ATV

Author: Samir Dalipi

  • Mënyra më e mirë për të humbur peshë pa qenë kurrë të uritur

    Mënyra më e mirë për të humbur peshë pa qenë kurrë të uritur

    Kohët e fundit e keni tepruar dhe keni abuzuar me ushqimin? Ndiheni të fryrë dhe të lodhur? Provoni dietën e orizit

    Orizi, sidomos ai integral është një aleat i shkëlqyer për të luftuar fryrjen.

    “Ndihmon organizmin për të eliminuar mbetjet sepse është i pasur me fibra që favorizojnë lëvizjen e zorrëve”, shpjegon Valentina Schiro, një biologe ushqimore e specializuar në shkencat e ushqimit.

    Është një aleat i shkëlqyer i zorrëve. Ndihmon në ribalancimin e florës bakteriale. Për më tepër, është një burim i mirë i antioksidantëve të dobishëm për luftimin e inflamacionit.

    Në krahasim me drithërat e tjera, orizi ka një avantazh të shtuar. Është më i tretshëm falë madhësisë së vogël të kokrrizave të amidonit.

    “Orizi ka përmbajtje të lartë kaliumi, por pak natrium. Për këtë arsye është perfekt për ata që vuajnë nga problemet e fryrjes, celulitit dhe mbajtjes së lëngjeve. Orizi gjithashtu nuk përmban gluten, kështu që është i përshtatshëm edhe nga ata që vuajnë nga intoleranca”, shpjegon nutricionistja.

    Çfarë të zgjedhësh

    Për t’u dobësuar është mirë të përdorni orizin e bardhë, i cili është i pasur me niseshte dhe ka pak fibra, krahasuar me varietet integrale.

    Orizi i kuq dhe i zi, për shembull, përmbajnë gjithashtu sasi të lartë antioksidantësh. Ato janë të pasur me flavonoide dhe polifenole, shkruan Class. Këto substanca kanë veti të shkëlqyera anti-inflamatore. Favorizojnë drenazhimin e lëngjeve në inde, përgjegjëse për fryrjen.

    Gatimi i duhur

    Preferohet që orizi gjatë kësaj diete të jetë i zier. Në varësi të gatimit lejon reduktimin e amidonit.

    Një plan 3-ditor për t’u pastruar

    Dita e parë

    Kafjalli: Një filxhan qumësht orizi + 2 biskota të thata integrale + një grusht bajame

    Dreka: Supë orizi (50 gr) dhe thjerrëzash (50 gr) e aromatizuar me rozmarinë dhe vaj ulliri ekstra të virgjër.

    Darka: 100-150 gr salmon, 50 gr bukë orizi dhe një sallatë perimesh të stinës (të gjalla ose të gatuara), një frut i stinës

    Vakte të ndërmjetme: Një jogurt me bazë qumësht orizi ose dy galeta orizi me fruta të stinës.

    Dita e dytë

    Kafjalli: Kos me bazë qumësht orizi dhe elb i zier

    Dreka: Rizoto me shafran, perime të gatuara ose gjalla dhe një frut i stinës

    Darka: 100 gr pulë me erëza aromatike, perime të gatuara ose gjalla dhe një frut i stinës

    Vakte të ndërmjetme: Kos me bazë qumësht orizi ose dy biskota me bazë miell orizi

    Dita e tretë

    Kafjalli: Kos me bazë qumësht orizi, një frut i stinës, 2 biskota integrale

    Dreka: 150 gr peshk romb, 50 gr bukë me bazë miell orizi, perime të gatuara ose të gjalla.

    Darka: Omëletë furre me perime, 50 gr bukë me bazë miell orizi, një frut i stinës

    Vakte të ndërmjetme: 2-3 galeta orizi ose një gotë qumësht orizi me një lugë kafeje kanellë.

  • Horoskopi ditor, cila shenjë do të ketë sot ditën me fat

    Horoskopi ditor, cila shenjë do të ketë sot ditën me fat

    Dashi

    Do i shprehni hapur ndjenjat përkundrejt partnerit tuaj sot dhe gjerat do ecin ashtu si e kishit ëndërruar. Ne mbrëmje mund te merrni edhe ndonjë surprize. Beqaret ka rrezik te joshin personin e gabuar dhe me vone te përballen me zhgënjime. Financat duhen pasur gjithë kohës ne vëmendje. Çdo gjest i gabuar mund t’iu shkatërrojë se tepërmi.

    Demi

    Te dashuruarit do kenë një dite rutine dhe pa asgjë te rëndësishme. Reflektoni qe se shpejti ta ndryshoni atë sepse përndryshe do keni probleme. Beqaret nuk do mundet ta takojnë sot personin e tyre te ëndrrave kështu qe është e kote qe te lodhen duke e kërkuar. Ne planin financiar nuk duhet te ndërmerrni shume rreziqe nëse nuk doni te keni humbje te mëdha.

    Binjaket

    Se bashku me partnerin do mundoheni ta largoni rutinën nga jeta juaj ne çift dhe do provoni eksperienca te reja. Do ndiheni aq mire saqë emocionet do jene te njëpasnjëshme. Beqaret nuk duhet te nxitohen për asgjë sepse do pendohen për gjithë jetën. Ne planin financiar do jeni pa fat. Beni kujdes me çfarëdo lloj shpenzoni edhe sikur te jete i domosdoshëm.

    Gaforrja

    Do tregoheni realiste sot ne jetën tuaj ne çift dhe marrëdhënia do mbetet gjithë kohës e qëndrueshme. Edhe ata qe kane pasur probleme serioze do ndihen me te qete. Beqaret do mbeten me te njëjtin status edhe pse do mundohen gjate gjithë kohës. Financat do vazhdojnë te mbeten te qëndrueshme edhe pse do kryeni disa investime te mëdha.

    Luani

    Duhet te tregoheni shume te duruar sot juve qe jeni ne një lidhje sepse përndryshe mund te keni mosmarrëveshje te shumta. Beqaret do jene me shume fat dhe do arrijnë te bëjnë për vete personat qe kane pëlqyer deri me tani. Financat nuk do arrini t’i mbani dot te qëndrueshme sepse do jeni te detyruar te kryeni shpenzime pa fund.

    Virgjeresha

    Dite mjaft harmonike kjo e sotmja për ata qe janë ne një lidhje. Gjithçka do ju realizohet me se miri dhe nuk do keni as problemin me te vogël. Beqaret do jene shume te qarte për ata qe duan te bëjnë dhe do përfitojnë nga çdo mundësi qe do iu jepet për te realizuar takime. Me financat do merreni me seriozisht dhe gjendja do mbetet e njëjtë.

    Peshorja
    Dite mjaft e trazuar kjo e sotmja për te gjithë te dashuruarit. Do keni aq shume zënka saqë ne një moment do mendoni te qëndroni për pak kohe larg njeri-tjetrit. Beqaret nuk do e dine as vete se çfarë do duan kështu qe me mire te qëndrojnë ashtu si janë. Ne planin financiar duhet te tregoheni sa me te organizuar sepse përndryshe do ju dalin vështirësi.

    Akrepi

    Do mërziteni shume sot ju qe jeni ne një lidhje sepse partneri do ua vere ne dukje te gjitha te metat. Pranojeni te vërteten sepse asnjë nuk është perfekt. Beqaret do fillojnë dashuriçka afatshkurtra, por mjaft emocionuese. Financat do jene me te mira se gjithë këto kohe, kështu qe mund te përfitoni te kryeni edhe ndonjë investim me tepër se zakonisht.

    Shigjetari

    Sot do keni te drejte te bëni atë qe ndjeni ne jetën tuaj ne çift. Çdo çast do jete i mrekullueshëm dhe plot ngjyra. Nëse jeni ende beqare, disa miq do ju gjejnë persona te përshtatshëm. Mos refuzoni t’i njihni ata sepse asnjëherë nuk i dihet. Gjendja e te ardhurave do jete delikate. Shmangni çdo lloj shpenzimi dhe çdo lloj transaksioni tjetër.

    Bricjapi

    Do kaloni një dite mjaft te vështirë sot ju te dashuruarit, por duke qëndruar pranë njeri-tjetrit dhe duke u mbështetur për gjithçka do arrini t’i zgjidhni problemet pa shkaktuar dëme serioze. Beqaret do kenë një dite shume normale dhe pa ndonjë takim mbresëlënës. Financat do jene te kënaqshme për pjesën me te madhe, nuk do keni për çfarë te qaheni.

    Ujori

    Priten çaste te mrekullueshme gjate kësaj dite për juve qe jeni ne një lidhje. Çdo gjë do ece ashtu si e kishit ëndërruar dhe programuar. Beqaret nuk duhet te rrezikojnë shume për te bere për vete një person sepse ka gjasa te dalin te humbur. Ne planin financiar mos u tregoni ëndërrimtare dhe te shpenzoni kuturu sepse do keni goxha vështirësi.

    Peshqit

    Mbajeni ne pëllëmbe te dorës partnerin tuaj sot sepse shume persona ja kane hedhur syte dhe mund t’ua marrin nëse nuk kujdeseni. Beqaret do kenë gjithë kohës takime, por asnjeri nuk do ua mbushe aq shume mendjen sa për te filluar një lidhje. Financat do i menaxhoni me shume kujdes dhe maturi prandaj gjendja do mbetet e njëjtë.

  • Sekreti i rënies nga pesha, kur duhet të hani mëngjesin dhe darkën

    Sekreti i rënies nga pesha, kur duhet të hani mëngjesin dhe darkën

    Ushqyerja është një aspekt shumë i rëndësishëm i shëndetit të organizmit. Krahas saj, koha e ushqyerjes është po aq e rëndësishme, thonë ekspertët.

    Një studim i publikuar në revistën Nutritional Science, këshillon se ushqyerja në bazë të kohës mund t’ju vijë në ndihmë për të humbur kilogramët e tepërt.

    Ushqyerja në bazë të orareve

    Kjo metodë ka të bëjë me konsumin e ushqimit në orare të caktuara gjatë ditës.

    Në studimin e lartpërmendur, pjesëmarrësit u ndanë në dy grupe.

    Grupi i parë konsumonte mëngjesin 60-90 minuta më vonë se zakonisht dhe darkën 60-90 minuta më herët.

    Grupi i dytë iu përmbajt rutinës së përditshme të ushqyerjes.

    Në fund të studimit, ekspertët zbuluan se grupi i parë kishte humbur më tepër kilogramë dhe kishte reduktuar sasinë ditore të kalorive.

    Për më tepër, ky grup kishte reduktuar edhe faktorët  e rrezikut të shëndetit siç është kolesteroli i lartë.

    Falë këtyre rezultateve, ekspertët thanë se ushqyerja e kufizuar në bazë të kohës ishte shumë efikase në humbjen e masës dhjamore.

    A duhet të jetë fleksibile ushqyerja

    Pjesëmarrësit në studim e patën të vështirë t’i përmbaheshin orareve kufizuese të ushqyerjes.

    Këto orare herë pas here ndërhynin me angazhimet e ndryshme shoqërore dhe familjare.

    Megjithatë, 43 përqind e tyre thanë se do të vazhdonin me këtë regjim nëse oraret do të ishin më fleksibël.

    Nisni të largoni pak e nga pak orarin e mëngjesit dhe të afroni nga pak orarin e darkës deri sa të arrini ta afroni me 60-90 minuta.

    Një qasje më e lehtë është kombinimi i regjimit me orare të kufizuara me regjimin e kufizimit të ushqimit.

    Ky i fundit mund të aplikohet në mënyra të ndryshme.

    Disa të tjerë thonë se njeriu mund të zgjedhë të kufizojë sasitë e kalorive për 500-600 kalori për dy herë në javë.

    Një metodë tjetër është mosngrënia për 16 orë në ditë.

    Por le të kthehemi tek ushqyerja me orare të kufizuara.

    Sipas ekspertëve, kjo teknikë mund të reduktojë masën dhjamore, kolesterolin dhe glukozën në gjak

    Njerëzit që i përmbahen këtij regjimi ndihen më pak të uritur dhe hanë më pak.

    Regjime të tilla, luftojnë obezitetin dhe të përmirësojnë cilësinë e jetës.

  • Bashkimi Evropian kundër Google

    Bashkimi Evropian kundër Google

    Më shumë se 20 organizata evropiane kanë bërë thirrje që Bashkimi Evropian të ndërmarrë masa të shpejta kundër Google, duke kërkuar vendosjen e gjobave për shkelje të Aktit për Tregjet Digjitale (DMA).

    Ata paralajmërojnë se zvarritja e hetimit mund të ketë pasoja serioze për mediat dhe kompanitë evropiane, madje duke i çuar disa prej tyre drejt falimentimit.

    Në një letër drejtuar zyrtarëve të BE-së, organizatat theksojnë se është thelbësore të merret një vendim sa më shpejt dhe të ndalet dominimi i kompanive të mëdha teknologjike.

    Sipas tyre, praktikat e Google po dëmtojnë konkurrencën dhe po ulin mundësitë e zhvillimit për bizneset evropiane. Ata kërkojnë që të merret një vendim formal për mosrespektim të rregullave dhe të vendosen masa ndëshkuese, përfshirë gjoba të konsiderueshme.

    Nga ana tjetër, Google pretendon se ka bërë ndryshime për t’u përputhur me kërkesat e DMA-së, por kritikët thonë se këto ndryshime nuk janë të mjaftueshme.

    Ligji DMA synon të kufizojë fuqinë e kompanive të mëdha teknologjike dhe të sigurojë konkurrencë më të drejtë në tregun digjital të BE-së.

  • Horoskopi ditor për sot, befasi dhe surpriza nga yjet

    Horoskopi ditor për sot, befasi dhe surpriza nga yjet

    Dashi
    Të lindurit e kësaj shenje do të kthejnë faqe lidhur me marrëdhëniet e rëndësishme. Edhe nëse ndryshimet do të ngjallin reagime, ndjesia e parë do të jetë vendimtare. Tregohuni të kujdesshëm edhe për nevojat e të tjerëve dhe jo vetëm për ato tuajat.

    Demi
    Të lindurit e kësaj shenje nuk do të jenë në gjendje që të ndryshojnë drastikisht rrjedhën e jetës së tyre, por do të ndryshojnë disa nuanca të saj. Ky është një moment i mirë për të provuar me produkte kozmetike dhe trajtime të reja.

    Binjakët
    Binjakët nuk duhet të druhen për të treguar oreksin e tyre lidhur me dashurinë apo aventurat krijuese. Ndoshta nuk do të merrni gjithçka që keni kërkuar, por rezultati me siguri që do të jetë shumë më shumë nga sa keni pritur. Dita është e mirë për të organizuar një festë me muzikë dhe me njerëz të dashur që do të bëhen pjesë e saj.

    Gaforrja
    Një sërë ndryshimesh në jetën e të lindurve të kësaj shenje do të fillojnë, shoqëruar edhe me punën me veten dhe ndryshimet në mjedisin e zakonshëm. Vështirë të merrni vlerësim, nëse do të përsërisni veten tuaj me bindjen se jeni një person i respektuar.

    Luani
    Të lindurit e kësaj shenje nuk duhet të qëndrojnë të izoluar, pasi në të kundërt nuk do të jetë askush që të vlerësojë aftësitë apo potencialin e tyre krijues. Është koha kur luanët duhet të gëzojnë një jetë publike dhe kur duhet të bashkëpunojnë me njerëz me ndikim.

    Virgjëresha
    Të lindurit e kësaj shenje do të ndihen të lirë. Mund të ndodhë që të bëjnë blerje të paplanifikuara dhe ekstravagante nën ndikimin e modës, me dëshirën e mirë për të qëndruar me trendet aktuale.

    Peshorja
    Të lindurit e kësaj shenje kanë plotësisht të drejtë për të filluar jetën e tyre. Vetëm mbani parasysh, çdo ndryshim duhet të nisë nga vetja. Ndoshta është koha për të ndryshuar qëndrimin tuaj në lidhje me marrëdhëniet e vjetra të partneritetit, për të përmirësuar raportet tuaja dhe për të gjetur një mënyrë efikase për tu vetëshprehur.

    Akrepi
    Kjo është një ditë e mirë për të punuar me veten. Ndoshta mund të keni nevojë të tërhiqeni nga daljet publike dhe të kaloni një periudhë qetësie për të arritur rezultatin që dëshironi më pas. Është e dobishme që të dilni para pasqyrës dhe të bëni ato ushtrime që do të përmirësonin veten tuaj.

    Shigjetari
    Rrethanat e ditës janë të favorshme për takime të rëndësishme dhe ngjarje në ekip. Mos u stepni nga afrime të pazakonta apo takime me miq dhe shokë. Ndikimi i një personi të rëndësishëm do të shtojë vetëbesimin tuaj.

    Bricjapi
    Suksesi i bricjapëve do të varet nga zgjidhja e duhur. Ju mund të jeni mjaftueshëm të guximshëm për të arritur një qëllim të madh. Mundohuni të zgjidhni prioritetet tuaja dhe krijoni kontakte me persona të dobishëm. Nëse do të vini bast mbi një alternativë të gabuar, të jeni të sigurt se do të thelloheni në atë drejtim.

    Ujori
    Kjo është një ditë e mrekullueshme e cila hap rrugë të reja për të ardhmen e ujorëve. Megjithatë një pasuri e ndërlikuar vështirë që të arrihet. Ju duhet të punoni shumë më tepër, për të arritur mundësitë e dëshiruara.

    Peshqit
    5 tetori do të jetë i mbushur me emocione të forta, por edhe me stres, duke i përjetuar të gjitha ngjyrimet e mundshme. Ngjarje të papritura, si risitë apo ndikimi i njerëzve, do të ndryshojnë në mënyrë drastike rrjedhën e gjërave në favorin tuaj.

  • Tufa dronësh ukrainas kanë goditur objektivat strategjike në Rusi

    Tufa dronësh ukrainas kanë goditur objektivat strategjike në Rusi

    Ukraina kreu një sulm tjetër të madh ndaj Rusisë duke përdorur tufë dronësh vetëvrasës.

    Ky sulm vjen në një kohë kur tensionet mes dy vendeve vazhdojnë të jenë të larta, dhe tregon një përdorim gjithnjë e më të sofistikuar të teknologjisë dronëve në konfliktin aktual.

    Disa objektiva të rëndësishëm u goditën, me fokus të veçantë në rajonin e Krasnodar Krai në jug të Rusisë.

    Një dron ukrainas u pengua nga pajisjet ruse të ndërhyrjes elektronike mbi këtë rajon dhe, pasi devijoi nga kursi i tij, përfundoi duke goditur një ndërtesë banimi. Fatkeqësisht, incidenti shkaktoi frikë dhe panik midis banorëve vendas.

    Një grup rusësh u filmua duke u përpjekur të largohen nga flakët dhe kaos i krijuar nga goditja e dronit.

    Ngjarja nënvizon rrezikun e vazhdueshëm për civilët në zonat e prekura dhe intensitetin e përdorimit të dronëve në luftëra moderne.

    Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale. /Telegrafi

  • Bakllava, kjo është receta që bashkon traditën me modernen

    Bakllava, kjo është receta që bashkon traditën me modernen

    Kombinimi ideal i krokantes, aromës së arrave dhe finesës së çokollatës për një ëmbëlsirë festive të paharrueshme

    Bakllavaja është sinonim i festave, por kur asaj i shtohet çokollata dhe një kombinim i zgjuar i lajthisë dhe arrës, ajo shndërrohet në një ëmbëlsirë më të pasur, më të balancuar dhe më moderne.

    Kjo recetë ruan shpirtin tradicional, duke sjellë njëkohësisht një dimension të ri shijeje që i përshtatet çdo tryeze festive.

    Bakllavaja me çokollatë, lajthi dhe arra është një version i përkryer i ëmbëlsirës tradicionale, ku shijet klasike dhe moderne bashkohen në harmoni të plotë. Ajo është zgjedhja ideale për festat e Bajramit dhe për çdo rast kur dëshironi të ofroni diçka ndryshe, por njëkohësisht familjare, transmeton Telegrafi.

    Përbërësit

    Për petët:

    • 500 g kore për bakllava
    • 200–250 g gjalpë i shkrirë

    Për mbushjen

    • 200 g lajthi të bluara
    • 150 g arra të bluara
    • 100 g çokollatë (qumështi ose për gatim; sipas dëshirës edhe çokollatë e zezë)
    • 2 lugë kakao pluhur
    • 2 lugë sheqer
    • 1 lugë çaji vanilje

    Kombinimi lajthi + arra krijon ekuilibrin perfekt mes aromës dhe strukturës.

    Për sherbetin:

    • 250 g sheqer
    • 250 ml ujë
    • 1 lugë gjelle mjaltë
    • 1 lugë çaji kakao (opsionale)
    • 1 lugë gjelle lëng limoni

    Përgatitja hap pas hapi

    1. Përgatitja e mbushjes

    Në një enë përzieni lajthitë dhe arrat me kakaon, sheqerin dhe vaniljen.
    Shtoni në fund copëzat e çokollatës dhe përziejini lehtë.

    Mbushja duhet të jetë aromatike dhe jo shumë e imët.

    2. Shtresimi

    • Lyeni tepsinë me gjalpë
    • Vendosni 3–4 petë dhe lyeni secilën me gjalpë
    • Shtoni një shtresë të hollë të mbushjes
    • Vazhdoni njësoj deri në fund
    • Përfundoni me 3–4 petë sipër

    Priteni në rombe ose katrorë para pjekjes.

    3. Pjekja

    Piqeni në 170°C për 45–60 minuta, derisa të marrë ngjyrë të artë dhe të bëhet krokante.

    4. Përgatitja e sherbetit

    Zieni ujin dhe sheqerin për rreth 10 minuta.
    Shtoni mjaltin dhe kakaon (nëse e përdorni), përziejini dhe në fund shtoni lëngun e limonit.

    Sherbeti duhet të jetë pak më i trashë se ai klasik.

    5. Kombinimi final

    Menjëherë pasi bakllava të dalë nga furra, hidhni mbi të sherbetin e nxehtë.

    Lëreni të pushojë 6–8 orë (ideal gjatë natës) që të përthithë shijet.

    Këshilla për rezultat perfekt

    • Përdorni kombinimin lajthi + arra për shije më të pasur
    • Nëse përdorni çokollatë qumështi, ulni pak sheqerin
    • Për shije më intensive përdorni çokollatë të zezë
    • Mos e teproni me sherbet që të ruhet krokantja

    Sugjerim servirjeje

    Kjo bakllavë shoqërohet në mënyrë perfekte me:

    • kafe të zezë
    • çaj

    Për dekor:

    • lajthi ose arra të grimcuara
    • pak çokollatë të shkrirë sipër

     

  • Menopauza mund të shkaktojë depresion

    Menopauza mund të shkaktojë depresion

    Ndryshimet e mëdha në jetë mund të sjellin depresion, si p.sh. largimi i fëmijëve nga shtëpia, divorci, etj. rreth kohës së menopauzës.  Studimet kanë sugjeruar se një qëndrim negativ ndaj menopauzës ka më shumë gjasa të përkeqësojë simptomat. Prandaj, është e rëndësishme të ruani një qëndrim pozitiv ndaj jetës gjatë kësaj faze të jetës, përcjell Klankosova.tv

    Si të kuptoni nëse është depresion

    Është e rëndësishme të bëhet dallimi midis ndjenjës së stresit ose ndryshimit të humorit dhe depresionit klinik.

    Depresioni i madh është një gjendje që ndodh për shkak të çekuilibrit kimik në tru, karakterizohet nga një humor depresiv shumicën e kohës dhe një humbje e interesit për aktivitetet dhe marrëdhëniet normale. Luhatja e hormoneve gjatë menopauzës mund të shoqërohet me këtë çekuilibër.

    Shenjat e Depresionit të madh

    Nëse keni përjetuar disa nga këto shenja dhe simptoma çdo ditë për të paktën dy javë, mund të jeni duke përjetuar depresion klinik:

    * Pak interes për të bërë ndonjë aktivitet

    * Ndjenja e mungesës së shpresës ose ndjenja e dobësisë gjatë gjithë kohës

    * Pagjumësi

    * Përqendrimi i dëmtuar, pavendosmëria

    * Shqetësimi

    * Mendime të përsëritura për vdekje ose vetëvrasje

    * Ndryshime në oreks

    * Ndjenja e të qenit një dështim

    Nëse keni ndonjë nga këto simptoma dhe dyshoni se mund të jeni në depresion, duhet të konsultoheni menjëherë me një mjek.

  • Hailey Bieber mahnit me stilin e saj – një trend i ri po merr hov

    Hailey Bieber mahnit me stilin e saj – një trend i ri po merr hov

    Hailey Bieber së fundmi mori pjesë në festën tradicionale pas ndarjes së çmimeve Oscar dhe i mahniti të pranishmit me stilin e saj të rafinuar dhe plot vetëbesim

    Ceremonia e Oscar-it ka përfunduar, por jo edhe kritikat dhe analizat e modës. Në rrjetet sociale vazhdojnë komentet për paraqitjet më të spikatura, ndërsa kësaj radhe vëmendja është përqendruar te një nga emrat më të kërkuar në industrinë e modës – Hailey Bieber.

    Hailey mori pjesë në festën prestigjioze të revistës “Vanity Fair”, e cila tradicionalisht organizohet çdo vit pas Oscar-it dhe konsiderohet si një nga ngjarjet më ekskluzive të natës. Për këtë rast, ajo zgjodhi të shfaqë një elegancë sensuale dhe moderne që nuk kaloi pa u vënë re.

    Konkretisht, ajo veshi një fustan të markës Armani, i cili përqafon linjat e trupit dhe thekson në mënyrë perfekte siluetën e saj. Dizajni i ngushtë, materiali luksoz dhe prerja elegante krijojnë një pamje të sofistikuar, ndërsa shpina e hapur i shton kombinimit një dozë tërheqëse dhe glamuri bashkëkohor, transmeton Telegrafi.

    Përveç kësaj, detaji që tërhoqi vëmendjen ishte printi leopard, një motiv klasik që rikthehet fuqishëm këtë sezon dhe po dominon koleksionet e shtëpive më të mëdha të modës. Me këtë zgjedhje, Hailey duket se konfirmon një nga trendet më të forta të momentit.

    Ajo e kompletoi paraqitjen me grim në tonet “nude”, duke theksuar bukurinë natyrale, një model flokësh të thjeshtë dhe të rregullt, si dhe bizhuteri diskrete që i dhanë pamjes një balancë perfekte mes elegancës dhe minimalizmit.

  • Leao drejt largimit, Milani gjen zëvendësuesin e tij në Bundesliga

    Leao drejt largimit, Milani gjen zëvendësuesin e tij në Bundesliga

    Forma jo e qëndrueshme dhe tensionet brenda skuadrës kanë vënë në pikëpyetje të ardhmen e Rafael Leão te AC Milan.

    Sulmuesi portugez, i konsideruar si një nga yjet kryesorë të skuadrës, nuk ka arritur të përmbushë pritshmëritë këtë sezon, sidomos pas ndryshimeve taktike nga trajneri Massimiliano Allegri, i cili e ka aktivizuar në një rol më pak të natyrshëm për të.

    Situata u tensionua edhe më shumë në humbjen 1-0 ndaj Lazio, ku Leão pati një paraqitje të dobët dhe u zëvendësua në minutën e 67-të. Reagimi i tij pas zëvendësimit, duke dalë nga fusha me ngadalësi dhe duke refuzuar të përshëndesë trajnerin – ka shtuar spekulimet për një largim të mundshëm.

    Sipas “La Gazzetta dello Sport”, Milani është i gatshëm të dëgjojë oferta për 26-vjeçarin në muajt e ardhshëm. Edhe pse klauzola e tij e lirimit është 170 milionë euro, një marrëveshje mund të arrihet për një shumë më të ulët përmes negociatave.

    Ndërkohë, “Rossonerët” kanë nisur kërkimet për një zëvendësues të mundshëm dhe një nga emrat që po konsiderohet është Antonio Nusa i RB Leipzig.

    20-vjeçari norvegjez ka treguar potencial të madh këtë sezon, duke regjistruar 3 gola dhe 3 asistime në 27 paraqitje zyrtare. Ai konsiderohet një profil i ngjashëm me Leãon për shkak të aftësive në driblim dhe shpejtësisë.

    Vlera e tij në treg vlerësohet rreth 35 milionë euro, ndërsa Leipzig e kishte transferuar nga Club Brugge në vitin 2024 për 21 milionë euro.