Rob Harvey nga Irlanda do të ndajë drejtësinë në ndeshjen Drita – Omonia

UEFA ka caktuar gjyqtarin kryesor dhe asistentët e tij për ndeshjen mes Dritës dhe klubit nga Qipro, Omonia.

Gjyqtari kryesor do të jetë Rob Harvey nga Irlanda ndërsa asistentë janë Robert Clarke dhe Wayne McDonnell po ashtu nga Irlanda.

Në VAR do të jetë skocezi Kevin Clancy.

Ndeshja mes Dritës dhe Omonia luhet të enjten me fillim nga ora 18:45 në stadiumin ‘Fadil Vokrri’ në Prishtinë, në kuadër të xhiros së dytë të fazës së ligës së Conference League.

Në xhiron e parë Drita barazoi me KuPS – kurse Omonia humbi nga Mainz. /ATVLIVE.TV