Presidenti i Serbisë, Aleksandër Vuçiq, ka reaguar ndaj deklaratës së kryeministrit shqiptar Edi Rama, i cili në emisionin “Context”, në ATV deklaroi se “çdo sulm ndaj Kosovës është sulm ndaj Shqipërisë”.
Vuçiq tha se Serbia nuk ka ndërmend të sulmojë askënd.
“Sot u dëgjua nga një shtet fqinj se nëse dikush sulmon Kosovën, edhe pse nuk e di kush do të sulmonte, Shqipëria nuk do ta lejojë dhe do të jetë në atë anë. Pas një deklarate kaq të tmerrshme, dëgjohej vetëm një heshtje e madhe, aq e fortë saqë heshtja ishte e pakëndshme. Për sa i përket neve, nuk kemi nevojë të sulmojmë askënd dhe nuk do ta bëjmë”, tha Vuçiq gjatë ceremonisë së Ditës së Shtetit.
Vuçiq shtoi se Serbia do të mbrojë marrëdhëniet e saj me Evropën, por edhe se “nuk do t’i shkelë marrëdhëniet e saj me Rusinë, Kinën dhe askënd tjetër”./ATVLIVE.TV/
Kryeministri i Kosovës, Albin Kurti, dhe presidenti i Serbisë, Aleksandar Vuçiq, nuk do të takohen në kuadër të Forumit Ekonomik Botëror në Davos të Zvicrës.
Kurti e Vuçiq për herë të fundit janë takuar në shtator të vitit të kaluar në Bruksel, në kuadër të dialogut Kosovë-Serbi.
Takimi pati përfunduar pa ndonjë rezultat, ndërsa palët akuzuan njëra-tjetrën për dekonstruktivitet.
Forumi Ekonomik në Davos të Zvicrës fillon më 15 janar dhe do të zgjasë katër ditë, derisa “Rindërtimi i besimit” është motoja e edicionit të 54-t të tij.
Kryeministri i Kosovës, Albin Kurti, dhe Presidenti i Serbisë, Aleksandër Vuçiq, janë ftuar në Bruksel, sot për takime me liderët e Bashkimit Evropian. Për të përcjellë nga afër se çfarë do të diskutohet atje dhe se si do të zhvillohen takimet, ekipi i ATV-së po qëndron në Bruksel, prej nga gazetarja e ATV-së, Teuta Arifaj, njoftoi lidhur me agjendën e takimeve.
Arifaj përmes një videolidhjeje në emisionin “A LIVE”, tha se gjatë ditës së sotme Kurti dhe Vuçiqi pritet të mbajnë takime ndarëse me presidentin e Francës, Emmanuel Macron, kryeministren e Italisë, Giorgia Meloni, kancelarin e Gjermanisë, Olaf Scholz, dhe shefin e politikës së jashtme të Bashkimit Evropian, Josep Borrell.
Tutje, ajo shtoi se një takim ballë për ballë mes Kurtit e Vuçiqit nuk pritet të zhvillohet, marrë parasysh zhvillimet e fundit në veriun e Kosovës, mirëpo përmendi se nëse palët ndryshojnë mendje, takimi edhe mund të ndodhë.
“Diku rreth orës 14:00 është paraparë që kryeministri Albin Kurti të takojë liderët me BE-së me dhe pas tij takime do të ketë me po të njëjtët edhe presidenti i Serbisë. Takim direkt mes Kurtit e Vuçiqit nuk pritet të ketë, edhe pse bazuar në raste e shkuar natyrisht pritet të ketë tentime që ata të takohen qoftë edhe për 5 minuta. Por po e them prapë se bazuar në situatën e krijuar së fundmi pas sulmit në Banjsë, për çka shteti e Kosovës e mban përgjegjës Serbinë dhe në deklarimet e mëhershme të Kurtit siç ka thënë disa herë për këtë sulm gjithçka ka ndryshuar përfshirë edhe në dialog, andaj nëse Serbia nuk mbahet përgjegjëse për këtë sulm dhe nëse BE-ja nuk e ndëshkon Serbinë për këtë sulm dhe sipas asaj dhe nëse e njëjta nuk ndëshkohet nuk do të ketë as takim, mirëpo mbetet të shihet ndërkohë”, tha ajo. /atvlive.tv
Presidentja e Kosovës, Vjosa Osmani, ka thënë se nuk takohet me presidentin serb, Aleksandar Vuçiq, pa u vendosur fillimisht sanksione ndaj tij, raporton Ekonomia Online.
“Nuk ka arsye që të takohemi para se të vendosen masa ndaj Vuçiqit. Sanskionet së pari, pastaj mund të flasim”, ka thënë ajo.
Ajo i ka bërë thirrje Spanjës që të rreshtohet krah vendeve evropiane që kanë dënuar sulmin terrorist në Kosovë, sepse mbështetja e një agresori, duke iu referuar Serbisë, nuk e ndihmon paqen dhe stabilitetin në Evropë.
Osmani e ka cilësuar sulmin ndaj Kosovës si një sulm ndaj gjithë Evropës.
“Mbështetja e një agresori, për të cilin ka prova të qarta që nga 24 shtatori, nuk do ta ndihmojë paqen dhe stabilitetin. Shpresoj që Spanja do t’i bashkohet vendeve të tjera në Evropë që mendojnë të vendosin masa ndaj Serbisë për këtë akt të tmerrshëm, jo vetëm ndaj Kosovës, por ndaj paqes dhe stabilitetit të gjithë Evropës”.
Kështu është shprehur ajo, para mediave në hapje të samitit të Komiteti Politik Evropian në Granada të Spanjës.
