ATV

Author: Samir Dalipi

  • A ekziston një “kohë e duhur” për t’u bërë prindër?

    A ekziston një “kohë e duhur” për t’u bërë prindër?

    Zgjedhja për të pasur ose jo fëmijë është krejtësisht personale. Sipas “Psychology Today” një zgjedhje e tillë nuk duhet marrë kurrë me lehtësi, sidomos kur çiftet nuk ndihen të gatshëm për t’u bërë prindër.

    Në “Libero” u diskutua pikërisht për këtë temë, duke u bërë ndërlidhja edhe me krijimin e familjes sipas aspektit tradicional martesës  – ku çiftet në të kaluarën janë  “detyruar” që të bëhen me fëmijë, porsa janë martuar!

    Këtë dukuri, sociologu Blerim Shabani nuk e trajtoi si problematikë derisa theksoi se ka teoricienë të caktuar që e përkrahin idenë e të bërit prindër sa më herët!

    “…Ka teoricienë që e përkrahin idenë e të bërit prind sa më herët sepse mund të ketë një fokus, mund të ketë kujdes më të shtuar, vëmendje më të shtuar ndaj rritjes së fëmijëve dhe kjo mund të kaloj shumë më lehtë fazën e rritjes së fëmijëve…”, tha ai.

    Ndërkohë, në aspektin gjinekologjik, ekziston një “kohë e duhur” për t’u bërë prindër, dhe kjo përcaktohet me shtatzëninë e gruas. Në lidhje me këtë, gjinekologia Jasmina Tolaj, tha se sa më vonë që gratë mbesin shtatzënë, aq më shumë komplikime do të ketë.

    “…Mosha më e mirë për lindje te gratë është prej viteve 20-të deri 30-35 vjeç, kjo është periudha më e mirë për me lindë fëmijë sepse organikisht je e shëndoshë, vezët e femrës janë të shëndosha dhe sëmundje përcjellëse nuk ka…”, deklaroi Tolaj.

    Mirëpo, në aspektin psikologjik, disa nga arsyet pse njerëzit nuk ndihen të gatshëm për t’u bërë prindër janë: Karriera, mjedisi jo i sigurt, gjendja financiare, dëshira për të udhëtuar etj. Në artikullin e “Healthline” thuhet se gatishmëria emocionale dhe financiare për të krijuar një familje, janë faktorë shumë të rëndësishëm që duhet marrë parasysh domosdoshmërisht!

    Në lidhje me këtë temë, vlen të ceket edhe videoja virale që  krijoi stuhi debatesh në mbarë  botën nga producentja e “The Daily Show”, Chelsea Handler e cila theksoi rëndësinë e ndjesisë për t’u bërë prindër. Sipas saj: “Nëse njerëzit ndihen të lirë të bëjnë zgjedhjen për të pasur ose jo fëmijë, do të kemi më pak njerëz që do të rriten nga prindër që nuk i duan ose janë inatosur me praninë e tyre…”, thotë Handler.

    Për të marrë më shumë informacione rreth kësaj teme, klikoni në linkun e mëposhtëm:

  • Ky është filantropi shqiptar që mori mirënjohje nga Donald Trump, ndërsa Kosova e harroi

    Ky është filantropi shqiptar që mori mirënjohje nga Donald Trump, ndërsa Kosova e harroi

    Biznesmeni Ramiz Tafilaj ani pse jeton dhe vepron në Shtetet e Bashkuara të Amerikës (SHBA), krahas Amerikës, nuk ka reshtur kurrë së kontribuari (edhe) për Kosovën, para, gjatë dhe pas luftës.

    Tafilaj dha kontribut të pashoq, në shkollimin e shumë të rinjve (nga të gjitha anët e botës), duke i mbështetur financiarisht afër 300 studentë, qoftë për studime themelore apo edhe ato të doktoratës… Në mesin e tyre (edhe) emra të njohur për publikun, përfshirë ish-ministrin e Shëndetësisë, Rifat Latifin.

    Ish-presidenti Donald Trump, duke e falënderuar z.Tafilaj për shërbimin e tij jetësor ndaj bashkëqytetarëve amerikanë dhe gjithë atyre që kishin nevojë për të, e nderoi me mirënjohjen “President’s Lifetime Achievement Award”, që konsiderohet si shpërblimi më i lartë për vullnetarët në SHBA.

    “Keni shërbyer si model i shpirtit amerikan. Orët e shumta të shërbimit tuaj kanë forcuar lidhjet e bashkëpunimit dhe besimin që afron njerëzit me njëri-tjetrin, ndërsa keni ndihmuar për të zgjidhur disa nga sfidat më të mëdha të kohës sonë…”, thuhet ndër tjerash në arsyetimin e Trump.

    Në lidhje me këtë, në intervistën e tij ekskluzive në “LIBERO” Tafilaj tha se këtë moment e përjetoi me emocione të mëdha, derisa theksoi se kjo mirënjohje ishte krejtësisht e papritur.

    “…Nuk e kam mendu që marrë mirënjohje nga një president… Masanej e kam kuptu që ata kanë hulumtu 17-18 muaj, kanë fillu në kohën e Bidenit (kur ka qenë nënkryetar) dhe ka përfundu kur Trump është bërë kryetar…”, deklaroi ai.

    Tafilaj kurrë nuk mori ndonjë vlerësim nga presidenca dhe kryeministria e Kosovës, dhe në lidhje me këtë – ai tha me ironi se ata kanë telashe tjera dhe nuk pret mirënjohje nga ta.

    Vlen të theksohet se Ramiz Tafilaj, arriti të depërtonte në qarqe vendimmarrëse amerikane dhe krahas Donald Trump dhe Joe Biden, takoi edhe njerëz të tjerë me ndikim dhe të pushtetshëm në Amerikë, përfshirë Jimmy Carter, Donald Regan, George Bush, Bill Klinton e të tjerë.

    Për ta dëgjuar intervistën e plotë të Ramiz Tafilajt, klikoni në linkun e mëposhtëm:

  • Rreth 17 për qind e njerëzve nuk lexojnë në Kosovë, por në Gjilan 8 mijë euro (në vit) janë paguar vetëm për t’u pastruar librat

    Rreth 17 për qind e njerëzve nuk lexojnë në Kosovë, por në Gjilan 8 mijë euro (në vit) janë paguar vetëm për t’u pastruar librat

    Në Kosovë, bazuar në statistikat e vitit të kaluar (2023) nga një hulumtim i Shtëpisë botuese “Dukagjini” dhe organizatës ETEA doli se 16.6 për qind e qytetarëve nuk lexojnë asnjë libër në vit, derisa 38.3 për qind kanë thënë se i lexojnë vetëm 1-3 libra për vit. Por pavarësisht numrit të ulët të lexuesve në Kosovë, mirëmbajtja dhe kujdesi për librat nuk ka munguar në Gjilan. Në emisionin “LIBERO” kryetari i Gjilanit, Alban Hyseni deklaroi se ishte çuditur kur ka parë se (nga qeverisja e kaluar) janë paguar 8 mijë euro (në vit) për t’u pastruar librat.

    “…Për t’u veçuar është një kontratë që e kemi pasë për mirëmbajtje… Dhe njëra prej pikave të kontratës eshte pastrimi i librave në bibliotekë e cila ështe paguar 8 mijë euro për një vit…”, tha Hyseni.

    Vlen të përmendet se sipas të dhënave të fundit (të vitit 2023) nga Instituti GAP, në komunën e Gjilanit nga 109 premtimet në total të kryetarit aktual, vetëm 29 janë të përfunduara, derisa 13 janë gjysmë të përfunduara dhe 21 të filluara, ndërkohë që 46 nuk kanë filluar fare…!

    Për t’i parë në detaje projektet e fundit të cilat janë realizuar në komunën e Gjilanit (dhe të tjerat të cilat priten të realizohen), dëgjoni intervistën e plotë të Alban Hysenit duke klikuar në linkun e mëposhtëm:

     

  • Pas vdekjes së djalit 32 vjeçar nga kanceri, kjo është gruaja që hapi fondacion dhe po i ndihmon të prekurit me të njëjtën sëmundje

    Pas vdekjes së djalit 32 vjeçar nga kanceri, kjo është gruaja që hapi fondacion dhe po i ndihmon të prekurit me të njëjtën sëmundje

    Shemsije Ibrahimi ka themeluar fondacionin “Arbër Ibrahimi” pas vdekjes së djalit të saj 32 vjeçar, i cili e humbi betejën kundër kancerit.

    Këtë fondacion ajo e themeloi me qëllimin që t’iu ndihmojë njerëzve që përballen me sfidat e kancerit dhe për të diskutuar për këtë çështje, në LIBERO ishte e ftuar Shemsije Ibrahimi, e cila tha se fondacionin e ka themeluar për hir të djalit të saj Arbërit dhe dëshirës së tij për t’iu ndihmuar njerëzve.

    “…Fondacioni u formua menjëherë pasi e kam përcjellë Arbërin, pas dy javësh… m’u duke që s’po e përmbushi atë dëshirën e Arbërit me ju ndihmu njerëzvee… Ju kam ndihmu disa njerëzve…”, theksoi Ibrahimi.

    Shemsije Ibrahimi bëri thirrje edhe nëpërmjet emisionit që kushdo që e ka mundësinë ta ndihmojë Fondacionin ta bëjë një gjë të tillë, për t’i ndihmuar më pas të gjithë ata që vuajnë nga sëmundja e kancerit.

    Për ta dëgjuar intervistën e plotë nga Shemsije Ibrahimi, klikoni në linkun e mëposhtëm:

  • Ekskluzive: Filmi i parë shqiptar i vetëm në Hollywood “Mundije”, do të shfaqet në kinema në muajin maj

    Ekskluzive: Filmi i parë shqiptar i vetëm në Hollywood “Mundije”, do të shfaqet në kinema në muajin maj

    Producenti i filmit Fatmir Bardhoci, ishte i ftuar në emisionin “LIBERO” dhe rrëfeu prapaskenat e filmit “MUNDIJE” – projekti i parë shqiptar që u xhirua në Hollywood.

    Ky film sipas producentit Bardhoci ka lidhje me historinë e fshirë të popullit shqiptar dhe xhirimet e këtij filmi krahas në Amerikë, u realizuan edhe në Shqipëri e Kosovë.

    Ekskluzivisht në Libero ai tha se filmi do të shfaqet në kinema, në muajin maj.

    “…Besoj se do të arrijmë në maj që ta kemi (filmin) në përfundim të plotë…”, deklaroi Bardhoci.

    Vlen të theksohet se në filmin “Mundije” do të luajnë aktorë të mëdhenj botërorë si Michael Pare, Eugenia Kuzmina, e gjithashtu edhe James Bond i cili luan rolin e Joe Biden.

    Për ta dëgjuar intervistën e plotë nga Fatmir Bardhoci, klikoni në linkun e mëposhtëm:

  • “Gabim në Protokoll…” – Reagon kryetari Ferit Idrizi, pasi Kryeministri Kurti nuk e ftoi në përurimin e rrugës në Vushtrri

    “Gabim në Protokoll…” – Reagon kryetari Ferit Idrizi, pasi Kryeministri Kurti nuk e ftoi në përurimin e rrugës në Vushtrri

    U promovua autostrada Prishtinë  – Mitrovicë, aksi prej Stanocit deri te Gojëbula në Vushtrri, ku në këtë promovim ishte i pranishëm kryeministri Albin Kurti, ndërkohë që nuk ishte i ftuar kryetari i komunës së Vushtrrisë, Ferit Idrizi.

    E në lidhje me këtë, Idrizi ishte optimist dhe po e cilësonte gabim në protokoll, ani pse ftesën tha se e ka pritur.

    “…Ndoshta ka qenë ndonjë gabim në protokoll, nuk e besoj që e kish lanë kryeministri pa më ftu… Ftesë nuk kam pasë… Unë mora vesh më herët se do të jetë promovimi dhe e prita ftesën por nuk e mora…”, theksoi ai.

    Vlen të theksohet që në fund të vitit të kaluar, në prani të shumë personaliteteve, afaristëve e qytetarëve nga Vushtrria, u përurua “Shtëpia e qëndrimit ditor për të moshuar” e ndërtuar në bashkëfinancim mes Komunës së Vushtrrisë dhe Shoqatës Bamirëse “Jetimat e Ballkanit”.

    Për ta dëgjuar intervistën e plotë të Ferit Idrizit, klikoni në linkun e mëposhtëm:

  • Prindër këto gabimet duhet t’i shmangni menjëherë – pasojat te fëmijët mund të jenë të përhershme

    Prindër këto gabimet duhet t’i shmangni menjëherë – pasojat te fëmijët mund të jenë të përhershme

    Ani pse prindërimi është një proces evolucionar, gabimet që bëjnë prindërit gjatë rritjes së fëmijëve nuk duhet anashkaluar, meqenëse plagët emocionale të shkaktuara gjatë fëmijërisë mund të mbeten edhe në moshë madhore duke ndikuar në shëndetin e përgjithshëm mendor.

    Në emisionin “LIBERO” ishte e ftuar psikologia Mimoza Shahini, e cila diskutoi për sa i takon gabimeve që bëjnë prindërit në raport me fëmijët.

    “…Në edukimin, prindërimin  – në çdo gjë që ne i ofrojmë fëmijës duhet të kemi kufij. P.sh një nënë që e mbron fëmijën nga çdo gjë e bën atë parazit, e bën të paaftë që të zgjidhi problemet e veta…Edhe dashuria e tepërt (edhe për ne të rriturit) bëhet e mërzitshme…”, theksoi psikologia.

    Gjithashtu, ajo përmendi edhe kritikën dhe krahasimin si probleme të  prindërimit, duke theksuar se gabimi i prindërve është gjeneralizimi i kritikave në tërësi dhe jo në raport me problemin specifik.

    “…Prindërit kur kritikojnë, e kritikojnë fëmijën në përgjithësi, nuk janë specifik në gabimin që e ka bërë fëmija, pra nëse e ka thyer gotën i thonë “fëmijë i keq je ti, gjithmonë të kam thënë bëj kujdes” në këtë rast nuk është kritikë por nënçmim i fëmijës. Kur bëjnë kritikë duhet të jenë të fokusuar në atë çfarë ka ndodhur…”, potencoi psikologia, derisa theksoi se kritikat ndaj fëmijës nuk duhet të jenë publike, por në një mjedis komfort, në mënyrë që fëmija ta kuptoj se çfarë ka ndodhur dhe jo të mërzitet dhe shqetësohet për problemin.

    Vlen të theksohet se disa nga gabimet që bëjnë prindërit në raport me fëmijët dhe që përmenden edhe te “Psychology Today” janë: Mundësitë e tepërta, Urdhrat, Kritika dhe Krahasimi, Neglizhimi, Paqëndrueshmëria dhe Mos vendosja e kufijve.

    Për të marrë informacione të detajuara në lidhje me këtë temë, klikoni në linkun e mëposhtëm:

  • Kërkuan shkarkim ndaj Duda Baljes, YIHR sqaron në detaje kërkesën ndaj Kuvendit të Kosovës

    Kërkuan shkarkim ndaj Duda Baljes, YIHR sqaron në detaje kërkesën ndaj Kuvendit të Kosovës

    Shoqëria civile ishte tema e kësaj të hëne në “LIBERO” ku ekspertët e fushës treguan më shumë rreth organizatave dhe mënyrën se si funksionojnë ato.

    Javë më parë Nisma e të Rinjve për të Drejta të Njeriut (YIHR KS) dhe disa organizata joqeveritare kanë kërkuar shkarkimin e Duda Baljes duke shprehur shqetësim në lidhje me “sjelljen dhe deklaratat diskriminuese” të Duda Balje, kryetares së Komisionit për të Drejtat e Njeriut.

    “…Qëndrimet e kryetares së Komisionit për të Drejtat e Njeriut të cilat janë homofobike dhe diskriminuese bien ndesh me misionin që ka ky komision, kërkesat tona janë të thjeshta dhe mendojmë se zonja Balje nuk e ka vendin aty…”, tha Blendë Pira nga YIHR.

    Pira konsideron se gjuha e tillë diskriminuese dhe homofobe e shprehur nga një person që numëron vota të qytetarëve është shumë shqetësuese dhe ndikuese.

    “…Kemi parë shembuj të deputetëve të tjerë që kanë keqpërdorur foltoren e Kuvendit për të përhapur bindjet e tyre personale, ne kemi dorëzuar një padi karshi Kuvendit për mos marrjen e masave ndaj këtyre deklaratave që kanë cënuar dinjitetin e një grupi të shoqërisë…”, u shpreh Pira.

    Vlen të ceket se edhe deputetja Duda Balje ka reaguar, duke mbrojtur qëndrimin e saj ndaj komunitetit LGBTQ+, dhe duke konsideruar detyrë që të luftojë për një familje dhe shoqëri të shëndetshme, normale dhe tradicionale.

    Për të ndjekur intervistën e plotë, mund të klikoni në linkun e mëposhtëm:

  • Gani Gërmia flet për raportin me Brikenën pas daljes nga Big Brother

    Gani Gërmia flet për raportin me Brikenën pas daljes nga Big Brother

    Gani Germia ishte mysafiri i mbrëmjes së të hënës në emisionin “LIBERO” i cili bisedën e realizoi duke folur për shumë dimensione të jetës së tij, përfshirë dhe atë sentimentale.

    Emri i tij dhe i Brikenës ka qarkulluar shumë në portale me aludimet se dyshja kanë lidhje dashurie së bashku, por Ganiu i dha fund dyshimeve duke deklaruar se raporti i tyre është vetëm miqësi e pastër.

    “…Jam shumë mirënjohës që e kam njohur Brikenën pasi që kur kam dalë jashtë kam kuptuar se në çdo emision ka ngritur zërin duke më mbrojtur dhe jam i gatshëm që çdo gëzim apo hidhërim të Brikenës dhe familjes së saj do ta përjetojmë bashkë…Unë Brikenën e dua shumë por e kam shoqe dhe jam shumë i lumtur që me të kemi një raport shoqëror të pastër…”, shtoi ai.

    Vlen të ceket se Ganiu u shpreh i zhgënjyer prej banorëve të BBVK duke i konsideruar si persona që bëjnë gjithçka për para, madje sipas tij arrijnë të prekin edhe në dhimbje.

    Për të ndjekur intervistën e plotë, mund të klikoni në linkun e mëposhtëm:

  • Gani Germia zbulon personin që e zhgënjeu – “Ia lashë amanet të shkojë te nëna ime, por nuk e bëri“

    Gani Germia zbulon personin që e zhgënjeu – “Ia lashë amanet të shkojë te nëna ime, por nuk e bëri“

    Gani Germia ishte i ftuar në emisionin “LIBERO” ku shpalosi gjithçka rreth jetës së tij para dhe pas Big Brother.

    Ai rrëfeu eksperiencën e tij dhe tregoi se rrugës kishte hasur edhe zhgënjime nga një banor, personin të cilin e kishte konsideruar shok që nga fëmijëria.

    “…Kur doli Azemi i lashë amanet të shkojë dy minuta te nëna ime dhe t’i thotë se gjithçka po shkon mirë sepse e kisha me merak, por ai nuk i kishte pasur dy minuta kohë për mua dhe kur bëhet fjalë për nënën nuk ma ndërron mendimin askush për një person…”, tha Ganiu.

    Mes tjerash, ai u shpreh i gatshëm të hyjë sërish në Big Brother Vip.

    “…Ndoshta pas një viti do hyja prapë, për momentin jo sepse kam nevojë ta marrë veten, por tek Bigu i Kosovës as vijë ajrore nuk i bi më…”, shtoi ai.

    Ndërkohë, Ganiu u shpreh mirënjohës dhe i lumtur që e ka njohur një shoqe si Brikena e cila ka ngritur zërin gjithmonë për të dhe ai e vlerëson si një person të zemrës.

    Për të ndjekur intervistën e plotë, mund të klikoni në linkun e mëposhtëm: