Deputeti nga mazhoranca, Armend Muja ka thënë se në seancën e Kuvendit që është vendosur të mbahet të enjten shumica e pikave që do të diskutohen janë për marrëveshjet ndërkombëtare, me ç’rast iu ka bërë thirrje gjithë deputetëve, me theks atyre të opozitës t’i votojnë këto marrëveshje, pasi siç tha ai, janë jetike për qytetarët e vendit.
Muja pas mbledhjes së Kryesisë së Kuvendit derisa ka renditur marrëveshjet që do të diskutohen, tha se afërisht vlera e tyre është 400 milionë euro.
Deputeti i Lëvizjes Vetëvendosje, Armen Muja, në emisionin CONTEXT në ATV, tha se ai vetë nuk e ka parë draft-statusin e Asociacionit, por shtoi se ky draft nuk i prekë kompetencat ekzekutive të shtetit.
“Ajo çfarë mund të them është ajo që edhe pa e parë një draft të tillë, mund të them që ku janë kornizat në të cilat është bërë beteja politike në dy vitet e fundit. Kosova e ka trashëgua një marrëveshje të vitit 2013-2015 e cila ishte shpallë jo-kushtetuese në elementet thelbësore të saj. Gjykata Kushtetuese kishte konkluduar që elementet ekzekutive një etnike, ato duhet të bien ndesh me Kushtetutën e Republikës së Kosovës, mirëpo kishte një insistim edhe nga Vuçiqi, edhe nga Lajçak, në ditët e para, tha që Kushtetuta e Kosovës nuk është bibël dhe ajo duhet të ndryshohet. Mirëpo, në dy vutët e fundit, beteja ka qenë që asgjë, asnjë milimetër e cila i prekë kompetencat ekzekutive të shtetit, nuk mund të preken”, tha Muja.
Ai tha se deri në një konkluzion të këtij procesi, draft-statusi duhet të mbahet i kufizuar te krerët e shtetit.
“Unë nuk e kam parë një draft të tillë. Në fakt ka qenë një kërkesë e ndërmjetësve që derisa të ketë një konkluzion të këtij procesi ose diskutimi lidhur me çështjen, ai duhet të mbahet i kufizuar zakonisht te krerët e shtetit edhe në raste të tilla të ngjashme si me marrëveshjen, ai iu komunikohet edhe liderëve opozitës, mirëpo unë s’e kam parë një draft të tillë”, tha Muja. /atvlive.tv
Deputeti i Lëvizjes Vetëvendosje, Armend Muja e ka quajtur të suksesshëm sesionin pranveror të Kuvendit të Kosovës.
Pas dështimit të mbajtjes së seancës së sotme, Muja para gazetarëve tha se Kuvendi gjatë këtij sesioni ka miratuar rreth 50 projektligje.
Ai kritikoi opozitën se nuk po dëshiron të votojë për marrëveshjen ndërkombëtare.
“Ishte e planifikuar që edhe sot të vazhdojë seanca për marrëveshjet ndërkombëtare, të votohen ato pasi kanë qenë në agjendë që nga prilli dhe marsi, por pa votat e opozitës, ato nuk kalojnë, pasi kështu thotë rregullorja. Seanca duhet të ketë kuorumin e nevojshëm për të filluar, ishin deputetët e shumicës edhe nga opozita, por mjerisht nuk ishin mjaftueshëm për të filluar. Ne kishim planifikuar të qëndrojmë, pasi kemi pas edhe ligje që do të duhej të kalonin në këtë sesion”, tha ai.
Muja akuzoi deputetët e PDK-së për sjellje të dhunshme në Kuvend, derisa përmendi edhe deputeten Ganimete Musliu.
“Mjerisht ky sesion është përshkruar me incidente të dhunshme nga deputetë të PDK-së, në veçanti më duhet të nënvizoi deputeten Ganimete Musliu, e cila jo vetëm që s’ka ndonjë kauzë politike, por ka pas sjellje të dhunshme duke provokuar incidente që janë hije e rënd për Kosovën dhe demokracinë tonë”, përfundoi Muja.
Deputeti i LV-së, Armend Muja, përmes një statusi në profilin e tij në facebook, ka reaguar pas deklaratave të presidentit serb pas takimit të sotëm në Bruksel.
Muja tha se presidenti Vuçiq po i referohet Asociacionit të vitit 2023, por që ky i fundit e di se Kurti nuk e bën atë lloj asociacioni.
“Vuçiq kur flet për Asociacionin gjithnjë e thekson obligimin e para 10 viteve, pra 2013, ndërkohë që tha që është e qartë që Kurti nuk e bën atë lloj asociacioni. Ajo çka vazhdimisht edhe e kemi deklaruar: I vetmi problem i Kosovës është trashëgimia nga dialogu 2011-2020 dhe se sot jemi në betejën e zhbërjes së këtyre dëmeve”, ka shikruar Muja. /atvlive.tv
Deputeti i Lëvizjes Vetëvendosje, Armend Muja reagoi pas akuzave se atij i ka dërguar një picë në burg, deputeti i PDK-së, Bekim Haxhiu, në periudhën sa ka qenë arrestuar nga Policia e Kosovës për rastin e akreditimit në arsimin e lartë.
Ai në Kuvend tha se deputetin Ferat Shala dhe Bekim Haxhiu nuk i ka njohur asnjëherë, veç në Kuvend. Ndërkohë, Muja se sistemi i drejtësisë ka dëshmuar për pafajësinë e tij në lidhje me dyshimet për keqpërdorime në procesin e akreditimit në arsimin e lartë.
“Që ta kupton popullsia unë nuk e njoh Ferat Shalën dhe as Bekim Haxhiun, përveç këtu në Kuvend. E dyta, po unë jam akuzuar, çështje kjo që nuk mund të kontrollojmë dot, ne kontrollojmë veprimet tona, të dokumentojmë se performanca jonë ka qenë e ndershme. Çfarë mund të bëjmë është t’ia lëmë procesit të drejtësisë, në 12 pika procesi i drejtësisë ka pasur shpallje të pafajshëm”, tha ai, transmeton KP.
Por, atij i reagoi deputeti Haxhiu, i cili akuzoi deputetin Muja se është bukëpërmbysës.
“Zotëri Muja as më shumë as më pak, ajo çka ka qenë e kam thënë. Mundeni ju me qenë bukëpërmbysë ajo është çështje jotja”, tha ai.
Seanca e Kuvendit shkoi në pauzë deri në orën 16:30.