Category: Sport

Pas paraqitjes tejet të suksesshme ditën e parë të garave, kick boksierët kosovarë do të jenë protagonistë edhe sot në ditën e finaleve të Kampionatin Ballkanik të Kick Boksit që po zhvillohet në Bar të Malit të Zi.

Tashmë ekspedita kosovare ka siguruar 17 medalje, e që katër prej tyre mund të jenë të arta pasi që në luftë për ato Kosova do të paraqitet me katër kick boksierë, raporton KP.

Synimin për medalje të arta Kosova do ta ndjekë përmes kick boksierëve të më poshtëm:

Dalmat Salihaj në disiplinën low kick;

Gent Hyseni në disiplinën kick light;

Fatlind Ejupi në disiplinën kick light dhe

Art Dulaj në disiplinën në disiplinën kick light.

Real Madridi është fitues i Ligës së Kampionëve për edicionin 2023-24.

Madrilenët kanë triumfuar në finalen e madhe të Wembleyt ndaj Dortmundit me rezultat 2-0.

Dani Cavajal (74′) dhe Vinicius Jr (85′) ishin dy golashënuesit dhe heronjtë madrilen që i dhanë triumfin spanjollëve.

Me këtë triumf, Real Madridi tani është fitues i kësaj gare për herë të 15-të në histori të klubit, shumë larg skuadrave të tjera.

Gjatë ditës së sotme është zhvilluar finalja e Kupës së Arabisë Saudite mes dy gjigantëve, Al-Nassr e Al-Hilal.

Triumfues në finale doli Al-Hilal, vetëm pas penalltive, me rezultatin pas 120 minutave që ishte i barabartë 1-1.

Mirëpo, më shumë se festa e Al-Hilal, në sy ra gjendja e Cristiano Ronaldos pas ndeshjes.

Portugezi 39-vjeçar nuk mund t’i ndalte lotën për asnjë sekond, derisa ai po merrte rrugën për në zhveshtore.

Skuadra e Cristiano Ronaldos këtë edicion mbeti pa titullin e kampionit, teksa u mposht edhe në Ligën e Kampionëve të Azisë.

Cristiano Ronaldo është i përfshirë në listën e Portugalisë për “EURO 2024” që nis nga 14 qershori në Gjermani.

Look what Al Hilal has done to Ronaldopic.twitter.com/K1HU30KVa9

— Troll Football (@TrollFootball) May 31, 2024

Pritjes i erdhi fundi dhe tashmë gjithë futbolldashësit kanë sytë kah finalja e madhe e Ligës së Kampionëve.

Dita e sotme sjellë duelin final mes Dortmundit e Real Madrid, që zhvillohet në stadiumin “Wembley” të Anglisë.

Klubi gjerman synon trofeun e dytë të kësaj gare që nga sezoni i largët në vitin 1997.

Në anën tjetër, “Los Blancos” qëllim kanë të dalin triumfues për të 15-ën herë në garën më prestigjioze për klube në botë.

“Verdhezinjtë” e Dortmundit arritën në finalen e madhe pasi gjatë rrugëtimin përrallor eliminuan PSV-në, Atletico Madridin, dhe së fundmi PSG-në.

Ndërkohë, madrilenët e Carlo Ancelottit dolin fitimtar ndaj Leipzig, Manchester Cityt dhe në gjysmëfinale ndaj Bayern Munchenit.

Dortmundi ka një përvojë jo të kënaqshme në “Wembley”, pasi në vitin 2013 u mposht në finale nga rivali, Bayern Muncheni.

Ndërsa, Real Madridi edhe pse ka 17 finale të luajtura, asnjëherë nuk ka luajtur në këtë stadium.

Finalja e madhe e Ligës së Kampionëve nis nga ora 21:00, dhe fituesi i kësaj ndeshje do të luajë në Superkupën e UEFA-s ndaj Atalantas.

Drita ka njoftuar se me marrëveshje të dyanshme ka ndërprerë bashkëpunimin me futbollistin Leonat Vitija.

Vitija iu bashkua Dritës në sezonin 2022/23 dhe ka arritur të bëjë deri tani 55 paraqitje në të gjitha garat për klubin gjilanas, raporton KosovaPress.

“Klubi jonë FC DRITA i dëshiron shumë suksese Leonatit në vazhdim të karrierës”, shkroi Drita në “Facebook”.

Vashat e Kombëtares së Kosovës në futboll do të përballen sot me Kroacinë në kuadër të kualifikimeve për në Kampionatin Evropian Euro 2025 të femrave.

Ndeshja do të zhvillohet me fillim nga ora 17:00 në stadiumin “Zahir Pajaziti” të Podujevës, raporton KosovaPress.

Kosova gjendet në Grupin 4 të Ligës B të këtyre kualifikimeve, ku e zë vendin e fundit me asnjë pikë pas dy ndeshjeve, kurse Kroacia renditet e treta me tri pikë të arkëtuara.

Në ndeshjen e fundit të zhvilluar në kuadër të këtyre kualifikimeve, vashat “Dardane” pësuan humbje 6:0 nga Uellsi.

17:00 Kosova (femrat) – Kroacia (femrat)

Federata e Volejbollit e Kosovës ka arritur marrëveshje duke emëruar sllovakun, Martin Nemec, si përzgjedhës i ri i Kombëtares së Kosovës në volejboll.

Ky është një hap i rëndësishëm për përforcimin e ekipit kombëtar dhe rritjen e nivelit të volejbollit në vend. Martin Nemec është një emër i njohur në botën e volejbollit.

Me një karrierë të gjatë dhe të suksesshme si lojtar dhe trajner, Nemec sjell me vete një përvojë të gjerë ndërkombëtare.

Ai ka luajtur për disa prej ekipeve më të mira në Evropë dhe ka trajnuar ekipe në ligat më të njohura të kontinentit.

Përveç kësaj, ai është njohur për aftësitë e tij taktike dhe për qasjen e tij inovative ndaj stërvitjes dhe zhvillimit të lojtarëve.

Në një deklaratë të bërë sot, Nemec shprehu entuziazmin e tij për sfidën e re: “Jam i nderuar dhe i emocionuar që jam emëruar përzgjedhës i Kombëtares së Kosovës në volejboll. E shoh një potencial të madh në këtë ekip dhe jam i përkushtuar që të punoj fort për të arritur sukseset që meriton ky vend.”

Ky emërim shënon një hap të ri për zhvillimin e sportit të volejbollit në Kosovë dhe Federata shpreson që me përvojën dhe udhëheqjen e Nemec, Kombëtarja do të arrijë rezultate të shkëlqyera në kompeticionet e ardhshme ndërkombëtare.

Kush është Martin Nemec?

39 vjeçari Martin Nemec është një trajner dhe ish-lojtar profesionist i volejbollit me një karrierë të spikatur në arenën ndërkombëtare me Kombëtaren e Sllovakisë.

Gjatë karrierës së tij si lojtar, ai ka luajtur në pozicionin e sulmuesit dhe ka përfaqësuar ekipe të njohura në ligat kryesore të Evropës, përfshirë Poloninë, Italinë dhe Turqinë.

Pas përfundimit të karrierës si lojtar, Nemec u përkushtua trajnimit, duke sjellë një qasje të re dhe dinamike në ekipet që ai ka drejtuar. Nemec ishte në Kosovë vite më parë, në cilësinë e instruktorit të FIVB-së, duke qenë pjese e seminarit për trajnerë. Nemec është njohur për metodologjinë e tij të avancuar të stërvitjes dhe përkushtimin ndaj zhvillimit të lojtarëve të rinj.

Përvoja e tij ndërkombëtare dhe suksesi në trajnimin e ekipeve elitare e bëjnë atë një zgjedhje të shkëlqyer për të udhëhequr Kombëtaren e Kosovës drejt arritjeve të reja.

FVK i uron suksese trajnerit Martin Nemec dhe djemve të Kombëtares, drejt rrugëtimit të tyre në kualifikimet për CEV EuroVolley, të cilat fillojnë në gusht të këtij viti.

Kosova në CEV EuroVolley kualifikimet, është në grup me Letoninë dhe Sllovakinë.

Ndeshjen e parë, “Dardanët” e zhvillojnë si vendas, ndaj Letonisë, më 17 gusht 2024, nga ora 17:00, në Pallatin e Sporteve “Bashkim Selishta-Petriti”, në Gjilan.

Real Madridi po planifikon ta kompletojë dhe ta zyrtarizojë transferimin e Kylian Mbappes para fillimit të Kampionatit Evropian.

“Los Blancos” nuk besojnë se do të kenë telashe nga klubi aktual i futbollistit, Paris Saint-Germain, njofton gazetari sportiv italian Fabrizio Romano.

Edhe pse ka kontratë me PSG-në deri në fund të qershorit, Mbappé mund të zyrtarizohet nga “Los Blancos” para “Euro 2024”.

Reali aktualisht është i fokusuar totalisht tek finalja e Wembleyt, që do të luhet këtë fundjavë ndaj Borussia Dortmundit, ku synon ta fitojë trofeun e 15-të të Championsit.

E më pas, “Mbretërit” mund ta bëjnë publik transferimin e njërit prej futbollistëve më të mirë në botë.

Vetë ish-futbollisti i Monacos foli mbrëmë rreth të ardhmes duke thënë se klubi i tij i ardhshëm do të zyrtarizohet së shpejti, por nuk përmendi emrin.

“Ekipi im i ardhshëm do të zyrtarizohet shpejt, është çështje ditësh. Mezi po pres, jam i lumtur. Duhet vetëm të presim për disa ditë”, tha Mbappe.

Përzgjedhësi i Kombëtares së Kosovës, Franco Foda, të enjten në konferencën për media, ka folur për miqësoren me Norvegjinë.

Norvegjia dhe Kosova do të ndeshen më 5 qershor në Oslo, në një ndeshje miqësore e cilat pritet të sjellë një sfidë interesante.

Tekniku gjerman thotë skuadra e tij është e kompletuar dhe se në duel me norvegjezët ‘Dardanët’ do të bëjnë paraqitje të mirë.

“Në dy ndeshjet e marsit treguam pikat tona të forta. Ne duhet të punojmë edhe më shumë në ndërtimin e skuadrës sonë”, ka thënë Foda.

“Do të punojmë edhe më shumë në mënyrë që të paraqitemi sa më mirë ndaj Norvegjisë”, ka theksuar Foda.

Strategu gjerman pret nga lojtarët që ta tregojnë veten në testin e fundit para fillimit të Ligës së Kombeve.

Ai ka sqaruar edhe mungesën e disa lojtarëve.

“Aro Muric është i sëmurë dhe do të na bashkangjitet në stërvitje pas dy ditësh. Muslija, Kryeziu dhe Rrudhani janë jashtë grumbullimeve shkaku i lëndimit”, ka pohuar Foda.

Trajneri i Kombëtares së Kosovës ka publikuar listën e lojtarëve të ftuar për ndeshjet miqësore të muajit qershor. Në listë janë përfshirë një numër i madh i lojtarëve nga Superliga e Kosovës.

Emërllahu, Krasniqi, Dellova, Hazrollaj, e Hyseni janë në mesin e lojtarëve të ftuar nga trajneri Franco Foda, raporton KP.

Kjo është lista e plotë: