Category: Sport

Cristiano Ronaldo ka ngritur shqetësime serioze rreth mundësisë për të luajtur në Botërorin 2026, turne që mund të ishte i gjashti në karrierën e tij – një rekord absolut.

Legjenda 41-vjeçare duket se e ka pësuar një dëmtim muskulor gjatë fitores 3-1 të Al-Nassr ndaj Al-Feyha në Saudi Pro League, shkruan tabloidi britanik “The Sun”, përcjell “Gazeta Express”.

Për ta bërë situatën edhe më zhgënjyese, “CR7” e humbi një penallti në pjesën e parë, në momentin kur rezultati ishte 0-0 – diçka e rrallë për ikonën portugeze.

Pak pas golit të epërsisë së skuadrës së tij, Ronaldo i bëri shenjë stolit dhe u largua nga fusha në minutën e 80-të, duke e shfaqur qartë shqetësim fizik.

Më vonë ai u pa në bankinë me një qese akulli në pjesën e pasme të gjurit.

Kjo është hera e dytë brenda pak ditësh që veterani zëvendësohet para kohe, pasi edhe në mesjavë ishte detyruar të largohej para minutës së 60-të në ndeshjen kundër Al-Najma.

Trajneri i Al-Nassr, Jorge Jesus, konfirmoi se Ronaldo do t’ju nënshtrohet testeve urgjente.

“Ronaldo ka pësuar lodhje muskulore dhe stafi mjekësor do t’i kryejë menjëherë testet e nevojshme për ta përcaktuar gjendjen e tij”, deklaroi trajneri portugez.

Me Kupën e Botës vetëm tre muaj larg, çdo problem serioz mund ta lërë sulmuesin portugez jashtë turneut më të madh të futbollit.

Ky pritet të jetë Botërori i fundit në karrierën e tij, me Portugalinë që është shortuar në një grup të favorshëm përballë Kolumbisë, Uzbekistanit dhe njërit mes RD Kongos, Xhamajkës ose Kaledonisë së Re.

Ronaldo mbetet gjithashtu në garë për ta arritur shifrën historike prej 1,000 golash në karrierë si profesionist – aktualisht ndodhet vetëm 35 gola larg këtij objektivi.

Në kampionat, Al-Nassr e kryeson renditjen e Saudi Pro League, me dy pikë më shumë se Al-Ahli dhe tri pikë përpara Al-Hilal.

Ronaldo i ka realizuar 21 gola këtë sezon në kampionat, duke u renditur pas Julian Quinones (22 gola) dhe Ivan Toney (23 gola) në garën për “Këpucën e Artë” atje.

Pronari i Olympique Marseille, Frank McCourt, mund të jetë i hapur për shitjen e klubit në rast se vjen një ofertë që tejkalon 1.2 miliardë dollarë (rreth 1 miliard euro).

Biznesmeni amerikan e bleu klubin francez në vitin 2016 për vetëm 45 milionë euro dhe vazhdimisht ka deklaruar publikisht se OM nuk është në shitje. Madje, në maj të vitit 2024 ai ishte shprehur: “Çështja e shitjes së OM është bërë absurde… Klubi nuk është në shitje. Unë e dua OM”.

Megjithatë, sipas raportimeve nga Franca, ndonëse qëndrimi i tij publik mbetet i palëkundur, në Shtetet e Bashkuara mesazhi është më fleksibil në rast të një oferte të jashtëzakonshme që kalon shifrën e një miliardë dollarëve.

Zhvillimi vjen pas raportit më të fundit financiar të UEFA-s për sezonin 2024/25, ku Marseille ka regjistruar një humbje para tatimit prej 105 milionë eurosh deri më 30 qershor 2025 – një nga më të mëdhatë në Evropë, duke u renditur pas Tottenhamit, Lyonit dhe Chelseat.

Që nga marrja e klubit, McCourt ka investuar qindra miliona euro dhe në të kaluarën ka qenë i hapur për partnerë apo investitorë të rinj, por vetëm nëse ata përputhen me vizionin për stabilitet afatgjatë dhe ndikim të kufizuar në qeverisje.

Një vlerësim prej 1.2 miliardë dollarësh do të tejkalonte ndjeshëm marrëveshjet e fundit në Francë, përfshirë shitjen e Lyonit te John Textor për mbi 840 milionë dollarë.

Për momentin, Marseille zyrtarisht mbetet jashtë tregut, por një ofertë historike mund ta sfidojë qëndrimin e deritanishëm të McCourt.

Pilotja e jashtëzakonshme Lisjeta Thaqi ka arritur sukses duke u renditur e para në botë në kategorinë e femrave, një arritje që e vendos Kosovën në majën e paragllajdit botëror.

Ky triumf nuk është vetëm një fitore personale, por një fitore për gjithë sportin e Kosovës, komunitetin e aviacionit sportiv dhe për të gjithë ata që besojnë në punën, disiplinën dhe ëndrrat e mëdha.

Ky sukses historik vjen nën udhëheqjen e trajnerit të saj, rekordmenit botëror dhe evropian Fanol Shala, i cili me përkushtim, përvojë dhe vizion ka ndërtuar një ekip kampionësh që sot po shkruajnë histori.

Nën drejtimin e Federatës Aeronautike të Kosovës, ky rezultat dëshmon se Kosova tashmë është një forcë serioze në skenën ndërkombëtare të paragllajdit.

Nënkampioni i Kosovës Ballkani i është rikthyer fitoreve në Albi Mall Superligë,duke mundur në shtëpi skuadrën e Drenicës me rezultat minimal 1:0.

Pjesa e parë u karakterizua me raste të shumta për shënnim nga suharekasit,por mysafirët ishin mjaft mirë të organizuar në mbrojtje dhe 45 minutat e parë përfunduan pa gola 0:0.

Në pjesën e dytë Drenica tentoi që të gjej golin,megjithatë nuk ia arriti të bënte një gjë të tillë dhe këtë e shfrytëzuan mjaft mirë vendasit.

Zhvillohej minuta e 78-të ku  braziliani Giovanni Ribeiro u gjend bukur në zonë dhe realizoi për 1-0,që në fund doli të jetë i fitores për Ballkanin.

Ballkani ka 39 pikë pas xhiros së 22-të në Albi Mall Superligë,kurse Drenica është e fundit në tabelë me 21 pikë.

Në xhiron e rradhës Ballkani i shkon në udhëtim Llapit,kurse Drenica e pret në shtëpi Dukagjinin.

Kombëtarja e Iranit po mendon tërheqjen nga botërori që do të mbahet në qershor në SHBA,Meksikë dhe Kanada,kjo pas zhvillimeve të fundit ku udhëheqësi suprem i Iranit Ajatollah Ali Khamenei u vra në sulmet e ushtrisë izraelite me mbështetjen e Shteteve të Bashkuara të Amerikës gjatë kësaj fundjave.

Këtë gjë e ka bërë të ditur presidenti i Federatës Iraniane të Futbollit Mehdi Taj,i cili në një intervistë për një medium të Teheranit ka deklaruar se pjesëmarrja në botëror është e vështirë pas zhvillimeve të fundit dhe se vendimi mund të merret nga drejtuesit e sportit në Iran.

Përndryshe sekretari i përgjithshëm i FIFA-së, Mattias Grafstrom ka deklaruar se shpreson që Irani të marrë pjesë në tune,dhe se qëllimi është të gjitha kombëtaret të jenë të pranishme në evenimentin që do të mbahet në muajt qershor dhe korrik.

Në rast se Irani vendos të tërhiqet nga botërori i këtij,atëherë në vend të kësaj kombëtarje mund të jenë Emiratet e Bashkuara Arabe, të cilat ishin skuadra me renditjen më të lartë në kualifikueset aziatike që nuk u kualifikuan,teksa opsion mund të jetë edhe Iraku i cili luan play-offin ndërkontinental në mars.

Kujtojmë që Irani gjendet në grupin G së bashku me Belgjikën,Egjiptin dhe Zelandën e Re,teksa të gjitha ndeshjet pritet t’i zhvillojë në Shtetet e Bashkuara të Amerikës.

Real Madrid pritet që të jetë pa yllin francez Kylian Mbappe në dy ndeshjet e rradhës.

Mbappe aktualisht është duke u përballur me një lëndim në gjurin e majtë,dhe pritet që të mos luaj kundër Getafes të hënë si dhe ndaj Celta Vigos në xhiron e rradhës,dhe eventualisht edhe ndeshjen e parë të 1/8 së finales kundër Man.City-it në Ligën e Kampionëve.

Përndryshe gazetari i Cadena SER Javi Herraez bën të ditur se Mbappe ka nisur rikuperimin nga lëndimi,dhe se një rikthim i tij pritet që të ndodhë më së largu para takimit të dytë në 1/8 e finales kundër City,dhe kjo do të thotë se  Mbappe do të humbasë përballjet ndaj Getafes, Celta Vigos, ndeshjen e parë ndaj Manchester Cityt si dhe takimin kundër Elches.

Kujtojmë që Kylian Mbappe ka realizuar 37 gola në 33 ndeshje këtë sezon për Real Madridin.

Real Madrid pritet që të jetë pa yllin francez Kylian Mbappe në dy ndeshjet e rradhës.

Mbappe aktualisht është duke u përballur me një lëndim në gjurin e majtë,dhe pritet që të mos luaj kundër Getafes të hënë si dhe ndaj Celta Vigos në xhiron e rradhës,dhe eventualisht edhe ndeshjen e parë të 1/8 së finales kundër Man.City-it në Ligën e Kampionëve.

Përndryshe gazetari i Cadena SER Javi Herraez bën të ditur se Mbappe ka nisur rikuperimin nga lëndimi,dhe se një rikthim i tij pritet që të ndodhë më së largu para takimit të dytë në 1/8 e finales kundër City,dhe kjo do të thotë se  Mbappe do të humbasë përballjet ndaj Getafes, Celta Vigos, ndeshjen e parë ndaj Manchester Cityt si dhe takimin kundër Elches.

Kujtojmë që Kylian Mbappe ka realizuar 37 gola në 33 ndeshje këtë sezon për Real Madridin.

Janë zhvilluar ndeshje tejet interesante në ligën më të fortë të basketbollit në botë NBA.

Los Angeles Lakers i ka dhënë fund serisë së humbjeve në NBA,duke shënuar fituar ndaj Golden State warriors me rezultat 129:101.

Luka Doncic ishte basketbollisti më efikas në parket për Lakers me 26 pikë,6 kërcime e 8 asistime,teksa kontribut dha dhe Lebron James me 22 pikë,7 kërcime e 9 asistime.

Në anën tjetër për Warriors Gui Santos ishte më efikas me 14 pikë,teksa Moses Moody dhe Gary Payton shënuan 12 pikë secili.

Houston Rocktes ndërkohë pësoi humbje ndaj Miami Heat me rezultat 115:105.

Kevin Durant me 32 pikë,5 kërcime e 8 asistime ishte më i miri tek Rockets,por këto shifra nuk ishin të mjaftueshme për të shmangur humbjen,teksa Amen Thomspon dha kontribut me 20 pikë e 11 kërcime.

Tek Heat më i miri ishte Bam Adebayo me 24 pikë e 11 kërcime,teksa kontribut dha dhe Pelle Larson me 20 pikë kurse Kel’lel Ware shtoi këtu 15 kërcime që ishin faktorët kryesorë në fitoren e kësaj skuadre ndaj Rockets.

Përplasjet ushtarake të fundit mes Shteteve të Bashkuara dhe Iranit kanë krijuar një atmosferë të tensionuar përpara Kupës së Botës që do të zhvillohet këtë verë në Amerikën e Veriut. Situata është ndërlikuar më shumë nga ndalimi i plotë i udhëtimeve të vendosur nga administrata e Donald Trump, i cili prek 38 shtete, përfshirë Iranin. Megjithatë, lojtarët dhe stafi i kombëtares iraniane janë përjashtuar nga ky ndalim, por ka pasur pasiguri rreth vizave, duke sjellë shqetësime për pjesëmarrjen e Iranit në turneun botëror.

Në mes të këtyre zhvillimeve, zyrtarët iranianë kishin paralajmëruar një bojkot të shortit të Kupës së Botës që do të mbahej në Uashington, por ky vendim u tërhoq më pas. Situata u përshkallëzua pasi administrata amerikane njoftoi për “operacione të mëdha luftarake” kundër Iranit, ku SHBA-të, në bashkëpunim me Izraelin, realizuan sulme ushtarake në disa zona të Iranit, përfshirë kryeqytetin Teheran.

Këto zhvillime kanë shtuar pasiguri mbi pjesëmarrjen e Iranit në Kupën e Botës, e cila do të zhvillohet në 11 qytete të Amerikës së Veriut, me 78 nga 104 ndeshjet që do të zhvillohen në territorin amerikan. Irani e siguroi kualifikimin për herë të shtatë në histori, duke përfunduar i pari në Grupin A të kualifikueseve aziatike, duke siguruar biletën për turneun më të madh të futbollit.

Rregullorja e FIFA-s parashikon se në rast të tërheqjes ose përjashtimit të një skuadre nga një turne, ajo zëvendësohet nga një alternativë të nominuar. Zakonisht, kjo alternativë është nënkampioni i drejtpërdrejtë nga “play-off”-i përkatës kualifikues ose skuadra më e renditur që nuk ka arritur të kualifikohet nga ajo konfederatë. Në rast se zëvendësimi është i vështirë për shkak të vonesave me vizat ose çështjeve të udhëtimit, FIFA mund të caktojë një skuadër tjetër që do të zërë vendin e lirë në grup, duke ruajtur kalendarin e turneut.

Nëse Irani nuk mund të marrë pjesë, Emiratet e Bashkuara Arabe mund të përfitojnë. Kjo skuadër ishte e para e renditur që nuk ka arritur të kualifikohet nga Azia, dhe sipas renditjes, do të ishte një nga kandidatët kryesorë për të zënë vendin e lirë, nëse Irani përjashtohet ose nuk mund të marrë pjesë për arsye të jashtëzakonshme.

Këto zhvillime do të mbeten nën vëzhgim të vazhdueshëm dhe mund të ndikojnë ndjeshëm në dinamikën e grupit dhe pjesëmarrjen e skuadrave në Kupën e Botës 2026.

Janë zhvilluar tre ndeshje në kuadër të xhiros së 22-të në Albi Mall Superligë,ku solli edhe rezultate befasuese.

Skuadra e Llapit nuk po mund të këndellet nga rezultatet e dobëta,ku kësaj rradhe barazuna 1:1 kundër Prishtinës së Re.

Ekipi i Tahir Batatinës kaloi në epërsi në minutën e 8-të të ndeshjes për Hasan Hysenit në 1:0,dhe me këtë rezultat përfundoi edhe pjesa e parë.

Në pjesën e dytë Prishtina e Re arriti të barazoj shifrat,ku Ibrahim Kargbo Jr barazoi në 1;1 në minutën e 77-të duke ia siguruar pikë mjaft të rëndësishme në luftën për mbijetesë.

Gjilani në anën tjetër shënoi fitore të rëndësishme kundër Malishevës,duke e mundur me rezultat 2:1.

Të dyja golat Gjilani i shënoi nga penalltia ku Armend Thaqi shënoi në minutën e 15-të si dhe Senad Jarovic në të 70-tën,kurse golin e vetëm për Malishevën e realizoi Assane Diatta.

Dukagjini dhe Ferizaj kanë ndarë pikët xhiro,duke barazuar me rezultat 1:1.

Hekuran Berisha shënoi në fund të pjesës së parë për epërsinë e Dukagjinit në 1:0,por Ferizaj nuk u dorëzua në fund Alban Shabani ishte heroi i mysafirëve ku realizoi në minutat shtesë për të siguruar 1 pikë ekipit të Ferizajt