Category: Sport

Trajneri i Llapit, Tahir Batatina, ka komentuar shortin e raundit të parë kualifikues të Ligës së Evropës.

Llapjanët aventurën në fazën kualifikuese për në Ligën e Evropës e nisin kundër skuadrës polake, Wisla Krakow.

Në një intervistë për KosovaPress, trajneri Batatina e cilësoi “gjigant në shtetin e vetë”, por që edhe skuadra polake do të përballet me një kundërshtar shumë të fortë siç është Llapi.

“Përballemi ndaj një skuadre shumë të fortë, por edhe ajo skuadër do të përballet ndaj një skuadre shumë të fortë siç është Llapi. Mendoj dy skuadra të cilat të dyja kanë traditë në futbollin në vendin e tyre, edhe Llapi edhe skuadra e Krakow. E dimë që është një skuadër që ka qenë gjigant në shtetin e vet dhe fitues i Kupës dhe tregon që me të vërtetë ka skuadër të mirë…(01:25) Nuk do të jetë e lehtë, do të jetë e vështirë, sepse përballemi me një skuadër shumë të fortë, një skuadër me emër të madh, por gjithmonë mendoj që bëhesh skuadër e madhe nëse luan me skuadra të mëdha. Asnjëherë nuk bëhesh skuadër e mirë dhe e fortë kur ballafaqohesh me kundërshtarë të dobët”, tha Batatina.

Batatina ka shprehur bindjen e tij se Llapi do të kualifikohet në fazën e grupeve të Ligës së Evropës.

“Gjëja më e rëndësishme për neve është ta bëjmë maksimumin ta kalojmë ndeshjen e parë. Nëse e kalojmë ndeshjen e parë ju garantoj që gjasat janë për me hy në fazën e grupeve në Ligën e Evropës… (05:44) Nuk kanë diçka ndonjë cilësi, ndonjë kualitet më shumë skuadra kundërshtare që ne do të luajmë, në asnjë aspekt. Kemi analizuar menjëherë kundërshtarin, me vlerën të cilën e ka, me vlerën e lojtarëve të cilën e ka, me moshën e lojtarëve të cilën e ka dhe mendoj që jemi dy skuadra të cilat jemi të përafërta me cilësi, jemi të përafërt edhe me vlera në treg, por jemi edhe të përafërt edhe me kontingjentin e lojtarëve që i kemi”, tha Batatina.

Duke folur për kampionatin e Kosovës në futboll, trajneri Batatina thotë se ky do të jetë viti ku Llapi do të shpallet kampion.

“Gjithmonë vetë organizimi i klubit edhe lojtarët që ka klubi me kontingjentin të cilin e ka krijuar, mendoj që nuk të lë të mendosh ndryshe përveç luftës për titull të kampionit. Ne kot mund të themi se s’po luftojmë për titull, por Llapi gjithmonë do të luftojë për kreun e tabelës. Llapit iu ka nevojitur të paktën të bëjë një hap tutje që të jetë në hap më shumë se skuadrat në elitën e futbollit të Kosovës. Mendoj që Llapi ka bërë një hap të jashtëzakonshëm, duke e ditur se është kampion me infrastrukturë sportive, që është gjëja bazike për një skuadër. Nëse e ke infrastrukturën sportive sikurse e ka Llapi dhe organizimin të cilin e ka krijuar Llapi, mendoj që nuk ka dyshim se Llapi do të luftojë për titull të kampionit… (12:03) Pasi kemi qenë shumë afër këtë vit, ndoshta me një hap për t’u bërë kampion, besoj se ky do të jetë vit i Llapit”, tha Batatina.

Batatina ka dalë edhe me një mesazh për skuadrat e Superligës së Kosovës.

“Para se të mendoni për ta fituar titullin, mendoni për ta bërë shtëpinë. Disa skuadra ende pa e bë shtëpinë, po mendojnë të arrijnë titullin. Duhet ta kesh shtëpinë, infrastrukturën të paktën që skuadrat tona nuk mund të bëhemi të mira, të bëjmë transferime të mira. Llapi nuk kishte pasur mundësi të bëjë një transferim të Valmir Veliut, as të Mirlind Dakut, as të Muhamet Hysenit, pa e pasur një infrastrukturë sikurse e ka… Prandaj rivalëve apo skuadrave iu them që të mendojnë më shumë tek infrastruktura. Në momentin që e bëjnë infrastrukturën e mirë sportive dhe e kemi të gjithë 10 skuadrat një infrastrukturë çfarë e ka Llapi, do të rritet niveli, kualiteti, shikueshmëria që është shumë me rëndësi të kemi shikues në tribuna, sepse futbolli luhet për shikues, atëherë do të jetë një rivalitet shumë i fortë”, tha Batatina.

Ndeshjen e parë në raundin e parë kualifikues së Ligës së Evropës kundër Wisla Krakow skuadra e Llapit do ta zhvillojë si vendas më 11 korrik, kurse ndeshjen e kthimit më 18 korrik. Nëse Llapi e eliminon skuadrën polake, në raundin e dytë do të përballet me skuadrën e njohur austriake SK Rapid Wien.

Kombëtarja Shqiptare do të zhvillojë sot ndeshjen vendimtare të grupit B të Kampionatit Evropian të futbollit ku do të ballafaqohet me Spanjën, aty ku edhe do të vendoset fati i saj në rrugëtimin e këtij kompeticioni.

Me vetëm një pikë të mbledhur pas dy ndeshjeve të zhvilluara, humbjen nga Italia dhe barazimin me Kroacinë, të besuarit e Silvinjos duhet që sonte ta kërkojnë me çdo kusht fitoren për të kaluar në fazën e eliminimit direkt, derisa me një barazim eventual do të duhej të shpresonte të kualifikohej tutje nga pozita e vendeve të treta, raporton KosovaPress.

Nga ana tjetër, Spanja që tashmë e ka siguruar kualifikimin, pritet që të luajë me lojtarët që kanë pasur më pak minutazh dhe kjo jep më shumë mundësi që Shqipëria të synojë maksimumin e pikëve.

Ndeshja do të zhvillohet me fillim nga ora 21:00 në stadiumin “Merkur Spiel-Arena” në Dusseldorf me fillim nga ora 21:00. Në të njëjtin orar zhvillohet edhe ndeshja tjetër ë këtij grupit, ajo ndërmjet Kroacisë dhe Italisë.

Lionel Messi, ka lindur më 24 qershor të vitit 1987. Ai është një futbollist argjentinas i cili luan si sulmues me klubin amerikan Inter Miami.

Që nga mosha 21 vjeç, Messi ka qenë i nominuar për të fituar Topin e Artë dhe FIFA Lojtari Botëror i Vitit. Një vit më vonë, në vitin 2009, ai fitoi çmimet e para të Topit të Artë si dhe FIFA Lojtari Botëror i Vitit. Ai vazhdoi dominimin e tij duke fituar edhe tre Topa të Artë në vitet 2010, 2011 dhe 2012.

Ai gjithashtu fitoi në sezonin 2010–11 UEFA Lojtari më i mirë në Evropë. Në moshën 24 vjeçare, Messi u bë golashënuesi më i mirë i historisë së Barcelonës në të gjitha kompedicionet.

Në moshën 25 vjeçare, Messi u bë lojtari më i ri që shënon 200 Gola në La Liga. Në Shtator 2014, Messi arriti shifrën e 400 Gola me klubet dhe kombëtaren që në moshën 27 vjeçare.

Njohur gjerësisht si lojtari më i mirë në botë, Messi është vlerësuar nga shumë komentues, trajnerë dhe lojtarët si futbollisti më i madh i të gjitha kohërave.

Gjeorgjia dhe Çekia nga ora 15:00 kanë hapur ditën e nëntë të Euro 2024, me ndeshjen e Grupit F në Hamburg.

Për të dyja kombëtaret kjo është një mundësi për të fituar pikët e para në Euro.

Pavarësisht një loje të mirë, gjeorgjianët u mposhtën nga Turqia 3:1 në turin e parë, ndërsa Çekia priti ndaj Portugalisë, por humbi 2:1 me një gol në kohën e fundit.

Republika Çeke shënoi në minutën 23, por goli i Adam Hlozhek u anulua pasi ai kishte luajtur paraprakisht me dorë.

Gjeorgjia shënoi gol në minutën e katërt të kohës shtesë përmes Georges Mikautadze nga penalltia.

Çekia ka fituar pesë nga gjashtë ndeshjet e fundit kur u përball për herë të parë me një komb, megjithëse përjashtim ishte humbja 2:1 ndaj Kosovës në ndeshjen e tyre më të fundit të tillë në shtator 2019.

Gjeorgjia humbi ndeshjen e parë të historisë në evropian kundër Turqisë. Qe nga fillimi i fazës së grupeve, vetëm dy kombe kanë humbur ndeshjen e tyre të parë ndonjëherë në EURO, por prapëseprapë janë kualifikuar për fazën eliminatore, me Sllovakinë dhe Irlandën e Veriut që e kanë bërë këtë në 2016.

Qe kur mposhti Zvicrën në ndeshjen e saj hapëse në EURO 2008, Çekia ka humbur shtatë nga 12 ndeshjet e fundit të fazës së grupeve në EURO (3 barazime 2). Ata nuk i kanë humbur dy ndeshjet e tyre hapëse në një kampionat evropian që nga viti 2000 kundër Holandës dhe Francës.

Gjiganti katalunas Barcelona po synon që të bëjë ndryshime në repartin e mesfushës gjatë kësaj vere.

Njëri ndër futbollistët i cili mund të largohet nga Katalunia është mesfushori turko-gjerman Ilkay Gundogan, në rast se vie një ofertë e mirë për reprezentuesin e Gjermanisë në drejtim të klubit katalunas.

Përndryshe Gundogan ka marrur oferta të ndryshme si nga Arabia Saudite dhe nga Turqia,ku gjiganti i njohur nga Superliga Turke Galatasaray po tenton që ta përfshijë në skuadër 33-vjeçarin edhe pse trajneri Okan Buruk thotë se Gundogan do të qëndrojë tek Barca.

Megjithatë tek klubi janë të bindur se Gundogan do të qëndrojë dhe se presin që të nis punën me trajnerin e ri të blaugaranasve Hansi Flick.

Kujtojmë që Ilkay Gundogan në sezonin e tij të parë tek Barcelona në 51 ndeshje ka shënuar 5 gola e bëri 13 asistime në të gjitha garat.

Sot, në ditën e nëntë të Kampionatit Evropian, do të zhvillohen sikur ditët e mëparshme, tri ndeshje.

Gjatë kësaj dite, do t’i kemi katër skuadra nga grupi F, e dy të tjera nga grupi E.

Nga ora 15:00, ndeshjet ja nisin mes Gjeorgjisë dhe Çekisë, në stadiumin “Volkspark”.

Turqia ballafaqohet me Portugalinë, duke nisur nga ora 18:00 në “BVB Stadion”, në Dortmund. Ndeshje kjo shumë e pritur.

Ndërkaq nga ora 21:00, Belgjika ka përballë Rumaninë, ku do të luajnë në stadiumin “Cologne”.

Kylian Mbappe bëri debutimin e tij në Euro 2024 pa shënuar gol dhe me hundë të thyer, diçka që do i sjellë atij nevojën që të luajë me një maskë për ta mbrojtur hundën në vazhdim të garës, diçka për të cilën padyshim do të nevojitet sa më parë operimi.

Por kjo do të jetë një histori tjetër, pasi francezi ushtroi dje pa ndonjë maskë, duke evituar çdo duel dhe sapo të krijohet maska e tij personale, ai do të jetë në gjendje të rikthehet të luajë normalisht.

“Është material i NASA-s, për të ndërtuar raketa”

Maskat nuk janë diçka e re për ortopedin e njohur spanjoll Juan Bravo, i cili merret me këtë profesion që nga viti 1994.

Ai kishte ndërtuar një maskë të njëjtë për Raul Albiol në 2011 pasi theu nofullën ndërsa vëmendjen e merr materiali që përdoret për ndërtimin e saj.

Ka dy opsione të materialeve: termoplastike (një plastikë e ngurtë e cila bëhet e formueshme në temperatura të larta) dhe me fibër karboni.

Opsioni i dytë është padyshim më i miri, por gjithashtu më i shtrenjti. Ofron rezistencë të fortë dhe mbrojtje e cila i pamundëson atij kontaktin me hundën.

“Është një material që përdoret në industrinë ajrore, një nga ato që NASA përdor për ndërtimin e raketave”, ka thënë Pedro Munoz, i cili e konsideron fibrin e karbonit ideal për futbollin.

“Në sportet tjera nuk është i përshtatshëm, për shkak se nuk është i pathyeshëm, por në futboll, gjëja më e vështirë me të cilën mund të përballeni është topi, kështu që është perfekte”.

Klinika funksionon me procesin CAD/CAM (Computer Aided Design/Computer Aided Manufacturing), kështu që gjithçka fillon me një hartë 3D të fytyrës, nga e cila merret fotografia e palëvizshme me të cilën bëhet kallëpi dhe eventualisht krijimi i maskës.

Maska krijohet me fibër karboni dhe më pas modelohet, prehet dhe lëmohet, madje edhe dekorohet nëse klienti dëshiron. Dizajni merr parasysh lëndimin: maska ​​mbështetet në zonat e shëndetshme të fytyrës, ndërsa në zonën e dëmtuar lihet një zbrazëti në mënyrë që të mos i nënshtrohet goditjeve.

Një proces i mekanizuar, por në të njëjtën kohë shumë artizanal, në të cilin ka ndikim të madh Pablo Cortés Escobar, teknik ortopedik prej gati 40 vitesh. Nëse ka nevojë të kryhet shpejtë, mund të jetë gati për 24 orë, megjithëse çmimi është i nivelit elitar: 1200 euro.

UEFA njoftoi këtë të premte se, në përputhje me nenin 31.4 të Rregullores së saj disiplinore , ka emëruar një Inspektor të Etikës dhe Disiplinës për të kryer një hetim për sjellje të mundshme raciste dhe/ose diskriminuese nga tifozët gjatë ndeshjes ndërmjet Kroacisë dhe Shqipërisë të mërkurën e kaluar, në Hamburgu.

UEFA po heton më konkretisht thirrjet kundër Serbisë dhe Maqedonisë nga tifozët kroatë dhe shqiptarë. Organizata më e lartë ndërkombëtare do të hetojë edhe sjelljen e pretenduar të papërshtatshme të lojtarit shqiptar Mirlind Daku, i cili pas ndeshjes, e cila përfundoi në barazim 2-2, përdori megafonin dhe shoqëroi thirrjet e tifozëve.

E mediumi spanjoll, AS raporton se dy federatat do të gjobiten me para, kurse Daku do të suspendohet për disa ndeshje dhe nuk do të luajë ndaj Spanjës

“UEFA ka njoftuar se në orët në vijim do të ketë një vendim për këtë çështje, por normale është që të dyja Federatat marrin një sanksion të konsiderueshëm financiar dhe Daku me siguri do të dënohet me disa ndeshje, ndaj nuk do të luajë kundër Spanjës të hënën e ardhshme. Shqipëria duhet të fitojë për të kaluar në fazën tjetër”, thuhet në artikullin e AS.

Shqipëria ka ende gjasa për ta kaluar grupin e vdekjes në Euro 2024.

Momentalisht, kuqezinjtë kanë një pikë në vendin e tretë dhe në ndeshjen e fundit përballen me Spanjën, e cila tashmë e ka siguruar kualifikimin tutje nga pozita e parënë grup pas fitores ndaj Italisë.

E kjo mund të jetë arsyeja që përzgjedhësi i Spanjës, Luis de la Fuente të pushojë disa prej futbollistëve kryesorë dhe të paraqitet me lojtarët rezervë, që potencialisht do t’i jepte më shumë gjasa Shqipërisë për kualifikim.

“Ndeshja e fundit na jep mundësinë për të freskuar ekipin dhe për t’u dhënë një mundësi disa prej lojtarëve të tjerë të mëdhenj që kemi në pankinë,” tha De la Fuente.

Me fitore eventuale, Shqipëria do të mund ta siguronte kualifikimin në 1/8 e finales në Kampionatin Evropian.

Pas përfundimit të ndeshjes mes Spanjës dhe Italisë, Kombëtarja shqiptare ka pak më të qartë atë që duhet të ndodhë, në mënyrë që të bëjë ëndrrën realitet, pra kualifikimin për në fazën me eliminim direkt të “Euro 2024”.

Dhe rrugët që janë përpara saj, tashmë kanë një të përbashkët të qartë, por edhe të vështirë, fitoren ndaj Spanjës. Spanjollët kanë siguruar kreun e grupit, çfarëdo që të ndodhë në ndeshjen e fundit dhe për Shqipërinë, suksesi ndaj tyre në ndeshjen e të hënës është kyçi i kualifikimit. Shqipëria kualifikohet si e dyta në grup: nëse mund Spanjën dhe paralelisht Italia mundet nga Kroacia, por me këtë të fundit që nuk siguron një golavarazh më të mirë të përgjithshëm se kuqezinjtë.

Aktualisht golavarazhi është -1 për Shqipërinë dhe -3 për Kroacinë. Shqipëria del e treta: nëse mund Spanjën, por Kroacia fiton me një golavarazh më të thellë duke kapërcyer atë të kuqezinjve, nëse Italia fiton ose barazon ndeshjen. Në këtë variant, me 4 pikë, Shqipëria do të kishte thuajse të sigurtë kualifikimin, por si mes të tretave më të mira në Europian. Shqipëria mund të dalë e treta në grup edhe duke barazuar apo humbur ndeshjen, për sa kohë që Kroacia nuk regjistron një rezultat më të mirë.

Por pastaj kualifikimi si e treta më e mirë do të ishte shumë i komplikuar dhe do varej nga situata e grupeve të tjera, duke marrë si faktor pikët apo edhe golavarazhin e përgjithshëm.