ATV

Author: Samir Dalipi

  • “Ti nuk je gazetar, ti ishe marrja e Zotit” – gazetari kërkon ta intervistojë, por qytetari i kthehet me fjalë të ashpra

    “Ti nuk je gazetar, ti ishe marrja e Zotit” – gazetari kërkon ta intervistojë, por qytetari i kthehet me fjalë të ashpra

    Gazetarët përgjithësisht, gjatë kryerjes së punëve së tyre, përballen me pengime në forma të ndryshme nga qytetarët të cilët tentojnë t’i frikësojnë, kërcënojnë apo edhe t’u thonë fjalë ngacmuese.

    Njëri nga ta ishte Lindrit Zogaj, gazetari i ATV-së dhe njëherit moderator i emisionit “Rrugës për…”, i cili për emisionin “n’malAn’det” që po transmetohet çdo natë në ATV, tregoi një ngjarje të pazakontë që i kishte ndodhur me një qytetar, që ia tha disa fjalë tronditëse.

    “…Shkova i thashë a mujna me bo një intervistë…Po ma bon ‘Ti ishte nana e Tiktokut’, edhe unë i thashë faleminderit, kur ma ka bo tha ‘Po spo lejshe gja t’keqe bre pa qitë bre, ti ishe marrja e Zotit, po ti s’ishe gazetar’…”, theksoi ai me “sportivitet”, ani pse kjo ngjarje e tronditi atë.

    Kujtojmë se ambienti i sigurt për kryerjen e punës nga gazetarët, është çështje kryesore për ekzistimin e mediave.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:

     

  • “A ishe martu për letra në Kosovë”, mërgimtarja habit me përgjigjen

    “A ishe martu për letra në Kosovë”, mërgimtarja habit me përgjigjen

    Martesat në mes shqiptarëve që jetojnë në Kosovë, dhe shqiptarëve të tjerë që jetojnë në vende të ndryshme të botës, kanë qenë dhe vazhdojnë të jenë të pranishme.

    Bashkëjetesat në mes të rinjve të cilët martohen nga dy vende të largëta, kryesisht ndodhin në shtetet e jashtme të cilat kanë kushte më të mira të jetesës, ndërkohë që rrallëherë vajzat apo djemtë mund të kthehen nga kurbeti për të jetuar në Kosovë, qoftë edhe për hir të dashurisë.

    Në emisionin “n’malAn’det”, në mesin e shumë mysafirëve të tjerë ishte e ftuar edhe Elisa Murmullaku nga Gjermania, e cila pohoi se pavarësisht se ka lindur dhe është rritur në Gjermani, për hir të dashurisë do të kthehej për të jetuar në Kosovë.

    “…Po. Nuk jam kanë në situatë të tillë, por po pse jo. Mundesh me u kënaq në Kosovë…”, tha ajo.

    Kujtojmë se vala e ikjes së të rinjve nga Kosova nuk është ndërprerë. Prej vitit 2013 deri më 2022, 252 mijë njerëz kanë ikur nga Kosova, legalisht e ilegalisht.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:

  • Regont Murati, futbollisti që aktivizohet në Zelandën e Re ëndërron të luaj në futbollin kosovar

    Regont Murati, futbollisti që aktivizohet në Zelandën e Re ëndërron të luaj në futbollin kosovar

    Ëndërron që karrierën ta vazhdojë në futbollin kosovar.

    Ky është futbollisti 27-vjeçar, Regont Murati i cili aktivizohet me skuadrën e Auckland City në Zelandën e re.

    Në një prononcim për Atvlive.tv, mbrojtësi thekson se ëndërron që një ditë të luajë te ndonjë skuadër kosovare.

    “Futbollin e Kosovës e përcjelli vazhdimisht pasi është vendlindja ime. Më pëlqejnë disa klube të cilat janë të organizuara. Është një ëndërr e imja që të luaj në ndonjë klub të Kosovës, për mua do të ishte një privilegj që djersa ime të derdhet edhe në futbollin e vendlindjes sime”.

    Duke marrë parasysh se kombëtarja e Zelandës së Re, pjesëmarrjen në kamponatin botëror e ka pothuajse të përhershëm, ai ka komentuar edhe futbollin që zhvillohet atje, ku edhe aktivizohet vet.

    “Futbolli në Zelandë të Re është shumë profesionist dhe kushtet janë fenomenale. Skuadrat janë shumë të forta me futbollist mjaft cilësor, ndërsa Kombëtarja e Zelandës së Re është edhe pjesëmarrëse në Kampionate Botërore, kjo dëshmon se në këtë vend zhvillohet shumë futboll profesional”, thekson Murati.

    Tutje, ai ka shpresu edhe interesimin e tij që një ditë edhe të luajë nën fanellën e Kombëtares së Kosovës.

    Ndryshe, këtë edicion ai ka zhvilluar 10 paraqitje me skuadrën e tij, ku ka shënuar dy gola dhe ka asistuar në një tjetër.

  • “Kosova është vend i rrezikshëm, atje të vjedhin e të vrajnë” – tiktokeri kosovar ia heqë paragjykimet qytetarit nga Portugalia

    “Kosova është vend i rrezikshëm, atje të vjedhin e të vrajnë” – tiktokeri kosovar ia heqë paragjykimet qytetarit nga Portugalia

    Edhe pas përfundimit të luftës në Kosovë, marrëdhëniet mes Kosovës dhe Serbisë kanë mbetur të tensionuara.

    Mediat serbe për situata të ndryshme në Kosovë, kanë bërë edhe propagandë me raportimet e lajmeve, duke ndikuar kështu në imazhin negativ të Kosovës.

    Tiktokeri kosovar, Ariot Myftaj në një postim në rrjetin e tij social “Tiktok” e ka postuar një video me një qytetar nga Portugalia, për të cilin tha se ai kishte një perceptim të tmerrshëm për Kosovën.

    “…Ma s’pari ju thojnë mos shko në Kosovë se është vend i rrezikshëm, atje të vjedhin, të vrajnë… Bile tash e kam taku një shok të Portugalisë, edhe ky para se me ardhë në Kosovë, edhe kur ka qenë në Serbi (Beograd) para disa muaje i kanë thanë “Mos shko në Kosovë”…”, theksoi Myftaj.

    Ndërsa, qytetari nga Portugalia në pyetjen e drejtuar nga Myftaj për Kosovën, tha se pavarësisht se serbët i kanë folur gjëra negative, me ardhjen e tij këtu i ka ndryshuar përshtypja e tij për Kosovën.

    Në emisionin “n’malAn’det”, në mesin e shumë mysafirëve të tjerë ishte i ftuar edhe Ariot Myftaj, dhe foli ekskluzivisht për këtë çështje, duke potencuar se çka duhet të bëj Kosova për t’i hequr paragjykimet që e kanë të huajt në lidhje me vendin.

    “…Për t’i hequr paragjykimet duhet krijuar sa më shumë kontent (përmbajtje) për Kosovën, sa më shumë të tregojmë na për vendin tonë…”, theksoi ai.

    Vlen të përmendet se në imazhin negativ të Kosovës, ka ndikuar edhe raportimi i mediave ndërkombëtare për ish-krerët e UÇK-së,  të cilët akuzohen për krime lufte.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:

  • Mërgimtarja befason me kërkesën specifike, thotë se rrugët nuk duhet “të hallakaten” kur janë ata këtu, por pasi të shkojnë

    Mërgimtarja befason me kërkesën specifike, thotë se rrugët nuk duhet “të hallakaten” kur janë ata këtu, por pasi të shkojnë

    Në Kosovë në vazhdimësi ka punime të rrugëve të ndryshme, në lagje të ndryshme si në qytete ashtu edhe në fshatra, sidomos gjatë periudhës së pranverës dhe verës, për shkak të temperaturave më të larta  – të përshtatshme për ndërtim.

    Në emisionin “n’malAn’det” që po transmetohet çdo natë në ATV, në një hapësirë të veçantë kushtuar mërgimtarëve, ata po shprehin shqetësimet e tyre në lidhje me problematikat që i shohin në Kosovë.

    Edhe mbrëmë, mërgimtarja Gynere Halimi nga Zvicra, shprehu një kërkesë specifike që do të donte të mos e shihte kur vjen në Kosovë.

    “…Qito rrugë me kanë mos me u hallakatë kur ia nisin me ardhë të jashtit se shumë pengesa po bëhen… Ose kryni para se me ardhë ose leni masi të shkojmë…”, potencoi Halimi.

    Vlen të theksohet se si pasojë e punimeve në rrugë, në vazhdimësi shkaktohen kolona të gjata dhe pritje të mëdha të automjeteve.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:

  • E filloi atletikën për të hequr peshë, por tani Muhamet Ramadani e fitoi medaljen e bronztë në Kampionatin Evropian U-23

    E filloi atletikën për të hequr peshë, por tani Muhamet Ramadani e fitoi medaljen e bronztë në Kampionatin Evropian U-23

    Atletika njihet si mbretëresha e të gjitha sporteve. Edhe pse nuk është shumë e zhvilluar në Kosovë, edhe në këtë sport, si në çdo sport tjetër, Kosova ka talentë të shumtë.

    Njëri nga ta është Muhamet Ramadani, i cili së fundmi ka fituar medaljen e bronztë në Kampionatin Evropian U-23, krahas shumë medaljeve të tjera që i ka fituar në vazhdimësi.

    Në një intervistë ekskluzive për emisionin që po transmetohet çdo natë në ATV, “n’malAn’det”, ai tregoi më shumë rreth kësaj arritje, derisa nuk la pa përmendur edhe fillimet e tij në këtë sport.

    “…Kam filluar karrierën prej moshës 13 vjeçare, afër 14, arsyeja që kam filluar të merrem me sport ka qenë mbipesha, preferenca e babit ishte që të filloj me atletikë (në fillim veç për ta larguar peshën)… Para disa dite e kemi nxënë vendin e tretë në Evropë…”, potencoi Ramadani.

    Gjithashtu, ai përmendi se nuk është ky i vetmi sukses, meqenëse kishte fituar edhe medalje të tjera përfshirë medaljen e artë, vendin e parë në Portugali, e gjithashtu Ramadani është 5 herë kampion i Ballkanit me U-18 dhe U-23.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që përmes linkut të mëposhtëm, ta shikoni emisionin veror të ATV-së “n’malAn’det”:

  • Moderatorja e ATV-së befason me rrëfimin, kështu kishin dashur ta mashtrojnë atë në Turqi

    Moderatorja e ATV-së befason me rrëfimin, kështu kishin dashur ta mashtrojnë atë në Turqi

    Mërgimtarët veçse kanë filluar të vijnë në Kosovë dhe përpos kënaqësive që ata përjetojnë sa herë që vijnë këtu, përjetojnë edhe shumë zhgënjime, sidomos kur ekzistojnë tendenca nga tregtarët të manipulojnë me çmimet duke ua vënë aty për aty çmimet më të larta se sa janë zakonisht.

    Këtë e ka pohuar mërgimtari Astrit Bajrami nga Austria, në emisionin “n’malAn’det” i cili tha se ka pasur disa raste të tilla.

    Gjithashtu, prezantuesja e ATV-së, Kaltrina Mikushnica e pohoi një gjë të tillë që i kishte ndodhur në Turqi.

    “…Nuk ndodhë vetëm në Kosovë por edhe jashtë Kosovës. Personalisht më ka ndodhë kur kemi qenë në Turqi në një akuarium… Bashkëshorti foli në gjuhën angleze dhe çmimi ke shumë i lartë, unë ia nisa me fol turqisht dhe i thashë se në ueb e pashë që ke çmimi më i ultë, më tha a je banore? I thashë po dhe pastaj shkuan me çmim më të ultë…”, theksoi Mikushnica.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që përmes linkut të mëposhtëm, ta shikoni emisionin veror të ATV-së “n’malAn’det”:

  • “Kosova i ka kushtet më të mira se Austria”, mërgimtari habit me deklaratën

    “Kosova i ka kushtet më të mira se Austria”, mërgimtari habit me deklaratën

    Austria njihet për koston e lartë të jetesës, megjithëse për sa i takon kushteve të ofruara për qytetarët e saj si në aspektin ekonomik, arsimor e kulturor është shumë larg krahasuar me Kosovën.

    Këtë e dëshmojnë studentët e shumtë të cilët largohen nga Kosova qoftë edhe për t’u shkolluar. Numri i përgjithshëm i studentëve nga Kosova e Shqipëria që i kanë zgjedhur Universitetet e Austrisë për semestrin 2020/21 ishte gjithsej 1362, sipas statistikave të STATcube.

    Megjithëse, njëri nga mërgimtarët e shumtë që jeton në Austri, në emisionin veror të ATV-së “n’malAn’det”, e mohoi një gjë të tillë, derisa tha se në Kosovë kushtet janë më të mira në secilin aspekt.

    “…Për momentin Kosova është shumë mirë, po më pëlqen shumë. Autobanat janë më të mirë se në Austri, gjithçka është pastërti qysh e shoh unë… Gjithçka është përpara, edhe mjekësia është mirë, ka mungesë të aparaturës (okej ky është investim i shtetit), por sa i përket seneve të tjera gjithçka jemi shumë më mirë se atje…”, tha Astrit Bajrami, mërgimtari nga Austria.

    Kujtojmë se ndërmjet viteve 2013- 2022, 252 mijë njerëz kanë ikur nga Kosova. Disa nga arsyet konsiderohen se janë kushtet jo të mira në punë, humbja e besimit në institucione etj.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që përmes linkut të mëposhtëm, ta shikoni emisionin veror të ATV-së “n’malAn’det”:

  • Bashkatdhetarët nuk kursehen, ky është mërgimtari që ia la familjes 10 mijë euro, për shkak të gjendjes së rëndë ekonomike

    Bashkatdhetarët nuk kursehen, ky është mërgimtari që ia la familjes 10 mijë euro, për shkak të gjendjes së rëndë ekonomike

    Vera është sezona kur mbushë Kosovën me mërgimtarë të cilët i lënë vendet e tyre të banimit, për t’u kthyer për pak kohë në vendlindje.

    Numri i përgjithshëm i bashkatdhetarëve që kanë vizituar vendin gjatë vitit 2022 ishte 2 milionë e 274 mijë, apo 220 mijë më shumë se në vitin 2021.

    Sipas zëvendësminstres së Punëve të Jashtme dhe Diasporës, Liza Gashit nga muaji janar e deri në nëntor të vitit 2022, dërgesat nga bashkatdhetarët kanë arritur vlerën 1.1 miliard euro.

    Në emisionin e verës “n’malAn’det” që ka filluar të transmetohet çdo natë në ATV, në një hapësirë të veçantë kushtuar bashkatdhetarëve, Jemin Totaj nga Italia tregoi që në vazhdimësi kontribuon për familjarët e tij në Kosovë, derisa tha se së fundmi shifra më e lartë që e ka lënë për familjarët e tij, ishte 10 mijë euro.

    “…Pare kemi lanë boll. Kemi lanë edhe tash 10 mijë euro”, potencoi Totaj.

    Vlen të përmendet, se mërgimtarët krahas parave që ofrojnë për familjarët e tyre në Kosovë, ardhja e tyre për pushime sjell me vete edhe ringjalljen financiare meqenëse gjatë kësaj periudhe rritet qarkullimi në të gjitha fushat.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që përmes linkut të mëposhtëm, ta shikoni emisionin veror të ATV-së “n’malAn’det”:

     

  • Befason mërgimtari nga Austria, thotë se nuk ka flejt gjithë natën nga frika e situatës në veri të Kosovës

    Befason mërgimtari nga Austria, thotë se nuk ka flejt gjithë natën nga frika e situatës në veri të Kosovës

    Situata e tensionuar në veri të vendit ka qenë ngjarje kryesore në Kosovë, sidomos gjatë muajve të fundit.

    Këto tensione kanë nisur më 26 maj, kur kryetarët e rinj shqiptarë të Zveçanit, Zubin Potokut dhe Leposaviqit nën përcjelljen e Policisë së Kosovës kanë hyrë në ndërtesat komunale.

    Kjo situatë u përshkallëzua më 29 maj, kur pjesëtarë të KFOR-it u sulmuan nga protestues të dhunshëm serbë.

    Njëri nga mërgimtarët i cili është mbështetës i Albin Kurti (që në zgjedhjet e fundit mori 50 për qind të votave), në emisionin “n’malAn’ndet” në ATV, u shpreh shumë i shqetësuar për situatën në veri, derisa tha se ka mbetur pa gjumë, pikërisht për shkak të kësaj situate.

    “…Na e përkrahim Albinin…E ka shtri sovranitetin në Mitrovicë se nuk u kanë bash lehtë…Bile me thanë realitetin qato ditë as nuk kena mujtë me flejt prej ngarkesës se thojshum po qohen po e vrajnë ndonjë polic. U kanë situata shumë e tensionume. Kështu që e përkrahum plotësisht…”, u shpreh mërgimtari Ramadan Kabashi.

    Vlen të përmendet se për shkak të mosarritjes të uljes së tensioneve në Veri të Kosovës, nga BE-ja kishte edhe masa ndëshkuese për Kosovën.

    Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”: