Frankie Grande u dha fansave një përditësim inkurajues se motra e tij Ariana Grande “po shërohet mirë” pasi rezultoi pozitive me COVID.
Duke folur në eventin “2025 Out100 Celebration”, ai tha: “Si vëllai i saj, po i dërgoj gjithë dashurinë dhe energjinë shëruese në botë… Të gjithë e kemi kaluar COVID-in në këtë pikë. E dimë që ajo do të jetë mirë.”
Ariana e zbuloi diagnozën në Instagram, duke ndarë një foto nga paraqitja e saj në The Tonight Show me mbishkrimin “momente para Covid”.
Frankie gjithashtu e lavdëroi performancën e saj në “Wicked: For Good”, duke e quajtur “spektakolare” dhe duke i nxitur njerëzit ta shohin filmin.
Ariana Grande këtë vit të ri siç duket e ka filluar me pozitivitet dhe mirënjohje. Këngëtarja përmes një shkrimi rrëfeu se ka reflektuar për vitin 2023 dhe tregoi për mësimet që ka mësuar dhe njerëzit që takoi gjatë gjithë vitit të kaluar.
“Një nga vitet më transformuese, më sfiduese, e megjithatë më të lumtura dhe më të veçanta të jetës sime. kishte kaq shumë ndjenja të bukura”, shkroi Grande. “Unë kurrë nuk jam ndjerë më e plotësuar apo e pranishme në punën time, duke qenë në gjendje të vlerësoj çdo moment.”
Tutje Grande theksoi se kishte dhënë gjithçka nga zemra për projektet në të cilat pati fatin të ishte pjesë dhe siç shpjegoi ajo, kishte mësuar shumë nga çdo shpirt i njerëzve që ka takuar.
Por, mbase viti i kaluar për këngëtaren nuk ishte edhe aq i lehtë sa mund të tingëllojë sepse ajo u nda nga Dalton Gomez pas dy vitesh martesë.
“Kurrë nuk jam ndjerë e mbajtur më e fortë apo e mbrojtur nga ata që më duan dhe më kuptojnë (miqtë, familja dhe fansat). Ndihem e sigurt, edhe në mes të shumë gjërave nga të cilat zakonisht do të kisha frikë. Unë jam duke dëgjuar dhe besuar veten time, edhe kur frika apo trauma më thotë që të mos bëj. Unë jam duke reaguar ndaj gjërave që meritojnë vetëm energjinë time dhe po largoj dhe mbrohem nga gjërat që nuk e meritojnë’’, u shpreh Grande./atvlive.tv/
Rënia në peshë e Ariana Grandes ka bërë që fansat e saj të shqetësohen për shëndetin e këngëtares.
Por edhe një numër i madh i ndjekësve në llogaritë e saj personale në rrjete sociale, kanë filluar të bëjnë shaka me të duke bërë kritika nga më të ndryshme, transmeton atvlive.tv.
Ariana u shfaq në rrjetet sociale dhe u kërkoi njerëzve të jenë të butë me të dhe të mos komentojnë për trupat e njerëzve, pavarësisht cfarë do gjëje.
Ajo tregoi se kishte përdorur ilaqe kundër depresionit dhe për këtë arsye trupi i saj ka pësuar ndryshime drastike.
Modelja Bella Hadid, përmes një postimi bëri të ditur se e përkrahë këngëtaren duke shkruajtur se ’’Gjithmonë ka një arsye për mënyrën se si duken/ndihen njerëzit, prandaj përpiquni të jeni të butë, veçanërisht kur nuk e njihni dikë ose çfarë ka kaluar. Instagrami nuk është real dhe ne duhet të shikojmë më thellë dhe me vetëdije t’i kujtojmë vetes se secili prej nesh jemi thjesht qenie njerëzore që përpiqemi më të mirën’’.
Këngëtarja tha se body shaming apo në shqip, turpërimi për trupin, nuk duhet të tolerohet.
Body shaming është kur komentohet negativisht, kritikohet, një person për shkak të trupit. Më së shpeshti ndodhë përmes rrjeteve sociale dhe me këtë më së shumti ballafaqohen fytyrat e njohura publike. Adele, Selena Gomez, Megan Fox, Billie Eilish, Kourtney Kardashian, janë vetëm disa nga yjet që u ballafaquan me body shaming./atvlive.tv/
