

    Në një shpërthim të zjarrtë në rrjetet sociale që pushtoi internetin brenda sekondash, Kesha i kërkoi publikisht Donald Trump të ndalojë përdorimin e muzikës së saj në evente të lidhura me fushatën dhe nuk u përmbajt aspak. Duke e quajtur “grabitqar kriminal”, këngëtarja e hiteve në “Tik Tok” e bëri të qartë se këngët e saj nuk janë kolonë zanore për politikën e tij.

    Përplasja shpërtheu pasi në rrjet qarkulluan video nga evente të lidhura me Trump ku dëgjoheshin këngët e saj para turmave entuziaste. Burime pranë artistes thonë se ajo ishte e zemëruar, duke theksuar se nuk ka dhënë asnjë leje dhe nuk dëshiron që arti i saj të lidhet me imazhin apo mesazhin e tij.

    Kjo nuk është hera e parë që Trump përballet me reagime nga artistët për përdorimin e muzikës në fushatë. Nga legjenda të rock-ut te yje të pop-it, shumë muzikantë kanë kundërshtuar publikisht. Por fjalët e Kesha-s ishin më të ashpra. Të drejtpërdrejta dhe totalisht në stilin e saj.

    Fansat janë të ndarë, disa e duartrokasin për qëndrimin e saj, të tjerë e akuzojnë se po e përzien muzikën me politikën. Ndërkohë, ekspertët ligjorë theksojnë se fushatat ndonjëherë mund të përdorin këngë përmes licencave të përgjithshme, edhe kur artistët personalisht kundërshtojnë.

    Kesha nuk po hesht dhe në këtë përballje mes fuqisë së pop-it dhe muskujve të politikës, ajo po e bën të qartë se ku qëndron.

    Kliko për videon!

  • Demokrati Al Green largohet nga Dhoma e Përfaqesuesëve pas protestës së heshtur!

    Demokrati Al Green largohet nga Dhoma e Përfaqesuesëve pas protestës së heshtur!

    Rep.Al Green, Demokrat nga Teksasi, u shoqërua jashtë sallës së Dhomës së Përfaqësuesve pasi ngriti një pankartë të shkruar me dorë ku shkruhej: “Black people aren’t apes!” (“Njerëzit me ngjyrë nuk janë majmunë!”) ndërsa Trump hynte dhe fillonte fjalimin.

    Incidenti ndodhi vetëm pak minuta pas nisjes së adresimit vjetor kushtetues.

    Pankarta e Green ishte një referencë e drejtpërdrejtë ndaj një videoje të diskutueshme të shpërndarë më herët gjatë muajit në rrjetin social të Trump, ku ish-Presidenti Barack Obama dhe ish-Zonja e Parë Michelle Obama paraqiteshin si majmunë në këtë montazhë. Postimi u dënua gjerësisht si racist dhe më pas u fshi. Trump deklaroi se nuk kërkoi falje, duke pretenduar se nuk e kishte parë plotësisht përmbajtjen e videos përpara publikimit.

    Personeli i sigurisë dhe anëtarë të Dhomës reaguan shpejt për ta larguar Green pasi ai ngriti pankartën në shenjë proteste. Pamjet dhe dëshmitë tregojnë se disa ligjvënës republikanë u përpoqën ta ulnin ose ta merrnin pankartën, ndërsa Green shoqërohej jashtë sallës. Gjatë incidentit, disa ligjvënës u dëgjuan duke brohoritur “USA”.

    Kjo ishte hera e dytë radhazi që Green u largua nga një fjalim i tillë, në vitin 2025 ai ishte nxjerrë jashtë pasi ndërpreu me zë të lartë presidentin me protesta verbale. Green i ka përshkruar veprimet e tij si një qëndrim moral kundër asaj që ai e konsideron sjellje raciste, ndërsa udhëheqës republikanë i cilësuan veprimet e tij si shkelje të rregullave të etikës parlamentare.

     

  • Nicki Minaj i bën Trump-it një “makeover” për “Presidents’ Day”!

    Nicki Minaj i bën Trump-it një “makeover” për “Presidents’ Day”!

    “Presidents’ Day” këtë vit erdhi më i zhurmshëm dhe shumë më “pink”!

    Nicki Minaj ndezi rrjetet sociale pasi publikoi një imazh të krijuar me A.I., ku i kishte bërë një “Barbiecore” makeover Presidentit Donald Trump. Dhe le të themi se interneti nuk ishte gati.

    Në postimin tashmë viral, Trump shfaqet me grim të shkëlqyeshëm, ndriçim dramatik dhe një estetikë high-fashion sikur të ishte pjesë e një videoklipi të Nickit. Transformimi i krijuar me mjete të inteligjencës artificiale përzien pushtetin politik me ekstravagancën e një ylli popi në një mënyrë që vetëm Nicki mund ta imagjinonte.

    Ndërsa disa fansa e quajtën imazhin satirë ikonike dhe kulm të kulturës së internetit, të tjerë nuk u argëtuan aspak, duke e quajtur “të çmendur”, “të papritur” dhe “shumë për një festë federale”.

    Mbështetësit e Nickit e lavdëruan për kreativitetin dixhital dhe guximin për të shtyrë kufijtë. Kritikët, nga ana tjetër, ngritën pikëpyetje nëse ripërpunimi i figurave politike me A.I. e mjegullon vijën mes parodisë dhe provokimit.

    Por ajo duket se dinte shumë mirë çfarë po bënte.

    Pra “Presidents’ Day” e ktheu në një meme të thjeshtë, në një “spektakël” që pushtoi titujt kryesorë. Brenda orësh, postimi grumbulloi angazhim masiv, me reagime që varionin nga emoji duke qeshur deri tek debate të gjata në komente.

    Imazhet e krijuara me A.I. që bashkojnë figura të famshme dhe politike janë bërë obsesioni i ri i internetit, por kur Nicki Minaj hyn në lojë, gjithçka kthehet në moment kulturor.

    Ishte satirë? Koment social? Apo thjesht Nicki duke qenë Nicki?

    Çfarëdo që të ketë qenë, ajo e dëshmoi edhe një herë se di si të dominojë rrjetin madje edhe në një festë kombëtare.

    Dhe në epokën e A.I., ndoshta lajmi i vërtetë nuk është makeover-i… por kush ka guximin ta publikojë.

    Kliko për postimin!

  • SHTËPIA E BARDHË SHPËRTHEN NDAJ KOMENTEVE TË ILHAN OMAR – “NDALONI NXITJEN E DHUNËS!!!”

    SHTËPIA E BARDHË SHPËRTHEN NDAJ KOMENTEVE TË ILHAN OMAR – “NDALONI NXITJEN E DHUNËS!!!”

    Washingtoni u rrëmbye nga drama politike pasi që Shtëpia e Bardhë, qortoi publikisht përfaqësuesen Ilhan Omar për një postim në rrjetet sociale, që zyrtarët pretendojnë se ka kaluar çdo kufi.

    Sipas një deklarate të rrjedhur ekskluzivisht për TMZ, Shtëpia e Bardhë e akuzoi Omar për përhapje të “gënjeshtrave të rënda” dhe paralajmëroi se ajo duhet të ndalojë nxitjen e dhunës kundër presidentit në detyrë.

    Kjo shpërtheu pasi Omar, një kongresmene demokrate nga Minesota postoi në rrjetet sociale, duke lënë të kuptohet se në disa vende njerëzit do të ekzekutonin pedofilët e dyshuar në vend që t’i zgjidhnin ata, në një sulm të drejtpërdrejtë ndaj Presidentit Trump. Reagimi i Shtëpisë së Bardhë ishte i menjëhershëm dhe i ashpër, demokratët në Kongres, sipas tyre, duhet t’i dënojnë komentet e saj dhe ta nxisin të ndalojë gënjeshtrat dhe nxitjen e dhunës politike kundër komandantit të përgjithshëm.

    Vetë Presidenti Trump thuhet se e përshkallëzoi situatën, duke e quajtur Omar një “kongresmene të rreme”, megjithëse nuk është e qartë saktësisht se çfarë nënkuptonte me këtë deklaratë.

    Rrjetet sociale kanë shpërthyer, me mbështetësit që mbrojnë lirinë e fjalës dhe kritikët që e akuzojnë Omar për retorikë të papërgjegjshme, ndërsa Shtëpia e Bardhë duket se nuk ka ndërmend të tërhiqet.

  • Trump kalon çdo kufijë – Video raciste kundër familjes Obama shpërthen online!”

    Trump kalon çdo kufijë – Video raciste kundër familjes Obama shpërthen online!”

    Presidenti Donald Trump ka nisur një stuhi të vërtetë politike pasi publikoi një video tronditëse që sulmon Barack dhe Michelle Obama, duke lënë kritikët të shokuar dhe mbështetësit në mbrojtje edhe pse e vështirë ta bësh…

    Klipi bombastik, i postuar në platformën sociale të Trump, i paraqet çiftin dikur presidencial, si majmunë në një ambient xhungle, i shoqëruar me muzikë të çuditshme, një veprim që menjëherë ndezi akuza për imazhe raciste dhe çnjerëzuese. Brenda minutash, postimi u bë viral, duke shkaktuar reagime të ashpra në rrjete sociale dhe media.

    Politikanë, aktivistë dhe analistë e dënuan videon si të neveritshme, skandaloze dhe përtej çdo kufiri, duke akuzuar Trump se kishte kaluar një vijë edhe sipas standardeve të tij kontroverse. Disa figura të njohura kërkuan dënim të menjëhershëm, duke paralajmëruar se ky veprim mund të njollosë përgjithmonë trashëgiminë e tij.

    Ekipi i Trump e minimizoi reagimin, duke e quajtur zemërimin “indinjatë të rreme” dhe duke e përshkruar videon si një meme që synonte ta tregonte Trump-in si “mbreti i xhunglës.” Por ky shpjegim nuk arriti ta ndalë zemërimin, me kritikët që e quajtën një justifikim të dobët për një sulm tronditës.

    Familja Obama kanë zgjedhur heshtjen, por kjo heshtje vetëm sa shtoi spekulimet, me burime që thonë se videoja zbuloi një obsesion të thellë dhe rihapi një nga rivalitetet më toksike në politikën moderne amerikane.

    Reagimet online janë kaotike, nga hashtagët që shpërthyen, klipet u përhapën me shpejtësi dhe interneti po ndahet mes zemërimit, mbrojtjes dhe mosbesimit. Një gjë është e sigurt se kjo nuk ishte thjesht një postim tjetër i Trump. Ishte një granatë politike.

    Kliko këtu për videon

  • Lufta Kulturore shpërthen ndërsa politikanët e sportistët sulmojnë performancën e Bad Bunny në Super Bowl! – “Të rri aty ku është nëse nuk e do ShBA-në”

    Lufta Kulturore shpërthen ndërsa politikanët e sportistët sulmojnë performancën e Bad Bunny në Super Bowl! – “Të rri aty ku është nëse nuk e do ShBA-në”

    Ish-ylli dhe anëtari i Hall of Fame-it të NFL-së, Eric Dickerson, nuk po tërhiqet, përkundrazi, po i shton edhe më shumë zjarr debatit rreth vendimit të NFL-së për të zgjedhur Bad Bunny-n si performuesin kryesor të “Super Bowl 2026”.

    Dickerson, i njohur për stilin e tij shpërthyes në fushë, ka shkaktuar një stuhi jashtë saj me komentet e drejtpërdrejta, duke e quajtur zgjedhjen e ligës një gabim të madh dhe duke thënë se NFL “është shitur”. Në një intervistë për TMZ Sports, ish-lojtari i Rams dyfishoi kritikat, duke thënë se do të preferonte një artist “nga këtu, nga Amerika” ose të paktën nga zona ku zhvillohet Super Bowli.

    “Jo, aspak. Absolutisht jo,” tha Dickerson kur u pyet nëse kishte ndryshuar mendje. “Çfarë kuptimi ka?” Ai shtoi gjithashtu se Porto Rico nuk është pjesë e territorit kontinental amerikan dhe sugjeroi se nëse dikush nuk e do SHBA-në, duhet “të qëndrojë aty ku është”.

    Edhe disa lojtarë të NFL-së kanë shprehur skepticizëm në sondazhe jozyrtare të TMZ, ku rreth 41% e të pyeturve thanë se nuk e pëlqejnë zgjedhjen, duke përmendur mungesën e lidhjes me kulturën e futbollit amerikan ose thjesht shijet personale.

    Kritika të tjera janë fokusuar në deklaratat e mëparshme politike të Bad Bunny, veçanërisht për emigracionin dhe ICE-in, duke e konsideruar praninë e tij si përçarëse për një event që tradicionalisht shihet si bashkues. Edhe figura të njohura politike si Donald Trump, Kristi Noem, Mike Johnson, Marjorie Taylor Greene, kanë dalë kundër zgjedhjes, duke thënë se ai nuk është i përshtatshëm për skenën më të madhe sportive të Amerikës.

    Nga ana tjetër, fansat e Bad Bunny kanë dalë fuqishëm në mbrojtje, duke theksuar se Porto Riko është territor i SHBA-së dhe se suksesi i tij përfaqëson një moment të rëndësishëm kulturor. Ata shtojnë se performanca e tij mund të sjellë një audiencë edhe më të gjerë globale për “Super Bowl”.

    Me “Super Bowl-in” që po afron me shpejtësi, polemika nuk po shuhet dhe qëndrimi i ashpër i Dickerson vetëm sa e ndez edhe më shumë debatin rreth kulturës, identitetit dhe asaj se kë NFL zgjedh të vendosë në qendër të skenës në ngjarjen e saj më të madhe.

  • Ekskluzive – Barron Trump, djali i Presidentit amerikan, e shpëton një grua nga i dashuri i saj!

    Ekskluzive – Barron Trump, djali i Presidentit amerikan, e shpëton një grua nga i dashuri i saj!

    Barron Trump i biri 19‑vjeçar i Presidentit amerikan Donald Trump, sipas TMZ besohet se ndihmoi në shpëtimin e jetës së një gruaje në Londër duke telefonuar policinë pasi pa në një thirrje video se ajo po sulmohej nga ish‑i dashuri i saj.

    Gruaja, e cila është mike ose njohje e Trumpit, e kishte kontaktuar atë përmes FaceTime kur ish i dashuri, identifikuar si Matvei Rumiantsev, thuhet se po e godiste fizikisht brenda banesës së tij në Poplar, veri‑lindje të Londrës. Barron u përpoq të kontaktojë emergjencën britanike (999), duke dhënë adresën dhe duke theksuar se ishte një “situatë reale emergjence” dhe policia arriti në vendngjarje pak minuta më vonë. Gruaja dëshmoi në gjykatë se thirrja e tij ndihmoi në shpëtimin e jetës së saj dhe e përshkroi atë si një “shenjë nga Zoti” në momentin kritik. Rumiantsev po përballet me akuza të rënda për sulm, dhunë dhe akte të tjera, të cilat ai i mohon ndërkohë që gjyqi vazhdon

  • Nicki Minaj – Dikur emigrante ilegale, sot anon nga politikat e Trump-it…

    Nicki Minaj – Dikur emigrante ilegale, sot anon nga politikat e Trump-it…

    Një kujtim nga e kaluara e ka vendosur sërish Nicki Minaj-n në qendër të një debati të ndezur politik dhe këtë herë, historia është reale.

    Postime të vjetra nga rrjetet sociale të Nicki-t janë rishfaqur online, duke rikujtuar një moment nga viti 2018 kur reperja ndau një histori personale mbi përvojën e saj me emigracionin apo ICE. Në atë postim, ajo shkroi se erdhi në Shtetet e Bashkuara si “emigrante e paligjshme” në moshën pesëvjeçare, duke përshkruar frikën e ndarjes së familjes në kufi. Mesazhi ishte pjesë e kritikave të saj ndaj politikave të emigracionit në SHBA në atë kohë.

    Tani, ai postim i vjetër po qarkullon sërish, ndërsa Nicki ka qenë më e dukshme në hapësira politike me prirje konservatore, përfshirë komente publike që mbështesin qëndrime të caktuara të lidhura me administratën Trump, veçanërisht deklarata mbi lirinë fetare dhe persekutimin e të krishterëve në Nigeri.

    Ky kontrast ka ndezur diskutime të forta në rrjet. Disa komentues theksojnë se përshkrimi i saj i vitit 2018 për ardhjen në SHBA si fëmijë emigrant bie ndesh me deklaratat e saj më të fundit politike. Të tjerë theksojnë se postimi i vjetër lidhej specifikisht me përvojën e saj personale dhe kundërshtimin e ndarjes së familjeve në kufi, jo me një debat ligjor mbi statusin e saj.

    Nicki nuk e ka mohuar origjinalitetin e postimit të vitit 2018, dhe rikthimi i tij ka sjellë reagime të përziera, nga mbështetje e fortë deri te kritika të ashpra në rrjetet sociale. Ndërkohë, mediat kanë vënë në dukje se komentet e saj politike, përfshirë pjesmarrjen në diskutime mbi çështje ndërkombëtare dhe fetare, kanë rikthyer vëmendjen mbi qëndrimet e saj të mëparshme.

    Kjo nuk është hera e parë që deklaratat politike të Nicki Minaj shkaktojnë reagime të forta. Ajo ka qenë më parë në përplasje publike me figura mediatike për çështje politike dhe sociale, duke nxitur debate të gjera online.

    Pavarësisht nëse fansat bien dakord apo jo me qëndrimet e saj, një gjë është e qartë, se rikthimi i këtij postimi të vjetër e ka shndërruar Nicki Minaj sërish në një pikë ndezjeje për diskutime mbi politikën, identitetin dhe ndikimin e të famshmëve.

    Po ashtu qarkullojnë spekulime nga gazetari Don Lemon, se Nicki Minaj, pasi që në 2024 tha se nuk është shtetase e ShBA-ve, ajo mund ta mbajë këtë kahje politike nga frika për deportim, kërkesa për pardon presidencial për të burrin e saj Kenneth Petty or her brother Jelani Maraj, ku që të dy janë të akuzuar për sulme seksuale.

  • Trump dhe Epstein: Kartolina Gjigante Trondit National Mall!

    Trump dhe Epstein: Kartolina Gjigante Trondit National Mall!

    Washington-i, D.C. u trondit këtë javë pasi një instalacion i gjigant e provokues u shfaq pranë “National Mall”, një kopje e zmadhuar e një kartoline ditëlindjeje që pretendohet se lidhet me Donald Trump dhe Jeffrey Epstein.

    Shfaqja e papritur tërhoqi menjëherë turma, kamera dhe ndezi një stuhi debatesh në internet.

    Duke u ngritur mbi kalimtarët, kartolina e fryrë ndaloi turistë dhe banorë vendas, me shumë prej tyre që bënë foto dhe shpërndanë reagime në rrjetet sociale. Edhe pse instalacioni nuk ishte i lidhur zyrtarisht me ndonjë fushatë apo aktivitet qeveritar, koha dhe vendndodhja e tij siguruan ndikim maksimal dhe polemikë.

    Mbështetësit e Presidentit u nxituan ta quajnë këtë një mashtrim politik, ndërsa kritikët argumentuan se ishte një kujtesë vizuale e fortë për lidhjet shoqërore të së kaluarës së Trump-it. Si gjithmonë, interneti u nda në kampe brenda sekondave, me hashtag-e që u bënë trend dhe opinione që pushtuan rrjetet.

    Autoritetet nuk kanë konfirmuar se kush e organizoi instalacionin, por burime thonë se ai ishte krijuar për të nxitur debat dhe kjo u arrit qartë. Siguria qëndroi vigjilente ndërsa turmat u mblodhën, disa të habitur, disa të zemëruar dhe shumë thjesht kureshtarë.

    Qoftë si art proteste, koment politik apo provokim i pastër, kur emri i Trump-it shfaqet pranë “National Mall”, drama është e garantuar. Dhe kjo kartolinë gjigante e ditëlindjes siguroi që sytë të ishin sërish mbi kryeqytetin.

    Në një qytet të ndërtuar mbi simbolikë, ky instalacion përcolli një mesazh të fortë, të guximshëm dhe të pamundur për t’u injoruar.

  • Trump “kërcënon” CBS News: “Do t’ju padisë nëse redaktoni fjalët e mia!”

    Trump “kërcënon” CBS News: “Do t’ju padisë nëse redaktoni fjalët e mia!”

    Presidenti Donald Trump nuk po largohet nga titujt dhe këtë javë në një përplasje të madhe me një ndër mediet më të mëdha në botë.

    Në një paralajmërim të zjarrtë drejtuar drejtpërdrejt “CBS News”, Trump thuhet se ka kërcënuar me veprim ligjor, duke deklaruar se “do t’ju padisë” nëse fjalët e tij redaktohen ose nxirren jashtë kontekstit.

    Deklarata shpërthyese ka shkaktuar tronditje në qarqet politike dhe mediatike, duke ringjallur luftën e gjatë të Trump me mediet kryesore. Burime pranë tij, sipas TMZ, thonë se Presidenti është i zemëruar për atë që ai e konsideron “mbulim të paragjykuar” dhe “redaktim selektiv” që synon të deformojë mesazhin e tij.

    Trump ka akuzuar vazhdimisht rrjetet e mëdha se manipulojnë intervistat për të promovuar narrativat e tyre, e ky shpërthim i fundit tregon se ai nuk po luan më butë. Aleatët thonë se ai po vendos një vijë të qartë, duke kërkuar transparencë të plotë dhe klipet pa redaktim ose ndryshe…

    “CBS News” nuk ka reaguar publikisht ndaj kërcënimit, por kritikët dhe mbështetësit janë përplasur menjëherë online. Disa e shohin paralajmërimin e Trump si një sulm ndaj lirisë së shtypit, ndërsa të tjerët e përkrahin, duke thënë se ai po qëndron përballë “lajmeve të rreme.”

    Përplasja Trump kundër medieve, nuk do të përfundojë apo ftohet kurrë. Nëse ky paralajmërim është ndonjë tregues, kapitulli i ardhshëm mund të përfundojë në gjykatë.