ATV

Category: TV PROGRAMI

  • ATV sjell emisionin e ri rinor “Lens” këtë të shtunë në orën 20:05

    ATV sjell emisionin e ri rinor “Lens” këtë të shtunë në orën 20:05

    Televizioni ATV po vjen me një risi në skemën e tij programore. Duke filluar nga kjo e shtunë në orën 20:05, në ekran do të nisë transmetimin emisioni i ri rinor “Lens”.

    Ky format i ri premton të sjellë një frymë ndryshe për publikun, duke trajtuar tema të ndryshme sociale që prekin të rinjtë dhe shoqërinë në përgjithësi. Përmes diskutimeve në studio, aktualiteteve dhe përmbajtjeve virale, “Lens” synon të jetë një hapësirë ku zëri i të rinjve dëgjohet dhe reflektohet në mënyrë dinamike.

    Emisioni do të moderohet nga Alfreda Gashi dhe Edona Aliu, të cilat do të udhëheqin bisedat e programit.

    “Lens” do të transmetohet çdo të shtunë në ATV, nga ora 20:05, duke u bërë një pikë takimi për të gjithë ata që duan të relaksohen dhe informohen mbi temat aktuale, kryesisht të gjeneratës së re.

  • Nora Malaj: Lufta ime me tumorin dhe forca për ta mposhtur

    Nora Malaj: Lufta ime me tumorin dhe forca për ta mposhtur

    Avokatja dhe sociologia Nora Malaj ishte e ftuar në “Libero” në ATV, ku foli shumë për jetën e saj, vështirësitë që kishte kaluar dhe shumë aspekte të tjera të rëndësishme.

    Nora, për herë të parë, diskutoi për sëmundjen që kishte hasur. E përlotur, ajo rrëfeu se si zbuloi që kishte tumor dhe ndau fjalët e saj para se të hynte në sallën e operacionit, duke dashur me çdo kusht të kishte sukses, pasi kishte një djalë për të rritur.

    “…më tha e dashur Nora, ne do hyjmë në një operacion… Kur e mora vesh, i them atij që ishte i anestezisë: ‘Ti nuk ke shans të mos më nxjerrësh mua nga operacioni, se unë kam një djalë që duhet ta rris… Unë i provova të gjitha dhe ja ku jam, më e fortë se kurrë, më e zonja se kurrë dhe kam kuptuar që jetën mund ta sfidosh në të gjitha format,” tha Nora.

    Vlen të theksohet se Nora Malaj është autore e shumë botimeve, studimeve dhe artikujve të rëndësishëm. Ajo është profesoreshë e psikologjisë së edukimit në Universitetin Mesdhetar, ka qenë deputete në Parlamentin Shqiptar dhe gjithashtu zv. ministre e Arsimit.

    Për ta dëgjuar intervistën e plotë të Nora Malaj, klikoni linkun e mëposhtëm:

  • Nexhat Loci ndër orëndreqësit më të vjetër në Pejë

    Nexhat Loci ndër orëndreqësit më të vjetër në Pejë

    Nexhat Loci, tash 75 vjeç profesionin e orëndreqësit e kishte filluar vite e vite më parë, në një moshë të re.

    Pos që duhesh të kesh njohuri për funksionimin e orës, t’i ndreqësh një orë dore duhet të jesh i kujdesshëm që të merresh me pjesë të imta.

    Për ta ushtruar këtë zanat duhesh edhe ta duash dhe kjo është njëra prej arsyeve qe z.Nexhat thotë të mos e ketë ndje lodhjen, transmeton atvlive.tv.

    Këtë zanat, ai ua ka mësuar djemve të ti por ata nuk e kanë ndjekur këtë rrugë.

    “ Kur e kanë kry djemtë gjimnazin i kam pyet se a po doni me ua mësua zanatin tim, ata kanë thanë që jo edhe mandej iu kam thanë vazhdoni shkollimin se unë ju përkrahu gjithmonë”, tha ai.

    Ndonëse dikur punonte shumë më shumë se sot, ai për shkak të moshës ka reduktuar punën e orarin, madje ai është i vendosur që këtë punë do e bëjë, siç thotë ai, deri në frymën e tij të fundit./atvlive.tv/

    Për më shumë ndiqni videon e mëposhtme: