ATV

Tag: Albulena Haxhiu

  • Publikohet opinioni i komisionit të Venecias për rritjen e numrit të anëtarëve të këshillit prokuror

    Publikohet opinioni i komisionit të Venecias për rritjen e numrit të anëtarëve të këshillit prokuror

    Përgatiti: Nora Luta

    Përveç këtyre arsyeve që i dha të hënën ministrja e Drejtësisë, Albulena Haxhiu, Komisioni i Venecias ka argumentuar edhe një tjetër se pse nuk e përkrah rritjen e numrit të anëtarëve të Këshillit Prokurorial në 21.

    Në opinionin e publikuar nga ky komision, nuk kontestohet fakti që ka rrezik të korporatizmit në përbërjen aktuale të KPK-së, por theksohet se shtimi i tetë anëtarëve rrit rrezikun e politizimit të Këshillit.

    “Edhe nëse ndryshimi i përbërjes mund të thuhet se është projektuar si një masë e jashtëzakonshme, e vetme për të eliminuar kulturën e korporatizmit, një ndryshim i tillë po futet në një klimë polarizimi, do të jetë funksional vetëm për një periudhë të shkurtër kohore, (më pak se dy vjet në skenarin më të mirë), është i mbushur me rreziqe bllokimesh dhe politizimi dhe krijon dyshimin se “KPK-ja e zgjeruar” do t’i nënshtrohet një ndikimi të konsiderueshëm politik përpara se të krijohet një “KPK” e reduktuar. Dhe më e rëndësishmja, siç theksohet në aktgjykimin e Gjykatës Kushtetuese, është rritja e ndjeshme e anëtarëve dhe rreziku potencial që vjen nga politizimi i Këshillit Prokurorial të Kosovës që rrjedh nga rritja e mundshme e anëtarëve, por e cila do të zbehte kërkesën për integritet, pavarësi dhe stabilitet të mandateve të organeve kushtetuese, si KPK-ja, ushtrimi i funksioneve i të cilit s’duhet varur nga shumica kontingjente apo vullneti i shumicës parlamentare”, thuhet në opinionin e Komisionit të Venecias.

    Komisioni ka dhënë rekomandime rreth kuorumit dhe përzgjedhjes së tre anëtarëve që do të zgjidhen nga Kuvendi, pasi thekson se nuk është bindur që është janë marrë parasysh rekomandimet e kaluara rreth procedurës.

    “Komisioni nuk është bindur se mënyra dhe procedura e përzgjedhjes së tre (3) anëtarëve të zgjedhur nga Kuvendi ka trajtuar thelbin e rekomandimit të mëparshëm, i cili kërkonte të sigurohej një përbërje pluraliste e KPK-së me qëllim për të reduktuar rrezikun e politizimit në zgjedhjen e anëtarëve joprokurorë”, thuhet më tej në opinionin e Komisionit të Venecias.

    Komisioni i Venecias ka rekomanduar, gjithashtu, që ligji të parashohë masa disiplinore më të rrepta për anëtarët që do të mungonin në mbledhjet e KPK-së pa arsyetim të vlefshëm.

    Ligji i kaluar për KPK-në u rrëzua nga Gjykata Kushtetuese, ndërsa në janar të vitit të ardhshëm Ministria e Drejtësisë ka paralajmëruar se do të nisë ndryshimet bazuar në rekomandimet e Venecias për projektligjin e ri.

  • Ministrja Haxhiu kërkon të themelohet Komision Hetimor për IML-në

    Ministrja Haxhiu kërkon të themelohet Komision Hetimor për IML-në

    Ministrja e Drejtësisë, Albulena Haxhiu, ka kërkuar që të themelohet një Komision hetimor në lidhje me zjarrin Institutin e Mjekësisë Ligjore.

    Kështu ka thënë ajo duke shtuar se krimi është aq i madh në këtë institucion, sa që sipas saj, vetëm përmes një Komisioni hetimor do të mund të bëhej zbardhja e tyre, raporton Ekonomia Online.

    “Kuptova që u përmend zjarri në IML dhe ndoshta janë të rralla kur hetimet preliminare thonë se zjarri ka ndodhur për shkak të defektit energjetik por duket e pabesueshme”.

    “Jo rrallë herë IML është përballur me skandale të shumta kur vrasjet janë bërë vetëvrasje e kur vetëvrasjet janë bërë vrasje e kështu më radhë”.

  • Haxhiu: Dhuna në familje s’është çështje private, duhet të raportohet dhe dhunuesit të dënohen

    Haxhiu: Dhuna në familje s’është çështje private, duhet të raportohet dhe dhunuesit të dënohen

    Misioni i OSBE-së dhe Këshilli i Evropës kanë mbajtur tryezë mbi përforcimin e rolit të Kuvendit në monitorimin e zbatimit të “Konventës së Stambollit” në Kosovë, raporton Ekonomia Online.

    Ministrja e Drejtësisë, Albulena Haxhiu tha se ka përmendur hapat që kanë marrë në zbatimin e Konventës. Në këtë rast ajo shtoi, se është rritur buxheti, për çka tha se po punohet që të trajtohen dhunuesit që mos ta përsërisin veprën.

    Por ajo shtoi se dhuna duhet që të raportohet ngase nuk është çështje private, përderisa ka kërkuar dënimin e kryesve të këtyre veprave penale.

    “Kemi marr disa veprime si institucione. Përveç strategjisë, kemi përgjithësi shumë të madhe, duhet të adresohen të gjitha shkeljet. Kemi krijuar ndihmën juridike falas. Në çështje penale e administrative kemi miratuar protokollin. Në planifikojmë t’i trajtojmë dhunuesit që të mos i përsërisin veprat penale”.

    “Kemi adresuar hetime në kohë të arsyeshme kundër dhunës seksuale. Kemi rritur buxhetin për strehimoret. Bashkë me Ministrinë e Financave kemi marrë masa për punësimin e të mbijetuarave të dhunës. Do të risimin numrin mbrojtëseve të viktimave. Pavarësisht masa që i kemi marr ne si institucione si shoqëri nuk e kryejmë punën tonë pra të i ndihmojmë viktimat të mos injorojmë. Dhuna në familje nuk është çështje private. Duhet të raportohet, po ashtu duhet të dënohet, prandaj kërkoj bashkëpunim. Kur jemi të dhuna në familje duhet të jemi një zë se vetëm kështu mund të kemi sukses”.

    Saranda Bogujevci, nënkryetare e Kuvendit të Kosovës, tha se Konventa e Stambollit është një dokument shumë i rëndësishëm që u shërben institucioneve në këtë drejtim. Ajo më tej ka kërkuar që të ketë zbatim ët ligjeve.

    Ajo kërkoi që të ndryshojë edhe qasja në përgjithësi ndaj grave, për çka tha se duhet ët punohet me gjeneratat e reja.

    “Është një dokument që është duke na shërbyer tej mase. Gjithashtu është e rëndësishme me u përmend veprimet që janë marr nga Republika e Kosovës përkatësisht Ministria e Drejtësisë. Vlen të përmendet ende kemi paragjykime ndaj grave në të gjitha rrafshët. Kemi pasur diskutime si trajnohen grat brenda ushtrisë brenda Policisë si perceptohen edhe te mediat po kthemi edhe në aspektin e grave të vrara nga burrat e tyre”.

    “Një nga pikat që duhet punuar më shumë është të ndërtojmë një formë ku duhet mbledhur më shumë të dhëna. Unë përmendi sa është e rëndësishme për gjeneratat e reja t’i edukojmë për qasjen ndaj grave.. Duhet të punojmë më shumë ta ndryshojmë këtë qasje. Patjetër që Konventa e Stambollit luan një rol të madh për të krijuar hapësirë të madhe brenda institucioneve tona për të krijuar hapa konkret përveç Ligji kundër dhunës familjes ka edhe elemente tjera që duhet të adresohen patjetër duhet të këtë edhe zbatim të mirëfilltë”.

    Pesë raste të dhunës në familje brenda ditës në Kosovë

  • Haxhiu: Nuk ka pasur djegie ose dëmtim të mbetjeve mortore, arkivës së IML-së dhe mostrave

    Haxhiu: Nuk ka pasur djegie ose dëmtim të mbetjeve mortore, arkivës së IML-së dhe mostrave

    Ministrja e Drejtësisë, Albulena Haxhiu, ka reaguar lidhur me zjarrin që shpërtheu sot në objektin e Insitutitit të Mjekësisë Ligjore.

    Haxhiu ka thënë se nuk ka pasur djegie ose dëmtim të mbetjeve mortore, arkivës së Institutit të Mjekësisë Ligjore dhe mostrave, derisa shtoi se pa u kuptuar shkaqet e zjarrit, nuk mund të japë më shumë informacione.

    “Rreth orës 08:00 të mëngjesit, nga drejtori i Institutit të Mjekësisë Ligjore, Ditor Haliti, jam njoftuar që dy zyra në katin e dytë në objektin e IML, janë përfshirë nga zjarri.
    Ekipet e zjarrëfikësve, policia, prokuroria menjëherë kanë shkuar në vendin e ngjarjes. Nga vlerësimet fillestare, nuk ka pasur djegie ose dëmtim të mbetjeve mortore, arkivës së IML dhe mostrave”, ka shkruar Haxhiu.

    Sipas saj, Policia dhe prokuroria po ashtu janë duke bërë punën e tyre.

    “Ekipet e forenzikës, ekspertët e zjarrit dhe të elektroteknikës janë ende duke e kryer punën e tyre me qëllim që të dihen shkaqet e zjarrit. Policia dhe prokuroria po ashtu janë duke bërë punën e tyre. Për shkak të atyre që kanë ndodhur në IML ndërvite, me të drejtë qytetarët mund të jenë të shqetësuar lidhur me këtë mirëpo pa kuptuar shkakun e zjarrit nuk mund të japim informacione më shumë. Sapo të kemi informacione më të detajuara lidhur me rastin, do të njoftojmë me kohë”, ka shkruar ndër të tjera Haxhiu.

  • “Beteja” mes ministres Haxhiu dhe prokurorisë speciale

    “Beteja” mes ministres Haxhiu dhe prokurorisë speciale

    Përgatiti: Driton Sadiku

    Një postim në Facebook, u bë shkas që Ministrja e Drejtësisë Albulena Haxhiu, të merret në pyetje nga zyrtarët hetimorë në lidhje me rastin e vdekjes së Astrit Deharit, në burgun e Prizrenit 7 vjet më parë.

    Haxhiu kishte fajësuar prokurorinë për mosveprim, pasi, sipas saj, ka prova të mjaftueshme për zbardhje të rastit. Andaj këto prova edhe iu kërkuan të hënën gjatë intervistimit.

    Emër jo, veçse prova të tjera tha se u dhanë mjaftueshëm.

    Andaj, sipas Haxhiut, edhe prokurori i rastit veproi në hakmarrje, teksa ngriti disa pikëpyetje.

    Deklaratat e ministres Haxhiu, sipas Gëzim Shalës nga Instituti i Kosovës për Drejtësi, paraqesin ndërhyrje në sistemin e drejtësisë.

    Sidoqoftë, Haxhiu kërkoi që prokurori i rastit Afrim Shefkiu t’ia dorëzojë rastin dikujt tjetër e drejtësia të bjerë në vend.

    Për vdekjen e ish-aktivistit të Vetëvendosjes, Astrit Dehari, u thanë versione të ndryshme, por tash e 7 vjet vdekja e tij mbetet enigmë.

  • Haxhiu thotë se s’i ka emrat e kryerësve të veprës në rastin Dehari: S’do ta prisja ftesën e prokurorit

    Haxhiu thotë se s’i ka emrat e kryerësve të veprës në rastin Dehari: S’do ta prisja ftesën e prokurorit

    Ministrja e Drejtësisë, Albulena Haxhiu, ka dëshmuar para Prokurorisë Speciale në lidhje me rastin e ish-aktivistit Astrit Dehari, raporton Ekonomia Online.

    Ajo pas dhënies së kësaj dëshmie ka mbajtur një konferencë për medie, duke thënë se po ta kishte emrin e kryerësve të veprës penale, s’do ta priste ftesën e prokurorit. Haxhiu tutje u shpreh se prokurori është ai që duhet të bëjë hetime.

    “Po ta kisha emrin e kryesit apo kryersve të veprës penale, unë nuk do ta prisja ftesën e prokurorit për ta thënë emrin e personit që dyshohet, e kjo është puna e tij, për këtë paguhet nga taksat e qytetarëve të Republikës së Kosovës, për këtë ai është prokuror, që të bëjë hetime, punën e tij unë nuk mund ta bëjë”.

    Haxhiu ka thënë tutje se për rastin Dehari duhen hetime të mirëfillta duke thënë se prokurori Afrim Shefkiu po e trajton me arrogancë këtë rast.

    “Nuk është bërë asgjë në zbardhje të vërtetës, prokurori Shefkiu përveç që se ka trajtuar, e ka trajtuar me arrogancë, nuk iu përgjigj avokatit të familjes për hetimet e mëtutjeshme. Prokurori Shefkiu asnjëherë nuk e ka marrë mundin që t’u përgjigjet thirrjeve të avokatit të familjes për të informuar më shumë familjen e Astritit lidhur me punën dhe hetimet që po bëhen, me arrogancë reagoi edhe ndaj deklaratës sime të cilës i qëndroj dhe e ripërsëris sa herë të jetë nevoja. Le të më ftojë sërish për të dëshmuar. Do t’i përgjigjem njësoj sa herë të jetë nevoja”.

    “Hetimet e mirëfillta janë domosdoshmëri, dhe prokurori i rastit duhet t’i kryejë hetimet në mënyrë të ndërgjegjshme dhe të përpiktë, dhe nëse kjo kërkesë për të është e pamundur të realizohet, atëherë të mos bëhet personi që e pengon drejtësinë. Le të kalojë kjo lëndë në duart e prokurorëve që e duan drejtësinë, edhe në Kosovë, por edhe drejtësinë për rastin Dehari”.

  • Ministrja Haxhiu dëshmon për rastin e Astrit Deharit

    Ministrja Haxhiu dëshmon për rastin e Astrit Deharit

    Ministria e Drejtësisë, Albulena Haxhiu, ka dëshmuar të hënën për rastin e vdekjes së aktivistit të VV-së, Astrit Dehari, raporton Ekonomia Online. Pas intervistimit, në ambientet e Ministrisë së Drejtësisë, Ministrja Haxhiu do të mbajë konferencë për medie.

    Përderisa avokati i familjes Dehari, Tomë Gashi ka bërë me dije se i është refuzuar kërkesa e tij që gjatë intervistimit të ministres të jetë i pranishëm.

    Gashi e ka cilësuar prokurorinë si “selektive”.

    Më 5 nëntor të vitit 2016, në orët e para të mbrëmjes u raportua për një vdekje të një personi brenda Qendrës së Paraburgimit në Prizren. Vetëm pak minuta më pas u raportua se brenda qelisë së tij ishte gjetur i vdekur ish-aktivisti i LVV-së, Astrit Dehari, i cili aty po qëndronte nën dyshimet se ka qenë një nga gjashtë personat që mori pjesë në sulmin e gushtit të po atij viti me granatahedhëse në Kuvendin e Kosovës.

    Deklarata e parë nga Policia e Kosovës në atë kohë ishte se Dehari kishte vdekur si pasojë e medikamenteve. Këtë deklaratë e kishte thënë ish-drejotri i Policisë së Rajonit të Prizrenit, Nexhmi Krasniqi, i cili për një kohë të gjatë kishte mohuar se kishte dhënë këtë deklaratë.

    Vdekja e Astrit Deharit, menjëherë u cilësua si e dyshimtë, ndërsa u kërkua që ndaj tij të bëhej edhe autopsia nga Instituti i Mjekësisë Ligjore.

    Ish-kryeprokurori i Prizrenit, Sylë Hoxha, i cili tash është në pension, pesë vite më parë kishte thënë se Astrit Dehari kishte pasur shenja në qafë.

    Në ditën kritike, menjëherë u njoftua edhe se Ministria e Drejtësisë në atë kohë e udhëhequr nga ish-ministrja e Drejtësisë Dhurata Hoxha, se kishin filluar hetimet për të zbardhur rrethanat e vdekjes së Astrit Deharit.

    Astrit Dehari kishte vdekur në ditën e 68-të të qëndrimit të tij në paraburgim në Prizren.

    LVV në atë kohë tha se vdekja e Astrit Deharit ishte përgjegjësi institucionale. Dyshime rreth vdekjes së Astrit Deharit pati edhe familja e tij.

    Më datë 7 nëntor të vitit 2016, u krye edhe autopsia e trupit të Astrit Deharit ndërsa, Sylë Hoxha atë kohë kishte dalë me deklaratë se ish-aktivisti i LVV-së kishte vdekur si pasojë e asfiksisë apo problemeve me frymarrjen.

  • Haxhiu: Kurti në pika të trasha na njoftoi për Asociacionin: Po punohet në padinë për gjenocid ndaj Serbisë

    Haxhiu: Kurti në pika të trasha na njoftoi për Asociacionin: Po punohet në padinë për gjenocid ndaj Serbisë

    Ministrja e Drejtësisë, Albulena Haxhiu, tha se në mbledhjen e Këshillit të Vetëvendosjes, kryeministri Albin Kurti të gjithë anëtarët i ka njoftuar në pika të trasha për draftin e Asociacionit.

    Haxhiu tha se Kurti “është partner serioz” dhe se ka konsideratë për kërkesat e ndërmjetësve të dialogut. Ministrja tha se sa për Kurtin “teksti mund të jetë publik që prej dje”, por shtoi se “kjo nuk mund të ndodh dhe për këtë arsyet i ka përmendur kryeministri”.

    “Kryeministri Kurti,  është partner serioz që i trajton me respekt por edhe më konsideratë partnerët. Ai e ka ekipin e tij për dialog më të cilin ndanë dokumente të cilat kanë nevojë të vlerësohen por edhe të komentohen, konsultohet më Presidenten e Kosovës, dhe kryetarin e Kuvendit të cilët janë krerë të republikës së Kosovës”, raporton Ekonomia Online.

    “Unë si ministre e Drejtësisë jam gjithmonë në dispozicion, në mbledhjen e fundit të LVV na ka njoftuar në vija të trasha në propozimin Evropian Amerikan, para seancës në raportim në kuvend ka paralajmëruar edhe grupin parlamentar të cilët I ka njoftuar më mbarëvajtjen e takimit të 21 tetorit, dhe qëndrimin e Kosovës në lidhje më këtë ka pasur debat edhe ne kuvendin e Kosovës, sa për kryeministri Kurti, teksti mund të jetë publike prej dje, por kjo nuk mund të ndodhë dhe për këtë arsyet i ka përmendur Kryeministri Kurti”.

    Ai foli edhe për padinë për gjenocid ndaj Serbisë, për të cilën tha se po punohet por që nuk mund të jap më shumë detaje.

    Përderisa për Kodin Civil se nuk është proceduar në Kuvend për shkak se nuk duan të mos të votohet si në herën e parë, raporton EO.

    “Padia për gjenocid është në planin qeverisë është duke punuar. Për shkak të ndjeshmërisë s’mundemi me nda detaje. Po të kishte vullnet politik për adresimin e krimeve që Serbia i ka bërë në Kosovë. Në raport me dëmet e shkaktuara do të jetë në përgjegjësi të Institutit”.

    “Kodi Civil është vullnet i Qeverisë që atë ta kalojmë. Do e marrim përsipër në ministri që të ju njoftojmë për këtë Kodin Civil.  Nuk e kemi proceduar në Kuvend sepse nuk duam të ketë si herën e kaluar. Qasja e opozitës është e pajustifikueshme”.

  • Haxhiu: Pasuria e pajustifikueshme do t’i kthehet shtetit

    Haxhiu: Pasuria e pajustifikueshme do t’i kthehet shtetit

    Agjencia për Parandalimin e Korrupsionit e Kosovës (APK) ka lansuar programin e mentorimit për verifikimin e pasurisë të zyrtarëve publikë me ekspertë nga Këshilli i Evropës.

    Programi i mentorimit fokusohet në procesin e verifikimit dhe auditimit të deklarimit të pasurisë së zyrtarëve publikë që kryhet nga APK, në përputhje me Ligjin për deklarimin, origjinën dhe kontrollin e pasurisë dhe dhuratave si dhe Ligjin për APK-në.

    Programi do t’u ofrojë stafit të APK-së mundësinë për tu njoftuar me praktikat më të mira evropiane në verifikimin e aseteve të deklaruara nga zyrtarët shtetëror të Kosovës.

    Ministrja e Drejtësisë, Albulena Haxhiu, tha se një shoqëri nuk mund të ketë rrugën e ndritur nëse ata që drejtojnë institucionet apo që janë në nivele të tjera veprojnë kundërligjshëm dhe nga puna e tyre e kundërligjshme krijojnë pasuri marramendëse.

    “Në Kosovë kemi pasur shumë të tillë. Por këta të fundit duhet ta dinë që kjo pasuri e paligjshme apo e pajustifikueshme asnjëherë e tyre nuk do të bëhet, sepse drejtësia herë-do-kur me ta do të merret dhe pasuria e pajustifikueshme do t’i kthehet shtetit me qëllim të përdorimit për shtresat që kanë më së shumti nevojë. Si qeveri, përgjatë gjithë kësaj kohe, jemi angazhuar që të fuqizojmë legjislacionin kundër korrupsionit dhe të adresojmë secilën shkelje që kemi gjetur,” tha Haxhiu.

    Ndërsa drejtori i APK-së, Yll Buleshkaj, tha se ky program është një hap i rëndësishëm në përpjekjet për të forcuar kapacitetet e APK-së për të parandaluar korrupsionin.

    “Deklarimi dhe verifikimi i pasurisë është një mjet kyç në përpjekjet për parandalim të korrupsionit. Ky program do të ndihmojë stafin tonë të zhvillojë aftësitë dhe njohuritë që u nevojiten për të hetuar në mënyrë më efektive rastet e shkeljeve eventual dhe rrjedhimisht t’i shërbejmë më mirë popullit të Kosovës,” tha ai.

    Ndryshe, eksperti i Këshillit të Evropës do t’i ofrojë stafit të APK-së mentorim, trajnim kolektiv dhe individual, përgjatë procesit të verifikimit të deklarimit të pasurisë për vitin paraprak.

    Programi i mentorimit do të mbulojë një gamë të gjerë temash që lidhen me verifikimin e pasurisë, duke përfshirë praktikat ndërkombëtare krahasuese lidhur me verifikimin dhe auditimin e deklarimit të pasurisë, hapat për identifikimin e flukseve financiare dhe procedurat për të marrë informacione lidhur me asetet e mbajtura brenda dhe jashtë vendit nga zyrtarët publikë, si dhe procedurat e verifikimit dhe auditimit të deklarimit të pasurisë.

    APK beson që programi i mentorimit do ta ndihmojë atë të bëhet një agjenci më efektive dhe efikase në përpjekjet për parandalimin e korrupsionit, si dhe për të promovuar transparencën dhe llogaridhënien në Kosovë.

    Programi pritet të ketë një ndikim pozitiv në aftësinë e APK-së për të adresuar edhe rekomandimet e Komisionit të Venedikut për sa i përket verifikimit të deklarimit të pasurisë të zyrtarëve nga radhët e sistemit prokurorial dhe gjyqësor të Kosovës.

    Programi i mentorimit realizohet me përkrahjen e Projektit kundër Krimit Ekonomik (PECK III) dhe është pjesë e një nisme bashkëpunimi të Bashkimit Evropian (BE) dhe Këshillit të Evropës të financuar nga Bashkimi Evropian dhe Këshilli i Evropës dhe i zbatuar nga ky i fundit.

  • Haxhiu kërkon nga BE-ja ta vlerësojë përparimin në sundimin e ligjit e aplikimin për anëtarësim në union

    Haxhiu kërkon nga BE-ja ta vlerësojë përparimin në sundimin e ligjit e aplikimin për anëtarësim në union

    Programi i Bashkimit Evropian (BE) për Sektorin e Drejtësisë në Kosovë të hënën e ka mbajtur takimin e dymbëdhjetë të Komitetit Drejtues, raporton Ekonomia Online. Ky projekt është i financuar nga BE-ja dhe synon reformimin e sistemit të drejtësisë në Kosovë në përputhje me standardet evropiane.

    Ministrja e Drejtësisë, Albulena Haxhiu, tha se falë këtij projekti të BE-së zbatimi i ligjeve është në nivelin e duhur dhe se në këtë drejtim kanë ndihmuar edhe trajnimet për prokurorët e gjyqtarët.

    Sipas saj, Kosova ka bërë përparim në sundimin e ligjit dhe se këtë duhet që të vlerësojë BE-ja, madje ka kërkuar që të merret parasysh edhe aplikimi për në union.

    “Tri vjet pas këtij projekti ne kemi zbatim të ligjit dhe kemi zbatim të rregullave më të mira dhe më të sakta. Falë këtij projekti korniza ligjore është tani më e mirë. Trajnimi për gjyqtarët e prokurorët nga ky projekt është një hap i rëndësishëm për neve si shtet dhe për të gjithë sistemin e drejtësisë”.

    “Nga këto trajnime dhe këta ekspertë nga BE-ja kemi mësuar shumë në sektorin e drejtësisë, por edhe në sundim të ligjit. Kemi rritur zbatimin e ligjeve dhe kjo është vërejtur edhe nga Bashkimi Evropian, presim që këto të i shoh unioni dhe ta vlerësojë Kosovën dhe aplikimin e saj për anëtarësim në BE”.

    Ambasadori gjerman Jorn Rohde, tha se fuqizimi i sundimit të ligjit është qenësore për anëtarësim në BE. Madje për këtë garantoni mbështetjen e shtetit të tij, raporton EO.

    “Ky projekt është një projekt i rëndësishëm për të gjithë në. Fuqizimi i sundimit të ligjit është qenësore për demokraci, por edhe në anëtarësim në BE. Gjermania mbetet gjithmonë në përkrahje me shtetin e Kosovës dhe përfundimin e kornizës ligjore”.

    Ky projekt ka ndihmuar institucionet në konsolidimin e kornizës ligjore dhe institucionale për të forcuar pavarësinë, paanshmërinë, llogaridhënien, profesionalizmin, cilësinë, efikasitetin dhe transparencën e gjyqësorit, përmirësimin e qasjes në drejtësi të qytetarëve e sidomos të grave edhe grupeve të margjinalizuara.