ATV

Tag: Aksident trafiku

  • Një burrë 76-vjeçar vdes pasi u godit nga një veturë në Mitrovicë të Jugut

    Një burrë 76-vjeçar vdes pasi u godit nga një veturë në Mitrovicë të Jugut

    Një burrë 76-vjeçar ka vdekur si pasojë e goditjes nga një veturë në Mitrovicë të Jugut.

    Ngjarja ka ndodhur pasditen e djeshme, në rrugën “Ulqini”, njofton Policia e Kosovës.

    Sipas raportit policor, si pasojë e aksidentit, viktima ka pësuar lëndime të rënda trupore dhe është dërguar për trajtim mjekësor në Shërbimin Spitalor dhe Klinik Universitar të Kosovës (SHSKUK).

    Megjithatë, më vonë autoritetet spitalore kanë njoftuar se 76-vjeçari nuk ka arritur t’u mbijetojë plagëve të marra dhe ka ndërruar jetë.

    Trupi i pajetë i viktimës është dërguar në Institutin e Mjekësisë Ligjore për obduksion, ndërsa rasti po hetohet nga Policia e Kosovës.

  • Aksident i rëndë te konviktet, lëndohen gjashtë persona

    Aksident i rëndë te konviktet, lëndohen gjashtë persona

    Një aksident ka ndodhur në afërsi të Fakultetit Teknik, në Prishtinë.

    Dy vetura duket se janë përplasur me njëra-tjetrën dhe dëmet janë të mëdha.

    Nga aksidenti gjashtë persona kanë mbetur të lënduar.

    Lajmin e ka konfirmuar Policia, e cila ka njoftuar se në aksident janë përfshirë dy vetura.

    “Në këtë aksident kanë qenë të përfshira,dy automjete të cilat kanë qenë në lëvizje”, thuhet në njoftimin e Policisë.

    Njoftimi i plotë i Policisë:

    Sot rreth orës 09:00 kemi pranuar informatën se në udhëkryqin afër konvikteve në Prishtinë, ka ndodhur një aksident trafiku.

    Në këtë aksident kanë qenë të përfshira, dy automjete të cilat kanë qenë në lëvizje.

    Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor.

  • Vdekja tragjike e dy kosovarëve në Hungari, kryetari i Rahovecit shpreh ngushëllime

    Vdekja tragjike e dy kosovarëve në Hungari, kryetari i Rahovecit shpreh ngushëllime

    Mbrëmë në Hungari ka ndodhur një aksident trafiku ku si pasojë kanë vdekur dy mërgimtarë nga Kosova.

    Viktimat janë Kushtrim Hoxha nga Prizreni dhe Jetmir Rexhepi nga Rahoveci.

    Për vdekjen e tyre sot ka shkruar kryetari i Rahovecit, Smajl Latifi, i cili ngushëlloi familjet e të ndjerëve.

    “I tronditur nga vdekja tragjike në aksident komunikacioni në Hungari e Jetmir Rexhepit nga Celina. Viktimë e aksidentit ka qenë edhe Kushtrim Hoxhaj nga Prizreni. Ngushëllimet më të sinqerta familjes Rexhepi nga Celina dhe familjes Hoxhaj nga Prizreni. Jetmiri dhe Kushtrimi, pushofshin në paqe!”, ka shkruar ai.

    Pamje të aksidentit në Hungari ku vdiqën dy mërgimtarë nga Kosova

    Tragjike: Humbin jetën dy mërgimtarë në një aksident trafiku

  • Aksident i rëndë në afërsi të Plavës, raportohet për katër të vdekur

    Aksident i rëndë në afërsi të Plavës, raportohet për katër të vdekur

    Katër persona raportohet se kanë vdekur si pasojë e një aksidenti të rëndë në Barane në afërsi të Plavës, në Mal të Zi.

    Siç raportojnë mediat atje dy nga viktimat janë çift bashkëshortor.

    Nga ky aksident ka mbetur i plagosur edhe një person, i cili ndodhet jashtë rrezikut për jetën.

    Radio Televizioni i Malit të Zi raporton se të gjithë të vdekurit janë nga Plava.

  • Lëndohen tetë persona në një aksident trafiku në Malishevë, njëri prej të lënduarve në gjendje kome

    Lëndohen tetë persona në një aksident trafiku në Malishevë, njëri prej të lënduarve në gjendje kome

    Tetë persona kanë mbetur të lënduar si pasojë e një aksidenti mes dy automjeteve në fshatin Mirushë të Malishevës.

    Përmes raportit 24 orësh, Policia ka bërë me dije se njëri prej të lënduarve është në gjendje kome.

    “AKSIDENTTRAFIKU ME LËNDIME – Fsh. Mirushë, Malishevë 22.12.2023 – 00:50. Raportohet për një aksident trafiku në mes dy automjeteve. Përveç dëmeve materiale të shkaktuar lëndime trupore kanë pësuar tetë persona të cilët janë dërguar në QKUK për tretman të nevojshëm mjekësor, njëri prej tyre gjendet në gjendje kome. Rasti në procedurë hetimore”, thuhet në raport.

  • Tre persona humbin jetën në një aksident në autostradë afër Prizrenit, dy vetura po garonin ilegalisht

    Tre persona humbin jetën në një aksident në autostradë afër Prizrenit, dy vetura po garonin ilegalisht

    Një aksident i rëndë ka ndodhur mbrëmë në autostradën “Ibrahim Rugova” në afërsi të Prizrenit.

    Sipas raportimeve të para, dyshohet për të paktën tre të vdekur si pasojë e këtij aksidenti dhe disa të tjerë janë lënduar.

    Aksidenti është shkaktuar si pasojë e garave në në autostradën “Ibrahim Rugova”, afër Prizrenit.

    Njëra nga veturat ka goditur disa persona të cilët po qëndronin pranë autostradës dhe ishin duke e ndjekur garën në momentin kritik.

  • Rritja e numrit të aksidenteve në trafik, Dedaj: Kjo Qeveri s’po shqetësohet për këto aksidente me fatalitet

    Rritja e numrit të aksidenteve në trafik, Dedaj: Kjo Qeveri s’po shqetësohet për këto aksidente me fatalitet

    Pesë persona kanë vdekur gjatë vikendit dhe dhjetëra të tjerë janë lënduar si pasojë e aksidenteve të trafikut në Kosovë. Të dhënat e policisë tregojnë se vetëm gjatë të shtunës dhe të dielës janë raportuar 109 aksidente trafiku , prej të cilave, 41 prej tyre me të lënduar dhe 65 të tjera me dëme materiale.

    Nol Dedaj, ekspert i komunikacionit në një lidhje të drejtpërdrejt për emisionin “A LIVE”, tha se duhet të krijohet një strategji për siguri rrugore, në mënyrë që të krijohet siguria në trafik.

    “Qeveria s’po shqetësohet dhe organet përkatëse nuk janë të shqetësuar për këto aksidente që po ndodhin. Nuk po ndërmerret asgjë që të parandalohen aksidentet në trafik në Kosovë. Nuk kemi strategji për siguri rrugore. Të gjitha shtetet ë bëjnë strategjinë 10-vjecare dhe e parashohin hap pas hapi se cilat janë at elemente që I parandalojnë këto aksidente. Ne e kemi pasur një strategji rrugore 2010-2020, edhe aty është shkruar se 50 për qind e aksidenteve rrugore do të zvogëlohen me marrjen e këtyre masave por në fakt kjo përqindje është rritur sepse nuk ka qenë e zbatueshme fare kjo strategji dhe pastaj as sot nuk kemi një strategji të tillë”, tha Dedaj.

    Për më shumë ndiqni videon e mëposhtme:

  • Dy persona të lënduar nga aksidenti mes katër veturash në Klinë

    Dy persona të lënduar nga aksidenti mes katër veturash në Klinë

    Sot rreth orës 11:35 policia në Klinë është informuar për një aksident trafiku që ka ndodhur në rrugën “Sadik Rama” në Klinë, ku janë përfshirë katër vetura.

    Zëdhënësi i policisë, Driton Rugova, bën të ditur se si pasojë e aksidentit dy persona kanë pësuar lëndime trupore dhe se të njëjtit janë dërguar në Spitalin Rajonal në Pejë për tretman mjekësor.

  • Aksident në Fushë Kosovë, vetura përplaset me pemën në skaj të rrugës

    Aksident në Fushë Kosovë, vetura përplaset me pemën në skaj të rrugës

    Një aksident sapo ka ndodhur në rrugën Fushë Kosovë – Prishtinë, ku një veturë është përplasur me një pemë që gjendej në skaj të rrugës, raporton ATV.

    Në videon e më poshtme të siguruar nga ATV, policia shihen se kanë arritur në vend të ngjarjes.

    Ende nuk dihet për të lënduar apo edhe shkaqet që çuan në këtë aksident.

    Për detaje të reja, ATV do t’ju informojë me kohë.

  • Aksident trafiku te “Qafa e Duhlës”, përfshihen tri automjete

    Aksident trafiku te “Qafa e Duhlës”, përfshihen tri automjete

    Një aksident trafiku ka ndodhur para pak çastesh te vendi i quajtur ” Qafa e Duhlës”.

    Sipas burimeve të ATV-së, në këtë aksident janë përfshirë dy vetura dhe një kamion, derisa përveç dëmeve materiale nuk raportohet për të lënduar.

    Ndërkohë, sipas burimeve të ATV-së, dyshimet e para që e shkaktuan këtë aksident janë se rruga ishte me “vaj ose naftë”./atvlive.tv/